Post Tagged with: "外國"

巨型相機高過你   周街幫人影大頭海報
by / on 11/10/2013 at 7:09 am

巨型相機高過你 周街幫人影大頭海報

鐘意影相嘅你哋,如果見倒一部高過你嘅相機,會唔會發狂衝埋去影相留念?外國藝術家JR租咗架貨車進行名為「Inside Out」嘅活動,幫路過嘅途人影大頭相,再印製出超巨型海報,再同其他人像相拼合埋,放喺公眾地方展示。暫時JR已經印製咗超過10萬張人像海報,犀利!之前佢路經紐約,閒閒哋都吸引咗13,000人參加呢個活功。最近佢去埋倫敦Somerset House,不過聽日就完就要駛走搬竇,諗起佢要將啲海報收起,下一站又再舖出嚟就鄧佢辛苦。

Read more ›

寵物小精靈簡約圖集    耳仔細咗啲?
by / on 20/09/2013 at 6:51 am

寵物小精靈簡約圖集 耳仔細咗啲?

從來無諗過寵物小精靈可以走型格路線。外國設計師Weaponix最近創作咗呢輯「EEVEELUTION」嘅作品,簡約得嚟又幾靚喎。不過有專業粉絲就留言話啡色嗰張Eevee隻耳仔細咗啲,亦都有人問佢會唔會製作海報賣,我就覺得用嚟做Profile相都唔錯。

Read more ›
廁所玩大佢     變身沙灘/ 喪屍竇/ 戰場
by / on 14/09/2013 at 2:17 pm

廁所玩大佢 變身沙灘/ 喪屍竇/ 戰場

廁所有乜好玩?原來除咗辦公,仲有好多新奇刺激嘢可以發掘,例如變沙灘、喪屍竇、地盤、辦公室甚至二次大戰現場。呢對外國攝影師組合Gerben Grotenhuis同Marc Marselje ,有日無無聊無乜job接,決定想將影樓入面嗰兩格廁所玩大佢,仲整咗個網站叫Toilet Diaries不停舖相,所有廁所變晒大大佈景,全部一級製作好認真,推介。唯一擔心係佢哋兩個去邊度解決大小事‥‥‥

Read more ›
神作!咖啡人像畫 2D人像踩入昆明街頭
by / on 03/09/2013 at 10:37 am

神作!咖啡人像畫 2D人像踩入昆明街頭

堅靚!外國藝術家Michael Aaron Williams好鐘意畫人像,不過唔係用電腦軟件或者普通紙筆,而係用咖啡加墨水!為咗襯返咖啡嘅昏黃色調,每幅人像都係喺殘舊嘅紙張上創作,造出好似fade out嘅效果,人物表情豐富,而且立體有層次感,氣氛一流,唔知聞落去有無咖啡香味?佢同時仲設計咗好多街頭藝術相片,將2D紙版人放喺世界唔同角落,再混合3D實景同埋道具,影出嚟嘅相有藝術感得嚟唔難明,足跡遍及大陸昆明、泰國曼谷、埃及等,入嚟有得睇相睇片,真心推介。

Read more ›
超細緻!撒爾達自製figure   道具極多高6吋
by / on 27/08/2013 at 11:51 am

超細緻!撒爾達自製figure 道具極多高6吋

外國玩具迷Donald Kennedy好鐘意自製玩具再放上網賣,仲喺Etsy網站開埋網店KodykoalaToys,最新傑作有呢隻撒爾達機械人,身高6吋,坐喺機械人體內,最正係背部放晒藥水之類嘅道具,超細緻。佢話總共加咗55樣配件上身,難怪價錢都唔平,賣港幣2400左右,係佢歷來賣得最貴嘅玩具,入嚟仲有得睇佢之前整嘅喪屍Wario、黑武士Angry Birds同埋超音鼠,一樣正。

Read more ›
繪畫 + 實景    手指變魔術Instagram開心share
by / on 06/08/2013 at 7:27 am

繪畫 + 實景 手指變魔術Instagram開心share

外國設計師Alex Solis嘅Instagram戶口好多正嘢睇,身兼插畫師嘅佢,鐘意利用繪畫結合實景拍攝,例如手執兩塊品客薯片扮鴨咀,又試過手指郁郁扮玩Fruit Ninja ,間唔中仲會扮忍者龜,每張相都精心設計,好有heart,搞到我都忍唔住follow佢,成為佢嘅小粉絲。

Read more ›

PS2改裝變多士爐    彈多士變彈game碟
by / on 06/08/2013 at 7:18 am

PS2改裝變多士爐 彈多士變彈game碟

打定底,呢部多士爐,吖唔係,PS2我都係第一次見,雖然而家大家都係等緊PS4,雖然要我玩,我都係會揀玩PS3。呢部多士爐由外國機迷Merinda改裝而成,佢好有閒情地將部PS2嘅外殼拆走,然後再喺夜冷店搵倒一部呎吋啱啱好嘅多士爐,再將兩樣嘢二合為一,以後彈多士變彈碟,好趣。不過整得咁似,如果有人唔知道塞塊花生醬麵包落去,咁部PS2就‥‥‥

Read more ›
香口膠神人!過千塊綠箭砌起建築塔
by / on 22/07/2013 at 7:27 am

香口膠神人!過千塊綠箭砌起建築塔

你有無食香口膠嘅習慣,食Extra定Air Wave?我估應該唔會食綠箭啩。法國設計師Jeremy Laffon好厲害,用幾千塊疑似綠箭砌成一座座建築塔,試幻想香口膠嘅質地,相信要叠起佢哋難度係極之高,而且熱啲都分分鐘彎晒腰,除咗建築塔,佢仲用香口膠砌咗好多唔同嘅藝術品,入嚟有得開吓眼界。

Read more ›