Post Tagged with: "喵"

【喵美瞳】雙色眼珠喵星人孖妹 IG爆紅靚到似公主
by / on 07/08/2016 at 12:06 pm

【喵美瞳】雙色眼珠喵星人孖妹 IG爆紅靚到似公主

呢對喵星人孖妹好靚呀!佢哋叫Iriss同Abyss,最近喺IG好紅,佢哋不約而同都有對唔同顏色嘅眼珠,一邊黃一邊藍,好似寶石一樣,配埋全白嘅毛色,靚到好似公主一樣。其實唔少喵星人都有雙色瞳,兩隻眼唔同色,醫學上叫呢種做「雙眼虹膜異色症」(Binocular Heterochromia),亦有貓係一隻眼有兩隻色,不過唔駛擔心,專家話如果喵星人天生兩隻眼唔同色嘅話,視力係唔會受影響嘅。不過如果佢哋本來係普通顏色,之後開始變色嘅話,就要帶佢哋去睇醫生嘞。

Read more ›

【有片】超叻喵 流浪喵星人下半身癱瘓 入屋出力爬樓梯
by / on 02/08/2016 at 8:10 pm

【有片】超叻喵 流浪喵星人下半身癱瘓 入屋出力爬樓梯

睇到呢條片,真係好想摸吓佢個頭讚佢叻仔(其實佢係女)。呢隻「Scooter the cat」之前係流浪貓嚟,而且仲俾獸醫診斷為永久癱瘓,不過佢除咗夠膽跳落同四圍玩外,仲要挑戰上樓梯!見到佢一級一級出晒力爬,爬一陣又要抖一陣都冇放棄,真係抵讚!

Read more ›
【多圖】「騷胳勒底喵」網上爆紅     日日舉手扮投降
by / on 01/08/2016 at 7:16 am

【多圖】「騷胳勒底喵」網上爆紅 日日舉手扮投降

究竟乜嘢事令佢咁興奮?呢隻黑喵Keys勁搞笑,佢有個怪習慣,就係經常會舉起隻手企喺度,主人Peter Mares第一次見到即刻影低佢,點知之後每日都發現佢會做相同動作。究竟呢隻喵星人係開心得滯想give me five?投降?伸吓懶腰定想show吓胳勒底執白色毛?無論如何,主人都幫佢改咗個網名叫「GoalKitty」,仲開埋IG戶口,好威威。

Read more ›
超高質喵寫真 日本攝影師「岩合光昭」寫真展開催
by / on 23/07/2016 at 2:11 pm

超高質喵寫真 日本攝影師「岩合光昭」寫真展開催

日本攝影師岩合光昭堪稱係貓奴攝影師,影落大量貓寫真。最近佢嘅寫真展「ふるさとのねこ」將會喺札幌、横浜、渋谷、長崎等全國17個地方做展覽,現場仲有啲精品買,例如貓杯墊、藥水膠布、紙扇等,去開日本嘅貓奴要睇嘞。至於去唔到日本嘅,可以入嚟睇吓相,全部都好高質,我指相同貓都係。

Read more ›
【動感喵】日本影喵達人Twitter新作 跳躍的喵星人相集
by / on 07/07/2016 at 7:14 am

【動感喵】日本影喵達人Twitter新作 跳躍的喵星人相集

呢位日本影貓達人@sakata_77我哋之前都介紹過,佢影嘅喵星人充滿動感,最近又有好多新作品喺Twitter熱傳。今次嘅主題係「跳躍的喵星人」,雖然班喵星人姿勢好美妙,跳得好有動感,但睇睇吓又會忍唔住笑,感覺好奇妙。BTW,要捕捉到喵星人跳起嘅一刻真係唔容易,仲要佢拍嘅全部都係街貓,好考攝影師嘅耐性同功力。

Read more ›
【新片速報】日本喵星人學上樓梯 3星期脫胎換骨
by / on 30/06/2016 at 7:12 am

【新片速報】日本喵星人學上樓梯 3星期脫胎換骨

喵星人大得好快,3星期已經可以由小貓變大貓。呢兩段影片最近喺Twitter熱傳,貓奴將佢隻喵仔上樓梯嘅畫面拍低,3星期前喵仔出世無耐,行樓梯仲係一步一步爬爬吓勁小心;3星期後已經健步如飛,快到無影,眨吓眼就奔咗上二樓。各位貓奴,仲記唔記得自己屋企嘅喵星人細個學行樓梯嘅得意情況?

Read more ›

【新片速報】街頭表演者遇「知音喵」 坐足全場撐到盡
by / on 07/05/2016 at 12:13 pm

【新片速報】街頭表演者遇「知音喵」 坐足全場撐到盡

要搵知音人唔易,馬來西亞呢個街頭表演者好好彩,有4個知音,全部係喵星人嚟嘅!拍片者話見到表演途中突然有幾隻貓仔經過之後坐低,似乎知道呢位表演者好需要人支持,之後班喵仔一直坐到完場,表演者都有多謝呢幾隻喵仔撐場。好嘞,咁聽完有無零食奬勵吓先?

