Post Tagged with: "地震"

日本山形縣地震 家貓驚慌走失網民尋貓
by / on 19/06/2019 at 7:05 am

日本山形縣地震 家貓驚慌走失網民尋貓

日本山形縣以西噚晚香港時間9時22分發生6.8級地震,日本氣象廳亦發出咗海嘯警告。住喺新潟市神道寺嘅呢隻貓更加因為驚得滯走失咗。只得3歲仔嘅佢個樣睇落好細膽,而家佢嘅尋貓啟事喺日本Twitter熱傳緊,好多人都想佢快啲返屋企,希望今次地震人同貓都平安渡過啦。

Read more ›

北海道地震後「AEON超市」 網民第一次見「全飯壽司」
by / on 10/09/2018 at 7:55 am

北海道地震後「AEON超市」 網民第一次見「全飯壽司」

北海道地震後電力逐步恢復,店舖都開始恢復營業,繼Lawson全架都放滿晒香蕉後,有網民喺新札幌嘅AEON超級市場發現呢盒「全飯壽司」,無任何魚生只得醋飯,賣198円,一盒10件。好多網民留言話第一次見,估計停電之後大部份海鮮同肉類已經變壞所以只有飯。有網民讚超市經理做得好,連少少嘅食物都唔想浪費所以先會咁樣pack埋賣。亦有網民發現附近嘅Lawson凍櫃已經無晒飯糰,但就有大量納豆,咦,可以加埋嚟一齊食喎!

Read more ›
北海道地震便利店被清空 「激辛辣麵」無人買
by / on 08/09/2018 at 1:40 pm

北海道地震便利店被清空 「激辛辣麵」無人買

北海道地震由6.7級更新到7級,地震引發嚴重停電,便利店嘅食物亦被搶購一空,不過有網民發現貨物架上面竟然有嘢剩!就係幾盒寫住「激辛MAX」嘅辣麵。呢幾盒被形容為地獄級辣麵,似乎大家都諗住等到絕境先考慮。咁都係嘅,食完勁辣又要飲大量水,似乎唔適合喺呢個時候挑戰。不過有網民發現其實入面嘅辣醬可以分開落,咁買嚟應急都仲可以嘅,不過自己落調味啦。

Read more ›
地震停電冇電視 北海道網民全靠3DS知天下事
by / on 08/09/2018 at 12:51 pm

地震停電冇電視 北海道網民全靠3DS知天下事

最新好消息係北海道99%地方已經恢復供電,希望當地人快啲可以過番正常生活啦。咁喺停電期間,冇得睇電視新聞點算好?有網民就摷部3DS出嚟,好彩之前有買天線……

Read more ›
「是替身攻擊!」地震書架全軍覆沒 唯獨一本屹立不倒
by / on 08/09/2018 at 11:43 am

「是替身攻擊!」地震書架全軍覆沒 唯獨一本屹立不倒

北海道地震,好多網民嘅書架、玩具架都不能幸免倒下,好似呢位網民咁,個書架啲書跌晒落地啦,不過佢發現有一本神奇地冇事,而且仲好襯個書名,估唔估到?

Read more ›
【無私】日本北海道地震 休業7-11店長自燒雞串免費派
by / on 07/09/2018 at 4:45 pm

【無私】日本北海道地震 休業7-11店長自燒雞串免費派

天災發生後,未回復正常生活前,呢個時候當然要團結啦。日本人喺呢方面真係做得好好,好多嘢唔係必需要做,但都會樂意去做。喺Twitter有唔同網民唔同發現,包括清水町嘅一間臨時休業7-11,店長先生就喺門口自己燒雞肉串免費請人食。又有店長喺餐聽門口派炸薯,亦都有卡拉OK店「カラオケ・ピロス」開放免費俾人拎電話去充電,仲有免費食物。

Read more ›

(不斷更新)北海道地震的夜晚    滿天星星超靚Twitter熱傳
by / on 07/09/2018 at 7:45 am

(不斷更新)北海道地震的夜晚 滿天星星超靚Twitter熱傳

日本北海道發生6.7級地震,今次地震仲帶嚟大規模嘅全道大停電,不過因為全道停電,好網民見到滿天嘅星星,不斷喺Twitter分享夜晚好靚嘅天空。而北海道嘅電力今日會陸續恢復,希望當地人平安,喺當地嘅香港人都要格外小心。

Read more ›
「無印良品」地震求生指南 網上熱傳應災措施
by / on 06/09/2018 at 7:42 am

「無印良品」地震求生指南 網上熱傳應災措施

北海道6.7級地震導致停電,暫時都未知幾時可以恢復電力,亦有可能會有再有餘震,喺當地嘅人要小心。網上有防災消息發佈,包括之前Muji無印良品印製嘅防災求生指南、「東京防災」嘅圖文同埋民間智慧 ─利用罐頭吞拿魚同埋水樽照明,入嚟有詳情,可以分享俾有需要嘅朋友。

