Post Tagged with: "四驅車"

蝦乾做導輪有埋定風翼 日清合味道版四驅車?
by / on 17/07/2019 at 8:31 pm

蝦乾做導輪有埋定風翼 日清合味道版四驅車?

呢兩張圖,係出自日清合味道杯麵官方Twitter嘅,係,你無睇錯,係合味道杯麵版四驅車!剪開個杯,拼拼貼貼,居然砌到個車身出嚟,唔使加多一劃半劃,單單利用杯身本身Logo「CUP NOODLE」就變成車身花紋,仲有定風翼,Barcode扮車牌,杯裡面嘅乾蝦米變成導輪,好強。

Read more ›

福利報價: 三連星渣克到貨 四驅車金屬工具紫黑粉紅斷貨
by / on 14/06/2015 at 5:31 pm

福利報價: 三連星渣克到貨 四驅車金屬工具紫黑粉紅斷貨

今個星期都係HG當道, 黑色三連星版, 有砌過紅渣都知好有誠意, 所以絕對值得買! Reconguista in G都有新嘢返, 哎! 我唔知點形容, 呢個系列喺我心目中, 完全OUT出咗高達之系譜, 喜歡的可以繼續, 同麻煩閣下幫小弟進行再教育; 另外喺收銀櫃對出, 我發現咗一隻砌起非常正嘅坦克, 相信唔太多人留意, 值得望吓。

Read more ›
【有片】7月發售 時速20km/h爆走車 撞爆腳指不是夢
by / on 14/05/2015 at 4:39 pm

【有片】7月發售 時速20km/h爆走車 撞爆腳指不是夢

以前冇軌又要喺屋企玩四驅車,成日撞到阿媽隻腳,冇嘢嘅,哦囉鬧囉。之後我睇嘢越嚟越慢,啲四驅車又越嚟越快,我諗真係可以撞爆腳指。如果唔得,呢兩部都應該得。唔係四驅車,因為佢唔駛用電嘅,而係用氣壓,最勁可以爆到20km/h!2,700円一架,條軌就800円,7月推出。

Read more ›
有片   熊本熊霸氣拖拉機   12月草地疾走
by / on 11/11/2014 at 7:16 am

有片 熊本熊霸氣拖拉機 12月草地疾走

熊本熊架四驅車之前推出時超好賣,見勢好梗係要再出新嘢,Tamiya啱啱公佈有新車,而且仲係造型超霸氣嘅拖拉機(Tractor)!呢架1/10 R/C 拖拉機車超大架,車身有熊本熊貼紙,熊仔細細學人揸大車,好鬼得意。熊本熊個頭仲可以扭左扭右,得戚得佢!最正係架車好飛得,睇片見佢前輪翹起起跑都無問題,崎嶇不平嘅草地上疾走都好順,好力水!暫時只係公佈咗12月會發行,價錢仲未定,堅想買!

Read more ›
四驅摺合收納箱     出街鬥車居家旅行必備
by / on 04/11/2014 at 7:13 am

四驅摺合收納箱 出街鬥車居家旅行必備

最近大家都炒返起80年代大熱嘅四驅車,買埋車參加埋比賽,童年回憶湧晒出嚟。但係要出街比賽,點都要搵返個體面嘅箱裝車嘅,呢個收納箱就相當啱數。由《四驅兄弟》入面嘅四驅車聯盟FIMA出嘅官方產品,日本品牌Groove Garage製作,有晒劇中咁多隊參賽隊伍嘅隊徽,貼紙可以另外再買。個箱可以收納50.1公升嘅容量,裝埋朋友架車都得。摺埋之後又慳位,屋企人無得詐型。11月30開始發售,售價7020円,四驅fans好難忍手。

Read more ›
田宮白熊四驅車   接熊本熊棒再出新款
by / on 30/09/2014 at 7:14 am

田宮白熊四驅車 接熊本熊棒再出新款

最近四驅車紅到震,大家都炒返起呢股80年代熱潮。早排熊本熊Kumamon同田宮模型出咗架特別版四驅車,啱啱又有新款,今次主角係白熊SHIROKUMAKKO,臉上同樣有兩篤紅卜卜嘅標記,不過全身白雪雪。至於架四驅車就粉藍配白色,都幾醒神靚仔。「ミニ四駆・しろくまっこ (スーパーIIシャーシ)」開價1188円,預計今年11月發售。 

