Post Tagged with: "垃圾"

超創意日本扭蛋 水池中的垃圾
by / on 10/09/2019 at 7:37 am

超創意日本扭蛋 水池中的垃圾

日本嘅扭蛋題材層出不窮,最近EPOCH居然推出呢款「池のゴミ」嘅扭蛋,即係水池入面嘅垃圾!好多人唔小心或者有意,會將啲物品掉咗入水池,呢款扭蛋就係將呢啲垃圾放返出嚟,有雨傘、衣架、車軚、保險箱等等,仲有款隱藏物品。用嚟襯其他玩具感覺應該幾奇特,今個月推出,有興趣可以留意返。

Read more ›

【新片速報】疑似垃圾 日本水道飄過悠閒雀仔
by / on 26/04/2019 at 7:47 am

【新片速報】疑似垃圾 日本水道飄過悠閒雀仔

呢段片真係好治癒,好啱星期五睇!有日本網民喺Twitter分享咗,喺路邊嘅水道有嚿疑似大垃圾飄過,越飄越近,點知睇真啲,原來係隻雀仔(定鴿仔?)嚟嘅,好可愛!全程均速,真正悠閒。入嚟有片慢慢睇。

Read more ›
【撞樣】日本網民晨早開窗見白鶴 原來係膠袋
by / on 08/04/2019 at 7:31 am

【撞樣】日本網民晨早開窗見白鶴 原來係膠袋

日常生活上,經常唔小心就會產生幻覺,尤其是朝早啱啱起身。有日本網民今朝打開窗,見到對門花園出現咗隻白鶴,不過睇真啲‥‥‥咦,原來係個白色膠袋嚟嘅,似成咁,的確好易誤會呀。

Read more ›
日本超正「廢棄蝸牛」扭蛋       無用垃圾變蝸居
by / on 07/11/2018 at 7:36 am

日本超正「廢棄蝸牛」扭蛋 無用垃圾變蝸居

又係我最鍾意嘅日本「熊貓之穴」扭蛋系列,每次都有驚喜,今次係呢個廢棄蝸牛「カスツムリ」扭蛋系列,將人類棄置嘅垃圾變成蝸牛嘅蝸居,有紅色蛋黃醬樽蓋、調味料包、枝豆、蛋同埋雪糕筒,5款都好正,好想儲齊一套!設計師係小阪紗季同森岡祐二,今日公開發售,每扭一次200円,鍾意嘅記住留意返嘞。

Read more ›
【注意】日本賞櫻後遺症 大量垃圾/ 採摘櫻花做頭飾
by / on 30/03/2018 at 11:39 am

【注意】日本賞櫻後遺症 大量垃圾/ 採摘櫻花做頭飾

最近東京櫻花開得好靚,好多人都去咗賞櫻,不過睇櫻花之餘都記緊要注意兩樣嘢。最近喺Twitter睇到唔少投訴,第一樣就係垃圾問題,唔少人賞櫻之後搞到一地都係垃圾,情況勁惡劣,有圖有真相。第二樣要注意就係唔好採摘櫻花,有網民睇唔過眼,話唔少日本女仔而家流行採摘櫻花然後變做頭飾,再影相放上網呃like,件事俾網民公審,大家都好嬲。所以大家去到日本賞櫻,記住要清理好啲垃圾同埋唔好採摘櫻花,做個有公德心嘅遊客。

Read more ›
【敬禮】每次Comiket到場執垃圾 5年前後比較圖
by / on 07/01/2018 at 3:39 pm

【敬禮】每次Comiket到場執垃圾 5年前後比較圖

日本人一般都好有公德心,不過呢啲大型活動,難免會有啲垃圾留低。不過總會有人願意出一分力去令環境變番乾淨,而呢位o依家係聲優嘅伊藤新,自2013年12月嘅C85開始,每次Comiket都會到場執垃圾,5年前執咗咁多袋,啱啱過咗嘅C93就得兩袋,係咪好成功喇?仲有佢近幾年去執垃圾嘅圖比對吓。

Read more ›

創意手法對付煙頭/香口膠垃圾蟲 投美斯定C朗?
by / on 06/09/2015 at 12:41 pm

創意手法對付煙頭/香口膠垃圾蟲 投美斯定C朗?

呼籲市民唔好亂拋垃圾,除咗賣吓電視廣告貼吓告示,仲有啲方法可以有創意啲。好似英國組織Hubbub最近就諗倒兩個方法,減少隨地都見嘅煙頭同香口膠,方法一係將掉煙頭嘅位置變成一個投票版,叫班煙民用食完嘅煙頭去投「美斯定C朗拿度好波啲?」,方法二就係整個香口膠告示牌,要人用食完嘅香口膠貼成圖案猜謎,成效似乎唔錯,起碼引到班垃圾蟲注意,如果喺香港,係咪要整塊繁簡體並用嘅告示牌?

