fbpx

Tag: 四驅

下個月有得賣 TAMIYA出香港的士迷你四驅

下個月有得賣 TAMIYA出香港的士迷你四驅

嘩正喎,有冇玩開四驅都會想儲番架,因為今次係TAMIYA田宮模型首次同香港單位偉高模型合作,推出以香港獨有交通工具嘅迷你四驅車。配最新開發FM-A前置摩打底盤,有齊貼紙,個包裝盒仲有香港街景同獅子山,亦有中文說明書,「Tamiya 92402 1/32 mini4wd Hong Kong Racing Taxi (FM-A Chassis)」6月上旬發售,賣$120。

Read more ›

《四驅兄弟》「一番賞」 模型盒吊飾/四驅Cushion最吸引

《四驅兄弟》「一番賞」 模型盒吊飾/四驅Cushion最吸引

香港翻興咗一輪嘅四驅潮好似過咗喇,不過日本就一直都Keep住,嚟緊8月13日就有《四驅兄弟(爆走兄弟レッツ&ゴー!!)》嘅「一番くじ」,都係抽一次620円,當中最正應該係個Cushion,約40cm長,另外亦都有四驅車模型盒嘅吊飾,仲可以放電入去好方便。  

Read more ›
日本囡囡玩四驅 「デコ四駆」裝飾有樂趣

日本囡囡玩四驅 「デコ四駆」裝飾有樂趣

雖然香港又冷卻番少少,但近年日本又多番人玩四驅,可能你會話呢啲係童年回憶,男人浪漫。原來,唔只男人呀!東京嘅四驅車活動參加者約3,600人中,有超過1乘係女性,而佢哋嘅四驅車,喺設計、外觀上都幾特別,我諗起佢哋整嗰啲水晶甲……

Read more ›
【有片】成本最低 日本四驅迷紙皮箱製賽道

【有片】成本最低 日本四驅迷紙皮箱製賽道

上年四驅車又掀起熱潮,不過熱潮快嚟快去,啲四驅場又執得八八九九喇……想自己屋企有條賽道,其實好低成本就搞到,首先你要有紙皮箱,之後就要有心機喇。日本有四驅迷就製作咗呢條「mini4wd Japan Cup Junior Circuit」……

Read more ›
【有片】雙星1/1四驅車完成 現身活動爭條軌

【有片】雙星1/1四驅車完成 現身活動爭條軌

之前都報過,雙星「TAMIYA」製作緊一部1/1四驅車「Aero Avante」真車!而今日(18日)舉行嘅「ミニ四駆ジャパンカップ 2015チャンピオン決定戦」就正式見到完成品,而且仲直播喺馬路上面行駛!不過,如果有埋條軌咁就十足喇!

Read more ›
【有片】雙星1/1可動四驅車 超強勁製作過程曝光

【有片】雙星1/1可動四驅車 超強勁製作過程曝光

  其實我都唔知應唔應該叫1/1,因為「ミニ四駆」其實就係細細部模型啦,就算係《四驅兄弟》等動畫入面出現,都係模型車啫……但係,「TAMIYA」就真係有呢個計劃,將四驅車「Aero Avante」變成真車!而且唔只得車架,仲真係可以行!喺上個月開始出製作影片,o依家嚟到第3集喇,車架、動力系統都好似搞掂,準備喺10月18日舉行嘅「ミニ四駆ジャパンカップ 2015チャンピオン決定戦」台場會場「MEGA WEB」現身!

Read more ›

田宮之進擊 《四驅小子》漫畫新作下年登場!

田宮之進擊 《四驅小子》漫畫新作下年登場!

《四驅兄弟》第二部新作嚟喇!長大後嘅星馬兄弟真係令人期待!不過喺新連載開始同時,仲有另一個令四驅迷震撼嘅好消息,就係另一套經期四驅名作《四驅小子(ダッシュ四駆郎)》都會有新漫畫連載,喺2015年3月15日發售嘅「コロコロアニキ2号」開始,原作「徳田ザウルス」嘅《ダッシュ!四駆郎》今次將會由《通靈王》嘅「武井宏之」製作!呢套《四驅小子》喺1987年開始連載至1993年,而動畫版喺1991年無綫都播過!地平線!勝利者!迷你四驅不是玩具!

Read more ›
四驅兄弟歸位 係時候玩比賽!香港「第二屆田宮迷你四驅車王爭霸戰」

四驅兄弟歸位 係時候玩比賽!香港「第二屆田宮迷你四驅車王爭霸戰」

各位2字尾3字頭,應該都感受到四驅熱潮返晒嚟喇,買車嘅買車,去場玩埋車就更加搵番晒童年回憶。嚟到呢個時候,不如參加比賽玩吓啦!今個月10月19日就會有「第二屆田宮迷你四驅車王爭霸戰 2014」舉行,仲有一個星期,10月15日先截止報名,由偉高模型主辦,雙星、香港迷你四驅協會等單位協辦,苜3名本港賽員更可獲Tamiya Mini 4WD Grand Prix 2015出線權,首名更可得HK$2,000現金贊助。報名費$80,飛呀!麥林號!

