Post Tagged with: "圖集"

【圖集】日本芒亨迷超強創意   自創菲利/初音頭大叔
by / on 26/01/2018 at 7:14 am

【圖集】日本芒亨迷超強創意 自創菲利/初音頭大叔

日本凌晨12點開始下載版開放,陸續有好多網民自己自創嘅爆笑角色放上Twitter,今朝睇已經有大量新圖。其中最正應該係菲利都出埋,名人方面就有日本喜劇演員「陣內智則」同職棒選手「小笠原道大」,仲有個初音頭嘅大叔,全部都勁有創意,入嚟有得慢慢睇。

Read more ›

【圖集】冬天喵星人圍爐取暖 企得太埋好危險Twitter熱傳
by / on 10/01/2018 at 7:53 am

【圖集】冬天喵星人圍爐取暖 企得太埋好危險Twitter熱傳

天氣咁凍,係時候開返著屋企部暖爐俾班喵星人。日本有網民分享咗呢張舊相,隻喵貼實部暖風機超搞笑,之後有好多網民貼圖回應,我哋都搵返好多喵星人圍爐取暖嘅相,入嚟有回帶。BTW,提提大家有人喺屋企先好開暖爐,同埋唔好俾隻喵企得太埋,入嚟有事後圖睇埋。

Read more ›
喵星人玩命圖集 企車頭蓋/車門扶手好囂張
by / on 05/01/2018 at 7:51 am

喵星人玩命圖集 企車頭蓋/車門扶手好囂張

喵星人好鍾意玩命,最近呢幾張舊相回帶就喺日本Twitter好多人RT,有企喺木條上面、車頭蓋頂、車門扶手同埋牆上面,全部都好似忍者或者蜘蛛俠級數,超強。網民仲貼咗好多圖回應,入嚟有得睇。

Read more ›
【圖集】2017日本「喵回顧」    30個難忘時刻超搞笑
by / on 31/12/2017 at 12:24 pm

【圖集】2017日本「喵回顧」 30個難忘時刻超搞笑

嚟到2017年最後一日,梗係要做吓回顧嘅。今年我哋介紹過好多日本喵新聞,以下就精選咗30個最難忘嘅時刻俾大家回顧,最經典係離家出走但俾人捉返嗰隻喵啦,睇一次笑一次。另外伸長個身,將自己塞咗入中華冷麵透明袋嗰隻都好高票數,仲有爛瞓喵、曳喵、山田孝之喵‥‥‥入嚟有得慢慢睇。

Read more ›
超sweet「北海道狸」治癒圖集 旭川動物園唔覺凍
by / on 26/12/2017 at 12:13 pm

超sweet「北海道狸」治癒圖集 旭川動物園唔覺凍

聖誕好多香港人去北海道玩,其中旭川動物園係必到景點之一,去到梗係要探吓企鵝仔啦。其實動物園另一種動物「エゾタヌキ」都好可愛。佢哋嘅學名係蝦夷狸,又稱為北海道狸,個樣傻傻哋呆呆哋好可愛。而且園內兩隻狸仲好好朋友,經常會做出親密嘅行為,雖然拍攝時天氣只得零下5度,但都感覺到溫暖,去開旭川動物園記住探吓佢哋嘞!

Read more ›
【圖集】超強PS技術加創意 奇妙組合混淆視聽
by / on 13/12/2017 at 8:02 am

【圖集】超強PS技術加創意 奇妙組合混淆視聽

西瓜加水、蚯蚓加牙刷、羊咩加椰菜花,呢啲九唔搭八嘅嘢組合成一齊會產生乜嘢化學作用?外國藝術家Randy Lewis呢套作品好正,將外觀相近嘅嘢組合埋一齊混淆視聽,P圖能力好強,出嚟嘅效果好特別,入嚟有得慢慢睇。

Read more ›

【真嘅一樣】外國神人美食圖集 原來全部係「番梘」
by / on 28/11/2017 at 7:43 am

【真嘅一樣】外國神人美食圖集 原來全部係「番梘」

會唔會太像真?外國嘅Rochelle Javier最近放咗佢嘅作品上網,由紅莓批到漢堡包到炸雞都有,不過全部都係番梘嚟嘅!全部真嘅一樣,放喺屋企應該好危險。不如考慮同KFC合作出實物版炸雞浸浴番梘,感覺應該好正。

Read more ›
貓奴狗奴「保護聖誕樹」絕招     超搞笑圖集
by / on 22/11/2017 at 7:03 am

貓奴狗奴「保護聖誕樹」絕招 超搞笑圖集

聖誕節就到,好多人都想買返棵聖誕樹擺喺屋企,不過如果有養貓同狗就知道好難。外國有唔少主人就諗到大量好好笑嘅方法。例如用個籠鎖住棵樹、將棵樹倒吊,甚至包起成棵樹,全部都係為咗應付呢班曳嘅喵星人汪星人,入嚟有得慢慢睇,有無貓奴狗奴想試吓?

