fbpx

Tag: 報價

偷跑10日!《Metal Gear Solid V Ground Zeroes》美版到貨賣$258!

偷跑10日!《Metal Gear Solid V Ground Zeroes》美版到貨賣$258!

嘩,真係失晒預算,本來20日先推出嘅《Metal Gear Solid V Ground Zeroes》,今日竟然有美版偷跑!不過,今日到貨嘅只係得PS3/Xbox One版本,其他版本陸續先到。而且價錢都係玩得過嗰隻,兩個版本都係$258,睇你等唔等日版聽大塚明夫囉。

Read more ›

精品報價: THE LEGO MOVIE積木返貨 ONE PIECE FIGURE少量做特價

精品報價: THE LEGO MOVIE積木返貨 ONE PIECE FIGURE少量做特價

      今個星精品返咗隻烙印戰士幾靚仔, 係黃金時代篇靚仔版, 真係唔底得佢咁靚仔, 而且衫嘅質料好正, 可惜價錢比較高, 買起上嚟有少少心理障礙, 哎! 隻Q版鐵甲威龍都好正, 而且底座仲要係有發光LED嗰隻, 都係非常精品貨色, 相對返新黑版威龍, 我都係鍾意舊版有霸氣啲! 另外千值練KAZU ACTION MODEL 06都非常精美, 模型我就玩唔起喇, 做成超合金好似比較易擁有啲; 留意LEGO嗰邊, 有大量THE LEGO MOVIE積木返咗, 貨量唔太多, 小心! 此外仲有大量ONE PIECE FIGURE做特價, 不過全部都係三幾隻, 買唔到唔好話我冇通知。

Read more ›
福利報價: RG Srike Freedom開報$208 7仔豬嘴有自帶貨

福利報價: RG Srike Freedom開報$208 7仔豬嘴有自帶貨

RG Srike Freedom出咗! 哎! RG一向都係對老人家嘅一項挑戰, 今次又裂甲又浮游炮, 我都知會好大鑊, 不過攞上手時真係好陲, 錢! 都係要畀! 另外HG仲有V仔同UC版吉姆, 唔知點解, 硬係有種好似冇乜嘢好砌咁嘅感覺!

Read more ›
輕薄版PS Vita到貨 開價$1,550

輕薄版PS Vita到貨 開價$1,550

日本聽日10月10日先推出嘅輕薄版2000型號PS Vita,G Point已經返咗貨,日本円價19,929円,香港賣$1,550連埋Mon貼,都幾抵玩,不過今日現貨得兩隻色,黑色同卡其綠。呢部機11月先會正式喺香港有行貨發售,厚度15mm、重量219g,多咗Micro USB插口同電池可以玩多一粒鐘。嚟緊有《FF X/FF X-2》高清版,而且PS4出咗之後,啲遊戲可以Crossplay,紳士們就更加唔使多講,要入。不過又講番轉頭,之後有同《God Eater》、《Gundam Breaker》、《FF X》同梱機,要留意。

Read more ›
星期五報價 《Monster Hunter 4》大貨返  $498快人一步有龍屠

星期五報價 《Monster Hunter 4》大貨返 $498快人一步有龍屠

其實日本一向都冇乜地方有得買偷跑遊戲,香港就明刀明槍快你一步。不過見到《Monster Hunter 4》呢隻大Game嘅情況,尤其令人覺得自己好幸福。日本遊戲網站今日先報導話各遊戲店已經貼出告示,預告聽朝幾點開賣,有啲晨早7點已經有得賣!但係,我哋玩緊喇。講番日本售價,普通版遊戲5,990円,同梱主機26,000円。香港啱啱今日都返日版大貨,G Point報齋遊戲$498,同梱機就白機$2690,黑機$2650,星期五,真係好難再等!  

