Post Tagged with: "喵"

【新片速報】邊彈結他邊摸喵    日本超嗲喵星人完勝
by / on 28/04/2018 at 11:41 am

【新片速報】邊彈結他邊摸喵 日本超嗲喵星人完勝

一路彈結他一路摸貓,難度好高喎!呢位日本網民閒時想練習吓,又想摸吓貓,點算好?佢嘗試同一時間做晒兩樣嘢,不過好難。隻喵又撞又喵喵叫,不過又好可愛喎,最後人類唯有放棄彈結他專心玩喵,喵星人又完勝嘞!

Read more ›

【有片】日本貓奴屋企養16隻喵 食玩瞓超壯觀
by / on 02/04/2018 at 1:07 pm

【有片】日本貓奴屋企養16隻喵 食玩瞓超壯觀

屋企同一時間養16隻貓會係點?日本呢個網民就示範咗,仲經常拍片放上Twitter。食飯嘅時候好壯觀,仲有餵零食、玩老鼠,次次都10幾隻一齊,難得佢哋個個肥肥白白好可愛,仲會攬埋一齊瞓,睇嚟住得好開心。另外返屋企嘅時候一次過有10幾隻貓等門都係爽嘅。至於點解係10幾隻唔係16隻?因為總係有幾隻曳貓唔知走咗去邊,最齊腳都係15隻。入嚟有大量片睇,啱啱仲有3隻得寵嘅喵星人俾主人帶咗去賞櫻,入嚟一齊感受吓俾大量喵包圍嘅超幸福感覺啦!

Read more ›
喵家長做壞榜樣 細貓有樣學樣超搞笑
by / on 23/03/2018 at 7:59 am

喵家長做壞榜樣 細貓有樣學樣超搞笑

幾時都話做長輩要做好榜樣,如果唔係啲細嘅就會有樣學樣。好似呢隻曳貓咁,大貓學人偷嘢食,隻貓仔就有樣學樣,不過佢太矮,似乎點跳都無可能跳到咁高,超可愛!好想抱佢上去呀!

Read more ›
日本長毛喵前後對比 貓奴曾經擔心唔生毛
by / on 16/03/2018 at 7:56 am

日本長毛喵前後對比 貓奴曾經擔心唔生毛

好似一般嘅父母咁,見到自己嘅BB少頭髮都會比較擔心。日本呢位網民放咗兩張相上Twitter,分別係隻喵細個同而家嘅對比。佢話之前隻喵細個時驚佢無乜毛,估唔到而家變成咁‥‥‥之後有另一位網民都放咗自己嘅長毛貓嘅對比照,一樣好搞笑,入嚟有得睇。

Read more ›
【有片】日本喵賊仔偷食西蘭花 咬實唔放斷正
by / on 11/03/2018 at 1:04 pm

【有片】日本喵賊仔偷食西蘭花 咬實唔放斷正

喵星人出名為食,最鍾意就係偷嘢食嘞!最近呢隻日本喵仔居然偷西蘭花食,仲斷正俾主人捉到,但係佢無諗住放棄,依然咬住嚿蘭花唔放口。段片喺Twitter好多人RT,入嚟有多啲呢隻喵嘅相同片睇。佢屋企原來養咗3隻喵,今次佢一夜爆紅,可能會俾其他喵杯葛。BTW,其實貓係可以食西蘭花嘅,不過就只食花唔好食葉,同埋最好煮熟先俾佢哋食嘞。

Read more ›
韓國肥喵玩「儲錢箱」     搵手撳扮放錢幣超搞笑
by / on 04/02/2018 at 11:42 am

韓國肥喵玩「儲錢箱」 搵手撳扮放錢幣超搞笑

呢個貓錢箱之前都介紹過,只要放過硬幣喺盒面白色嘅位置,箱入面隻假貓就會伸隻手出嚟攞走你個硬幣。韓國呢隻明星貓都有玩,但係佢無錢,改為放自己隻手仔上去,之後都吸引咗紙箱入面隻貓出嚟。睇返佢哋嘅Twitter,屋企總共養咗兩隻喵,仲成日有好多新嘅貓玩具玩,不過佢哋都要俾主人玩返,間中要扮獅子同青蛙,入嚟有多啲片睇。

Read more ›

【非法改裝】日本喵司機坐改裝「宅急便貓車」 眼望望超可愛Twitter熱傳
by / on 20/01/2018 at 3:21 pm

【非法改裝】日本喵司機坐改裝「宅急便貓車」 眼望望超可愛Twitter熱傳

一架有改裝,一架原裝。有得坐呢架「宅急便貓車」真係型,日本有網民準備咗兩架靚車俾屋企兩位貓大人。睇相見到兩位業餘貓司機好快跳咗上車頭,之後裝吓裝吓咁,超可愛!架紙皮車之前都有,不過經過改裝之後就好有型,啱晒喵星人嘅喜好,而且有兩架,可以一人坐一架出去威。

Read more ›
【圖集】日本「喵插畫」超感人 貓奴必睇Twitter熱傳
by / on 11/01/2018 at 7:30 am

【圖集】日本「喵插畫」超感人 貓奴必睇Twitter熱傳

作為貓奴或者準備養貓嘅人,睇完呢輯插畫會好有同感,同埋覺得好感動。由日本插畫師渡辺こよ (@akuta0716) 繪製,呢兩日喺Twitter好多人分享。第一幅13格,講貓奴經常遇到嘅無奈事,例如隻喵將枱面嘅嘢推落地、成日用個屁股向住你塊臉、不停好惡咁喵喵叫你。不過下一張圖就講你帶喵去睇醫生,驗出有腫瘤,自此你同喵嘅玩樂時間就會變成用嚟關注健康,然後隻喵會離開你,再然後你會遇到呢一隻喵。睇完成個系列,大家應該意識到照顧喵星人係一生一世嘅責任,而且要珍惜同佢哋相處嘅時間,同埋要定期同佢哋驗身。最後提吓大家,記住以領養代替購買,幫助多啲等待領養嘅喵星人。