Read more ›
日本「白貓拳」圖集 埋身肉搏好刺激
by / on 12/11/2017 at 10:49 am

日本「白貓拳」圖集 埋身肉搏好刺激

又係呢位貓貓拳攝影師久方広之嘅作品,好適合周末睇。今次佢嘅主角係一班白貓,3隻白貓練習白貓拳,好齊心舉晒手拉筋,之後兩隻仲攬實跳起,埋身肉搏,最後有隻跌低咗,裁判係咪要開始倒數?10、9、8‥‥‥

Read more ›
【圖集】晨早起身見到咁   8隻山貓出現走廊網上熱傳
by / on 02/10/2017 at 10:27 am

【圖集】晨早起身見到咁 8隻山貓出現走廊網上熱傳

住喺郊外就係會有不一樣嘅體驗,我哋呢啲城市人好難想像,不過今次呢個事例的確好奇特。住喺阿拉斯加州嘅Tim Newton一朝早俾啲叫聲嘈醒,出戶外嘅走廊一睇,居然見到1隻大山貓帶住7隻小山貓出現。咁難得嘅情景,身為攝影師嘅Tim當然要影低,好快呢班山貓就走咗,而輯相放上FB後引起好大迴響。佢仲將啲相轉化為商機,想買高清印刷版嘅可以入去佢嘅網站,入面仲有好多阿拉斯加嘅大自然風景相,好高質。

Read more ›
【圖集】日本超人氣Cosplayer「えなこ」    試新嘢玩animated GIF
by / on 01/10/2017 at 6:23 pm

【圖集】日本超人氣Cosplayer「えなこ」 試新嘢玩animated GIF

    23歲嘅日本超人氣cosplayer えなこ Enako好多人都有follow開佢嘅Twitter,可能見post相都悶悶哋,最近佢做咗個叫「Tokyo Cosplay」嘅Project,特別在於每張圖都係animated GIFs,Enako唔會郁,但係背景嘅物品例如花灑、奶茶、雨遮等就會不斷郁,效果好正,最難係唔知望啲郁嘅景物好定望Enako好,入嚟有得一次過回帶睇晒所有GIF圖。

Read more ›

【圖集】IG人氣喵星人遊世界 上山下海超寫意
by / on 11/09/2017 at 7:08 am

【圖集】IG人氣喵星人遊世界 上山下海超寫意

星期一睇到呢隻孟加拉貓遊山玩水嘅相,羨慕之餘仲有啲想喊出嚟。喵星人個名叫Suki,好淑女,不過經歷就一啲都唔淑女嘞。佢同主人去勻世界唔同角落,四海為家,仲影落好多靚相,靚貓靚景,難怪吸引超過18萬個follower。行到攰攰哋仲有主人個貓專用背囊可以揹住佢行,比起每日要返工嘅我哋真係好幸福。

Read more ›
【圖集】日本柴犬凌空狂吠   原來只係見到‥‥‥
by / on 01/09/2017 at 7:36 am

【圖集】日本柴犬凌空狂吠 原來只係見到‥‥‥

究竟咩事令呢隻柴犬咁激動,跳起凌空狂吠?原來唔係有賊,只係佢最鍾意嘅水柱喺臉前出現,令佢失咗控。網民都俾佢嘅反應嚇親,好多人喺Twitter轉發張相,仲貼咗唔少圖回應。入嚟有多啲呢隻柴犬嘅相可以回帶睇,唔發嬲嘅佢勁可愛,而且佢嘅生活好悠閒,上山下海,好羨慕呀!

Read more ›
【P圖大戰】喵星人誤闖球場圖集    球員英勇撲喵
by / on 17/07/2017 at 7:34 am

【P圖大戰】喵星人誤闖球場圖集 球員英勇撲喵

又到P圖大賽,早幾日喺日本Twitter見到幾張「球場上的喵星人」嘅改圖,好精彩,今次有多啲圖可以睇。原來佢哋來自外國網站嘅P圖活動,估唔到球員同喵星人放埋一齊可以咁夾,手痕嘅可以入去玩埋一份。

Read more ›
【圖集】日本倉鼠仔超進擊 排隊現長龍大擠塞
by / on 15/07/2017 at 12:10 pm

【圖集】日本倉鼠仔超進擊 排隊現長龍大擠塞

究竟有啲咩令到呢幾隻住喺日本嘅倉鼠仔咁進擊?估計都係食物居多嘞。呢位日本網民同時都係飼養主,佢間中都會同班倉鼠仔玩,今次就一齊爬上去佢嘅手臂,佢仲用「交通大擠塞」嚟形容呢個場面。希望排最後嘅朋友仔唔好心急,條路咁窄記住唔好打尖。入嚟仲有呢班倉鼠仔嘅生活照有得慢慢睇,每隻都好可愛。

Read more ›