Post Tagged with: "喵星人"

有片:喵星人拒絕接吻!表情動作超嫌棄
by / on 20/01/2016 at 8:00 pm

有片:喵星人拒絕接吻!表情動作超嫌棄

睇完呢條片,我先知原來喵星人係咁抗拒接吻嘅,輕則扭頭避開兼用個籮柚頂住你,重則直接跳開逃避你,更甚者用手手腳腳撐開你塊面,誓死唔畀主人哄塊面埋嚟,你可能都試過……一向都話喵星人可愛得嚟孤高,有片為證嘞。

Read more ›

【失散兄弟】《星戰》Kylo Ren同喵星人撞樣 9成相似網民熱傳
by / on 20/01/2016 at 7:15 am

【失散兄弟】《星戰》Kylo Ren同喵星人撞樣 9成相似網民熱傳

今集《星戰》做新奸角Kylo Ren嘅Adam Driver,個樣生得幾特別,估唔到咁都會撞樣,而且係同隻喵星人撞。隻喵星人叫Corey,今年兩歲半,無論眼、耳、口同鼻,同Adam Driver都真係好相似,件事最先係由《xoJane》嘅編輯Marci Robin放上Twitter引發,之後好快被網民瘋傳。不過呢隻喵星人唔係壞人所以有好下場,本來喺Monmouth County SPCA動物收容所嘅佢,最近已經俾人領養咗嘞。講真,佢個樣好有個性,應該有喺網絡走紅嘅潛質,加上《星戰》電影嚟緊仲會不停上映,睇好你呀喵星人。

Read more ›
【亂瞓】喵星人瘋狂睡姿圖集     爛瞓動物話瞓就瞓
by / on 16/01/2016 at 12:15 pm

【亂瞓】喵星人瘋狂睡姿圖集 爛瞓動物話瞓就瞓

天寒地凍,每朝早起身都好似酷刑一樣,所以好佩服今個星期日去跑馬拉松嘅各位跑手,預祝當日有好天氣,大家都跑到好成績啦!之所以有感而發,因為見到外國網站搜羅咗大批動物嘅瘋狂睡姿,呢類型嘅題材百看不厭,今次主打喵星人同狗狗,佢哋瞓嘅位置好奇特,例如鑽入臭鞋入面瞓、攤喺主人嘅屁股上面瞓,拉長吊喺梳化邊瞓,攤喺燒烤爐旁邊瞓、甚至食食吓嘢喺食物盤入面瞓‥‥其實我都好想好似佢哋咁,隨時隨地話瞓就瞓,尤其是逢星期一至五。

Read more ›
【喵間有愛】喵星人照顧受傷狗BB 攬住瞓幫舔毛視如己出
by / on 13/01/2016 at 7:13 am

【喵間有愛】喵星人照顧受傷狗BB 攬住瞓幫舔毛視如己出

呢隻比特犬BB Nicolas條命好慘,首先佢出世時有8兄弟,但其中3個已經俾媽媽食咗,之後佢媽媽仲想食埋佢,好彩有人發現將佢救出,之後由網民aleovir收養咗。點知當時得1個月大嘅佢,經常咬自己隻前腳,搞到隻腳受晒傷要包紥,好彩屋企嘅幾隻喵星人好錫佢,成日幫佢舔毛,又會攬住佢一齊瞓,直情當佢係自己個女咁,睇相都覺得好溫馨,邊個話喵星人冷漠架?而家狗狗Nicolas經過悉心照顧,已經健康成長,仲越嚟越大隻,好幸福。

Read more ›
【無得輸】暖男與喵星人IG圖集 囡囡睇到心都融埋
by / on 13/01/2016 at 7:12 am

【無得輸】暖男與喵星人IG圖集 囡囡睇到心都融埋

有愛心又鍾意小動物嘅男人特別吸引,如果個樣又靚仔,仲有一身結實肌肉,嗚呀,真係無得輸!Instagram有個專頁叫「hotdudeswithkittens」,入面有大量暖男同喵星人影嘅合照,好可愛呀!我指啲喵咋!而家個IG已經有超過4萬個followers,鍾意貓嘅囡囡應該會睇到個都融埋。咩話你係男人?咁當參考吓啦,可能攞到靈感幫自己個FB轉頭像喎。

