Tag: 土耳其

比卡超又崩壞 土耳其「細眼版」Twitter熱傳

比卡超又崩壞 土耳其「細眼版」Twitter熱傳

比卡超都幾唔好彩,經常都變崩壞版,繼之前Mister Donut災難之後,最近網上熱傳有呢款。出事地點係土耳其嘅伊斯坦堡,有網民喺當地嘅食街發現呢隻用牛油製成嘅巨型比卡超,個樣特別係對眼簡直係崩壞級數,任天堂睇見都會嚇到笑。原來當地食肆好興用牛油造「雕塑品」,除咗比卡超仲有藍精靈‥‥‥之後有網民好心用Photoshop畫返靚比卡超對眼,即時傳神晒,入嚟有得睇網民嘅貼圖回應,仲有得回帶睇返當年Mister Donut嘅災難圖。

Read more ›

【有片】喵星人「成功上樓」靠進擊 主動跳上車唔願走

【有片】喵星人「成功上樓」靠進擊 主動跳上車唔願走

喵星人為咗上樓可以去到幾盡?之前日本都有唔少成功例子,可能喺網上睇到,呢隻土耳其嘅流浪貓Leo都有樣學樣,而佢嘅方法就係跳上每日嚟餵流浪貓嘅義工架車度嘞。首先喺車入面嘅車頭位置邊晒太陽邊瞓覺,之後坐埋上司機位,再之後直情去埋車尾嘅位置瞓覺兼舔毛。咁進擊,人類即時被徹底融化,而家佢成功上樓好幸福,證明幸福係要靠自己爭取架!而佢嘅進擊過程亦被拍片兼放上YouTube,片尾仲有個訊息:「Never give up hope.」好勵志!BTW,各位想養喵嘅朋友,記住選擇領養,等多啲貓貓可以成功上樓喇!

Read more ›
【人間有情】土耳其出現大風雪 店舖開放招待流浪貓狗

【人間有情】土耳其出現大風雪 店舖開放招待流浪貓狗

土耳其伊斯坦堡出現大暴雪,過百航班取消,交通癱瘓,不過另一方面就睇到人間有情。有雜貨店老闆開放自己舖頭俾流浪貓狗,仲開著埋暖爐等大家圍爐取暖。唔少店舖都打開大門招待流浪貓狗,令佢哋開心到喺地下狂碌,甚至商場都開放接待動物。至於瞓街嘅動物,都有好多有心人帶備紙箱、毛毯同食物俾佢哋,好感動。嚟緊天氣開始凍,大家都記住多啲關心屋企附近嘅流浪貓狗嘞。

Read more ›

【成功上樓】喵星人硬闖電視台直播 男主播淡定回應網民大讚

為咗上樓可以去到幾盡?之前我哋都見唔少喵星人爭取上樓嘅絕技,今次土耳其呢隻仲勁,直踩上電視新聞直播,最後當然成功被收養。當日男主播Kudret Çelebioğlu報報吓天氣,突然出現咗呢隻不速之客,首先喺枱邊裝裝吓,之後一嘢跳上枱,仲施施然喺枱中間橫過,然後坐咗喺部電腦嘅keyboard上面。而男主播唔單止無俾佢嚇窒,反而語調一轉,呼籲電視機前嘅觀眾要善待流浪貓,如果遇到應該要開門俾佢哋同俾少少食物、水呢啲小動物。「專業」表現被網民大讚。最後電視台其中一個職員決定收養,仲幫隻喵改咗名叫Hüsnü,即係Beauty即係靚啦。恭喜恭喜!

Read more ›

【有片】土耳其真實版《變形金剛》 紅色寶馬變機械人

其實段片放上YouTube已經係4月嘅事,不過最近好多外國網開始報道,吸引好多人注意。話說土耳其公司Letrons最近成功研發咗一個真實版嘅Transformer,由一架紅色寶馬變身為紅色巨型機械人,仲識噴煙,擁有呢架車應該係好多男人嘅夢想。睇片見旁邊拎住遙控器嘅男人玩得咁開心就知。唯一可惜係喺汽車模式時仲未可以揸,只可以遙控操作。另外暫時未知幾錢,不過有興趣可以上佢官網訂購,仲有4個款式任揀。唔知郭富城呀古天樂嗰啲會唔會考慮入返部?

Read more ›

【愛喵領袖】清真寺開放予喵星人 冬天越住越多貓

見微知著,有愛心嘅領袖特別得人尊敬,近近哋有台灣嘅蔡英文,遠啲嘅有土耳其伊斯坦堡清真寺呢位愛心領袖。佢叫Mustafa Efe,係呢間清真寺嘅伊瑪目(伊斯蘭教宗教領袖或學者的尊稱),由於天氣太凍,由上年開始佢決定開放寺院比喵星人入住,由於環境太舒適,而家越住越多貓,有貓媽媽索性帶埋自己嘅仔女入清真寺長住,落地生根。

Read more ›

【有片】喵星人闖入G20國際會議 台上亂走突破防線

G20係一個好重要而且嚴肅嘅國際會議,偏偏今次出現咗3隻喵星人,仲走咗上台玩!早兩日喺土耳其舉行嘅G20,美國總統奧巴馬、俄羅斯總統普京、英國首相卡麥隆都有出席, 有影片拍到喺開場前有一隻大貓喺布簾後施施然走出嚟,之後又有兩隻小喵喺台上走嚟走去玩,場面好搞笑。場外都一樣喵蹤處處,有人影到開場前班保安喺門口等緊大人物出場時,突然間又有隻喵星人好囂張咁行過,所以都話喵星人有性格,咩大場面未見過呀!喵!

