Post Tagged with: "地址"

【好想去】大阪《龍珠》主題餐廳 食物超精緻大量精品
by / on 10/12/2017 at 1:23 pm

【好想去】大阪《龍珠》主題餐廳 食物超精緻大量精品

嚟緊計劃去大阪嘅龍珠迷,呢間主題餐廳應該必去嘞。12月8日開幕,喺大阪梅田,食物方面幾有誠意,有筋斗雲班戟、神龍春卷、四星珠甜品/蛋包飯、大魔王封印沙律,全部都好正,唯一係個豬肉拉麵有啲殘忍,不過有佢最鍾意嘅底褲仔,好可愛。仲可以嗌埋貓仙人仙豆。另外有大量精品發售,由T恤、外套到電話套散紙包乜都有,而且開到夜晚11點,最緊要帶定張信用咭。

Read more ›

寄信無地址靠畫地圖    成功投遞網民熱傳
by / on 04/09/2016 at 2:28 pm

寄信無地址靠畫地圖 成功投遞網民熱傳

型喎!而家好少人會寄信,有咩都寫email或者WhatsApp,所以收到手寫嘅信特別開心。如果收到呢封信相信更開心,因為寄信者之前去咗冰島一個農莊參觀,之後想寄信,但又唔知對方地址喎,最後佢決定畫地圖喺信封面,仲寫明呢個農莊入面住咗三個小朋友,而奇蹟嘅係封信居然真係寄到當事人手中!呢件事發生喺5月,不過最近又喺網上熱傳。BTW,冰島嘅郵差叔叔果然又聰明又有人情味。

Read more ›
東京《美少女戰士》主題Cafe 又食又買瘋狂駛錢
by / on 03/06/2016 at 2:39 pm

東京《美少女戰士》主題Cafe 又食又買瘋狂駛錢

利申唔係《美少女戰士》迷,不過日本人就係有辦法將所有嘢都整到好吸引!之前同《美少女戰士》合作過嘅日本首飾品牌Q-pot,最近進一步喺佢哋東京嘅Q-pot Cafe推出《美少女戰士》甜品同特飲,全部靚到震,仲有大量手信例如杯、曲奇等俾粉絲買走,唔食嘢又可以去埋旁邊嘅Q-pot掃走埋新出嘅《美少女戰士》首飾,粉絲去到應該會瘋狂駛錢。

Read more ›
【抵食】日本人氣3層迴轉壽司店    「元氣」集團每碟100円
by / on 03/05/2016 at 7:15 am

【抵食】日本人氣3層迴轉壽司店 「元氣」集團每碟100円

去迴轉壽司店你習慣拎轉盤上嘅壽司定自己點菜?為咗新鮮,越嚟越多人會選擇點菜。日本元氣集團旗下仲有間壽司店叫「魚べい」(魚米壽司),主打100円一碟,而且店內嘅迴轉壽司帶足足有3層,最底層係普通迴轉壽司帶,第2層同第3層就係專供點菜用嘅,經電腦點菜後,架新幹線列車或者F1賽車就會運送壽司到顧客面前,拎完壽司撳個掣架車又會彈返廚房,好方便。另外有個貼士,除咗壽司,現場仲有拉麵、炸物之類嘅食物嗌,據講拉麵水準仲拍得住街舖嘅拉麵店,而且超多分店,未試過嘅下次可以去試吓!

Read more ›
東京《愛麗斯夢遊仙境》主題餐廳  巨型啤牌Lolita有睇頭
by / on 10/10/2013 at 7:45 am

東京《愛麗斯夢遊仙境》主題餐廳 巨型啤牌Lolita有睇頭

男仔去東京可以去秋葉原Maid Cafe,又可以去台場睇高達,咁女仔呢?最近東京新宿開咗間以《愛麗斯夢遊仙境》為主題嘅餐廳「魔法の国のアリス」,裝修方面落重本,電影內嘅經典場景例如巨型啤牌、大紅心、迴旋木馬等全部有齊,女仔入到去好似置身仙境一樣,即刻公主上身。至於陪女朋友去嘅都唔駛怕悶,因為全部女侍應都會著住愛麗斯招牌藍白色Lolita服裝,分分鐘你仲樂而忘返。

Read more ›