Post Tagged with: "嚇親"

外國肥豬女感人身世   3磅迷你豬變650磅嚇親主人
by / on 29/04/2019 at 8:58 am

外國肥豬女感人身世 3磅迷你豬變650磅嚇親主人

外國啲小朋友大得快,豬仔都係。加拿大居民Steve Jenkins同Derek Walter喺2012年朋友轉介下,收養咗隻3磅重嘅迷你豬仔,仲改埋名叫Esther,點知隻豬越養越大隻,一啲都唔迷你,2年後竟然變咗650磅重!但佢哋已經搵唔返嗰位「朋友」,之後佢哋發現間屋唔夠住,最後透過眾籌成功搬屋同起咗個農場,可惜好景不常,豬女Esther之後證實患上乳癌,好彩最終靠網民集資,令佢哋可以支付超昂貴嘅手術費,最終豬女Esther成功醫好癌症,主人仲幫佢嘅傳奇故事寫咗本書《Esther the Wonder Pig》,嚟緊仲會拍成電影,由X-men嘅製片公司Donners負責,而兩位主人亦因為Esther而轉成素食者,鍾意呢隻肥豬女嘅記住入嚟follow埋佢IG嘞!

Read more ›

日本網民被嚇親 吊頸巨型黑影超恐怖
by / on 20/10/2018 at 11:27 am

日本網民被嚇親 吊頸巨型黑影超恐怖

媽呀好驚呀!日本有網民有日坐車經過,見到半露天位置有個吊緊頸嘅巨大黑影,嚇到個心離一離兼心跳加速,睇真啲,原來只係一套掛起咗曬乾緊嘅衫,不過加埋對水靴真係好嚇人!係咪專登掛嚟整蠱人架?

Read more ›
日本Animate地上暗藏「巨人」 網民被嚇親Twitter熱傳
by / on 03/09/2018 at 7:52 am

日本Animate地上暗藏「巨人」 網民被嚇親Twitter熱傳

日本嘅Animate成日有特別嘢玩,好似早幾日報導過佢哋同7-11合作出動漫角色提款機,仲識開聲講嘢。最近有日本網民放咗張圖上網,話發現川西市嘅Animate地上暗藏「巨人」,經過時俾佢嚇親!有睇《進擊的巨人》第一季結局應該記得呢個場景,勁在感覺渾然天成,除咗川西市,有網民話梅田嘅Animate都有見過,唔知會唔會量產化呢?好想買張貼喺屋企。

Read more ›
日本網民返屋企嚇親 喵星人破牆而出Twitter熱傳
by / on 27/06/2018 at 7:55 am

日本網民返屋企嚇親 喵星人破牆而出Twitter熱傳

如果有日你返屋企見到隻貓破牆而出會點?日本呢位網民試到,仲影埋相放上網,即時成為網上熱話。好多人出手改圖,有人將張圖save做手機桌面,亦有人發現類似嘅T恤。其實呢張係最近網上熱賣嘅牆紙,有3個款式,睇完超想買!仲有好多網民買咗影埋相分享,價錢1299円,入嚟有amazon連結。

Read more ›
日本鬼祟喵星人 呆坐唔出聲嚇親主人
by / on 07/11/2017 at 7:42 am

日本鬼祟喵星人 呆坐唔出聲嚇親主人

喵星人經常神出鬼沒,而且鍾意唔聲唔聲嚇你一驚。好似日本呢隻喵星人就坐咗喺走廊嘅門前好耐好耐,粒聲都唔出,個樣仲有啲陰森恐怖,經過好易俾佢嚇親,好在係朝早,如果夜晚就‥‥‥之後網民仲出圖回應,好貼題,入嚟有回帶。

Read more ›
【有片】日本喵星人身大膽細 俾玩具嚇親露可憐樣
by / on 07/09/2017 at 7:06 am

【有片】日本喵星人身大膽細 俾玩具嚇親露可憐樣

喵星人嘅行為好難估計,好似呢隻住喺日本嘅暹羅貓,大大隻,點估到佢會俾隻藍色嘅小玩具嚇親?主人影咗兩張連環圖放上Twitter,吸引好多人RT,最重要係佢右邊嘅表情,超可憐,好似俾人恰咗好耐咁。BTW,佢嘅主人成日整蠱佢,又要佢托柑,又要佢頂自己嘅毛,生活好苦,可能因為積積埋埋所以露出咁嘅樣,入嚟有回帶。

Read more ›

【相集】日本驚青喵星人捐窿捐罅 直昇機經過嚇到匿埋
by / on 08/05/2017 at 7:29 am

【相集】日本驚青喵星人捐窿捐罅 直昇機經過嚇到匿埋

喵星人最鍾意捐窿捐罅,呢隻日本喵星人最近因為屋企附近有直昇機經過,聲音太大嚇親佢,驚青嘅佢即刻匿埋喺屋企冷藏庫旁邊嘅罅位,由於動作同表情太得意,輯相喺Twitter好多人RT。入嚟仲有多啲呢隻喵星人嘅生活照睇,超可愛!

