Post Tagged with: "地鐵"

【有片】澳洲男涉嫌塗鴉日本地鐵 被拘捕新聞熱播
by / on 06/04/2019 at 7:06 am

【有片】澳洲男涉嫌塗鴉日本地鐵 被拘捕新聞熱播

外國人好鍾意喺戶外塗鴉,不過今次嚟自澳洲嘅Paul Han玩得更大,佢涉嫌喺凌晨1點潛入東京文京區嘅車輛機地,喺地鐵車身繪製大幅作品,最近佢重返東京時就喺成田機場俾日本警方拘捕,逮捕時喺佢身上仲搜出噴漆、頭戴電筒、GoPro鏡頭等大量用品,似乎有心再犯案。根據日本法律,破壞公共物品最高可被判入獄3年,而近兩年東京地鐵範圍就有超過25單類似個案,另外之前都有澳洲人喺日本畫graffiti而被捕,令日本人對澳洲人有咗壞嘅印象。入嚟有得睇返當日嘅新聞報導。

Read more ›

網圖分享:地鐵擬人化 觀塘線睇港島線唔順超
by / on 29/03/2019 at 1:44 am

網圖分享:地鐵擬人化 觀塘線睇港島線唔順超

又一擬人化插畫,今次面書專頁「天天塗鴉身體好!」以地鐵站為題材,將地鐵線變成唔同角色,包括──「因為車程很長經常睡覺一直睡眠不足」嘅西鐵線、「喜歡哄大家開心」嘅迪士尼線、「其實很串」嘅馬鞍山線、「成日黑面其實人很好」嘅東鐵線、「看不順眼港島線覺得他很扮野」嘅觀塘線、「很重視義氣這件事」嘅荃灣線、「覺得香港島才『更香港』」嘅港島線、「廣東話/普通話/英語全部不錯」嘅將軍澳線。性格設定符唔符合角色本性呢?值得商榷,但公仔係畫得幾小清新,幾討好,抵畀Like。

Read more ›
【有片】地鐵車廂露兩手    紐約跳舞勁人技癢表演
by / on 20/03/2018 at 7:31 am

【有片】地鐵車廂露兩手 紐約跳舞勁人技癢表演

一向都話高手在民間,美國紐約呢位乘客搭搭吓地鐵技癢,忍唔住跳咗段舞,又飛又盛,技術超高!乘客睇到笑晒,之後有另一位朋友加入同佢battle,不過技術相對就無咁高嘞,但係兩個一樣玩得好開心,入嚟有片睇。

Read more ›
【有片】「超親切」女超人對怪獸 教你搭地鐵守規矩
by / on 15/10/2017 at 4:06 pm

【有片】「超親切」女超人對怪獸 教你搭地鐵守規矩

世界各地都唔少得冇公德心嘅人,成日搭地鐵嘅應該會明。美國洛杉磯地鐵拍咗一系列影片教人搭地鐵要守規矩,最特別之處係好有日式特撮風,有女又有怪獸,不過其實目標對象應該唔係日本人吖,大部份日本人搭地鐵都好守規矩,如果唔飲醉酒……講開又講,唔知外國多唔多人挨住條柱嚟企?又會唔會讓人落咗車先衝上車?

Read more ›
美少女戰士陪你搭地鐵 八達通配飾$188
by / on 27/07/2017 at 10:01 pm

美少女戰士陪你搭地鐵 八達通配飾$188

舊零水,係OK抵玩嘅,買畀女友無壞吖,如果佢係《美少女戰士》Fans的話,講緊嘅係地鐵推出嘅美少女戰士3D八達通配飾,分變身盒同月亮閃爍兩個版本,連埋條鏈各16cm長,都OK大件,不過女仔精品係咁架喇,每個$188,唔貴。

