Post Tagged with: "外國"

【慈母】外國警車有雀仔築巢 警察唔趕仲送遮
by / on 18/06/2016 at 7:39 am

【慈母】外國警車有雀仔築巢 警察唔趕仲送遮

外國嘅警察經常都做好事,可能因為佢哋係由心出發,唔係話上頭叫乜就做乜。最近喺美國Ohio有架後備警車嘅前窗罅位竟然有雀仔喺度築巢(應該好耐無開過),不過警察無趕佢哋走,反而搵咗把遮幫佢遮風擋雨,之後仲驚佢肚餓掘咗啲蚯蚓俾佢,超有愛心。警方發言人接受訪問時答:「我哋關心每一條生命,包括人類或者動物。」一個字:型。

Read more ›

外國警察變身蜘蛛俠探病童 「You are our Hero!」
by / on 03/06/2016 at 7:13 am

外國警察變身蜘蛛俠探病童 「You are our Hero!」

外國警察經常都有貼心舉動,之前報導過有位警察將自己珍藏嘅比卡超卡轉送咗比小朋友,最近阿爾巴尼亞嘅警察就喺6月1日國際兒童日,cosplay成蜘蛛俠同蝙蝠俠去醫院探訪病童。佢哋出場仲係喺天台游繩落去,好認真。之後派禮物同寫住「You are our Hero!」嘅襟章俾小朋友,又陪佢哋傾計,帶咗好多歡樂同能量俾呢班病童,You are our Hero!

Read more ›
【有片】九龍城寨超高質相集 日本/外國網民重溫舊香港
by / on 24/05/2016 at 7:14 am

【有片】九龍城寨超高質相集 日本/外國網民重溫舊香港

當年嘅九龍城,仲有九龍城寨,飛機會喺天台飛過、士多老闆會養7隻貓、郵差會跨過滿地垃圾去派信。無機會經歷嗰個年代,好彩有兩位外國攝影師Greg Girard同Ian Lambot,花咗5年時間紀錄低入面嘅生活。1994年九龍城寨清拆,眨吓眼22年,當年呢個地方係全球人口最密集嘅地方,地方細細住咗3萬3千人,入面龍蛇混雜。外國媒體Daily Mail最近刊登咗呢輯相,仲有片睇。日本2ch好快有人轉載談論,啲留言都好精警,例如:「比起興建迪士尼,將九龍城寨變成主題公園仲吸引」、「咁樣先似香港喎!」係,我都同意。

Read more ›
【金正恩切洋蔥時間】外國Redditor狂P圖    金仔變肌肉猛男
by / on 20/09/2015 at 4:31 pm

【金正恩切洋蔥時間】外國Redditor狂P圖 金仔變肌肉猛男

又到金正恩時間,有佢就有改圖,最近外國Redditor網友瘋狂玩呢張金正恩被囡囡圍嘅圖,廣告大家一齊P圖,睇相見到張原圖入面金正恩大人被5個女兵圍住,又撟手又喊晒,後面仲有一班吶喊嘅男女兵,網民發揮想像力,幫金正恩換咗個著三角褲嘅肌肉型男,又串佢切洋蔥搞喊晒啲女兵,之後仲將啲女兵key晒做鬼妹,哦!勾結外國勢力!

Read more ›
【人有相似】江華定劉華?外國網都有20大神似圖集
by / on 06/09/2015 at 1:03 pm

【人有相似】江華定劉華?外國網都有20大神似圖集

有時真係咁啱得咁蹺,似到你唔信,就好似江華同劉華、杜德偉同許志安、達哥同蔡思貝咁。外國網站最近搜羅咗大量人有相似嘅相,唔止「人」,仲延伸到物品甚至動物。點解里安納度越嚟越似積尼高遜?麥當娜似青鞋?美國總統選人Donald Trump咁似粟米?仲有狗似麵包、麵包又似樹獺?我都好亂,不過啲相堅好笑。

Read more ›
【潮流嘅嘢】外國潮興「斷眉」look 零成本唔難學
by / on 31/08/2015 at 7:13 am

【潮流嘅嘢】外國潮興「斷眉」look 零成本唔難學

潮流嘅嘢有時都幾難理解,例如大陸呢排興放朵花或條草喺頭頂,之前韓國都興過將啲瀏海鬈成心型,相比之下,呢個外國興完再興嘅斷眉look就比較易接受嘞。將眉尾剃走一截,鍾意剃一間定三間悉隨尊便,最緊要係IG見到一班model同潮人都爭住玩,男女都玩得喎,難怪好快已經有大量人跟。暫時仲未有大媽阿叔玩,應該無咁易崩壞。

Read more ›

新GIF速報    真實版功夫熊貓    打筋斗避子彈
by / on 16/12/2014 at 7:16 am

新GIF速報 真實版功夫熊貓 打筋斗避子彈

《功夫熊貓》我聽過未睇過,動畫嚟o架嘛,不過真熊貓打筋斗避子彈嘅真功夫,睇落仲精彩仲刺激!呢段GIF片由外國reddit網友Majestic_Redditor放上網,吸引好多人留言,我都忍唔住翻睇咗幾次,堅好笑!真心佩服佢嘅後期加工,毫無破綻,不過究竟有啲乜嘢吸引隻熊貓又打筋斗又推跌張枱呢?我望唔透。

