Post Tagged with: "塵阿力"

塵阿力繪金像獎提名巡禮宣傳畫(二)
by / on 06/05/2020 at 6:15 pm

塵阿力繪金像獎提名巡禮宣傳畫(二)

曲終人散,雖然知道改為網上直播,但都估唔到今年香港電影金像獎快到唔夠20分鐘玩完,對於得獎名單,大家有無異議?話說塵阿力原來唔只替提名最佳女主角嘅蔡思韵繪畫宣傳畫,仲畫埋提名女主角嘅鄭秀文同鄧麗欣,Total四幅。畫係靚,可惜以上三人悉數落選,點都好,人向前望,Sammi同Stephy,要加油呀。

Read more ›

塵阿力繪金像獎提名巡禮宣傳畫
by / on 01/05/2020 at 4:00 pm

塵阿力繪金像獎提名巡禮宣傳畫

今年唔舉辦實體頒獎禮嘅香港電影金像獎,邀請塵阿力繪畫提名巡禮宣傳畫,畫嘅係提名最佳女主角嘅蔡思韵。有麝自然香,對於畫手,呢個係實力嘅肯定,畀啲掌聲塵阿力唔該,我先,啪啪啪啪啪。

Read more ›
塵阿力印製貼紙+月曆卡 同路人免費索取
by / on 16/01/2020 at 9:00 pm

塵阿力印製貼紙+月曆卡 同路人免費索取

唔係話其他人畫得唔好,但於我而言,塵阿力啲文宣畫作係特別有感染力嘅,一睇,腦海就不斷有揪心畫面湧番晒出嚟。抗爭要持續,文宣要繼續,佢剛剛印製咗四款貼紙同一張月曆卡,放喺唔同舖頭免費派發。講明印數唔多,所以大家最好攞一張半張就收手,留番啲畀同路人索取,至於派發點喺邊,Click入嚟有得睇。And,most importantly,真心的,多謝塵阿力。

Read more ›
塵阿力年曆卡 同路人有必要擁有
by / on 31/12/2019 at 10:00 am

塵阿力年曆卡 同路人有必要擁有

有人話近呢大半個月,逆權運動有漸漸熄火趨勢,我覺得唔係下下都要有人送頭先叫抗爭嘅,繼續做文宣同支持黃色經濟圈,都係Keep it alive手段一種。之所以呢張塵阿力正式授權製作嘅2020年曆卡,同路人有必要擁有。唔係靠佢睇日子,而係將之攝喺銀包或擺喺檯頭當眼處,提醒自己抗爭未完,未來日子仲有大把路要走,咪麻木,咪氣餒。

Read more ›
塵阿力12幅《Star Wars》插畫
by / on 20/12/2019 at 8:15 pm

塵阿力12幅《Star Wars》插畫

入戲院睇《Star Wars: The Rise of Skywalker》之前,強烈建議大家用心欣賞埋塵阿力創作嘅呢12幅星戰插畫,幅幅都值得大家Save as wallpaper。唔係誇張,只可以用四個字形容──靚到犯規。

Read more ›
包場睇《星球大戰:天行者崛起》 送塵阿力Postcard
by / on 09/12/2019 at 8:43 pm

包場睇《星球大戰:天行者崛起》 送塵阿力Postcard

原來唔只白水、甘小文同Cuson,塵阿力都有份畫Postcard送畀《星球大戰:天行者崛起》嘅影迷。呢個由「帝國軍第伍零壹旅香港駐軍」同「星戰基地」搞嘅包場睇戲活動,應該好熱鬧,我有啲心郁郁想去。

Read more ›

一個關於海報師的展覽 塵阿力展出《阿飛旭仔》
by / on 08/11/2019 at 7:02 pm

一個關於海報師的展覽 塵阿力展出《阿飛旭仔》

影迷們留意,今個禮拜日銅鑼灣會舉辦「港台大師交流–手繪電影海報」嘅座談會,屆時台灣國寶電影手繪海報畫師顏振發師傅、台南今日全美戲院第三代吳堉田會先分享昔日電影業點滴,然後會同面書專頁「塵阿力映畫」負責人塵阿力一齊Art Jam。塵阿力仲會帶埋佢好鍾意嘅作品《阿飛旭仔》到場展覽,記得打卡。

Read more ›
網圖分享:塵阿力文宣圖感染力強
by / on 12/09/2019 at 8:15 pm

網圖分享:塵阿力文宣圖感染力強

我係The Beatles迷,大大話話聽過百次John Lennon名曲《Imagine》,今次欣賞完塵阿力呢幅文宣圖再聽歌,感受更深,呢三個月以嚟嘅抗爭畫面,又一下子喺腦海重播。「I hope someday you’ll join us, and the world will live as one.」,加油喇香港人,撐住呀。