Read more ›
【媽呀】Thomas火車頭邪惡奸笑    日本主婦俾玩具嚇親
by / on 18/03/2017 at 11:50 am

【媽呀】Thomas火車頭邪惡奸笑 日本主婦俾玩具嚇親

覺唔覺得Thomas火車頭個樣好恐怖?人頭火車身,之前都有唔少網民俾佢嚇親,最近又有受害者。有日本家庭主婦洗完衫返入房,咁啱見到喺陽光照射吓嘅Thomas火車頭玩具,嗰種氣氛同埋Thomas似笑非笑嘅表情,真係嚇到個心離一離。

Read more ›
【新片速報】日本遊客打乞嚏嚇親「狐獴」 反應超大Twitter熱傳
by / on 19/12/2016 at 7:21 am

【新片速報】日本遊客打乞嚏嚇親「狐獴」 反應超大Twitter熱傳

慘慘豬,有日本網民最近去咗動物園睇好可愛嘅「狐獴」,不過天氣凍佢又病病哋,忍唔住打咗個大乞嚏,可憐嘅狐獴俾個乞嚏嚇親,反應勁大,雖然樓主不停say sorry,但隻受驚嘅狐獴嚇到即刻返入屋唔敢出嚟。段片喺Twitter超過7萬個RT,雖然可憐,但個反應真係幾好笑嘅‥‥‥

Read more ›
【嚇親】日本網民發現截肢事件 原來係腸仔料理
by / on 18/09/2016 at 8:38 am

【嚇親】日本網民發現截肢事件 原來係腸仔料理

喺屋企見到煲咁嘅嘢真係會有啲驚嘅!日本有網民最近返到屋企打開煲蓋,發現入面煲咁嘅嘢,一睇好似有10隻手指向上掙扎爬出嚟咁,睇真啲原來係卷心菜同腸仔,嚇死人咩?BTW,呢兩種配料加埋係咩食法?

Read more ›
【有片】嚇親日本網民 左邊素顏右邊化妝影片熱傳
by / on 31/08/2016 at 7:13 am

【有片】嚇親日本網民 左邊素顏右邊化妝影片熱傳

化妝前後睇得多,不過今次依然要介紹,因為唔止日本網民嚇親,我都嚇一跳,雖然有埋片,但係都唔相信係同一個人。今次玩法係左邊素顏右邊化妝,當事人拍埋片示範,但係喺討論區入面無人信係同一個人,因為實在好震憾‥‥‥日本網民都一呼百應,瘋狂回帶分享經典案例,網民嘅留言好真心:「女人係面部欺詐師」、「超強畫家」、「簡直係恐怖片」,自問大膽嘅可以入嚟睇。

Read more ›

【有片】日本喵星人照鏡俾自己嚇親    心底話:「乜你咁樣衰架!」
by / on 12/08/2016 at 7:13 am

【有片】日本喵星人照鏡俾自己嚇親 心底話:「乜你咁樣衰架!」

喵星人照鏡嚇親之前都見過,不過今次呢次日本喵星人好誇張,而且表情動作都好豐富,所以放上Twitter後即刻好多人RT。一開始睇佢個樣似乎俾自己嚇親,心諗:「呢個邊個嚟架?咁樣衰嘅?」但係之後見佢又心花怒放碌晒地,唔通鍾意咗自己?喵星人果然好難明。

Read more ›
AKB渡邊麻友直播樣網上熱傳      網民:「係咪做嘢太辛苦?」
by / on 09/06/2016 at 2:45 pm

AKB渡邊麻友直播樣網上熱傳 網民:「係咪做嘢太辛苦?」

而家越嚟越多偶像喺網上玩直播,不過直播嘅壞處就係無得PS無得修飾。最近AKB48成員渡邊麻友就俾網民cap佢做直播時嘅圖,引起熱烈討論。有人話佢似日本搞笑藝人田中直樹,亦有人留話:「無打燈無PS嘅藝人只係普通人」、「塊臉點解咁瘦?」、「乾癟嘅青椒」、 「係咪做嘢太辛苦?」 不過可能係佢坐得太近鏡頭,加上咁啱狀態差啫,入嚟有得回帶睇返佢其他靚相補數。

Read more ›
【有片】俾自己個影嚇親 日本小朋友爆喊片Twitter熱傳
by / on 02/04/2016 at 11:29 am

【有片】俾自己個影嚇親 日本小朋友爆喊片Twitter熱傳

雖然好怕聽到小朋友嘅喊聲,但呢段片又真係好好笑。大家都習慣見到自己個影,不過呢位小朋友就覺得好驚,見佢不斷走嚟走去想撇甩自己個影,但個影又一直跟住佢,嚇到佢一邊一邊喊,網民就瘋狂RT呢段片仲覺得好好笑。其實媽媽係咪講過啲恐怖故事嚇佢呀?

Read more ›