fbpx

Tag: 國產

日本網民笑似一抽抽大腸 淘寶晚裝裙嚇親網民

日本網民笑似一抽抽大腸 淘寶晚裝裙嚇親網民

品味呢啲嘢真係一線之差。呢條淘寶出品嘅粉紅色晚裝裙最近喺日本Twitter熱傳,出post嘅日本網民話,粉紅色嘅絨邊令佢諗起一抽抽大腸,仲問係咪表示嫁之前要切腹?有網民出圖表示同意,有人留言話好恐怖要報警。至於呢間店「YEWEN叶雯」,喺淘寶有網店,專賣禮服,好多都係登台咁款好誇張,有興趣可以入去開吓眼界。

Read more ›

國產《雛蜂》反攻日本    日網民:「好似山寨日本動畫!」

國產《雛蜂》反攻日本 日網民:「好似山寨日本動畫!」

呢套中國人氣漫畫《雛蜂》之前宣佈過會今年登陸日本,果然噚日就喺YouTube推出咗日文配音連字幕嘅序章,呢招擺明反攻日本,加埋搵咗日本女聲優花澤香菜配音,即刻吸引好多日本網民喺2ch討論。不過日本網民睇完劣評如潮,有人話:「太似日本動畫嘞」、「有日文動畫下層嘅水平」、「好似山寨日本」、「畫風好老土」、「我想睇吓有中國個性嘅動畫」、「感覺似惡搞,但睇得出駛咗好多錢」。今次負責製作嘅動畫公司叫「有妖氣」,而家YouTube已經有《雛蜂》序幕睇,仲分埋中文字幕同日文字幕版,我仲見到有一幕女主角好似綾波麗‥‥‥

Read more ›
國產SNH48揚威國際    阿拉伯土豪坐超級名車撐場

國產SNH48揚威國際 阿拉伯土豪坐超級名車撐場

國產SNH48,即係由秋元康做總監督嘅內地版AKB48,有日本網民話靚過日本版,而佢哋都好威威,粉絲嘅幅蓋層面好廣,連阿拉伯土豪都有!噚日內地網站報導呢位阿拉伯打扮嘅富豪粉絲,坐住同馬雲同款兼仲要貴啲啲嘅德國超豪房車MAYBACH,現身SNH48喺上海舉行嘅第2屆總選舉演唱會,原來佢好鍾意SNH48隊中嘅「四千年第一美女」鞠婧祎,睇佢專門去到SNH48嘅列車膜拜,唔知點解我覺得好假。

Read more ›
【反攻日本】內地SNH48泳裝新MV      日本2ch網民狂讚

【反攻日本】內地SNH48泳裝新MV 日本2ch網民狂讚

仲記唔記得國產嘅SNH48?由秋元康做總監督嘅內地版AKB48呀!香港AKB迷就好似唔太BUY,但最近佢哋有首新MV《盛夏好声音》紅到去日本,喺2ch好多日本網民討論。嗱,我哋鍾意日本嘢,估唔到日本網民睇完SNH48嘅MV後居然讚不絕口。有網友話「淨係佐佐木希質素都有超過10個啊!」、「水平好高,無韓國人造人嘅感覺」、「無日本AKB咁矮喎」、「身材好好啊!」咁的確全部比堅尼泳衣,又沙灘又盛係好難抗拒嘅。我都翻睇返原裝版本AKB嘅《真夏のSounds good!》比較吓,我就鍾意全隊白泳衣嘅日本AKB多啲,你呢?

Read more ›
超爆!國產行李喼改裝車   農民10年時間研發

超爆!國產行李喼改裝車 農民10年時間研發

中國製電器會爆炸,咁行李喼唔會爆喇啩?未必,因為佢已經被改裝成一架電單車,無聽錯,真係行得走得,有圖有真相。呢架咁爆嘅行李喼車由中國湖南一位農夫用咗10年時間發明,時速最高每小時20公里,有埋導航(!)、防盜(!!),最正係入面可以擺倒嘢,就算嚟自由行買完嘢都可以即時車走,不過係咪要攞咗中港牌先?運輸處有無得申請牌照?

Read more ›
國產「改圖」笑爆肚  人類總要重複同樣的錯誤

國產「改圖」笑爆肚 人類總要重複同樣的錯誤

人類總要重複同樣的錯誤。自己唔識PS改圖唔緊要,但妄想網民會助你一臂之力改靚你張圖,實在太天真嘞。不過好在有你,我哋先有呢啲咁好笑嘅改圖睇。今次由國內網民操刀,改圖創意功力都相當高質,笑到我肚痛,食飽飯想幫助消化入嚟大開眼界啦。

Read more ›