Read more ›
新片速報 《四驅兄弟》新作 成年版星馬豪現身做老豆!?

新片速報 《四驅兄弟》新作 成年版星馬豪現身做老豆!?

日本模型展,繼發表咗《爆走兄弟レッツ&ゴー!!》新作入面嘅新車「Z ウイングマグナム」,11月8日發售之後。今日,就見埋原作世界20年後嘅星馬豪!佢膞頭上面仲有個小朋友叫「翼」喎!係咪佢個仔?另一個主角星馬烈就未現身,不過應該都好快見到喇!

Read more ›
日本模型展 《四驅兄弟》專櫃圖集

日本模型展 《四驅兄弟》專櫃圖集

四驅熱潮回歸,早兩日同「香港迷你四驅協會」嘅朋友食飯,佢話o依家全港已經開咗超過30個車場,有啲仲開到凌晨3點,好多3字頭呢個年紀嘅人放工去玩!今日日本呢個模型Hobby Show,當中就有呢個《四驅兄弟(爆走兄弟レッツ&ゴー!!)》專櫃,除12月下旬推出嘅星馬烈、星馬豪Figure外,仲有作者最新簽名版,四驅車等展出!提多一提,呢套喺1994年至1999年連載嘅作品,嚟緊有續作登場,星馬兄弟長大了!而新主角車,就係呢部!

Read more ›
熱潮正式回歸!原作20年後世界!今年秋季《四驅兄弟》新作漫畫登場!

熱潮正式回歸!原作20年後世界!今年秋季《四驅兄弟》新作漫畫登場!

日本,之後香港,四驅車熱潮已經越炒越熱,就係爭一套新作!有喇!今年秋天,正正係四驅兄弟《爆走兄弟レッツ&ゴー!!》20周年,將會喺「小学館」嘅《コロコロ増刊号》有新作登場!而且仲係原作20年後嘅世界,即係星馬豪兄弟會變咗大人!同我哋一樣,以前細細個,o依家變咗大人都想玩!原作漫畫當年喺1994年6月號至1999年10月號嘅《コロコロコミック》連載,今次帶埋新麥林號正式回歸!

Read more ›

《四驅兄弟》出Figure 一人兩車超音麥林

《四驅兄弟》出Figure 一人兩車超音麥林

今年四驅車熱潮真係返嚟喇!唔只日本,香港都一樣,我有個朋友一直都搞開個四驅會,有邊位讀者想復出又冇門路,可以留言或傳訊息俾我哋交流吓!好喇,講番呢兩件好嘢,80後嘅朋友,睇見有冇個心離一離?我有,就係MegaHouse呢對《四驅兄弟(爆走兄弟レッツ&ゴー!!)》「星馬烈」加「超音號」、「星馬豪」加「麥林號」!仲有最正係仲會有埋「先驅超音」同「勝利麥林」!佢哋個動作,直情將我帶番去童年呀!12月下旬發售,價錢未定。

Read more ›
熊本熊四驅車 量產有得買 8月13日發售

熊本熊四驅車 量產有得買 8月13日發售

呢架係之前7月27日喺「四驅車2014東京大會」推出嘅限定車款,會場都超限量發售,香港應該好難返到。不過今次就訂得喇,因為官方宣佈會正式推出,8月13日發售,都係賣番會場價1,188円!近排四驅車熱潮回歸,買番架返嚟改啦!

Read more ›
超音號來了!《四驅兄弟》電話殼第2彈!

超音號來了!《四驅兄弟》電話殼第2彈!

繼麥林號之後,港譯《四驅兄弟》嘅《爆走兄弟レッツ&ゴー!!》又有新電話殼推出!第2擊就係「超音號(ソニックセイバー)」!7月3日發售,賣3,249円,不過又係得iPhone5/5S用到……

Read more ›
新片速報 日本新聞報道 四驅車人氣再燃!

新片速報 日本新聞報道 四驅車人氣再燃!

有冇玩過四驅車?如果唔係太年輕,應該實有啦?1982年喺日本開始推出,四驅車模型發展去到87年至96年10年間可以話最興盛……嚟到近一兩年,四驅車熱潮喺日本有復甦跡象,日本神戶新聞報道話自2012年發賣30周年開始,近年喺兵庫縣嘅專門店越嚟越多,參加比賽者亦都倍增,上年全日本選手權更加復活!因為當年沉迷四驅車嘅小朋友已經長大到20幾30幾歲,而結咗婚生咗仔女嘅佢哋就會帶仔女去四驅車嘅專門店介紹俾佢哋知老竇細個玩咩大……香港又會唔會再爆發熱潮?我記得嗰陣有唔少四驅車場,啲人一人一個工具零件箱,雖然我冇份玩,但都好懷念呀!

Read more ›