Post Tagged with: "壽司"

創意眼妝    壽司 / 姆明畫上眼
by / on 18/10/2013 at 12:09 pm

創意眼妝 壽司 / 姆明畫上眼

返埋今日又連放兩日假,今晚去邊度玩?又慶祝萬聖節?女士們想搶眼啲,除咗戴大眼仔,夠唔夠膽好似外國化妝師Tal Peleg咁,化返個超勁眼妝?佢嘅作品神乎其技,最特別係成盤壽司都可以擺上眼,不過講到靚,我都係鐘意貓貓眼同埋姆明眼妝,化完我估要長期合埋眼,如果唔係咪嘥晒個靚妝?

Read more ›

新奇壽司東京有得學     名畫吶喊Facebook手指即製即食
by / on 15/09/2013 at 3:12 pm

新奇壽司東京有得學 名畫吶喊Facebook手指即製即食

日本壽司食得多,咁古靈精怪嘅壽司都係第一次見,呢堆有圖案嘅壽司出自日本師傅Tama Chan手,除咗有名畫吶喊,仲有貓呀、富士山呀,啤酒呀,連地球同埋facebook嘅經典like手指都有份,靚唔靚見仁見智啦,不過手工唔錯,佢仲喺東京表參道開班授徒,有日本記者親身上堂,仲成功整咗吶喊壽司同埋壽司三文治,睇落幾好味。

Read more ›
自製球狀壽司    夏天食足球
by / on 05/08/2013 at 7:03 am

自製球狀壽司 夏天食足球

夏天我特別鐘意食壽司,夠清涼嘛。之前試過球狀壽司,覺得好得意,上網搵吓資料,見倒呢款球狀壽司專用器,將啲飯放入去壓兩壓就變成球體,貼幾塊紫菜上去仲可以扮足球,好可愛。每個架可以放一大五細總共六個球體,amazon有得賣,開價港幣二百蚊有找。

Read more ›
有片 DIY壽司壓兩壓食得 新手入廚必備
by / on 25/07/2013 at 7:57 am

有片 DIY壽司壓兩壓食得 新手入廚必備

打定底,唔係新嘢不過啱啱先見倒。夏天我好鐘意食壽司,而且見倒啲色彩繽紛嘅物件心情就會靚晒,不過自己喺屋企捲好易失敗,呢個捲壽司專用器材,外形好似日本字,將壽司飯放入中間正方形嘅空位,再加啲食材入去,壓兩壓就變一嚿實淨壽司,有啲似日本關西嘅箱押壽司,唔明可以入嚟睇片,想靚啲專業啲,簡單加塊紫菜條捲兩捲就搞掂,方便到極。ebay有得賣,港幣150蚊左右,勝在簡單易新手入廚都可以好有滿足感。

Read more ›
新片速報 日本元氣壽司 極速迴轉 保證新鮮
by / on 09/07/2013 at 2:12 pm

新片速報 日本元氣壽司 極速迴轉 保證新鮮

  去食迴轉壽司,其實我多數都係點自己鍾意食嗰幾款,好少拎迴轉帶上嘅,硬係感覺唔夠新鮮。如果香港都有好似呢間咁嘅極速迴轉壽司店就好喇!元氣集團旗下嘅「魚べい」涉谷道玄坂店,最新推出呢個極速輸送帶,客人只要用面前嘅輕觸屏幕點完菜,就會即整即用迴轉帶送到客人面前,識定位仲極高速,拎完嘢食撳番個掣,輸送盤就會返番去,入嚟有片睇,好型。

Read more ›
日本壽司店 推出《少女與戰車》坦克壽司
by / on 28/06/2013 at 11:04 pm

日本壽司店 推出《少女與戰車》坦克壽司

勁過明將!軍艦壽司就聽得多,坦克壽司就真係第一次見!嗱,唔係官方嘅,不過呢間好有歷史嘅茨城縣壽司店,老闆就話係《少女與戰車》呢套動畫啟發到佢,所以就整咗一系列嘅坦克壽司!呢幾「件」超巨型壽司最平1,900円起,仲好似話每日限量5部,唔知幾多個人先食得完一部……

Read more ›

挑戰名將!日本推出「抹茶雪糕軍艦」
by / on 01/05/2013 at 8:01 pm

挑戰名將!日本推出「抹茶雪糕軍艦」

日本抄嘢?我無證據,不過我好懷疑日本九州呢款「抹茶雪糕軍艦」,概念係源自香港明將嘅紅豆軍艦。日本有網友喺九州壽司店魚藏嘅menu見倒呢款壽司後驚為天人,即時放上twitter分享,引起熱烈討論。味道方面,試食過嘅死士形容佢「幾難食」但「比想像中好啲」,對於我哋見慣大場面食開明將嘅香港人嚟講,濕濕碎啫。

Read more ›
壽司藝術   鼓油蛋黃醬整色整水
by / on 19/04/2013 at 9:04 am

壽司藝術 鼓油蛋黃醬整色整水

壽司我淨係識名將,稍微高級少少嘅我都唔敢入。見到呢套壽司藝術品,我何且大開眼界,直情不敢置信,咁靚,仲食唔食落肚o架?咁好心機唔為食嘅mala-cavilla,喺美國費城嘅壽司舖Sushi Planet打工,最鍾意喺壽司碟旁整色整水。估計呢堆動物係用鼓油加蛋黃醬整成,啲壽司同食開嘅三文魚呀、紅豆軍艦呀好唔同,果然係美國風味,唔荒好食。

Read more ›
新片速報 BB專用 壽司尿布口水肩
by / on 20/01/2013 at 2:38 pm

新片速報 BB專用 壽司尿布口水肩

年青人,玩咩都要做好安全措施,如果唔係……咦乜呢啲壽司咁大嚿呢?佢哋唔係壽司,而係日本Wire Orange推出嘅新產品「おむつ寿司」。其實玉子係海綿、青瓜係襪仔、飯呢就係口水肩、尿布同毛巾等等。做得似唔似就見仁見智,不過都算好有心思,最啱買嚟賀親朋好友生仔生女……睇番個價錢,最貴嗰個禮盒都係10,000円,入面有網址,不過唔知香港買唔買到。

Read more ›