Read more ›
【喵石像】日本江之島喵星人扮石像 完全唔郁Twitter熱傳
by / on 13/04/2016 at 7:15 am

【喵石像】日本江之島喵星人扮石像 完全唔郁Twitter熱傳

日本嘅江之島又被稱為貓島,好多貓奴都會專程入去朝聖,但編輯去過就貓影都唔多隻.。最近有位日本貓奴入去睇喵,居然發現有隻喵星人扮石像匿咗喺麒麟石像腳下,因為隻喵星人全情郁都唔郁,初時睇佢以為係石像一部份,其實隻喵只係好識嘆咁瞓咗覺。輯相放咗上twitter後好多人RT,下次去江之島時記住裝吓石像下面有無貓喇。

Read more ›
【有片】流浪喵星人成功上樓 見人行一步跟一步
by / on 07/02/2016 at 6:15 pm

【有片】流浪喵星人成功上樓 見人行一步跟一步

天氣凍,最慘就係喺街嘅流浪貓狗,所以大家見到餵到就餵,幫唔到或唔想幫都唔好搞佢哋喇。當然,有啲積極嘅小動物,為咗上樓會不擇手段,之前都睇過扮暈扮萌攬住腳,今次就死跟!拍片者話佢哋去咗呢個地方拍嘢,之後就見到呢隻貓仔,佢哋去邊佢又跟住去邊,行一步跟一步,雖然拍片人話帶唔到佢返屋企,不過唔緊要,佢朋友得,已經收養咗,成功上樓做主人。

Read more ›
【喵相集】喵星人爆笑時刻 唔覺意影倒先最精彩
by / on 04/10/2015 at 2:46 pm

【喵相集】喵星人爆笑時刻 唔覺意影倒先最精彩

好多人鐘意放喵星人嘅相上網,因為佢哋夠晒自我唔理人,又神出鬼沒,所以好容易會影倒佢哋搞笑嘅一刻。網上搜羅咗大量喵星人精彩時刻嘅相,全部都係有咁啱得咁撟先影倒,例如主人抱起隻喵咁啱打喊露,貓仔走咗入裸男紙袋,仲有唔覺意捐咗去貓餅袋背後,同隻廣告喵二合為一,入嚟仲有大量搞笑相,貓奴自己都應該儲埋唔少啦。

Read more ›
大量新片速報 日本明星喵又出動 無視蝸牛頂松茸
by / on 22/09/2015 at 7:17 am

大量新片速報 日本明星喵又出動 無視蝸牛頂松茸

呢隻日本好紅嘅喵星人「かご猫」又出書又出月曆,而且出名平衡力超強,可以頭頂竹籃、蘿白甚至杯麵,佢嘅YouTube頻道更新得好快,最近呢條蝸牛新片就好得意好多人睇。片中兩隻貓悠閒曬太陽,仲有隻蝸牛陪玩,不過右邊hea爆嘅喵大哥一於好少理,完全無視隻蝸牛,相旁邊嗰位就對隻蝸牛好好奇,仲哄到好埋刷刷,條片有好強治癒性,睇完好易又忍唔住入去睇埋佢其他新片,成班喵星人又玩紙箱又頂松茸,仲一齊擔天望地嘆世界,好開心,我都想做貓。

Read more ›

【膠袋裡的肥喵】日本膠袋喵Twitter爆紅   袋內托腮好招積
by / on 28/08/2015 at 7:13 am

【膠袋裡的肥喵】日本膠袋喵Twitter爆紅 袋內托腮好招積

喵星人喺網上嘅威力真係唔講得笑,好似呢隻日本嘅膠袋喵,放上Twitter唔夠1日已經過2萬個RT,連主人@yu_ki_kun_1都嚇一跳!話說前日主人返到屋企,竟然見到門口掛住嘅膠袋入面裝住自己隻喵!睇相都見隻喵表現得好嘆,仲一隻手仔托住個腮,完全唔係被困嘅可憐感覺。最正係隻喵似乎無諗住走,瞓瞓吓仲抓爛埋個膠袋,好開心,好啦,咁你以後住喺入面啦。BTW,可能見隻喵爆紅,主人呢兩日都狂post喵星人嘅生活照,貓奴可以入嚟繼續睇。

Read more ›
殭屍喵網上爆紅 兩隻殭屍爆牙露出超得意
by / on 18/08/2015 at 7:09 am

殭屍喵網上爆紅 兩隻殭屍爆牙露出超得意

喵星人喺網上好易走紅,尤其是擁有一啲與別不同特徵嘅,紅得更快。好似呢隻叫Loki嘅喵星人,兩隻哨牙爆晒出嚟好似殭屍咁,配埋圓碌碌嘅臉同埋扮晒惡嘅眼神,唔恐怖之餘仲超得意,難怪近日喺網上火速爆紅。主人話當初收養佢時都唔知佢係殭屍喵,仲話佢初頭好多病痛,好彩睇佢近來啲相個樣好精靈,應該無晒事嘞,唔通因為吸飽人血所以咁精神?

Read more ›
新片速報    為食喵撳鐘食零食    瘋狂撳瘋狂食
by / on 04/05/2015 at 7:12 am

新片速報 為食喵撳鐘食零食 瘋狂撳瘋狂食

要訓練喵星人,點都要比啲甜頭佢哋嘅,好似呢個貓奴,訓練屋企嘅主人想食嘢前要撳鐘,每次撳一下,主人就會喂佢食一粒零食,咁佢當然好唔客氣咁不停撳啦,撳到最後主人都頂唔順,同佢講:「最後一粒喇!」但係你估隻喵星人會唔會聽?佢嘅反應同表情都好好笑,無時間可以直接跳去2:00開始睇。BTW,鬼叫你教識喵星人咩,以後有排唔駛瞓嘞。

Read more ›
好假的肥貓 日本Twitter興起喵星人假眼圖
by / on 24/11/2014 at 10:34 pm

好假的肥貓 日本Twitter興起喵星人假眼圖

記唔記得我哋facebook早兩日出過一張喵星人假眼圖,簡單一張畫咗對眼嘅紙,拼埋主人度即時有爆笑效果。網絡係個一呼百應嘅平台,日本Twitter即時出現大量惡搞圖回應,原來唔駛一定要白貓,其他主人都一樣得。

Read more ›