Read more ›
【真‧旅遊達人】喵星人都有passport 兩歲仔遊山玩水
by / on 12/01/2016 at 7:14 am

【真‧旅遊達人】喵星人都有passport 兩歲仔遊山玩水

做貓做到有自己嘅passport,就算唔係BNO都係威嘅。呢隻只得兩歲嘅西伯利亞貓Gandalf個樣雖然串串貢,但抵佢得戚。佢喺韓國被收養,而家住喺美國加州,主人喺佢幾星期大時發現佢好鐘意出街,之後經常帶佢周圍玩,冰天雪地、森林,上山下海,而家已經去咗美國嘅9個州份遊覽,嚟緊仲諗住舉家移民去紐西蘭,好幸福。BTW,佢個樣真係好有個性,又霸氣又型。

Read more ›

有片:喵星人開飯 不忘祝大家2016新年快樂
by / on 11/01/2016 at 8:45 pm

有片:喵星人開飯 不忘祝大家2016新年快樂

容我在此大聲疾呼,貓係好可愛好可愛嘅動物,就算唔係貓奴都好應該尊重生命,虐貓殺貓毒貓吊貓者,本人咒佢天誅地滅,不得好死,兼享長命百歲,六十歲開始坐輪椅,八十歲開始長訓床打點滴,打到一百歲為止……Sorry,一時火燒心離題咗,正式介紹番呢個YouTube頻道「10 Cats.」,有極多喵星人短片睇,又係貓奴必看,而本人則甚鍾意呢條短片,一隻二隻貓掛住耷低頭食糧,不覺主人已經透過糧兜擺放位置,利用佢哋身軀砌咗「HAPPY NEW YEAR 2016」字樣,貓仔祝你新年快樂,Like。

Read more ›
【新片速報】喵星人試玩BB-8 Droid合集 原來個頭好易甩
by / on 10/01/2016 at 3:14 pm

【新片速報】喵星人試玩BB-8 Droid合集 原來個頭好易甩

呢隻BB-8 Droid都出咗一段時間,可以用手機操控走嚟走行,聽講唔少貓奴都乘機買咗隻返去同喵星人玩。咁究竟班主子玩唔玩呢?之前都有唔少試玩片,最近外國有人一次過將好多段喵星人嘅試玩後片剪接成一段2分半鐘嘅短片,比準買家參考吓。睇片見班喵星人都好好奇,會追住隻BB-8嚟抓,不過BB-8 Droid個頭就好易甩。另外我哋發現玩得最開心嘅唔係一班喵星人,而係控制住隻BB-8嘅主人,佢哋玩到依娃鬼叫,擺明就係利用喵星人比個藉口自己買新玩具啦。

Read more ›
【洋貓】英國喵星人火速走紅 長駐超市監視人類
by / on 09/01/2016 at 2:56 pm

【洋貓】英國喵星人火速走紅 長駐超市監視人類

最近呢隻喺倫敦超級市場Sainsbury’s被發現嘅6歲肥喵Olly Oliver好紅,最先係上年11月佢被發現喺超市入面周圍巡遊,之後俾職員趕走咗,不過佢無放棄,之後每日都要去超市行一次先安樂,有時會居高臨下企喺貨架頂監察人類買嘢,有時又會跳入貨架休息,職員都無佢符,而當地顧客亦習慣咗佢嘅存在。好嘞,咁究竟肥肥白白嘅佢喺邊度嚟?後來有人發現原來佢係有人養嘅,主人屋企就喺超市旁邊,屋企仲有隻灰色毛嘅喵星人兄弟。唔,果然外國嘅空氣係自由啲,唔止人類,連貓都生活得自由自在,好羨慕!

Read more ›
【有片】單眼喵星人變滑浪高手    無懼風浪超勇敢
by / on 08/01/2016 at 7:13 am

【有片】單眼喵星人變滑浪高手 無懼風浪超勇敢

Nanakuli係一隻好英勇嘅喵星人,佢之前被遺棄,好彩之後有好心人Alexandra Gomez同Krista Littleto收養。由於眼部受感染,最終佢要做手術移除其中一隻眼。喺療養期間,主人幫佢沖涼時發覺佢原來好鍾意水,所以當佢好返之後,主人就決定帶佢出海滑浪慶祝!睇片見佢坐喺塊滑板上一臉威風就戥佢開心。不過話就話滑浪,主人其實都係放佢喺浮板做吓樣影吓相,而喺片中仲見唔怕死喺海中暢泳,同一般怕水喵星人唔怕,好勇敢。有咁錫自己嘅主人,以後幾大風浪都唔駛怕喇!

