Post Tagged with: "多士爐"

超可愛《死侍》多士爐USB    彈出彈入手痕專用
by / on 26/05/2018 at 1:43 pm

超可愛《死侍》多士爐USB 彈出彈入手痕專用

睇完《死侍2》有無鍾意咗深情得嚟又麻鬼煩嘅主角?睇見呢款產品就有啲想買,表面睇係一個多士爐,其實係一隻USB手指,記憶體嘅正面就係印咗DEADPOOL字樣嘅多士,最正係可以撳出撳入,手痕攞嚟玩啱晒。由台灣品牌出品,香港都可以訂,16GB價錢HK$244,買嚟做擺設都開心。

Read more ›

【終極FF】iPhone一百樣可能 變多士爐/碎紙機/啤酒杯
by / on 27/01/2016 at 7:12 am

【終極FF】iPhone一百樣可能 變多士爐/碎紙機/啤酒杯

iPhone用途好廣,不過總有啲你好想佢有但佢仲未有嘅功能,插畫家Anshuman Ghosh就將佢哋畫晒出嚟,例如幻想自己部iPhone可以做多士爐、碎紙機、雪糕機、BBQ爐、洗手液、啤酒杯,每張插畫都好靚,不過全部只屬FF,起碼iPhone仲未可以做到防水。不過我最想見係變成透明嗰款,雖然實用度低,但型喎。

Read more ›
【神奇發明】新片 麵包刀溝埋多士爐 一切即出煙
by / on 06/06/2015 at 2:08 pm

【神奇發明】新片 麵包刀溝埋多士爐 一切即出煙

網上除咗動物多,第二多可能就係發明家,佢哋好鍾意做不同嘅古怪實驗,最近好有求真精神嘅瘋狂發明家YouTuber Colin Furze又有新嘢玩,今次佢發明咗一把專切麵包嘅怪刀,仲有埋多士爐嘅效果,一邊切一邊出晒煙,仲要駁晒電,成把德州電鋸咁,好新奇刺激。睇片見佢一切落塊麵包度就出晒煙,麵包仲即時變燶,把刀肯定超熱。佢仲有另一個玩法,就係將塊麵包打橫放,再搽埋牛油,快過放落多士爐,不過睇落燶咗少少喎。

Read more ›
新片速報    任天堂紅白機變多士爐    駁電視真係玩得
by / on 23/02/2015 at 7:03 am

新片速報 任天堂紅白機變多士爐 駁電視真係玩得

芬蘭藝術家Jarno Kotavuopio 最近設計咗呢部睇得唔食得嘅任天堂紅白機多士爐,中間兩個放多士嘅位置可以放盒遊戲帶入去,旁邊插頭可以駁輸出線連接電視,將盒帶放入去之後,拉一拉旁嘅掣,就好似平時烘多士咁,就可以開機打!爐入面仲會有紅光,似足真嘅多士爐。機主仲好慷慨,自己畫埋隻手掣跟機送比人,唔知遲啲會唔會量產呢?

Read more ›
新片速報 多士爐當手掣 駁PC玩《DOOM》
by / on 12/01/2015 at 2:49 pm

新片速報 多士爐當手掣 駁PC玩《DOOM》

其實我有啲好奇,o依家仲有幾多人屋企有呢啲多士爐?我細個都成日彈個掣,幾好玩。不過有冇都好,你都估唔到亦都諗唔明點解要咁做,就係將呢啲多士爐可以當做手掣玩PC Game,呢條片由「Vexel」拍,佢好認真咁示範,仲玩《DOOM》俾你睇,仲話3個步驟就搞掂,支援任何多士多,你話係咪真?

Read more ›
黑武士多士爐型到震    7月到貨
by / on 30/03/2014 at 10:39 am

黑武士多士爐型到震 7月到貨

晨早起身有多士食係好幸福嘅事,如果係黑武士整比你食就更有型。呢款多士爐本身已經係大大個嘅黑武士頭,印出嚟嘅多士唔止有黑武士頭像,仲有Star Wars嘅logo,唔知係咪用原力整成呢兩面dark side?不過fans可能會唔捨得食。網上有得賣,開價港幣$400左右,7月到貨。可惜暫時只得黑武士一款,我想要尤達大師呀!

Read more ›

Domo君出山口式   睇電視食飯一個表情
by / on 07/12/2013 at 10:45 am

Domo君出山口式 睇電視食飯一個表情

個嘴永遠合唔埋嘅NHK吉祥物Domo君(どーもくん),繼推出多士爐後,最近終於出埋山口式玩具,呢隻No.141作品,全身有12個位置可以郁動,高100mm,睇相見倒好有潛力,可以做出發惡、瞓覺、喊等多種表情動作,有四對眼自由替換,不過無論發惡定喊,都係口擘擘。最正係配埋電視、咪、飯、筷子之類嘅配件,大把嘢玩!下年4月15日發售,開價3869円,amazon賣3553円,梗係等香港返貨啦。

Read more ›
多士爐叉電器   專叉iPhone
by / on 20/11/2013 at 8:20 am

多士爐叉電器 專叉iPhone

叉電器見得多,呢個專為廚房而設嘅多士爐叉電器Foaster,得意得嚟又幾實用。十足多士爐咁有兩個窿位,可以同時叉兩部電話,將部手機插入去就用得,不過只限iPhone5、5C同5S,好自私。我欣賞佢唔叫iToaster,加咗少少分。另外佢可以單手完成整個充電動作,有乜用?型囉。Kickstarter集資中,美金$79有交易。

Read more ›
PS2改裝變多士爐    彈多士變彈game碟
by / on 06/08/2013 at 7:18 am

PS2改裝變多士爐 彈多士變彈game碟

打定底,呢部多士爐,吖唔係,PS2我都係第一次見,雖然而家大家都係等緊PS4,雖然要我玩,我都係會揀玩PS3。呢部多士爐由外國機迷Merinda改裝而成,佢好有閒情地將部PS2嘅外殼拆走,然後再喺夜冷店搵倒一部呎吋啱啱好嘅多士爐,再將兩樣嘢二合為一,以後彈多士變彈碟,好趣。不過整得咁似,如果有人唔知道塞塊花生醬麵包落去,咁部PS2就‥‥‥

Read more ›
Domo君多士爐 燶燶哋勁得意
by / on 19/11/2012 at 7:39 am

Domo君多士爐 燶燶哋勁得意

朝頭早唔想起身返工係人之常情,尤其係星期一早上!唔想好似喪屍咁餓住過肚返工,除非有呢個咁得意嘅Domo君多士爐陪我啦!Domo君嘅特點係個嘴合唔埋,由佢出產同食有關嘅產品真係襯到絕!呢個多士爐喺Amazon有得賣,價錢美金$39.99,唔單止外形係Domo君,烘出嚟嘅多士都係Domo君個樣,仲要四四方方,真係得意到唔捨得食落肚!不過睇落要烘得幾燶吓先有咁嘅效果,唔知會唔會增加致癌風險呢?

Read more ›