Read more ›
貨已到!日版《Monster Hunter 4》返貨 最緊要快

貨已到!日版《Monster Hunter 4》返貨 最緊要快

據深水埗G Point講,今日日版嘅《Monster Hunter 4》提早到貨,不過由於貨量唔多,冇現貨賣,只係部份訂咗嘅機迷可以玩先,最遲聽日有齊。另外日版嘅同梱特別版主機都返埋,都係嗰句,如果等唔切,放工放學快啲出旺角巡吓,主機同梱個價由$2,800至$3,300不等,接受到就好出手喇!

Read more ›

今日報價 Wii U有Game玩 紅白機Gamepad面蓋 任記粉必入

今日報價 Wii U有Game玩 紅白機Gamepad面蓋 任記粉必入

Wii U機主呻冇遊戲玩,其實都叫陸續有啲嘅。好似呢隻《Pikmin 3》,好啱同女仔玩,日版已經返貨,G Point報$430。講少少隻遊戲,橫向動作簡單玩法,入嚟有得睇預告同上野樹里嘅CM。另外一件今日返貨嘅係Wii U Gamepad面蓋,個人覺得呢個極為值得入,$160,尤其好似我咁對任記紅白機冇份美好回憶嘅更加係必入,又咁講吖,其實我部Wii U近月已經變成一件擺設,咁梗係要裝飾吓啦。

Read more ›
今日報價 PS Vita《討鬼傳》水貨 3DS《新‧世界樹的迷宮:千年王國的少女》日版

今日報價 PS Vita《討鬼傳》水貨 3DS《新‧世界樹的迷宮:千年王國的少女》日版

今日星期二,都有水貨遊戲返。返學嘅就快放暑假啦,返工嘅今個周末都有連續3日假期,唔打機做咩呀?我都冇女朋友。PS Vita嘅共鬥遊戲《討鬼傳》日版水貨偷跑到咗貨,$425,橫掂冇中文版,早買早享受,至於行貨就要周四先有;另外3DS都有兩隻,一隻係《新‧世界樹的迷宮:千年王國的少女》$420,另一隻係《Digimon World Re:Digitize Decode》$360,唔駛講兩隻都係日版,鍾意RPG或者數碼暴龍嘅可以一諗喎!入嚟可以睇晒3隻遊戲嘅預告片,睇完先決定今日放工放學出唔出去買game啦!

Read more ›
今日到貨《The Last of Us》行貨中英文版鐵盒$388

今日到貨《The Last of Us》行貨中英文版鐵盒$388

今日放工唔好返屋企住,因為有好嘢,就係本來6月14日推出嘅勁Game《The Last of Us》今日已經偷跑咗!初回鐵盒版中英文合版行貨,G Point報$388,正常價。呢隻求生Game好多外國傳媒都俾滿分,GameoverHK玩爆機都發覺係幾好玩,可以話係今年最強大作!順便預告,今晚會有故事式Kali全程爆機影片上載,大量劇透,小心!

Read more ›
今日報價 《P&D 大塚角満の熱血パズドラ部》$140 / PS3/PS Vita《海賊無雙2》中文版到貨

今日報價 《P&D 大塚角満の熱血パズドラ部》$140 / PS3/PS Vita《海賊無雙2》中文版到貨

今期冇乜Game,不如報吓其他嘢。《Puzzle & Dragon》堅係好紅,最新再販嘅《P&D 大塚角満の熱血パズドラ部》深水埗G Point都到咗貨喇,有少量現貨賣$140,個價幾靚。遊戲方面,就有《One Piece海賊無雙2》嘅中文版,早排聽講都有機迷等中文版先玩,今個周末可以開機啦,PS3版開$508。