Read more ›
【有片】日本地鐵員工效力42年退休 最後一日超感動影片
by / on 31/03/2017 at 11:34 am

【有片】日本地鐵員工效力42年退休 最後一日超感動影片

呢條「働くって、いいもんだ。THE LAST TRAIN」雖然係同Boss合作嘅影片,不過都拍得真誠又感人嘅。呢位「上野駅務管区」嘅「区長」石山浩治,昭和50年(1975年)已經加入,工作42年後,今年春天退休喇,平日佢嘅工作係點?最後一日佢啲同事又為佢準備咗啲咩驚喜?如果係佢,真係好難唔感動到喊。仲有首歌係〈I’ve Been Working on the Railroad〉。

Read more ›

【新片速報】北海道地鐵出現烏鴉 蕩失路好迷茫
by / on 01/11/2016 at 7:13 am

【新片速報】北海道地鐵出現烏鴉 蕩失路好迷茫

日本嘅地鐵好受動物歡迎,之前經常有喵星人走上車遊車河,亦都有雀仔,最近又有新成員,今次到一隻黑色嘅烏鴉。有網民拍到佢喺札幌市東西線嘅地鐵車廂入面行嚟行去,途中仲走近車門想落車,不過又嚇一嚇縮返入車廂,段片喺Twitter好多人分享。BTW,今次上錯車,唔知要飛返幾遠先搵得返屋企人呢?慘。

Read more ›
【回帶】東京地鐵實況相集 日本網民:「好似奴隸船!」
by / on 18/10/2016 at 7:11 am

【回帶】東京地鐵實況相集 日本網民:「好似奴隸船!」

【回帶】東京地鐵實況相集 日本網民:「好似奴隸船!」 德國攝影師Michael Wolf嘅作品好正,作為住喺香港日日迫港鐵返工放工嘅,應該特別有同感。佢嘅攝影集「Tokyo Compression」紀錄咗15年嚟喺東京地鐵朝早見到嘅實況,車廂入面嘅人迫到塊臉要貼實玻璃,有啲皺晒眉,有啲無眼睇,亦有啲瞓晒覺好真實。呢輯相喺2012年發佈,最近有日本網民放返上2ch討論區,網民嘅反應好熱烈,有人留言話:「點睇都似奴隸船」、「坐喺度同迫埋一邊嘅人俾同樣票價,公平咩?」、「唔好亂咁拍人啦!」

Read more ›
倫敦地鐵站被喵星人侵佔 全部廣告位變晒貓
by / on 14/09/2016 at 7:15 am

倫敦地鐵站被喵星人侵佔 全部廣告位變晒貓

作為貓奴,睇完呢輯相應該好想去倫敦!雖然倫敦嘅地鐵出名污糟,不過最近Clapham Common呢個站全部廣告位居然變晒喵星人嘅畫。背後嘅原因都好有型,原來係一個喺Kickstarter集資嘅活動,由700個人一齊夾錢達成,目的係希望啟發大家用唔同嘅眼光看待社會,同埋相信人類有能力去改變社會。唔知香港有無貓奴想夾吓錢包個站嚟玩吓?

Read more ›
很想要吧?元祖高達/渣古八達通卡 嘟閘型過人
by / on 18/08/2016 at 4:45 pm

很想要吧?元祖高達/渣古八達通卡 嘟閘型過人

很想要吧?心底話,嘟閘都型過人,梗係想要喇。八達通以《機動戰士》為主題,推出珍藏版元祖高達同渣古成人八達通,卡身半透明,一套兩款盛惠$238,即日起開始發售。想買,唔該稍移玉步到沿線地鐵車站7仔。

Read more ›
【新片速報】地鐵車廂睇咸書第二彈 直擊乘客反應
by / on 21/05/2016 at 10:45 am

【新片速報】地鐵車廂睇咸書第二彈 直擊乘客反應

仲記唔記得呢個喺地鐵睇咸書/古怪書嘅鬼佬Scott Rogowsky?上次反應好,今次佢哋再接再勵,影吓途人嘅反應。今次書名層次再高啲,例如《1萬張陰莖圖》、《點樣詐死?》、《如何在上帝前隱藏勃起》,旁邊嘅乘客睇見除咗笑,就係拎部手機出嚟影低佢,YouTube見啦。係囉,點知黃雀在後,俾人影埋。

