fbpx

Tag: 四川

有片:超曳熊貓神級賴皮! 摷竹籮累工人無工收!

有片:超曳熊貓神級賴皮! 摷竹籮累工人無工收!

乜熊貓原來咁頑皮嘅咩?我喺海洋公園睇到嘅熊貓唔多願郁架喎,最叻就用個籮柚隊住你。四川某熊貓繁殖中心有對大熊貓好曳曳,工人掃地將枯葉掃入大竹籮,掃到七七八八嘞,大熊貓就一個唔該跳入竹籮左摷右摷,繼而左典右典,摷到一地都係,搞到工人無得收工。工人想抱起佢咩,佢賴死唔走,監硬扯一樣唔走,繼續碌地沙搗亂,嗰種賴皮法真係講你都唔信。成條片好治癒,睇完,心情都好好多。

Read more ›

【叉錯腳】短褲女邊行邊玩手機 一腳叉入坑渠窿

【叉錯腳】短褲女邊行邊玩手機 一腳叉入坑渠窿

一路行一路玩手機,除咗好易撞到人,仲有機會令你成為網上熱話。最近喺中國四川就有一個著住短褲嘅靚女中招,成隻腳叉咗落坑渠窿入面,仲要成隻小腿卡住抽唔返出嚟,最後要報警出動埋消防人員切斷鐵枝先可以成功脫險。件事傳到去日本,有網民就大讚佢雙腳又長又白,亦有人同情佢,話點解中國大陸會有啲成10厘米闊嘅坑渠窿,小朋友都好易差錯腳釀成意外。都係嗰句,行路就唔好玩手機嘞,害人害己呀。

Read more ›
超萌!四川忌廉哥熱爆    40萬粉絲紅到日本

超萌!四川忌廉哥熱爆 40萬粉絲紅到日本

香港有忌廉哥,大陸都唔輸蝕,最近呢隻名為「紅小胖Snoopy」(snoopybabe)嘅肥貓紅到連日本網站都介紹佢,instagram有19萬個fans追蹤,新浪微博都有27萬個粉絲,極之威威,雖然我有啲唔明,Snoopy明明係一隻狗。呢隻現居於四川成都嘅異國短毛喵,得意在於塊面超大超圓,眼仔碌碌,扁口扁面超可愛,唔知以為PS過。見倒佢有咁多內地粉絲我好開心,起碼呢27萬人應該唔會食貓肉啩。

Read more ›
四川熊貓酒店     工作人員都係熊貓?!

四川熊貓酒店 工作人員都係熊貓?!

見噚日隻熊貓好反應,今日再下一城!今次隻熊貓百分百係白色,唔係黃貓,因為佢係Cosplay嘅!事緣四川峨眉山腳下,最後開咗間號稱全球首家熊貓文化酒店,庭院、房間裝飾以至工!作!人!員!都係熊貓,放心,啲工作人員係cosplayer,為咗比記者影相而著成咁,嚇得我吖。酒店負責人話,希望熊貓可以幫民眾回歸自然,搵倒真實嘅快樂。香港間Panda Hotel(悅來酒店)都可以考慮吓吖,橫惦咁多自由人。

Read more ›