Read more ›
【新片速報】日本「刺客喵」挑戰高難度 玩命片Twitter熱傳
by / on 09/01/2018 at 7:02 am

【新片速報】日本「刺客喵」挑戰高難度 玩命片Twitter熱傳

喵最鍾意挑戰高難度,最近呢段片喺Twitter熱傳。片中嘅喵星人唔知係咪睇得主人打機多學咗幾招,好似玩緊《刺客教條》咁爬上櫃邊再一步步向左移動,樓主都話覺得好似睇緊《刺客教條》或者日本電視台嘅運動娛樂節目《終極的生存遊戲SASUKE》咁,身手好敏捷,個樣仲好有性格,入嚟有片睇。

Read more ›
日本「黑喵推跌聖誕樹」相片熱傳 大量改圖回應
by / on 20/12/2017 at 7:31 am

日本「黑喵推跌聖誕樹」相片熱傳 大量改圖回應

喵星人係出名嘅破壞王,最近呢張相喺日本Twitter熱傳,相中嘅黑喵整跌咗棵聖誕樹,然後施施然咁離開案發現場,好型好瀟灑,特別係個眼神。網民忍唔住出手改圖,又有大量貼圖回應,入嚟有得慢慢睇。

Read more ›
【有片】日本喵直播「放送事故」熱傳    跌鏡頭出現另一隻喵
by / on 01/12/2017 at 7:02 am

【有片】日本喵直播「放送事故」熱傳 跌鏡頭出現另一隻喵

喵星人真係好可愛,最近有位日本網民就喺直播期間摸喵,點知唔小心將個境頭跌咗落地,而咁啱就跌正喺另一隻貓面前,鏡頭變咗直播呢隻上下倒轉咗嘅喵,網民嘅反應好熱烈,而呢位大配角對於有機會擔正做主角似乎無乜興趣,好快就用隻手遮住個鏡頭,超可愛!入嚟有得睇。

Read more ›

日本明星喵被出賣 去廁所連環圖Twitter熱傳
by / on 11/11/2017 at 11:55 am

日本明星喵被出賣 去廁所連環圖Twitter熱傳

呢隻日本明星喵「どんぐり」我哋都介紹過唔少次,又出LINE貼紙又出月曆,儲埋好多貓奴fans。不過最近佢作出終極犧牲,主人竟然將佢去廁所嘅連環圖都放埋上網!睇佢辦緊大事個樣超認真,之後仲怒啤主人,睇嚟今次佢都嬲嬲哋。入嚟有多啲佢嘅近照同埋新片睇,對貓奴嚟講真係有排睇,鍾意佢嘅記住follow埋佢哋嘅Twitter嘞。

Read more ›
日本白色鬚鬍喵 超搞笑外型Twitter熱傳
by / on 21/09/2017 at 7:58 am

日本白色鬚鬍喵 超搞笑外型Twitter熱傳

之前都見過希特拉貓或者其他得意造型嘅喵星人,最近日本Twitter熱傳有呢隻鬍鬚貓。全黑造型不過嘴同鼻之間有執八字型嘅白鬚鬍ω,個樣超可愛。樓主喺朋友屋企見到忍唔住影底放上網,網友個個都睇到好開心,仲發現佢好似《野良貓世界》入面隻喵。入嚟有得回帶睇埋近年擁有「特色花紋」嘅喵星人。

Read more ›
日本「莊內神社」 灰喵瞓地扮石頭Twitter熱傳
by / on 12/09/2017 at 7:32 am

日本「莊內神社」 灰喵瞓地扮石頭Twitter熱傳

神社係一個莊嚴又神聖嘅地方,不過呢隻灰喵就鐘意搞笑令氣氛輕鬆啲。呢張扮石頭相喺Twitter好多人RT,而呢間日本嘅「莊內神社」喺網上亦好活躍,有自己嘅Twitter帳戶,仲不時將佢哋嘅鎮社之寶「王子」嘅相放上網。呢隻叫「王子」嘅灰喵喺神社生活得好嘆,成日周圍瞓等人供奉,想探佢嘅可以去山形縣嘅鶴岡市,抽唔到時間都可以入嚟睇吓佢嘅相集。

Read more ›
【新片速報】日本聰明喵好勤力 幫手推紙杯入垃圾桶
by / on 10/09/2017 at 2:16 pm

【新片速報】日本聰明喵好勤力 幫手推紙杯入垃圾桶

呢隻喵好有手尾,佢住喺日本京都嘅貓cafe,最鍾意就係坐喺垃圾筒上面,每當有人放個杯上去,佢就會運勁然後出手將集杯推落垃圾桶,好可愛!段片喺Twitter熱傳,有人仲放埋喵星人坐人類大髀嘅相,原來佢哋咁嗲嘅。BTW,呢間Cafe佈置到好似一個森林咁,好特別,有啲分店仲有貓頭鷹,去開京都嘅貓奴記住去參觀吓嘞。

Read more ›