Read more ›
網圖分享:塵阿力畫「新聞女神」利君雅
by / on 25/07/2019 at 9:00 pm

網圖分享:塵阿力畫「新聞女神」利君雅

記者利君雅被網民封「新聞女神」,爆Seed追問到777口啞啞一役歷歷在目,鏗鏘一句:「講人話吖!」實在大快人心。為此,塵阿力作畫一張,並留言曰:「有一種型叫利君雅。」型,真係好型,相信唔只我,好多香港人都會絕對認同。呢幅畫好高質,值得Save起佢。

Read more ›
塵阿力《逆流大叔》宣傳圖印成Postcard 出碟附送
by / on 05/06/2019 at 10:15 pm

塵阿力《逆流大叔》宣傳圖印成Postcard 出碟附送

言簡意賅,想講嘅係,《逆流大叔》聽日正式出碟。未睇呢套戲嘅,應份要買碟睇番;入戲院睇咗嘅,都應份買番隻碟收藏,如果你鍾意嗰張由塵阿力繪畫嘅官方宣傳圖,事關宣傳圖會印製成Postcard隨碟附送,大家識做喇。報告完畢。

Read more ›
「塵阿力映畫」送紀念品 Renton同柳飄飄Art Print+Tee
by / on 07/05/2019 at 7:49 pm

「塵阿力映畫」送紀念品 Renton同柳飄飄Art Print+Tee

有無追面書專頁「塵阿力映畫」?我有,塵阿力手畫確係掂。不經不覺,專頁已經成立兩年零兩個月,塵阿力決定送紀念品慶祝一下,紀念品有Renton同柳飄飄A3 Art Print同Tee,名額四個。唔係先留言者先得,想要的話,要留言「你最想塵阿力畫的電影或角色是甚麼與及理由」,邊個講得好,紀念品歸誰。截止日期由即日起至5月26日,大家踴躍留言喇。

Read more ›

塵阿力《Gorgeous美人展》 買畫集+Postcard送出力啤
by / on 04/01/2019 at 9:00 am

塵阿力《Gorgeous美人展》 買畫集+Postcard送出力啤

塵阿力有份參加《Gorgeous美人展》,除咗作畫參展,佢仲聯乘麥子手工啤酒推出出力啤。出力啤屬雨林咖啡黑啤,買佢本畫集《The Perk》同Postcard即送一支,講到明限量,送完就無。另,想唔想睇塵阿力作畫實錄?入嚟有片睇。

Read more ›
塵阿力開聯展《Gorgeous美人展》 奉旨睇靚女
by / on 06/12/2018 at 10:00 am

塵阿力開聯展《Gorgeous美人展》 奉旨睇靚女

上年塵阿力孖住廖光祖舉辦咗個《存在的瞬間》畫展,嚟緊2019年佢又開畫展嘞,地點同樣係「走馬燈畫廊」,主題同樣係「女」,當然係靚女;同樣係聯展,今次同另外九位Artist一齊聯展。Fine,來學個英文生字先,「Gorgeous」解作「非常漂亮的」,今次展覽名為《Gorgeous美人展》,明晒喇。宣傳海報有十個女人肖像,嗯……你估邊個係出自塵阿力手筆?

Read more ›
網圖分享:港漫人的《存在的瞬間》畫展賀圖
by / on 08/10/2017 at 8:30 pm

網圖分享:港漫人的《存在的瞬間》畫展賀圖

擒日大家有無撐廖光祖聯乘塵阿力嘅《存在的瞬間》雙人展?我有,場面好熱鬧,好多港漫人都有出席,我唔執輸,都有買畫集《Perk》同月曆添,欣賞過後已經放咗喺書櫃珍藏。話時話,一個畫展係可以衍生好多嘢嘅,例子有賀圖,各路人馬賀圖紛至,無理由唔欣賞埋架?

Read more ›
《存在的瞬間》畫展開幕 廖光祖出月曆+塵阿力出畫集
by / on 07/10/2017 at 8:00 am

《存在的瞬間》畫展開幕 廖光祖出月曆+塵阿力出畫集

今日就係廖光祖聯乘塵阿力嘅《存在的瞬間》畫展開幕日,下晝兩點鐘就有靚畫睇喇,我必定捧場,唔知大家抽唔抽到時間出席?報埋料,屆時兩人將會駐場同大家影相打招呼外,廖光祖仲會推出2018年曆,12頁厚12張畫;而塵阿力亦會推出首本個人畫集《The Perk》同一套四款Postcard,合眼緣嘅,多多課金支持喇。

Read more ›