Read more ›
【新片速報】驚險!喵星人窗外行鋼線 戰鬥民族男人勇救曳喵
by / on 08/01/2016 at 7:10 am

【新片速報】驚險!喵星人窗外行鋼線 戰鬥民族男人勇救曳喵

好驚險!喵星人好曳經常亂走玩命,之前都有唔少新聞講佢哋爬上樹、屋頂之類又落唔返嚟,最後要人類出動拯救。最近呢隻喺俄羅斯嘅喵星人又曳豬爬咗出去窗外曬衫位,果度得幾條繩托住,危險程度同走鋼線無分別,有兩個喺下層嘅俄羅斯男人就好好心,拎咗張毯加支棍進行拯救行動,睇片見佢哋篤吓篤吓,加埋隻貓貓嘅慘叫,真係睇到心驚膽跳!好彩最終行動成功,不過講真,作為負責任嘅貓奴,真係一定要裝!窗!網!喵星人唔係真係有9條命架!BTW,戰鬥民族嘅男人原來都有溫柔嘅一面。

Read more ›

【有片】超懶散反肚喵星人 梳化底跣出地面網上熱傳
by / on 07/01/2016 at 7:14 am

【有片】超懶散反肚喵星人 梳化底跣出地面網上熱傳

喵星人嘅行徑非常率性,想點就點,所以經常都有好好笑嘅影片流出。好似最近呢段片就喺網上熱傳,片中嘅貓奴想搵屋企隻喵星人,當佢嗌名時,梳化底突然有隻反住咗嘅貓大哥火速9秒9瀡出嚟,超搞笑!估計當時佢應該反住肚喺梳化底un un腳,聽見奴才嗌佢個名,就腳仔一伸,原地跣出地面。影片喺YouTube已經接近70萬點擊,仲未計世界各地貓奴瘋狂share,包括日本人喺Twitter貼片分享,可惜上載嘅頻道暫時只得一條片,所以我訂閱咗先,希望遲啲有新片睇。

Read more ›
【嚇親貓奴】喵星人玩完返屋企頸上有字條    原來有兩頭住家
by / on 06/01/2016 at 7:12 am

【嚇親貓奴】喵星人玩完返屋企頸上有字條 原來有兩頭住家

喵星人嘅性格真係好野性,最近呢件事好多人談論,話說有隻貓Nala返到屋企時條頸掛住張字條,主人發現原來佢仲有另一頭住家。紙條上面寫住:「我唔知道呢隻貓屬於邊個,不過佢經常嚟探我哋,佢會喺我哋門口不停喵,放佢入屋之後就會喺間屋巡嚟巡去好似自己屋企一樣,又會坐喺雪櫃前等人餵,不過我哋好歡迎佢,因為我哋隻21歲嘅貓今年過咗身。」件事好快喺網上熱傳,仲有好多貓奴分享佢哋嘅故事,例如有人發現自己隻貓經常好飽,於是掛張字條喺佢條頸,最後收到9個家庭來電話隻貓係佢哋養嘅;亦有主人唔見咗隻貓幾年以為佢死咗,點知有日發現佢喺鄰居屋企嘅窗台睇風景。入嚟有得慢慢睇,堅好笑。

Read more ›
【新片速報】喵星人堡壘 樓高五層零首期上樓
by / on 04/01/2016 at 7:08 am

【新片速報】喵星人堡壘 樓高五層零首期上樓

呢個YouTube頻道「Funnycatsandnicefish」可能好多貓奴都識,版主養咗好多隻可愛喵星人,逢星期二同五都有新片出,最近佢就為班喵星人整咗個紙皮箱堡壘,樓高五層,每層都可以上下互通,好大陣仗!睇班喵星人跳上跳落,似乎好滿意呢間新屋。梗係啦,唔駛儲首期就可以上樓,所以都話做喵好過做人。

Read more ›
【有片】日本貓寺廟 大量喵星人任抱任玩 放飯勁壯觀
by / on 02/01/2016 at 11:46 am

【有片】日本貓寺廟 大量喵星人任抱任玩 放飯勁壯觀

各位貓奴以後去日本除咗去貓島之外,仲可以去埋日本福井縣越前市嘅「御誕生寺」!呢間寺廟1948年建成,出名多喵星人,最近有日本媒體去咗探貓,仲影咗好多靚相。未入「御誕生寺」門口已經有個喵星人銅像歡迎貓奴,寺廟入面周圍都係貓,啲貓仲好嗲人,任抱任玩,而且隻隻都好肥美。寺廟入面有一間房放咗好多貓屋貓玩具,另外,每朝早7點同下午3點半,佢哋都會放飯,一大班喵星人空群而出一齊醫肚,場面好壯觀,入嚟有片睇。臨走時記得買埋佢哋嘅祈願符,上面滿佈貓腳印,好可愛。

Read more ›