Read more ›
幾年無執屋      網友核爆級亂房曝光
by / on 30/04/2015 at 7:18 am

幾年無執屋 網友核爆級亂房曝光

唔執屋好正常,懶起上嚟我都試過幾日唔執,不過去到圖中呢個外國網友咁強啲垃圾陣容,連地下都見唔倒,真係少啲忍耐力都唔得,《大時代》阿博都未必做到。呢張相噚晚喺外國網站曝光即刻驚為天人,post相嘅網友poisonedbymercury留咗一句:「started cleaning my room for the first time in years.」即係起碼幾年無執過,原來佢自認有情緒病,所以先搞到咁嘅狀況,好彩,佢決定重新做人,仲share咗自己執乾淨之後嘅相。網友都大讚佢終於的起心肝重見天日,其實間房越亂心情越差,只係一個惡性循環,而家係一個好開始,睇完大家都係時候快啲執屋嘞。

Read more ›
新片速報 「清潔香港」新廣告     執垃圾攞DNA化驗
by / on 24/04/2015 at 7:26 am

新片速報 「清潔香港」新廣告 執垃圾攞DNA化驗

呢個廣告大家有無喺香港見過?我喺外國網站見到有人讚,所以想分享吓。呢個廣告嘅目的係推廣「清潔香港」,不過做法幾特別,首先搵專人執走街上嘅垃圾,之後拎返實驗室抽取入面嘅DNA,最後模擬出垃圾蟲嘅面貌再整成大型廣告燈箱,等亂掉垃圾嘅人外貌曝光。廣告喺4月22日世界地球日開始推出,由奧美廣告公司幫《ECOZINE》雜誌同大自然保護協會製作,雖然我估成效唔大,但留意吓有無識嘅人都好。

Read more ›
有片:電單車判官,以垃圾還垃圾!
by / on 24/09/2014 at 10:00 am

有片:電單車判官,以垃圾還垃圾!

抵死架,邊個叫你做垃圾蟲吖,咪以為揸車丟完垃圾就可以揚長而去,皆因呢個世界有有電單車判官!唔抄你牌唔扣你分,唔判你坐監唔判你做社會服務令,更加唔罰你款,淨係要你硬食番自己丟嘅垃圾,問你死未?

Read more ›
10日垃圾儲起合照    家人情侶鬥污糟
by / on 11/07/2014 at 7:07 am

10日垃圾儲起合照 家人情侶鬥污糟

「你間房污糟到好似垃圾堆填區!」阿媽每次執房都用以上句子招呼我,但我唔覺亂,呢啲叫亂中有序!講返正題,外國攝影師Gregg Segal做咗個企劃,搵嚟一班人或者家庭,將自己10日內嘅垃圾儲起,然後再瞓喺堆垃圾度影相,目的係想透過一輯輯相,提醒大家減少製造癈物。

Read more ›

廁紙筒變藝術品  垃圾的浪漫
by / on 14/06/2014 at 11:27 am

廁紙筒變藝術品 垃圾的浪漫

廁紙筒都有得攞嚟玩?法國人真係特別浪漫,呢位叫Anastassia Elias嘅法國藝術家,玩到無嘢好玩,決定將廁所用完嘅廁紙筒變為藝術品,喺入面拼貼整成立體紙製圖。名為Rouleaux嘅系列,有人喺入面打網球、有髮型師幫客人剪頭髮,仲有水底剪影同埋恐龍世界。通過廁紙筒另一邊透入嘅光,造出立體效果,感覺好似喺隧道入面見到嘅剪影。不過平凡人好似我同你咁,用完嘅廁紙筒都係掉咗佢算啦,未比阿媽鬧過咩?

Read more ›
《洪興仔》經典珍藏本創刊號$33
by / on 08/10/2013 at 7:33 pm

《洪興仔》經典珍藏本創刊

呢條News遲咗啲呀呵?無計,上周五創刊,諗住收工先買,點知賣晒;周六落觀塘,又賣晒;周日叫相熟書報攤問發行留書,輾輾轉轉搞到今朝先終於到手。

Read more ›
垃圾藝術圖集   街頭驚現污糟鬼
by / on 07/10/2013 at 9:36 am

垃圾藝術圖集 街頭驚現污糟鬼

香港人日日嘈堆填區問題,外國政府垃圾問題處理得好,所以市民心情都輕鬆啲,連垃圾都可以玩一餐。西班牙藝術家Francisco de Pájaro就將街邊嘅垃圾畫幾筆,變成一隻隻貪玩嘅污糟鬼,呢個「Art is Trash」系列遍及馬德里、倫敦、巴塞隆拿街頭,好有創意勁好睇。不過我最想知係佢玩垃圾時有無比清潔姐姐追打,同埋玩完有無執返乾淨。

Read more ›