fbpx

Tag: 塗鴉

網圖分享:塗鴉大師Odeith超像真Graffiti 3D級震憾

網圖分享:塗鴉大師Odeith超像真Graffiti 3D級震憾

堪稱Masterpiece,非一般Graffiti,直達藝術品級數。2005年開始塗鴉嘅Graffiti大師Odeith嘅作品,涉獵題材極廣,人物、汽車、動物、昆蟲、字母、數字、Nike波鞋、水龍頭等等,統統難唔到佢,不但用色搶眼具科幻感,仲非常3D添。尤其畫昆蟲嗰幾幅,像真到以為堅有隻超巨大蛛蜘、黃蜂爬上牆。隔住個Mon望相已經如此震憾,可以現場見真身的話仲得了?服了!

Read more ›

【有片】澳洲男涉嫌塗鴉日本地鐵 被拘捕新聞熱播

【有片】澳洲男涉嫌塗鴉日本地鐵 被拘捕新聞熱播

外國人好鍾意喺戶外塗鴉,不過今次嚟自澳洲嘅Paul Han玩得更大,佢涉嫌喺凌晨1點潛入東京文京區嘅車輛機地,喺地鐵車身繪製大幅作品,最近佢重返東京時就喺成田機場俾日本警方拘捕,逮捕時喺佢身上仲搜出噴漆、頭戴電筒、GoPro鏡頭等大量用品,似乎有心再犯案。根據日本法律,破壞公共物品最高可被判入獄3年,而近兩年東京地鐵範圍就有超過25單類似個案,另外之前都有澳洲人喺日本畫graffiti而被捕,令日本人對澳洲人有咗壞嘅印象。入嚟有得睇返當日嘅新聞報導。

Read more ›
塗鴉+疑似沾屎!邊個整污糟星光大道Cuson塑像?

塗鴉+疑似沾屎!邊個整污糟星光大道Cuson塑像?

喂!真係唔好咁吖,邊個咁多手呀?讀過書未呀?知唔知乜嘢叫公德心?呢鋪真係十萬個火滾,事緣Cuson喺尖沙嘴九龍公園香港漫畫星光大道個塑像,俾人惡意塗鴉,左邊面頰多咗「HK」字樣、額頭多咗「PEOPLE」字樣,而鼻哥窿同上唇仲有兩笪疑似屎嘅啡色物體,搞到好好一個塑像污糟邋遢。Cuson喺面書登相,有網友立即爆粗聲討──Thomas Choi:「屌,正人渣!」、Steven Chui:「離曬大譜!」、Way Cheung:「損人不利己,太過份!」我當然有份聲討喇,胡亂塗鴉嗰個人渣好應該拖出嚟斬,出街小心旱天雷呀……我都唔知點解自己會咁嬲,Cuson本尊反而無乜嘢。

Read more ›
街頭藝術無剷走   西班牙Barcode坑渠蓋

街頭藝術無剷走 西班牙Barcode坑渠蓋

法國街頭藝術家Space Invaders天后嘅食鬼被剷走,香港連少少街頭藝術都包容唔倒,偏偏政府成日同我哋講有商有量,搵鬼信。啱啱喺網上見倒西班牙街頭藝術家Pajac嘅作品,將日常生活嘅景物加少少創意畫兩筆,令城市增添藝術氣息,例如地下嘅坑渠蓋變成Barcode條碼就令我會心微笑,經過睇倒嘅人心情都靚啲!最重要係,呢堆藝術品無比人剷走,部份仲搬去藝術館重製展覽。

Read more ›
新片速報    超巨型Graffiti    短片3日200萬點擊

新片速報 超巨型Graffiti 短片3日200萬點擊

Graffiti見得多,不過咁大型畫晒成個廢置工廠,仲要用Hyperlapse拍攝短片,真係好型好精彩,大開眼界!難怪影片放上YouTube三日已經有接近200萬點擊。講講背景,由導演Selina Miles操刀,今次再同塗鴉師Sofles合作,不過就加埋Treas、Quench同埋Fintan Magee一齊畫,睇到最尾仲見到佢哋一次過將畫過嘅嘢冚晒佢再重新畫過,好厲害,推介。入嚟回帶有得睇返今年6月拍嘅另一條Grafitti實況短片Infinite ,風格類似,都係用Hyperlapse拍攝,一樣正。

Read more ›
法國街頭爆炸頭   物盡其用

法國街頭爆炸頭 物盡其用

以街頭藝術嚟講,呢個設計真係又實用又有創意。由街頭藝術家Nuxuno Xan創作,將法國Martinique街頭粉飾成呢幅塗鴉。最欣賞佢可以用返原本棵樹變成男主角嘅爆炸頭,仲醒目地以黑白做主角,突出呢棵亂草,高手。佢之前仲畫過幅蝙蝠俠牆,入嚟有回帶。

Read more ›