Post Tagged with: "圖案"

喵星人奇特「乳牛」圖案 日本網民:「好似豆大福!」
by / on 15/04/2019 at 7:02 am

喵星人奇特「乳牛」圖案 日本網民:「好似豆大福!」

呢張貓相之前喺網上都熱傳過,最近有日本網民放咗上Twitter,仲話隻貓前世應該係日本嘅和菓子「豆大福」。呢隻喵打破咗平時我哋心目中嘅黑白貓形象,全身嘅毛色好似乳牛,超可愛!

Read more ›

日本扭蛋情人節新款 心心圖案「瑞典長條喵」超靚
by / on 07/02/2019 at 10:43 am

日本扭蛋情人節新款 心心圖案「瑞典長條喵」超靚

好鍾意呢隻瑞典設計師Lisa LARSON嘅長條貓,今個月海洋堂再幫佢推出新扭蛋Mikey Lots cats Collection,今次一式六款,個人認為最靚係隻心心喵,啱晒情人節!另外橙啡色間條嗰隻喵都好特別,有興趣嘅記住留意返。

Read more ›
日本JR車站告示牌    「螃蟹」廣告超可愛Twitter熱傳
by / on 13/12/2018 at 7:40 am

日本JR車站告示牌 「螃蟹」廣告超可愛Twitter熱傳

一見到呢個畫面就覺得好有親切感,係日本嘅JR車站呀!最近有網民就影底咗車站顯示牌嘅畫面,原來宣傳緊叫大家係時候去北陸食蟹嘞,不過畫面上就有隻蟹仔出面,之後隻蟹仲拼咗入架電車入面,超得意!之後唔少網民貼圖回應,原來秋葉原都有大量螃蟹嘅廣告,成個JR舖天蓋地都係蟹,入嚟有回帶。

Read more ›
【有片】日本網民DIY襪仔圖案 好簡單可以學
by / on 16/10/2018 at 7:16 am

【有片】日本網民DIY襪仔圖案 好簡單可以學

有無諗過幫啲襪DIY畫圖案?日本有網民示範咗,佢喺WEGO買咗唔同顏色嘅襪,再用呢隻專畫嘢嘅ふくらむえのぐ筆嚟畫圖案,然後用風筒吹吓佢,就可以DIY獨一無二嘅襪仔圖案。樓主話暫時洗咗兩次都沖未甩色,入嚟有其他示範片,似乎幾好玩,下次買支試吓先!

Read more ›
日本新款車牌有特色圖案       熊本熊/富士山現身車牌
by / on 28/05/2018 at 7:23 am

日本新款車牌有特色圖案 熊本熊/富士山現身車牌

日本嘅車牌有標明地方名,最近仲加埋圖案。最近日本國土交通省公佈咗41款特製車牌,每個車牌後面有當地嘅特色圖案,例如奈良有鹿仔、富士山有富士山,熊本有熊本熊,全部都好正。想得到就要最少捐1000円,啲錢會作為推廣當地旅遊同埋改善交通,可惜仙台唔係JOJO車牌,亦唔見有箱根嘅Evangelion。

Read more ›
日本人妻「貓」圖案修補頸巾洞   網民話其實係「草泥馬」
by / on 17/12/2017 at 7:13 am

日本人妻「貓」圖案修補頸巾洞 網民話其實係「草泥馬」

今次真係愛呀!日本有位人夫好唔開心,因為最心愛嘅頸巾穿咗個窿,體貼嘅老婆為咗氹返佢,整咗老公最鐘意嘅「貓」圖案遮住個窿,不過睇真啲,又真係睇唔出邊部份似隻貓‥‥‥張相放上網後好多人RT,有唔少網民話呢隻根本係草泥馬嚟嘅。不過最重要係大家都覺得樓主好幸福,有個可愛又體貼嘅老婆。

Read more ›

【圖集】秋天落葉變超靚圖案     大學職員自發性美化校園
by / on 13/12/2017 at 7:49 am

【圖集】秋天落葉變超靚圖案 大學職員自發性美化校園

呢個世界總係有啲人願意出少少力,令世界變得美好啲。外國呢位大學職員Joanna Hedrick好鍾意將校園嘅落葉堆砌成特別嘅圖案,令到經過嘅同學仔可以留意到,好好欣賞身邊嘅風景。自從2013年開始首次創作,之後喺網上熱傳之後,呢幾年嚟佢都繼續做唔同嘅作品,每年大概製作到6個作品,圖案仲越嚟越複雜,入嚟有得睇。鍾意嘅記住follow埋佢嘅IG。

Read more ›
日本人氣美食家 多士畫圖案IG熱傳
by / on 03/10/2017 at 8:48 am

日本人氣美食家 多士畫圖案IG熱傳

呢位日本嘅美食家森映子喺IG好高人氣,佢最擅長喺多士上面繪圖,由2017年初開始製作,用嘅「畫具」只係牙籤同埋匙羹,畫出嚟嘅圖案包括天婦羅蝦、雪糕、麥記薯條等等,早餐嚟講係太肥膩,所以望吓都好。入嚟有多啲佢嘅作品可以慢慢睇。

