Post Tagged with: "壽司"

日本網民推介「壽司放題」     3500円任食推介煮穴子壽司
by / on 19/06/2017 at 7:06 am

日本網民推介「壽司放題」 3500円任食推介煮穴子壽司

呢間「築地玉壽司」之前杜如風都喺節目推介過,相信好多香港人都試過,以為只得遊客去?又唔係喎。最近有日本網民去食放題仲影埋相放上Twitter,吸引好多網民留言。佢去嘅係台場分店,推介「煮穴子」同埋「醬漬吞拿魚」壽司,睇相都令人流晒口水。呢間壽司店喺全日本有大量分店,不過放題而家就只限銀座、台場、橫濱等5間分店,女性每位3500円任食,男士每位4500円。睇完又好想飛去日本瘋狂食嘢嘞!

Read more ›

【挑戰食量】日本壽司店放題優惠     期間限定1580円任食
by / on 13/06/2017 at 7:02 am

【挑戰食量】日本壽司店放題優惠 期間限定1580円任食

鍾意食壽司嘅嚟緊去日本有新選擇嘞!呢間「かっぱ寿司」喺日本各地都有分店,由即日起到7月14日會喺20間店舖做任食放題, 男嘅每位1580円,女仔就1380円,加埋稅即係港幣100蚊多啲,80款壽司任食,加680円仲可以有埋飲品放題!平日限下午2點至5點,每次食70分鐘,有唔少網民留言話自己可以食20碟甚至25碟,我預自己15碟應該無問題。

Read more ›
日本魚子壽司背囊真嘅一樣     仲有三文魚/玉子/蝦背囊
by / on 30/04/2017 at 11:52 am

日本魚子壽司背囊真嘅一樣 仲有三文魚/玉子/蝦背囊

鍾唔鍾意食魚子壽司?日本經常出古怪背囊,不過呢個解像度夠高,啲魚子好似真嘅一樣,揹住佢去食壽司都幾過份。除咗魚子壽司,佢仲有推出三文魚、玉子、蝦壽司背囊,而且用魔術貼黐實,即係話可以隨心情轉款,5000円左右,有無興趣買返個先?

Read more ›
極速壽司 日本網民迴轉壽司店練動態攝影
by / on 20/02/2017 at 3:27 pm

極速壽司 日本網民迴轉壽司店練動態攝影

如果想影動態相,喺街度影車就得啦,但如果想喺冷氣地方食住飯咁訓練自己嘅攝影技巧,原來可以去迴轉壽司店,你睇啲壽司幾有動感!

Read more ›
【好肚餓】壽司+墨西哥夾餅    超人氣美食網上熱傳
by / on 20/02/2017 at 7:12 am

【好肚餓】壽司+墨西哥夾餅 超人氣美食網上熱傳

墨西哥夾餅Taco好多人鍾意食,佢嘅U字型設計方便徒手拎住食,其實同日本嘅手卷概念有啲似。最近美國店舖「NoriGami」就諗到將兩者結合,整成呢款「Sushi Taco」,之後仲大受歡迎!「Sushi Taco」喺炸咗嘅紫菜入面夾住唔同餡料,例如有天婦羅蝦或者豬腩肉,加埋惹味醬汁,真係睇見都肚餓。呢間店舖暫時以pop-up store形式喺唔同活動出現,嚟緊準備開舖嘞,而家喺網上集緊資,希望快啲喺美國LA開業,咁大家去開旅行就可以試倒嘞!

Read more ›
STAR WARS壽司鼓油碟 裝少少鼓油有樣睇
by / on 14/02/2017 at 11:03 am

STAR WARS壽司鼓油碟 裝少少鼓油有樣睇

雖然貴咗啲,但的確係幾靚嘅。呢套一式四個嘅Star Wars鼓油碟,對於鍾意食壽司嘅星戰迷嚟講應該好吸引。只要將鼓油裝到啱啱好,就可以見到黑武士、白兵、R2-D2同埋C-3PO,不過就唔可以溝埋啲wasabi落去嘞。日本ROWEN出品,連埋個Star Wars木箱,一套四件賣11380円。

Read more ›

壽司狗狗裝超可愛    三文魚/魚子軍艦任揀
by / on 22/11/2016 at 7:16 am

壽司狗狗裝超可愛 三文魚/魚子軍艦任揀

呢兩日天氣開始凍,係時候幫屋企嘅寵物添置返件衫仔嘞,如果係呢件壽司衫呢?睇落唔暖,不過主人一定開心,但係首先你要有隻白色嘅狗先做到壽司效果,同埋好可惜佢係住喺紐約嘅狗主嘅DIY作品,如果量產嘅話相信好多主人都想買返件。BTW,最欣賞佢後面棵假葉同旁邊嘅薑,真嘅一樣呀!

Read more ›
日本壽司店出漢堡 生嘅鯖魚+壽司飯夾入去
by / on 14/11/2016 at 10:21 pm

日本壽司店出漢堡 生嘅鯖魚+壽司飯夾入去

飯嘅漢堡都食過啦,但真係用漢堡包嘅麵包,夾住魚生同啲飯嘅漢堡,好似未試過。日本「スシロー」早排就出咗呢個「鯖バーガー」SABA-BURGER,好多網民第一時間去試咗,餡料就係鯖魚、壽司飯、紫蘇葉,仲有Wasabi蛋黃醬……咁點唔點啲醬油好?

