一場武漢肺炎引發全球災難，喺隔離抗疫期間，超級英雄可以做啲咩？外國插畫師John Euclid Templonuevo就設計咗好多插畫喺網上分享，例如識飛嘅Iron Man就幫手消毒吓個城市、閃電俠就去送外賣、雷神就狂做gym減肥，入嚟有得慢慢睇輕鬆吓。

近排成日叫外賣，見到個名嘅配色，有冇諗起Uber Eat，不過呢個叫「Vber Macho」。試諗吓，如果每次送外賣嚟你門口嘅都係一班肌肉男會點？唔好意思，前設係先試諗吓你係好鍾意肌肉或者好鍾意男人。喺日本名古屋，就因為一間壽司店嘅老闆同時有搞健身室，於是就創立咗呢個服務喇！  

對於成日買壽司返屋企食嘅人嚟講，呢個發明簡直係激盪人心！有經驗嘅都試過，豉油得一包，但個透明蓋無限大，唧咗嘅豉油散滿一碟，好唔見駛。日本有超市用咗呢個新蓋，有個正方格仔專放豉油，網民放上Twitter後激讚，仲吸引好多人RT。唔知香港幾時有呢？ (更新，有讀者話原來爭鮮已有。)

呢個Prank過癮呀，試想像你係Pizza仔，收Order送貨到大宅，屋主應門，眼前係個性感辣妹，吹兩句水，辣妹上房攞錢，獨留你一人。正心諗有靚女睇之際，忽然發覺凳自己搖咗兩搖、無風跌書，氣氛極不尋常，跟住座地畫忽然跳出厲鬼兼大聲鬼叫，你會唔會驚到走夾唔抖？嚇到成盒Pizza跌落地實屬正常，無被嚇到四腳朝天，已經算非常好嘢。

呢個匈牙利麥當勞嘅新外賣紙袋幾實用，下面有個紙條位，撕開之後就可以將紙袋解體，拎走上半部，下半部就變成一個托盤可以裝住啲食物，最啱喺公園都朋友一齊gathering嘅時候用。比著係我，就會將啲薯條倒晒出嚟，再喺旁邊唧茄汁，唔知香港會唔會出返個？

噚日叫Pizza，戴住個頭盔送嚟嗰位叔叔，你記唔記得咩樣？早幾日叫茶餐廳下午茶，拎上嚟位阿姐又靚唔靚？如果係呢個級數嘅女優Model送上門，印象係咪會深刻啲？日本呢間「Social Capital Research Institute」，最近就同「Platinum Productions」合作推出新服務，叫便當外賣，會有囡囡送上門，不過呢，客人就冇得指名邊位囡囡送嘅……入官網睇番，價錢都唔貴喎，香港有冇得諗呀？

外賣飯盒唔只得餐蛋飯，倫敦名廚Charlie Bingham最近整咗個宇宙最貴嘅外賣飯盒，一盒賣美金$500！有幾巴閉？請睇以下簡介：食物包括英國最靚嘅龍蝦、深海帶子、野生Turbot貴價魚、白色大鱘魚魚子醬、煙燻三文魚、煙燻蠔，配白松露菌拼香檳汁，連面層嘅麵包碎都混合咗24K金，個盒當然都係24K包金，仲要即叫即做，由護衛員親自送上門，睇完我好肚餓，口水流到一地都係，可惜荷包無錢，嗌Pizza Hut都唔夠。

兩年時間，你食咗幾多次KFC，幾多隻巴辣香雞翼？不過呢兩年KFC就發明咗呢個叫KFC Go嘅杯，用嚟裝住一件件雞，呎吋啱啱好可以插喺車入面嘅飲品架，等車主可以一邊揸車一邊食雞，係咪好偉大好細心好感人？一杯賣美金$2.49，不過睇落size好細，當下午茶就差唔多！有齊雞翼、雞件、雞飽同埋我最鐘意嘅薯角，香港會唔會引入呢？