Read more ›
可愛Miffy圖案慘變恐怖圖 倒轉睇唔同晒
by / on 28/06/2017 at 7:00 am

可愛Miffy圖案慘變恐怖圖 倒轉睇唔同晒

都話一念天堂一念地獄,繼白兔仔洗手嗰張心邪圖之後(入嚟有回帶),最近又有網民分享另一幅圖,今次呢對Miffy兔仔,表面上係坐喺個白色咕臣上面恰眼瞓,不過倒轉睇就好似比大白鯊食緊落肚咁!網民仲忍唔住出手改圖,入嚟有得睇。

Read more ›
【圖集】神級幾何抽象圖案 比卡超/死侍越睇越暈
by / on 14/06/2017 at 7:52 am

【圖集】神級幾何抽象圖案 比卡超/死侍越睇越暈

呢類型嘅幾何抽象圖案睇都覺得好難畫,外國藝術家Evel Maleficent就對呢類型嘅作品情有獨鍾,除咗Marvel嘅死侍(Deadpool)之外,仲有Pokemon嘅比卡超同埋奇異種子,仔細啲睇就會感受到有幾勁,入嚟仲有多啲其他作品可以開吓眼界。

Read more ›
【新片速報】日本網民發現印度手信 拉兩拉變出幾何圖案
by / on 13/04/2017 at 7:17 am

【新片速報】日本網民發現印度手信 拉兩拉變出幾何圖案

有去過印度嘅朋友應該對呢件裝飾品唔會陌生,最近有日本網民拍咗片放上網,短短1日已經超過8萬個分享。表面睇呢件裝飾品好似一隻手鈪,但拉兩拉就可以變成唔同嘅形狀,好奇妙。有網民話Amazon都有得買,只要搜尋「インドの毬」就會搵到。另外有人話當地售價大概一蚊歐羅,即係港幣10蚊就可以買到。下次去開印度可以買佢嚟做手信,無乜機會去嘅,都可以直接上Amazon網購。

Read more ›

【拆解】日本女仔影相蠱惑招數    加圖案著樽領衫Twitter熱傳
by / on 16/02/2017 at 7:32 am

【拆解】日本女仔影相蠱惑招數 加圖案著樽領衫Twitter熱傳

千祈唔好相信網上見到嘅女仔相,除咗P圖之外,其實女仔仲有好多影相嘅技巧。日本有網民分享咗幾張圖,一睇即刻明晒。例如好多時會喺張相加個得意圖案遮住臉嘅一小部份,其實拎走個圖案後,可能係爛牙或者大細眼。又例如好多女仔鍾意舉V字勝利手勢,其實有小顏效果,令塊臉睇落細啲,另外呢招仲絕,就係著樽領衫!雙下巴即時睇唔到。都係嗰句,睇得多就有經驗識得趨吉避凶嘞。

Read more ›
【其實好靚】鬍鬚男紋龍貓 吉卜力世界紋身圖集
by / on 23/09/2015 at 7:10 am

【其實好靚】鬍鬚男紋龍貓 吉卜力世界紋身圖集

紋身同吉卜力,兩件事似乎唔係太夾,但係無論亞洲定歐美,都有好多吉卜力嘅粉絲將佢哋紋上身。大大幅嘅龍貓、哈爾移動城堡、千與千尋,有新有舊,全部上晒色,其實好靚,當你見到啲粗線條嘅手臂上有隻咁可愛嘅龍貓紋身,感覺特別有愛!

Read more ›
「分號」紋身有特別意思      康復者重生印記
by / on 04/07/2015 at 2:44 pm

「分號」紋身有特別意思 康復者重生印記

紋身係好個人嘅選擇,有人為咗紀念一啲嘢,有人因為鍾意某個圖案而紋,最近喺Instagram見到好多呢個標點符號「分號」(Semicolon)嘅紋身圖案,原來背後有一個叫做「Project Semicolon」嘅企劃,目的係鼓勵一班受情緒低落、自殺等情緒問題困擾嘅人走出陰霾。「分號」有一重意思,係指故事可以停頓或者終結,但作者選擇繼續講落去。有成功戒毒者紋咗呢個「分號」標記,提醒自己選擇咗唔放棄人生繼續戰鬥落去,仲有千千萬萬個唔同人嘅故事。其中一個紋咗分號嘅康復者Heather Parrie嘅相關blog post上月中放上網,至今有超過7百萬人睇過,有興趣嘅入嚟網站有多啲資料。利申,唔係鼓勵大家去紋身,只係想講,社會上有好多唔同嘅人受到情緒困擾,希望佢哋會受到啟發,搵到出路。

Read more ›
35個爆笑紋身   毁容版小丑VS爛面美金
by / on 16/09/2014 at 7:09 am

35個爆笑紋身 毁容版小丑VS爛面美金

成日聽人講唔好亂紋身第時會後悔,本來唔信,睇完呢35位聰明仔聰明女嘅紋身,我有啲信嘞。外國網Buzzfeed搜羅咗一堆古怪爆笑紋身,有紋咗前度愛人嗰名後悔到要打個交叉嘅,有將自己一家人紋上身,點知個個好似毁咗容咁款嘅,仲有差啲認唔出嘅小丑Joker、爛面美金同埋‥‥‥卡夫牌食物招紙?

Read more ›