Tag: 埃及

超搞笑埃及「貓身貓面像」 日本奇譚扭蛋4月推出

超搞笑埃及「貓身貓面像」 日本奇譚扭蛋4月推出

日本扭蛋公司奇譚經常都出貓產品,除咗大受歡迎嘅貓頭套之外,呢款埃及獅身人面轉化而成嘅「貓身貓面像」都超可愛。頂埃及特色帽可以拆落嚟,一式五款,最正係其中一款隻貓真係石像風嚟嘅,超搞笑。預計4月發售,貓奴們記住留意返嘞。

Read more ›

有片:巨乳唔係大晒 歷史上的理想女人身形

審美眼光隨年代轉,依家有事業線者有事業,君不見大中小明星奀星暗星紙上明星嫩模老模,莫不拋胸露罅晒長腿以博見報?但你又無諗過,如果周秀娜生於意大利文藝復興年代,佢嘅魔鬼身材根本無男人會睇上眼?睇完呢條片,我先知原來喺古埃及,無膊頭嘅女人先係最靚;喺古希臘,女人生到成尊佛咁成叫索;喺漢朝呢,幼腰細腳大眼妹為絕色;喺意大利文藝復興時期仲爆,象腿配水桶腰加麒麟臂先多男人鍾意;喺英國維多利亞時期,男人似乎最睇重女人有無巨躉;踏入二十年代,瘦就係美;去到荷李活黃金時期,瑪莉連夢露就係天使魔鬼混合體嘞;六十年代又一個循環,男人鍾意番啲高瘦平女人;八十年代係超模年代,追求健康性感,上中下三段段段有之餘,仲要符合比例;九十年代,瘦到見骨先叫性感,真係難為了女人,食嘢彷彿係罪;去到今日嘞,唔使講喇,巨乳係基本要求,腳要長腰要幼,先為之「Ideal Body Type」。

Read more ›

網絡瘋傳 埃及112年來首次下雪 雪景獅身人面像

埃及,我只係諗起沙漠、駱駝,同埋《JoJo奇妙冒險》第3部。係,埃及冬天夜晚都會好凍,但講到落雪,百年歷史都未見過。終於喺Cairo嘅今朝早,就落咗大雪,駱駝同獅身人面像身上都堆滿積雪,據知上星期下午氣溫仲有20度!呢個百年奇景實在奇妙!連日本網民都熱烈討論,到底幾時輪到香港?下周一轉寒喎!

Read more ›

手機新Game:配對不過三條線

都係嗰類煩到你嘔嘅圖案配對遊戲,但呢類遊戲我又最Buy,硬係唔過晒關會唔安樂,爆石擔煙Hea玩「Matching Set」,最啱Feel。

Read more ›