Read more ›

福利報價: 英格倫開$235 四驅車特別版大量
by / on 14/09/2014 at 10:17 am

福利報價: 英格倫開$235 四驅車特別版大量

今個星期識玩都係玩英格倫, 造功口啤唔錯, $235價位唔叫高, HG嗰邊都有隻ZII都幾靚仔, 至於AMAZING EXIA……個人一直唔太鍾意呢個系列, 而且成身尖刺, 真係睇見都煩, 四驅車熱潮都仲係KEEP住個勢, 而且孖星嗰邊好似仲忽發善心, 將大量特別版車推出, 未買BLACK ARROW嘅要快手喇, 點知佢幾時又冇貨呀!?

Read more ›
福利報價: NIGHTINGALE報$530 福E收古怪電話:「我要買隻夜香」
by / on 07/09/2014 at 7:08 pm

福利報價: NIGHTINGALE報$530 福E收古怪電話:「我要買隻夜香」

  應該上個月尾落場嘅夜鶯(NIGHTINGALE/ $530), 終於喺今個星期尾到場! 呢隻嘢的確好多人鍾意, 不過好似唔係太多人識得佢乜水! 話說福E呢排不斷收到古怪叔叔電話, 譬如有人失驚無神打嚟, 話要幫佢留隻「夜香」或者「夜貓」……

Read more ›
福利報價: RG紅蟹報$185 太陽之牙ROUND FACER到貨
by / on 20/07/2014 at 6:15 pm

福利報價: RG紅蟹報$185 太陽之牙ROUND FACER到貨

今個星期模型話題, 都係圍住隻RG紅蟹走, 真心出得幾靚, 而且$185個價又唔係貴, 值得撐吓; 另外太陽之牙嘅ROUND FACER都到咗, 唔係間間都有, 都要留意吓! 唔知係咪為咗興祝海賊王到時代, 所以索柏隻5機合體今個星期做特價, 全部$50隻, 可惜我買齊了! 另外四驅車嗰邊都有大量新車到, 有新版、有舊版翻出, 問店員, 佢哋都話開始好混淆邊隻新、邊隻舊了, 唔想MISS咗啲正車, 真係要落啲力尋吓寶。

Read more ›
熊本熊萌樣四驅車   池袋店7月27日限定發售
by / on 15/07/2014 at 8:21 am

熊本熊萌樣四驅車 池袋店7月27日限定發售

熊本熊之前都同MONKEY合作推出過電單車,不過價錢唔平,fans未必買得落手。好彩最近又有新嘢,就係同四驅車品牌TAMIYA合作出四驅車,熊本熊變身車手,一臉認真咁坐喺駕駛座,好搞笑,架車仲貼滿熊本熊嘅貼紙,幾精緻。之所以有今次合作,係因為一年一度嘅「四驅車2014東京大會」將會喺7月27日喺池袋嘅東武百貨舉行,每年都會推出限定車款,今次就揀咗大熱嘅熊本熊,開價1188円,每日限買兩盒,加油呀熊本熊,又有機會搵錢喇!

Read more ›
新片速報   近鏡影獅子  四驅車配Nikon機
by / on 02/12/2013 at 7:45 am

新片速報 近鏡影獅子 四驅車配Nikon機

呢條片好犀利,放上YouTube一星期左右已經有超過300萬點擊,影片睇倒紐西蘭攝影師Chris McLennan將部Nikon D800E相機set入遙控車Car-L入面,然後用架車引班非洲獅子埋身影佢哋嘅近鏡相。原來獅子嘅好奇心好重,而且佔有慾都好強,因為其中一隻獅子一嘢咬走咗部四驅車,好彩雖然架車唔郁得,但係部相機完好無缺,於是就見倒呢批好靚嘅獅子近鏡相。Chris仲喺影片教路要先將鏡頭focus喺一米左右嘅位置,再配細光圈。雖然我哋無機會影獅子,都可以用嚟影吓屋企隻百厭貓嘅。

Read more ›