Read more ›
索爆Wonder Woman   超級英雄懷舊插畫
by / on 07/12/2014 at 1:15 pm

索爆Wonder Woman 超級英雄懷舊插畫

《The Saturday Evening Post》呢本老牌雜誌喺美國推出接近300年,每期封面都係插畫,好懷舊好有個性。外國插畫家Juan Carlos Ruiz Burgos最近自創咗一系列超級英雄封面,向呢份雜誌同埋為雜誌畫封面接近40年嘅已故插畫師Norman Rockwell 致敬,封面有貓女郎、Wonder Woman、Joker等等角色,喺佢筆下嘅女主角全部靚晒,我都係第一次覺得Super Woman咁索。

Read more ›
藝術家玩藍天白雲     變恐龍鱷魚插畫
by / on 07/09/2014 at 12:32 pm

藝術家玩藍天白雲 變恐龍鱷魚插畫

今朝一起身先知掛緊1號風球,頂住呀,聽日8號放多日就爽喇!不過個天藍藍哋,啲雲郁都唔郁,似乎風都唔多滴,講返正題,外國插畫家Martín Feijoó好好想像力,將平時見倒嘅天空一朵朵雲加入聯想,畫成一幅幅插畫,放喺自己叫「Shaping Clouds」嘅網站入面。原來,個天又恐龍又烏龜又鱷魚呀咁,都幾多嘢睇。佢仲將前後對比放埋一齊,都畫得幾似。

Read more ›
現實總是殘酷的   27個西人靚女前後對比
by / on 18/08/2014 at 7:07 am

現實總是殘酷的 27個西人靚女前後對比

間唔中就有呢啲化妝前後對照相喺網上流傳,今次呢個係西人版,外國女仔眼大大鼻高高,化妝前應該都唔會太驚嚇啩?睇完呢27張相後,我發現呢個世界好多嘢我睇唔透。同埋,女人都係信唔過,世界各地都一樣。

Read more ›
10日垃圾儲起合照    家人情侶鬥污糟
by / on 11/07/2014 at 7:07 am

10日垃圾儲起合照 家人情侶鬥污糟

「你間房污糟到好似垃圾堆填區!」阿媽每次執房都用以上句子招呼我,但我唔覺亂,呢啲叫亂中有序!講返正題,外國攝影師Gregg Segal做咗個企劃,搵嚟一班人或者家庭,將自己10日內嘅垃圾儲起,然後再瞓喺堆垃圾度影相,目的係想透過一輯輯相,提醒大家減少製造癈物。

Read more ›

唔剃腋毛加學分   古怪教授特殊教學法
by / on 09/07/2014 at 7:06 am

唔剃腋毛加學分 古怪教授特殊教學法

唔剃腋毛考試可以加分?聽落覺得個老師好變態,但係如果你知道佢哋選修嘅學係「女性及性別研究科」,會唔會覺得合理啲?外國大學Arizona State University嘅教授Breanne Fahs比咗個考驗學生,為期10星期,女嘅要留長腋毛同埋腳毛,男嘅就相反要剃清光,如果成功嘅話會有額外學分加。呢個實驗目的係比學生觀察吓社會人士嘅反應以至歧視,從而作出反思。唔,如果係你肯唔肯制?

Read more ›
靚女記者任PS   27個國家審美眼光大不同
by / on 28/06/2014 at 11:36 am

靚女記者任PS 27個國家審美眼光大不同

世界各地對於美女嘅定義都好唔同。外國記者Esther Honig將自己嘅證件相send去40個國家,搵當地嘅藝術家根據當地對「靚」嘅定義去PS吓佢張相,結果有27個國家回覆佢,每張效果都好唔同。西方國家嘅PS功力最耍家,其他地方就‥‥‥例如美國鐘意長髮厚脣、摩洛哥就要包頭、印度就要粗眉、菲律賓最恐怖,好似吸血新世紀咁款。但原來印度嘅靚女係無「鎖骨」嘅,因為佢哋居然將Esther Honig原有嘅性感鎖骨捽走‥‥‥

Read more ›
北韓禁相流出   幾百人等公車/ 學生妹扮用電腦
by / on 29/05/2014 at 7:15 am

北韓禁相流出 幾百人等公車/ 學生妹扮用電腦

平常我哋睇到北韓嘅新聞通常都係笑吓佢膠,例如金正恩同洛文打籃球或者被改成遊戲主角。不過北韓其實係一個有嚴重貧窮問題嘅地方,外國攝影師Eric Lafforgue喺2012年去北韓之後,影咗幾張相放上網,之後被北韓要求刪除,佢當然無理,最近由其他渠道拎返張記憶咭,仲舖咗大量禁相同網民分享。睇相見倒北韓等公車嘅隊伍閒閒哋幾百人、民眾瘦骨嶙峋、小朋友被迫落田工作做童工、學生妹對住個電腦做嘢比人影相,但睇真啲螢幕其實無電熄咗‥‥‥種種新奇刺激嘅相的確令生活喺大城市嘅我哋大開眼界,希望有生之年可以見倒金正恩落台,市民得到解放,呢個相信係好多人嘅心願。

Read more ›
新片速報   港鐵迫車專用裙    自動漲脹迫走路人
by / on 20/05/2014 at 1:04 pm

新片速報 港鐵迫車專用裙 自動漲脹迫走路人

長居香港嘅藝術家Kathleen McDermott都感受到香港地鐵嘅擠迫情況,發明咗呢條伸縮自在的裙,每當有人行近,條裙就會自動拱起,令旁邊嘅人埋唔到你身,佢仲搵埋model拍埋片親身示範。要做到咁嘅效果,全靠裙嘅前面同後面分別裝咗嘅自動感應器。不過講真,以香港地鐵繁忙時間嘅擠迫情況,估計條裙應該無辦法膨脹,或者一漲起就被迫爆。

Read more ›