Read more ›
日本地震後遺症 大阪公園出現「流浪貓」
by / on 25/06/2018 at 7:16 am

日本地震後遺症 大阪公園出現「流浪貓」

早前大阪地震,好多喵嚇到跳窗走,喺Twitter搜尋「#迷子猫」就會見到大量貓主尋貓嘅啟事。啱啱有人喺大阪某公園見到一隻肥貓,睇個樣好哀愁,加埋肥肥哋嘅身型,都估到佢係有主人養開嘅,樓主話佢每見到有人經過就會喵喵叫,相信好努力咁搵緊主人。希望佢同埋其他走失咗嘅貓,都可以快啲成功返到屋企啦。

Read more ›
京都喵星人失踪半年    大阪地震後返屋企尋親
by / on 24/06/2018 at 3:13 pm

京都喵星人失踪半年 大阪地震後返屋企尋親

前排大阪6.1級地震,好多喵喵都嚇到爬窗走,大量貓奴喺網上尋貓,好慘。另一邊廂,呢位住喺京都嘅網民,隻失咗踪半年嘅喵就喺地震完當日返咗屋企。貓主好開心忍唔住放上網同大家分享,亦都鼓勵唔見咗喵嘅主人唔好放棄。大量網民留言恭喜佢,有人話隻喵應該係擔心佢哋,趕返嚟睇吓佢哋一家人有無事。而隻喵無見一排胃口好好無瘦到,係隻腳黑咗少少,同埋隻耳仔俾人剪咗個三角型。個三角型應該係貓義工證明佢絕咗育嘅標記。不過唔駛擔心,走失前主人已經幫佢絕咗育,唔係走失期間俾人無端端絕咗育嘅。希望其他走失咗嘅喵都快啲識返屋企啦。

Read more ›
大阪地震 動漫迷災區震出「本子」 喜好慘被媽媽發現
by / on 18/06/2018 at 4:05 pm

大阪地震 動漫迷災區震出「本子」 喜好慘被媽媽發現

今朝地震,喺Twitter又見到好多人出自己間房嘅圖,好多動漫迷嘅玩具或者書架都跌晒落嚟,不過最慘係收埋咗喺心入面嘅秘密都被震咗出嚟,仲要俾阿媽見到,咁就……

Read more ›

【新片速報】大阪地震電車停駛 人力推動向前行
by / on 18/06/2018 at 3:08 pm

【新片速報】大阪地震電車停駛 人力推動向前行

繼續都係大阪嘅地震新聞,Twitter好多人分享唔同嘅消息,呢段片見到御堂筋線嘅電車因為地震而中斷行駛,好多職員幫手推車。之後有人留言,奇怪點解原本有10個車廂嘅電車得返5個。

Read more ›
大阪地震「環球影城」售票處玻璃爆裂      暫時照常營業
by / on 18/06/2018 at 2:59 pm

大阪地震「環球影城」售票處玻璃爆裂 暫時照常營業

大阪發生6.1級地震,情況都幾嚴重,希望唔好再有餘震。好多遊客到大阪必去嘅「環球影城」,有網民影到售票處塊大玻璃因為地震而碎裂咗,好彩事發時售票處未開,如果唔係無論喺入面嘅職員或者買票嘅遊客都好危險。據網民講,而家嘅環球影城暫時仍然照常營業,不過喺當地或準備去玩嘅都要格外小心。

Read more ›
大阪地震 列車座墊緊急變逃難梯
by / on 18/06/2018 at 1:40 pm

大阪地震 列車座墊緊急變逃難梯

大阪今朝發生地震,希望當地嘅居民同遊客都平安,同埋唔好再有餘震啦。有網民就影到,原來列車座墊除咗早前公佈可以喺遇到緊急情況下當盾牌外,仲可以拆出嚟成為逃難梯,又長知識了。

Read more ›
【手信】日本Kit Kat「地震應援」版   熊本熊搞笑樣必買
by / on 31/03/2018 at 1:18 pm

【手信】日本Kit Kat「地震應援」版 熊本熊搞笑樣必買

日本嘅Kit Kat經常有新口味,好啱買嚟做手信,嚟緊4月2日推出嘅呢個熊本熊新版本,大家去旅行好值得買。首先佢係為咗熊本市2016年地震復興計劃而推出嘅,每賣出一袋會捐出10円,另外佢嘅口味係「いきなり団子味」,即係熊本市嘅特產麻糬,外皮由糯米包成,入面係黃色蕃薯同埋紅豆餡,睇落都覺得好好味呀。今次有4個版本嘅包裝,熊本熊分別賣萌、偷笑、舔脷、開心,可以乘機買多幾款嘞。

Read more ›