Post Tagged with: "壯觀"

【有片】日本貓奴屋企養16隻喵 食玩瞓超壯觀
by / on 02/04/2018 at 1:07 pm

【有片】日本貓奴屋企養16隻喵 食玩瞓超壯觀

屋企同一時間養16隻貓會係點?日本呢個網民就示範咗,仲經常拍片放上Twitter。食飯嘅時候好壯觀,仲有餵零食、玩老鼠,次次都10幾隻一齊,難得佢哋個個肥肥白白好可愛,仲會攬埋一齊瞓,睇嚟住得好開心。另外返屋企嘅時候一次過有10幾隻貓等門都係爽嘅。至於點解係10幾隻唔係16隻?因為總係有幾隻曳貓唔知走咗去邊,最齊腳都係15隻。入嚟有大量片睇,啱啱仲有3隻得寵嘅喵星人俾主人帶咗去賞櫻,入嚟一齊感受吓俾大量喵包圍嘅超幸福感覺啦!

Read more ›

日本網民幫兔仔梳毛 甩到全身都係超壯觀
by / on 30/03/2018 at 12:12 pm

日本網民幫兔仔梳毛 甩到全身都係超壯觀

連放幾日假,係時候幫屋企嘅主子梳吓毛嘞。最近轉天氣,甩毛情況升級,有日本網民幫隻兔仔梳毛,不過自己條裙同絲襪就全部都係毛‥‥‥好誇張!不過隻兔仔依然梳極都有。之後有網民分享佢哋嘅相,全部都好壯觀。好嘞,睇完到你梳毛喇!

Read more ›
【新片速報】網民自製「巨型火柴球」 42,000支火柴焚燒超壯觀
by / on 15/02/2018 at 7:56 am

【新片速報】網民自製「巨型火柴球」 42,000支火柴焚燒超壯觀

用10個月時間4萬2千支火柴,砌成巨型球體,然後一把火燒咗佢,諗起都覺得好壯觀。外國呢位男士Wallace段片兩日喺YouTube已經有接近80萬次瀏覽,雖然最終佢話個球體唔夠圓,啲綠色火柴顏色唔夠統一,不過睇佢抱住個火柴波就知佢心情好興奮,至於場火有幾大,燒咗幾耐?入嚟有得睇,好壯觀,不杜佢用10個月時間嚟完成。

Read more ›
【壯觀】日本網民超幸福 8隻雞蛋全部雙黃
by / on 03/01/2018 at 7:33 am

【壯觀】日本網民超幸福 8隻雞蛋全部雙黃

日本嘅雞蛋經常都有雙黃出現,即係兩隻蛋黃啦。最近有日本網民煮嘢食,8隻雞蛋入面居然全部都係雙黃,超幸福!擺出嚟仲好壯觀。不過亦有人話好恐怖喎。之後有網民研究,話遇到雙黃雞蛋嘅機率係0.04%,同時遇到8粒雙黃嘅機率更加係天文數字。BTW,好鍾意食蛋黃嘅我,食咁多年蛋一次都未遇過雙黃,好想試吓呀!

Read more ›
【壯觀】日本「伊勢神宮」柴犬出巡 打喊露恰眼瞓超可愛
by / on 28/02/2017 at 7:01 am

【壯觀】日本「伊勢神宮」柴犬出巡 打喊露恰眼瞓超可愛

有啲咩得意過隻柴犬?無錯,就係8隻柴犬一齊出現嘞!最近有日本網民去咗日本三重縣嘅「伊勢神宮」,仲影左幾隻柴犬排排企嘅壯觀場面,睇相見佢哋排排吓開始打喊露、恰眼瞓甚至走開,實在可愛到暈呀!難怪Twitter好多人RT呢幾張相啦。BTW,其實「伊勢神宮」同柴犬有段故,話說江戶時代呢間廟已經好出名,被形容為一生人一定要參拜一次,不過古時無交通工具,所以好多老人家就託屋企嘅柴犬代佢哋出征,頸上掛住主人嘅願望、姓名同旅費,仲叫佢哋做「おかげ犬」(祈福犬),沿途嘅居民都會協助狗狗去目的地,廟祝仲會收養去到目的地嘅狗狗。所以時至今日,大家都會喺「伊勢神宮」見到好多柴犬甚至用佢哋整成嘅精品,下次去開記住買啲返嚟嘞!

Read more ›