Read more ›
日本最強壽司cosplay 4件壽司周街走
by / on 02/11/2016 at 7:12 am

日本最強壽司cosplay 4件壽司周街走

噚日啱啱過完萬聖節,除咗最多人扮嘅小丑女,同埋超可愛嘅無臉男小妹妹之外,呢4件喺日本出沒嘅壽司都好值得欣賞。佢哋默默咁坐喺唔同角落,甘於曲埋個身,做一件平凡嘅壽司。而且要扮壽司都唔易,起碼唔可以太肥,邊有人鍾意嚿壽司白飯大過魚生o架?BTW,其實佢哋每逢大時大節就會出嚟,不過三文魚有時會缺席。

Read more ›
【有片】韓國人踩場報復 日本狂落Wasabi壽司店師傅道歉
by / on 17/10/2016 at 6:00 pm

【有片】韓國人踩場報復 日本狂落Wasabi壽司店師傅道歉

之前鬧到好大件事嘅狂落Wasabi壽司店事件,講番少少,有韓國網民話去連鎖店「市場ずし」難波店食壽司,發現壽司入面有大量Wasabi,上網一查,發現好多遊客都有呢個遭遇,咁最後店方都道咗歉。不過韓國就有傳媒唔放過間舖,早前就拉大隊喺冇申請拍攝訪問嘅情況下突擊壽司店,條片40分鐘,簡單講吓,喺9分30秒,有其他日本客人唔高興佢哋拍攝,佢哋有回應但繼續拍攝。14分50秒,叫咗當時出事嘅壽司,之後續件揭開睇吓有冇好多Wasabi,最後一件都冇食到就離開。到31分30秒,佢哋去到另一間分店拍攝,最後去到40分50秒,終於店內嘅師傅喺鏡頭前謝罪……咁呢次事件係咪正式落幕?不過,其實上次嘅事發生後,我諗都應該冇乜韓國遊客會再去幫襯喇。

Read more ›
【鍾意食辣?】網傳大阪壽司店 一見韓國人、中國客人狂落Wasabi
by / on 03/10/2016 at 1:41 pm

【鍾意食辣?】網傳大阪壽司店 一見韓國人、中國客人狂落Wasabi

日本有好多人唔鍾意韓國人,亦有好多餐廳唔太歡迎中國人,不過如果真係咁樣嚟玩啲客就太過份喇。有韓國網民就喺網上話呢間喺大阪嘅「市場ずし 難波店」,見到韓國客人就喺壽司入面加大量Wasaki,之後再睇番網上文章,原來話唔係第一次,亦都有中國人話試過……日本網民普遍都覺得咁樣做太過份,不過亦有人講笑話,師傅會唔會以為韓國人好鍾意食辣?最新更新有報道指官網已經出咗道歉啟事,不過官網o依家就上唔到……

Read more ›

勁過明將 日本迴轉壽司「スシロー」推出「炒飯軍艦」
by / on 28/07/2016 at 10:16 pm

勁過明將 日本迴轉壽司「スシロー」推出「炒飯軍艦」

我深信,雖然佢嘅創意去到好盡,但味道應該都ok過紅豆或啫喱軍艦嘅。壽司離唔開係有嚿飯吖,咁配咩材料最奇妙?我相信配番飯做材料你估唔到啩?即係軍艦嘅上層係飯,下層都係飯,只不過係炒飯同酢飯嘅分別……日本「スシロー回転寿司」推出呢隻被稱為「最終兵器」嘅「チャーハン寿司」,今日(28日)開始上市,100円,静岡縣限定,有人就去試咗喇,之後仲有網民話,其實咪同「炒飯定食」一樣,「炒飯定食」,即係一碟炒飯加多一碗白飯……

Read more ›
日本壽司背囊!玉子/三文魚/熟蝦!揹嚿飯上身!
by / on 06/07/2016 at 9:30 pm

日本壽司背囊!玉子/三文魚/熟蝦!揹嚿飯上身!

如果你敢揹呢個壽司背囊出街的話,保證你成為全街焦點。三個款,分別為蛋、三文魚同熟蝦,尤以熟蝦款最過癮,橫放,真係好似舊壽司咁,令人忽然之間好肚餓,各售4,860日圓,買番個招積吓都好喎。

Read more ›
【有片】日本食壽司新習慣 冇醬油碟直接滴
by / on 04/05/2016 at 7:47 pm

【有片】日本食壽司新習慣 冇醬油碟直接滴

去食壽司,第一件事可能就係倒醬油落醬油碟度,不過如果去日本呢間連鎖店,可能就要改改呢個習慣。喺日本黃金周假期開始,佢哋旗下就有36間店開始冇醬油碟放喺枱,咁點加醬油?就係直接倒。佢哋用呢隻樽除咗防倒瀉外,仲唔會好易倒好多出嚟,逐滴逐滴出咁……咁有咩好處呢又?店舖可以洗少啲碟啦,都環保嘅,同埋客人又可以試多幾種唔同嘅醬油啦,不過有客人就話唔方便,亦都有人用壽司碟當係醬油碟用……入嚟睇片睇示範。

Read more ›
日本壽司店推出「壽司Dog」 香腸手卷100円
by / on 18/04/2016 at 12:44 pm

日本壽司店推出「壽司Dog」 香腸手卷100円

食飯時間講吓食嘢。「創意」壽司係咪只限喺外地出現?原來唔係,最近日本迴轉壽司連鎖店「スシロー」就有呢個期間限定嘅手卷推出,名為「すしドッグ」,即係Hot Dog個日本朋友……賣100円,條腸係咪仲熱嘅?

Read more ›