fbpx

Tag: 喵星人

【神獸】日本發現九尾狐 喵星人無奈變身

【神獸】日本發現九尾狐 喵星人無奈變身

九尾狐係中國嘅神話動物,估唔到連日本人都識,仲發現到一隻。呢幾張連環圖噚日喺日本Twitter好紅,相中嘅白色喵星人(被迫)變成九尾狐,效果搞笑多個認真,睇佢個樣仲好無奈,玩完未呀?好餵我食嘢喇喎!

Read more ›

【母愛】喵星人立志做保姆 攬大肚瞓咕嚕咕嚕

【母愛】喵星人立志做保姆 攬大肚瞓咕嚕咕嚕

喵星人一向比人嘅感覺係好冷漠,其實佢哋都有好嗲嘅一面,好似呢隻兩歲大嘅黑喵囡Panda,自從女主人Assayag有咗BB,佢就經常貼住對方個大肚仔瞓,仲會不停咕嚕咕嚕,好似想一齊保護肚入面嘅BB咁。到BB出咗世之後,佢索性攬住BB一齊瞓,而家佢經常會走近BB身邊聞吓佢揩吓佢,又會坐喺旁邊守護佢,十足貓保姆一樣,好可愛。

Read more ›
【開飯未】日本超人氣喵星人 一臉囂張好得寵

【開飯未】日本超人氣喵星人 一臉囂張好得寵

呢個日本Twitter帳戶「うだま」近來人氣度好高,有10幾萬人follow,入面嘅3隻喵星人超可愛,又成日有新玩具玩,今次重點介紹入面隻灰色喵,佢表情多多,例如坐喺食物盤前一臉不屑等開飯嘅相喺Twitter就好多人RT。睇返佢啲相,佢應該好得寵,因為連另一隻喵星人都要定時定候幫佢舔毛,難怪佢個樣可以咁囂張,入嚟有大量相片慢慢睇。

Read more ›
有片:當真‧喵星人遇著玩具假貓!嚇到彈起!

有片:當真‧喵星人遇著玩具假貓!嚇到彈起!

當真‧喵星人遇著玩具假貓,原來畫面係可以咁滑稽嘅。首先要知,隻玩具假貓一身雪白毛,雙眼烱烱有神,動作仲要非常神似添。真‧喵星人遇著佢難免會疑惑,但衰在有好奇心超重,互睥啦,又索又聞啦,摸摸掂掂喇,兜去身後以為人哋睇自己唔到喇……動作又幾搞笑有幾搞笑,最過癮係又要驚又要撩人,玩具假貓一個機械動作,嚇到其中一隻真‧喵星人彈起,有趣!

Read more ›
【有可疑】日本古怪喵星人Twitter熱傳     站立如廁睡姿古怪

【有可疑】日本古怪喵星人Twitter熱傳 站立如廁睡姿古怪

呢隻日本喵星人實在太可愛,一定要介紹比大家follow吓。首先吸引我嘅,係佢呢張雙腳站立去廁所嘅相,好麻甩,佢個樣雖然唔算勁得意,但啲動作行為就超搞笑,例如腳仔踢踢趴喺地、玩紙巾盒玩到忘晒形,仲有瞓覺嘅古怪睡姿,入去佢Twitter仲可以睇返佢細個嘅相,我極度懷疑佢其實係人扮嘅。

Read more ›
【新片速報】進擊的巨喵 喵星人擒拿手捉小白兔

【新片速報】進擊的巨喵 喵星人擒拿手捉小白兔

《進擊的巨人》好睇在見到巨人爬城牆捉人類,懸殊嘅身型好有震憾力,呢條片都有相似效果,難怪喺Twitter火速熱傳。片中嘅喵星人匿喺間玩具屋入面,當小白兔出現,佢就火速伸出隻喵爪撲佢,真係好有進擊嘅感覺,貓奴們,快啲買間玩具屋返屋企試吓啦!

Read more ›

【郵便喵】日本郵局出喵星人郵票    貓奴要買齊兩套

【郵便喵】日本郵局出喵星人郵票 貓奴要買齊兩套

日本郵局成日都有特別版郵票出,上年10月出過一個狗狗系列,而家已經斷晒貨,啱啱官方又宣佈會推出第二彈,今次主角改為一班可愛嘅喵星人,分52円同82円兩款郵票,一套有10個唔同款式,分別賣520円同820円,4月22日開賣,相信應該勁快賣斷,雖然唔係住喺日本,但香港貓奴應該都好想買返套儲!

Read more ›
【新片速報】日本超紅喵星人今次頂薯片筒 頂住打喊露

【新片速報】日本超紅喵星人今次頂薯片筒 頂住打喊露

點解可以咁得意?貓奴睇完呢兩段片,應該會好想買兩盒呢個牌子嘅薯條返去玩,難怪有網民估佢其實係一個軟性廣告。呢個日本好紅嘅貓貓YouTube頻道「かご猫 Blog」我哋都介紹過好多次,一班喵星人經常頭頂雜物,今次頂薯條筒,除咗頭上單頂一個之外,仲可以兩邊耳仔各頂一個,好考耐性同埋平衡力,不過最正都係尾段打喊露同跌薯條罐嗰部份,好難忍笑呀! 

