Post Tagged with: "外國"

外國肥豬女感人身世   3磅迷你豬變650磅嚇親主人
by / on 29/04/2019 at 8:58 am

外國肥豬女感人身世 3磅迷你豬變650磅嚇親主人

外國啲小朋友大得快,豬仔都係。加拿大居民Steve Jenkins同Derek Walter喺2012年朋友轉介下,收養咗隻3磅重嘅迷你豬仔,仲改埋名叫Esther,點知隻豬越養越大隻,一啲都唔迷你,2年後竟然變咗650磅重!但佢哋已經搵唔返嗰位「朋友」,之後佢哋發現間屋唔夠住,最後透過眾籌成功搬屋同起咗個農場,可惜好景不常,豬女Esther之後證實患上乳癌,好彩最終靠網民集資,令佢哋可以支付超昂貴嘅手術費,最終豬女Esther成功醫好癌症,主人仲幫佢嘅傳奇故事寫咗本書《Esther the Wonder Pig》,嚟緊仲會拍成電影,由X-men嘅製片公司Donners負責,而兩位主人亦因為Esther而轉成素食者,鍾意呢隻肥豬女嘅記住入嚟follow埋佢IG嘞!

Read more ›

【有片】外國喵返屋企坐「專用升降機」    住2樓大隻爺爺接載
by / on 01/04/2019 at 7:49 am

【有片】外國喵返屋企坐「專用升降機」 住2樓大隻爺爺接載

出街玩得耐都要返屋企休息吓嘅,外國呢隻住2樓嘅喵好嘆,主人為佢特製咗個「貓專用升降機」,將個紅色桶吊落地下,隻喵識乖乖哋跳入去然後運送返2樓嘅屋企,揸𨋢嗰位爺爺手臂仲非常粗壯,好明顯練習得多。

Read more ›
【圖集】架車撞凹咗刮花咗 外國人超強幽默感創作
by / on 28/03/2019 at 7:59 am

【圖集】架車撞凹咗刮花咗 外國人超強幽默感創作

真係要有超強嘅幽默感加EQ先可以做得出,正常嚟講,架車刮花咗撞凹咗,心情應該好差乜都唔想做,不過呢班外國人就好有幽默感,乘機畫啲嘢上車,令佢變成另類藝術,除咗街霸嘅波動拳,仲有Hulk、雷神鐵槌等等,全部都超高質,仲嘥返筆整車錢,其實都幾聰明。

Read more ›
外國任天堂迷自製「巨型Switch」    65吋電視扮Switch打機
by / on 15/03/2019 at 7:29 am

外國任天堂迷自製「巨型Switch」 65吋電視扮Switch打機

本身有間地庫遊戲房已經威,外國呢個任天堂迷仲威到自製部超巨型Switch打機。佢先製作咗個巨型木框扮Switch架,之後套住部65吋電視,睇落就好似部超大嘅Switch,駁埋部1:1嘅Switch嚟打機會唔會特別爽?入嚟仲有教學。

Read more ›
【多圖】外國運動員撞樣事件 全部勁似Pokemon
by / on 10/02/2019 at 10:26 am

【多圖】外國運動員撞樣事件 全部勁似Pokemon

最近Twitter熱傳呢輯相,有網民發現外國好多運動員嘅髮型,原來同Pokemon角色好似‥‥‥超過30個撞樣個案,入嚟有得慢慢睇。唔少網民都忍唔住出圖回應,全部都好高質,入嚟有回帶。

Read more ›
外國少女設計「Airpods耳環」    戴住唔怕甩網上熱賣
by / on 31/01/2019 at 7:30 am

外國少女設計「Airpods耳環」 戴住唔怕甩網上熱賣

有用開Airpods都知成日會驚佢跌,外國呢個22歲嘅少女Gabrielle Reilly就諗到將佢變成一對耳環,個名叫Airings,又安全又可以當埋飾物,個扣仲可以拆出嚟方便叉電。網民見到呢個設計都大讚,仲有唔少人落單搵佢訂製,每個賣美金$20。至於設計原因原來同貓有關,Gabrielle屋企隻貓經常會抓佢條耳筒線,所以驅使佢買無線嘅Airpods,但又經常驚跌,佢試過整頸鍊,不過最終發現都係耳環最方便。入嚟有購物link,想買嘅可以訂返對。

Read more ›

外國學生住中國醫院發現「字條」    有預謀「殺人」Reddit熱傳
by / on 30/01/2019 at 7:30 am

外國學生住中國醫院發現「字條」 有預謀「殺人」Reddit熱傳

最近Reddit熱傳呢件事,話說有位外國留學生去到中國醫院住院,期間收到呢張好搞笑嘅字條,由於姑娘唔太識英文,於是用圖畫表達,大概係話今晚10點後唔好食嘢飲水,因為第二朝8點要做手術。張紙條放咗上Reddit之後爆紅引起好多人討論,有人話係有預謀嘅殺人計劃,有人話聽朝要攞呢位學生嘅器官。估計呢位護士諗起「開刀」呢個詞語,所以就自自然然畫咗把刀出嚟,難怪外國人睇落會覺得咁搞笑嘅。

Read more ›
【有片】中國網上爆紅「四代同堂」影片     熱潮傳到外國
by / on 08/01/2019 at 7:08 am

【有片】中國網上爆紅「四代同堂」影片 熱潮傳到外國

四代同堂係好值得開心嘅事,最近內地流行拍攝四代同堂短片,四代住喺同一間屋,然後逐個喺影片度出場,仲分媽媽同爸爸篇,感覺都幾溫馨。今次呢個拍片熱傳仲傳到去外國,外國唔少人都跟住玩,喺Twitter搵#FourGenerations就會見到好多,入嚟有回帶。

