Tag: 多利

九港漫人力作《童年同學》 7月15日動漫基地首賣

九港漫人力作《童年同學》 7月15日動漫基地首賣

好得很,繼《同年同閱》同《同年同樂》後,今年呢班港漫有心人繼續推出《童年同學》,我哋好應該畀啲掌聲何同學、卓翹、Gary Chan、神奈未來、肥佬W號、Adam Pun、周小某、方新俠同多利,啪啪啪啪啪……顧名思義,此書主題圍繞你我生命中必曾擁有過嘅同學仔Or同學女,依家出社會打滾,爾虞我詐,搵食艱難,有幾多同學仔至今仍然係你老死?有幾多同學女成為你女友Or老婆?情懷呀,呢本書應該畀到你……我估。另,《童年同學》7月15日喺動漫基地首賣,屆時有埋懷舊遊戲同簽名會,買書多一個節目,又係好事啫。

Read more ›

多利開班授徒 學畫萌系漫畫

相信大家都領教過多利嘅漫畫,走萌系路線好重日本風,啱睇呀呵?想跟佢學畫的話,可以參加佢主導嘅「初階插畫研習班」,貴精不貴多,Total四堂限收8個學員,學費$1,500亦唔算貴,登幾幅佢嘅畫作畀大家過吓目,有興趣請速速報名,報導完畢。

Read more ›

《漫道BATTLE》創刊 好過《漫道週刊》N倍

老實,之前本《漫道週刊》,我撐唔夠十期已經頂唔住,編排太混亂,又讀者擂台故事又不定期連載,睇得我相當辛苦;家陣《漫道BATTLE》咁咪好囉,同樣係綜合漫畫,今次卻懂得去蕪存青,幾個大故事都由強手主理兼有番咁上下篇幅,少減啲無無謂謂嘅專欄,連錯別字都少咗,呢$22抵畀。

Read more ›
《漫道Battle》3月27日創刊 強手加盟

《漫道Battle》3月27日創刊 強手加盟

呢鋪真係唔知乜嘢葫蘆賣乜嘢藥,摺埋《漫道週刊》,咁喺嚟緊3月27日創刊嘅《漫道Battle》係乜?兩者都係紙媒實體書,兩者都係綜會漫畫雜誌?點解要摺埋一本又重新創作一本呢?點都好,從面書專頁得知,《漫道Battle》屬雙週刊,售$22,全書厚120頁,內有林祥焜《叮噹》、梁瑋豪《爆裂戰隊》、多利《漫道初心Battle》、貓十字《月花約》、肖宇新《追逐》上、喬靖夫x曹志豪《香港關機》等作品連載。睇Cast,一啲都唔削,睇封面,幾型仔,我就撐硬架喇,希望大家多多支持港漫喇。

Read more ›

網圖分享:筆伐表態 港漫人的心聲(七)

誰說太陽底下無新事?鑊鑊新鮮鑊甘至真,每朝訓醒睇面書,都總有嘢令我O晒嘴。威咯,呢鋪真係光宗耀祖咯,圍《生果日報》已經夠薑,今劑玩到連記者都打添,如此打壓新聞自由,邊個係暴徒,邊個收咗錢做嘢,邊個有心令香港亂上加亂,我諗都唔使再解釋嘞啩,沉默的大多數,呢劑又點睇呀?無眼睇呀,睇吓港漫人的心聲喇──

Read more ›

網圖分享:表態筆伐,港漫人的心聲(六)

巴閉咯,玩到出甚麼臨時禁制令意圖趕走示威者,可惜吖,新鮮滾熱辣,就上周之嘛,《生果日報》俾大媽圍堵,大媽為咗收水一樣對禁制令視若無睹,而警察呢,仲厲害,竟然夠膽死爆一句:「我可以唔接。」咁你話嘞,呢個甚麼禁制係咪形同廢紙?如此雙重標準想叫人走?斷估無人服啩?港漫人都唔服,繼續作畫筆伐,唔阻大家睇畫,去片──

Read more ›