Read more ›
【喵長老】全球最老喵星人26歲    長命原因靠「放養」?

【喵長老】全球最老喵星人26歲 長命原因靠「放養」?

呢隻健力士紀錄最高齡嘅喵星人Corduroy,今年已經26歲,相當於人類嘅121歲,不過睇落又唔似喎,佢而家依然活力充沛,仲成日自己出街玩,又鍾意曬太陽,睇片見佢上樓梯都好敏捷,主人話估計主因係佢哋以半放養方式飼養,喵星人可以自出自入,喺出面玩又可以繼續獵食,令身同心都維持最fit狀態。Corduroy仲好識嘆,每晚都會跳上床同主人一齊瞓,瞓到清晨5點左右就起身,好健康。祝佢身體健康,繼續自由自在享受生活啦!

Read more ›
日本京都「喵星人芭菲」大熱 貓奴一定嗌3球

日本京都「喵星人芭菲」大熱 貓奴一定嗌3球

雖然日元升咗少少,不過日本始終係旅遊首選,如果最近計劃去京都嘅貓奴,可以拜訪埋呢間叫「ことばのはおと」嘅cafe,入面有最近好hit嘅喵星人芭菲食,每個雪糕球上面都有個可愛貓樣,超級貓奴仲可以嗌夠三球雪糕,勁滿足。據聞每日1點前會售罄,想試就要早啲起身嘞。

Read more ›
高級貓飯人都食得 貓奴+喵星人同糧共食

高級貓飯人都食得 貓奴+喵星人同糧共食

為愛貓你可以去到幾盡?一齊訓覺一齊沖涼一齊玩一齊Selfie一齊打機一齊煲劇一齊……未夠未夠,一齊食,我意思係同愛貓食埋同一樣嘢先夠盡。日本寵物品牌Neco Republic新推出嘅貓糧Neco Meshi,標榜可以同主人一齊食用,無鹽,無人造添加成份,如此「高級貓飯」仲有四種口味兼四種口感俾身為貓奴嘅你揀,燻青魚乾、鯖魚鬆同煎鏗魚條各售500日圓,燻鏗魚塊就賣730日圓。我知成件事係好型,不過問心,同床共寢可以,同糧共食咯喎……嗯,你又制唔制?

Read more ›

有片:日本喵星人日 真貓砌出「Happy Cat Day」

有片:日本喵星人日 真貓砌出「Happy Cat Day」

世界有所謂嘅喵星人日,唔同國家有唔同特定日子,日本係擒日2月22日,俄羅斯係3月1日,美國係10月29日,而International Cat Day則係8月8日。為此,YouTube頻道「10 Cats」出咗條片,靠預先擺好嘅糧兜吸引貓咪耷低頭,有次序地排成一個個英文字母──「H」、「A」、「P」、「P」、「Y」、「C」、「a」、「t」、「D」、「a」同「y」,Happy Cat Day!祝貓奴繼續為奴,喵星人繼續係寶喇。

Read more ›
史上最靚藍眼睛 英國短毛貓網上爆紅

史上最靚藍眼睛 英國短毛貓網上爆紅

貓眼好靚,望入去好似望唔到盡頭,呢隻英短喵星人Coby對眼,更加被譽為史上最靚,擁有一對藍眼嘅佢最近喺網上好紅,而家喺Instgram有27萬fans,閒閒哋一張相都超過2萬個like,因為一對藍眼令佢睇落個樣好cool,不過入去佢嘅IG就會發現,其實佢都有可愛嘅一面。

Read more ›
【根本係人】喵星人Wilbur神奇坐姿 主人估計:「對腳太短!」

【根本係人】喵星人Wilbur神奇坐姿 主人估計:「對腳太短!」

喵星人有時會不經意顯露佢哋扮貓嘅真面目,好似呢隻最近喺網上爆紅嘅喵星人Wilbur,主人收養佢嘅時候無乜特別,但返到屋企就發現佢經常都會好似人咁坐,雙腳屈膝好可愛,主人估計佢一係個身太長,一係對腳太短,所以經常出現呢個坐姿,不過唔駛擔心,佢平時好正常,睇片仲發現佢跑得超快‥‥‥

Read more ›
【有片】喵星人入侵辦公室 日本銀行廣告晒貓

【有片】喵星人入侵辦公室 日本銀行廣告晒貓

星期一又要返工返學,仲要有排都無長假期,好灰。如果有一日返工打開櫃筒、老細房門,發現全部都係喵星人,喵蹤無處不在,係咪好爽先?日本銀行Japan Net Bank新廣告「ネコ会議Cat Meeting」就係用呢個概念,影片出動咗勁多喵星人,不過我覺得如果老細變埋貓,我哋嘅生活應該會更好。

Read more ›