Read more ›
【連環圖】外國喵星人好識食       釣完即搶最「新鮮」
by / on 19/12/2018 at 7:06 am

【連環圖】外國喵星人好識食 釣完即搶最「新鮮」

作為喵星人,有咩地方啲魚新鮮得過海邊?要食梗係食最新鮮嘅!喺土耳其伊斯坦堡嘅Bosphorus海峽,就有漁民釣完魚被旁邊虎視眈眈嘅喵星人攔途截劫,睇隻喵肥肥哋就知佢平時食好多好嘢。留意旁邊仲有好多o靚跟佢搵相。輯相由AFP法新社拍攝,捕捉嘅時間簡直係完美。 

Read more ›
【感人】外國流浪漢不孤獨 4隻狗狗醫院外守候
by / on 14/12/2018 at 7:06 am

【感人】外國流浪漢不孤獨 4隻狗狗醫院外守候

最近外國熱傳呢件事,巴西一位流浪漢César喺凌晨3點去咗醫院接受治療,姑娘好快發現原來佢唔係得一個人,因為門口竟然有4隻狗狗好乖咁坐喺度等緊佢,個樣仲好緊張咁望住佢接受治療。後來姑娘發現原來流浪漢一直照顧住呢班狗狗,平時就算自己唔夠嘢食,都會顧咗班狗朋友先。之後醫院職員買咗嘢俾César食,佢仲分俾班狗狗一齊食。件事放上網後好多人討論,大家都話好感動,有人話通常擁有最少嘅人願意付出最多,亦有人叫大家多啲體恤露宿者,可以嘅話就買啲食物、送張毛毯俾佢哋,唔好趕佢哋走。冬天嚟緊,大家見到街上嘅露宿者,都可以多一份體諒,可以嘅話就幫助吓佢哋啦。

Read more ›
【有片】外國教師自創「抱抱大會」 超有愛1400萬瀏覽
by / on 05/12/2018 at 7:11 am

【有片】外國教師自創「抱抱大會」 超有愛1400萬瀏覽

教育好重要,呢段片由一位老師喺Twitter發放,短短幾日已經有1400萬瀏覽,仲有大量正評。呢個「抱抱行動」估計由老師創立,每次有一個同學仔「受惠」,放學嘅學生可以自選牆上一個標記,選擇同「受惠學生」抱抱、握手、High Five、擊拳,睇片見大部份同學都選抱抱,有人仲揀晒4樣,好可愛!不過呢,當中有一個學生就乜都唔揀走咗去,有網民仲cap咗「受惠學生」嘅表情,網民都話好想抱吓佢俾啲愛佢喎。

Read more ›

【新片速報】外國真人版「去死去死團」 剷底情侶片Twitter熱傳
by / on 27/11/2018 at 7:37 am

【新片速報】外國真人版「去死去死團」 剷底情侶片Twitter熱傳

睇完呢段片我又諗起情侶去死去死團。對於單身嘅朋友嚟講,最怕見到人一雙一對周街放閃,不過外國大學Welsh University呢位學生嘅反應就有啲過份嘞,睇片見佢離遠助跑,之後一嘢剷底嗰對攬緊嘅情侶,樓主話段片係佢朋友send俾佢嘅,暫時Twitter已經有4百萬瀏覽,入嚟有得睇。

Read more ›
【圖集】外國超強插畫家 透光效果夠特別
by / on 17/10/2018 at 7:35 am

【圖集】外國超強插畫家 透光效果夠特別

保加利亞嘅插畫家Angel Ganev嘅作品超正,本身鍾意用鉛筆同木顏色筆繪畫,最特別之處係佢每幅畫都有一個「亮點」,有一陣光喺畫入面隱約透出,好正,特別係處理煙霧效果,超靚!入嚟有多啲作品睇,鍾意嘅記住follow埋佢IG,可以睇埋佢其他唔同類型風格嘅作品。

Read more ›
【有片】外國學生集體掟筆記 淹沒樓梯超好玩
by / on 21/07/2018 at 3:24 pm

【有片】外國學生集體掟筆記 淹沒樓梯超好玩

香港學生最怕考試,外國都係,所以難得考完試畢業梗係要玩放啲!外國有段好正嘅片,成班學生喺校園樓梯一齊掟晒啲試卷同筆記,啲紙多到淹沒成條樓梯,多到可以坐上去玩瀡滑梯!睇返留言,原來呢種玩法係呢間學校嘅傳統,每年嘅畢業生都會瘋狂玩返次,而玩完之後大家同埋啲新生呀admin同事呀都會幫手一齊執返乾淨,點解我畢業嘅時候無呢啲嘢玩架?

Read more ›
【改圖】搭車瞓覺被惡搞    外國網民高質改圖
by / on 15/07/2018 at 2:19 pm

【改圖】搭車瞓覺被惡搞 外國網民高質改圖

搭車途中瞓覺,你同我都試過唔少次,最近呢個外國男仔Scott就喺車上瞓到暈咗一樣,佢女朋友影咗相之後放上專惡搞相片嘅Facebook群組「I’m Telling God」,希望俾佢瞓咗覺嘅男朋友知道佢錯過咗沿途好多精彩嘅場面。果然好快就有大量網民出手改圖,又普京又金正恩,連侏羅紀同貞子都出埋,好彩瞓咗咋。入嚟有回帶。

Read more ›