Read more ›
今日報價 《Dead Island Riptide》PS3率先開賣 《Photo Kano Kiss》 紳士又嚟

今日報價 《Dead Island Riptide》PS3率先開賣 《Photo Kano Kiss》 紳士又嚟

今個月係靜,但都唔算靜到冇game玩,首先有隻喪屍迷必入嘅《Dead Island Riptide》,今日G Point返咗行貨,但得PS3版,賣$345,Xbox360版本要聽日先有。另外PS Vita就有評價幾高嘅《Photo Kano Kiss》,呢隻又係食正PS Vita大量紳士機迷個勢,隨時繼《閃亂》同《界限凸騎》後再次熱賣之作。除此外,仲有PS3/Xbox360《Dragon’s Dogma: Dark Arisen》,加強版係平啲,低開$208,仲有隻PS Vita《迷宮 X Blood 無限》添。

Read more ›

市場情報 行貨確認!拉打無雙《幪面超人 Battleride War》預訂優惠

市場情報 行貨確認!拉打無雙《幪面超人 Battleride War》預訂優惠

正所謂未雨綢繆,總好臨出先嚟捱炒價。5月23日推出嘅PS3《幪面超人 Battleride War(仮面ライダー  バトライド・ウォー)》已經確定有行貨,而且收錄30首《幪面超人》歌曲(可於遊戲中當配樂)嘅限定版都有,深水埗G Point仲搞咗個預訂優惠,普通版建議售價$509,但喺3月25日前訂就有$460呢個靚價;限定版官方價$689,優惠訂價$630。同期優惠仲有日版嘅《Naruto疾風傳: 終極風暴3》,呢啲遊戲都係日文先夠味道!

Read more ›
今日報價 日版PS3《初音》到貨 《Soul Sacrifice》共鬥版超抵偷跑

今日報價 日版PS3《初音》到貨 《Soul Sacrifice》共鬥版超抵偷跑

嘩!今日放工放學有GAME玩!先係PS3隻《初音未來 -Project DIVA- F》,行版應該聽日,日版返咗貨,賣$520,水嚟講叫抵。同時Hori出嘅配件包都到咗日版,賣$330有手掣座、主機、手掣貼紙、吊飾同抹布。至於稻船敬二隻《Soul Sacrifice》都係日版,不過日版有「共鬥版」,即兩隻套裝,$660兩隻,有Friend齊齊玩真係抵到震!至於拆開賣就$350,都平過行貨幾條嘢。不過講到最抵,都係日版主機同梱裝,game連特別版日版主機只係$2,450,雖然日版機已經開始減價,但呢部特別版話明唔會跟。最後,仲有PS Vita隻日版《Tales of Hearts R》……

Read more ›
今日報價 《Macross 30 ~連繫銀河的歌聲~》/《真‧三國無雙 7》到貨

今日報價 《Macross 30 ~連繫銀河的歌聲~》/《真‧三國無雙 7》到貨

正!聽日正式推出嘅《Macross 30 ~連繫銀河的歌聲~》同《真‧三國無雙 7》都喺今日到貨,今晚有嘢玩!先係PS3版《超時空要塞 Macross 30 ~連繫銀河的歌聲~》日版,超銀河箱特別版賣$998,普通版$585;PS3《真‧三國無雙 7》行貨同日版一樣價錢,$530,最後大家見到嘅PS Vita《閃亂神樂 SHINOVI VERSUS 少女們的証明》日版限定版,訂咗就有,現貨就冇,行貨等聽日!最後賣廣告,超時空嘅特別版今晚會有開箱片!因為本人係死忠!錢呀!

Read more ›
今日偷跑 PS3《Metal Gear Rising: Revengeance》行貨推出

今日偷跑 PS3《Metal Gear Rising: Revengeance》行貨推出

喺今日呢個咩假都放晒嘅失落日子,本來21日出嘅行貨《Metal Gear Rising: Revengeance》(英文語音,英日字幕)竟然早咁多偷跑!不過只限PS3版,Xbox360版要過幾日先有。就快搬嘅葵涌廣場G Point開價$418,呢批有得送機械忍者DLC。訂咗嘅有得拎,未訂嘅就放工放學快啲去買!今晚開機玩!

Read more ›