Read more ›

【結婚唔擺酒】有片 新人著禮服派餐 幫助4000名難民

擺酒要揀酒店,人情公價要1千?呢對土耳其新人選擇咗一個不一樣嘅婚禮。佢哋認為與其請一班親朋戚友大魚大肉,不如將擺酒嘅錢用嚟整餐好嘅晚餐,招呼生活喺土耳其嘅一班敘利亞難民。24歲嘅Fethullah Üzümcüoğlu同20歲嘅Esra Polat喺結婚當日,選擇親力親為,著住禮服為土耳其南面城市Kilis嘅每一個難民,遞上準備好嘅飯餸,雖然只係一餐飽飯,但可以略盡綿力幫到有需要嘅人,實在好有心。新娘子仲話見到4000個嘅難民開心嘅表情,覺得好值得,咁先係真正同人分享喜悅。

Read more ›

【睇見都痛】有片 8bit紋身新潮流 細小交叉組成圖案

睇見都覺得痛!紋身嘅嘢我無乜興趣,不過見到呢款新紋身嚇咗一跳。每個紋身圖案都係由一個個細小嘅交叉組成,將刺繡嘅概念用喺紋身,效出嚟嘅效果有啲似8Bit圖案,如果係繡喺一塊布上,我覺得好精緻,但係紋喺身上‥‥‥不過理性啲咁睇,小咗筆劃,即係紋嘅點少咗,其實應該無咁痛。今次嘅紋身師傅來自土耳其,叫Eva Krbdk,除咗紋瑪麗蓮夢露,佢仲紋過白兵、狐狸仔、玫瑰等圖案,驚唔驚?

Read more ›

直擊LEGO辦公室 開放式設計紅黃主調

LEGO作品介紹得多,LEGO總壇都係第一次睇。今次呢個辦公室位處土耳其嘅伊斯坦堡,佔地350平方米,一入面口有大大個LEGO招牌喺接待處,採用開放式設計,紅加黃嘅經典主色調,不過LEGO製品比想像中少喎。另外,原來office只有23名員工,但係可以用咁大嘅環境,身心特別舒暢,尤其是對比起香港嘅豆潤辦公室。

Read more ›

食物繪畫神人 下一步畫頭髮

嘢除咗攞嚟食,仲可以攞嚟玩。呢位土耳其藝術家Hasan Kale將朱古力、洋蔥皮、花生殼、杏仁、鵪鶉蛋呢啲咁好味嘅食物攞嚟玩,喺上面畫公仔,而且畫得超靚。要喺咁細嘅食物表層畫公仔實在極考功夫,佢已經成功挑戰咗意粉同埋米粒,嚟緊佢揚言要挑戰頭髮!即係喺頭髮表層畫公仔,諗起都覺得玩得好大,想睇吓佢兌唔兌現到,記住like咗佢嘅facebook密切留意。

Read more ›

APPLE土耳其新店 全透明設計型到震

鐘意APPLE嘅都係貪佢嘅簡約設計美學,無可否認,由機身以至廣告以至店舖設計,APPLE都係品味之選。最近APPLE喺土耳其嘅伊斯坦堡又有新店落成,全店由頂至牆身全透明玻璃設計,靚到震。由Foster + Partners設計,店舖內全部都係統一嘅長方形木枱,樓梯沿用懸浮式設計,好正。不過最重要都係部iPhone 6,求吓你比返啲驚喜我,我都想重投iPhone懷抱。

Read more ›

小學雞紋身師傅後續:見工先紋身

噚日睇新聞有個小學雞紋身師傅,幫人紋「生死由命富貴由天」,搞到我呢兩日見到紋身有關嘅新聞都當笑話睇。話說土耳其嘅Berrgetattoo請紋身師傅,廣告非常高科技,你要先將半透明嘅barcode上色,再用電話scan個barcode先可以send倒求職信,有創意之餘又考倒求職者功力,讚。小學雞師傅大可用嚟當練習,為日後晋身中學牛舖路。

Read more ›

新片速報 土耳其航空 高比 VS 美斯 幕後影片

之前介紹過呢段集合籃球球星高比仔同足球球王美斯嘅土耳其航空宣傳片有幾勁?1個月唔夠已經有1億個views喇!食住個勢,土耳其航空同你汁都撈埋,啱啱就發佈咗條幕後片段,入面睇到高比仔就好生鬼,反而美斯就冇乜笑容咁喎。

Read more ›