Read more ›

【新片速報】搭地鐵睇《101個令JJ增長的方法》 測試途人反應
by / on 09/04/2016 at 2:33 pm

【新片速報】搭地鐵睇《101個令JJ增長的方法》 測試途人反應

呢條片好好笑,而家出街搭車無乜人會拎本書出嚟睇,外國YouTube頻道The Chortle做咗個測試,搵個男仔喺車上讀啲古怪書例如《101個令JJ增長的方法》、《吃大便簡易法》、《搭上女兒的藝術》,再影吓途人嘅反應,通常女人都會皺眉,男人就會大笑,而我最佩服係佢啲書名諗到好絕。BTW,其實香港人連立法會議員開會途中睇豔照都見過,呢啲嘢,嚇我吔唔倒嘅。

Read more ›
【怪賊】日本地鐵車廂吊環被偷 330個吊環離奇失踪
by / on 04/02/2016 at 7:13 am

【怪賊】日本地鐵車廂吊環被偷 330個吊環離奇失踪

早兩日先報導過日本地鐵有心型吊環扶手好浪漫,點知啱啱就見到呢單東京地鐵車廂吊環被盜新聞,不過就係傳統嗰種圓形吊環。最近日比谷線有3個車廂吊環俾人連帶拆走,地鐵職員發現後報警,傳媒發現原來已經有330個吊環被盜,日本網民嘅回應都好精警,有人話:「估唔到有戀環癖」、「應該係電車宅做啦」、「係咪跟蹤狂見到鍾意嘅女仔揸過所以拆走?」、「偷嚟放喺廁所掛毛巾?」、「係咪俾中國人當旅行紀念品拎咗返屋企?」睇返網民分享嘅相,原來有人會偷嚟裝喺車尾死氣喉旁邊,日本亦有網站轉售呢啲吊環,最正都係有人問:「係咪偷咗嚟做動漫角色艾露露嘅頭飾?」

Read more ›
【零違和】耶穌搭地鐵 古典名畫PS融入現代生活
by / on 10/11/2015 at 7:06 am

【零違和】耶穌搭地鐵 古典名畫PS融入現代生活

聖母瑪利亞抱住耶穌搭地鐵?最先我都係俾呢張相吸引住,呢位來自烏克蘭嘅藝術家Alexey Kondakov,將古典名畫嘅角色PS入現代社會場景,搭地鐵、行隧道、拖狗散步,全部生活化嘅場景都會見到古典人物,效果好特別。今次已經係佢嘅第二個系列,勁在全部相都無違和感,就算唔熟悉名畫嘅都會覺得好睇。

Read more ›
【正義大媽】上海女人地鐵亂掉瓜子殼 日本網民:「中國大媽好嘢!」
by / on 11/10/2015 at 12:57 pm

【正義大媽】上海女人地鐵亂掉瓜子殼 日本網民:「中國大媽好嘢!」

呢單新聞早幾日《人民日報》都有報導,啱啱就傳到去日本。一講起大媽,好自然諗起喺街頭跳舞或者沙灘戴面罩嗰啲,而家開始要轉轉諗法嘞,上海呢位大媽好有正義感,為人民爭光,話說喺上海地鐵8號線,有個女人坐喺度邊玩手機邊食瓜子,地下就一地瓜子殼,大媽多次勸喻呢位女士唔好隨地掉殼,點知對方無視佢,最後大媽決定自己主動執晒啲瓜子殼,啲相放上微博後好快傳到去日本,日本好多網民都大讚:「中國大媽好正直呀!」,仲有人串埋個垃圾女人:「佢係咪大媽養嘅倉鼠?」,「食埋啲殼啦,殼都好好味嘅!」但就有網民突破盲腸:「我好衰,zoom咗埋去第二張相度睇……」

Read more ›