Post Tagged with: "多樂貓"

 多樂貓出生日蛋糕     東京Tokyu Hands期間限定
by / on 24/04/2015 at 7:16 am

 多樂貓出生日蛋糕 東京Tokyu Hands期間限定

5月6日係Sony多樂貓嘅生日,今年官方搵多啲人一齊同多樂貓慶祝,由4月29日至5月10日會同東京池袋Tokyu Hands合作,喺1樓嘅餅店Patisserie Swallowtail推出幾款多樂貓蛋糕,最得意肯定係大大個多樂貓頭嗰款,賣750円,現場仲有四款杯墊送,頭300個買蛋糕會送埋多樂貓企喺Tokyu Hands前嘅貼紙。想見本尊可以喺生日前夕同生日當日(5月5日至6日)去現場,到時多樂貓會分時段同人類影相,喂,生日都要開工,慘啲喎。

Read more ›

多樂貓15歲 特別版PS Vita/Vita TV今個月發售
by / on 03/12/2014 at 3:12 pm

多樂貓15歲 特別版PS Vita/Vita TV今個月發售

聖誕禮物呀!買聖誕禮物好難諗呀!如果你有個女朋友有興趣打吓機,又鍾意貓嘅話,可以考慮吓呢部PS Vita。多樂貓今年15歲,將會喺12月19日推出特別版PS Vita主機同埋Vita TV,部PS Vita全白色有貓樣真係幾可愛,而且個包裝盒都好靚,前者賣21,980円,後者11,480円「嘩!好得意呀!」高八度。

Read more ›
賀PS 20周年 多樂貓15歲大結合變機械人!?
by / on 18/11/2014 at 4:31 pm

賀PS 20周年 多樂貓15歲大結合變機械人!?

其實冇咩冇可能嘅,之前《多啦A夢》、迪士尼一眾人物都可以玩大結合變機械人出產品咯……不過今次就未商品化,暫時只得設定圖睇啫,而且只係靠多樂同黑樂貓都唔成事,所以就連佢哋嘅舊拍檔都要出埋,記唔記得初出道嗰陣,仲有啲機械人嗰啲?認唔認得邊個部份?我淨係見到對腳係機械人變……

Read more ›
【PlayStation遊樂園】「PS4《FIFA 14》球王盃」報名    430吋巨幕打FIFA
by / on 17/06/2014 at 7:01 am

【PlayStation遊樂園】「PS4《FIFA 14》球王盃」報名 430吋巨幕打FIFA

全城都睇世界盃,PS4都搞咗個「PS4《FIFA 14》球王盃」,等大家睇波之餘可以自己落場踢返轉,6月22日截止報名,有興趣可以入去登記。另外前兩日佢哋仲開咗個「奧海城 x PS4《FIFA 14》「開波」派對」,搵咗胡鴻鈞同埋孫慧雪(阿雪)喺430吋巨幕同現場觀眾對戰PS4《FIFA 14》,430吋,玩落會唔會頭暈?嚟緊奧海城都會keep住有波睇有FIFA打,女仔落到去可以同1.8米高嘅多樂貓影相,多樂貓著咗球衣,個樣好醒目!

Read more ›
【PlayStation遊樂園】半價買PS Vita TV / FIFA世界盃版明日下載
by / on 21/04/2014 at 2:24 pm

【PlayStation遊樂園】半價買PS Vita TV / FIFA世界盃版明日下載

PS Vita TV出咗一排,終於宣佈5月份會出更新,可以同PS4連動Remote Play。香港呢邊宣佈推出半價優惠,買部PS4可以半價買多部PS Vita TV,$399買多部機,都算幾抵。另外PS3專為世界盃而推出嘅《EA SPORTS™ 2014 FIFA World Cup Brazil™冠軍版》聽日開始香港PS Store有得下載。最後就係PlayStation嚟緊會喺奧海城搞世界盃活動,有比賽有嘢賣有女睇,最開心係有隻2米高嘅多樂貓坐陣扮足球大使,正!

Read more ›
多樂貓慶祝生日 熊本縣吉祥物踩場!
by / on 07/05/2013 at 5:12 pm

多樂貓慶祝生日 熊本縣吉祥物踩場!

1999喺作品《どこでもいっしょ》誕生嘅多樂貓,噚日(6日)就係呢隻嘢嘅生日,佢仲喺台場搞咗個生日會添。生日會盛況入嚟有得睇,最搞笑嘅係竟然有動物踩場!呢隻動物就係近排好紅嘅熊本縣吉祥物Kumamon!佢仲同多樂貓嚟咗個世紀擁抱添!

Read more ›

多樂貓PS Vita機貼 下年2月推出
by / on 12/12/2012 at 4:05 pm

多樂貓PS Vita機貼 下年2月推出

PS Vita機貼真係多到爆,差唔多出親大Game都跟一張咁濟!反而,Sony吉祥物阿多樂貓好似唔多出喎?呢幾套由DEZAEGG推出嘅機貼就係多樂貓主題喇,有大貓樣同monogram兩款(1,480円),梗係包埋wallpaper你下載啦。另外,同日2月8日都會推出埋iPhone(3,980円)同Android手機機殼(2,980円)加機貼。

Read more ›