Post Tagged with: "喵星人"

【有片】3個月大喵星人玩飲管 阿媽睇唔過眼出手秒殺
by / on 02/02/2016 at 7:14 am

【有片】3個月大喵星人玩飲管 阿媽睇唔過眼出手秒殺

喵星人BB特別得意,而且充滿好奇心,呢隻只得3個月大嘅英短喵星人就完美示範咗嘞。影片見佢發現枱上面罐飲品有支飲筒插住,本來好平常嘅事喺佢眼中似乎好得意,佢嘗試用隻手抓吓支飲管,又用個口咬吓佢,但都係無辦法將支飲管挑出嚟玩。呢個時候一直冷眼旁觀嘅喵媽媽Tibbie忍唔住出手嘞,輕輕用口一咬,頭向後一伸,輕輕鬆鬆就將支飲管挑咗出嚟玩,好威威。BTW,留意兩母女啲紋完全一模一樣,唔認有血緣關係都唔得啦。

Read more ›

【霸氣外露】喵星人企警車頂 日本一人一張霸氣喵圖
by / on 02/02/2016 at 7:12 am

【霸氣外露】喵星人企警車頂 日本一人一張霸氣喵圖

喵星人個性囂張,要搵佢哋霸氣外露嘅相簡直無難度。日本網民最近就一呼百應,一人一張喵星人霸氣圖,有喵星人肚皮朝天攤喺車頭曬太陽、有大膽到企喺警車車頂,仲有扮馬沙嘅喵星人、鬆弛喵、一拳打穿門嘅一拳超喵,好精彩,貓奴睇完驚唔驚?真係千祈唔好得罪佢哋。

Read more ›
【偷食唔抹嘴】喵星人偷食雪糕斷正 動物古怪食相合集
by / on 31/01/2016 at 1:49 pm

【偷食唔抹嘴】喵星人偷食雪糕斷正 動物古怪食相合集

唔似人類食嘢要講儀態,動物無論肚餓定為食都會奮不顧身狂食。外國網站精選咗動物嘅食嘢相,喵星人食到成面都係雪、倉鼠不自量力成粒花生塞入口、水獺食西瓜食到喊,當然唔少得好經典嘅烏龜食士多啤梨食到一面血嗰張,入嚟有回帶慢慢笑。

Read more ›
【愁爆喵】天生一對愁爆眼 小喵星人火速被領養
by / on 30/01/2016 at 1:21 pm

【愁爆喵】天生一對愁爆眼 小喵星人火速被領養

好屈機,呢隻喵星人呀Bum天生有對愁到爆嘅眼睛,加埋個扁嘴,真係望多兩眼個心都會融埋。佢喺4星期大嘅時候就俾人帶咗去美國聖地牙哥嘅動物收容所,大家見到佢對眼都即時愛上佢,而佢都好快唔駛愁爆,因為好短時間就被領養。據San Diego Humane Society負責人講,雖然呀Bum個樣愁爆,但其實好有愛心,仲好怕醜,亦會照顧收容所入面受傷嘅貓貓。本來想follow埋呀Bum嘅IG,但發覺係私人帳戶,快啲批准我入伍啦!

Read more ›
【唔捨得食】日本喵星人和果子 坐完暖桌玩金魚
by / on 30/01/2016 at 12:33 pm

【唔捨得食】日本喵星人和果子 坐完暖桌玩金魚

將喵星人食落肚?我諗好多貓奴都唔捨得。呢對日本嘅母女組合Laura同Caroline各位貓奴要識,佢哋用和果子麵團整成不同嘅喵星人場景,最新作品係右下角一班喵星人圍住暖桌瞓覺嘅呢款,製作勁細緻。佢哋之前整過喵星人玩金魚、班戟夾喵,全部都勁靚,入嚟有回帶。佢哋話通常整完再影埋相就會一齊食咗佢,如果完成品唔易腐爛就會送比親戚朋友食,佢哋仲有自己嘅blog,入面可以見到佢哋養嘅喵星人,今年8歲,好可愛!

Read more ›
【多圖】喵星人取暖大法 暖爐越坐越埋燒燶毛
by / on 29/01/2016 at 7:12 am

【多圖】喵星人取暖大法 暖爐越坐越埋燒燶毛

為咗取暖,喵星人可以去到好盡。有養貓嘅都知,冬天嘅暖爐就好似貓罐頭一樣咁受歡迎,而且喵星人完全無「熱」嘅概念,只會越坐越埋個暖爐,好大膽。日本網民最近分享咗好多喵星人取暖嘅圖片,有喵星人伸直雙腳坐喺暖爐前嘆世界,亦有瞓得太埋個暖爐最終燒燶晒啲毛。除咗暖爐之外,佢哋仲有各種取暖大法,最過份莫過於瞓喺Pizza上面!BTW,忍到口齋瞓唔食其實都幾叻豬。

Read more ›

【獨裁喵】希特拉喵星人網上爆紅 招牌小鬍鬚極神似
by / on 29/01/2016 at 2:26 am

【獨裁喵】希特拉喵星人網上爆紅 招牌小鬍鬚極神似

希特拉係獨裁者,無乜人鍾意,不過同希特拉好似樣嘅呢隻喵星人Kitler就唔同,喺網上好受歡迎。黑白配色嘅佢,咁啱喺鼻下嘅位置有撮黑色嘅毛,十足希特拉嘅招牌小鬍鬚,佢個名仲專登改成「Kitler」,即係Kitten同Hitler嘅混合體,網民都大讚佢得意,仲有人搵咗另一隻似史太林嘅喵星人同佢做比較,入嚟仲可以睇埋狗狗版希特拉。另外之前德國做過一項研究,原來黑白色嘅貓比起其他貓更鍾意流浪,好容易離家出走,而且仲比較聰明,有無黑白貓貓主可以分享吓?

Read more ›
【神cosplay】喵星人玩盡動漫造型 扮完 《一拳超人》扮《進擊》
by / on 28/01/2016 at 7:13 am

【神cosplay】喵星人玩盡動漫造型 扮完 《一拳超人》扮《進擊》

貓cosplay唔係第一次見,不過呢個有啲唔同,佢唔止cos得專業,而且keep住有新造型,呢個叫cat cosplay嘅IG專頁,入面嘅喵星人有好多動漫或者電影角色,近來好紅嘅《一拳超人》、《星戰》嘅新一集女主角Rey同Captain Phasma,以至舊啲嘅《進擊之巨人》、電影《Star Trek》、《回到未來》嘅博士同Marty McFly等,睇得出佢嘅主人都係一個標準動漫迷,同我哋嘅口味都幾似。最難得係佢隻喵扮乜似乜,個樣仲越睇越似人。

Read more ›
【睇蝕晒】喵星人露底相集 肉球原型畢露無私隱
by / on 27/01/2016 at 7:12 am

【睇蝕晒】喵星人露底相集 肉球原型畢露無私隱

作為專業貓奴,都無乜機會用呢個角度睇貓。正如呢個世界有戀足癖,貓界都有好多對「貓肉球」有強烈癖好嘅人,呢輯相應該滿足到佢哋嘅慾望。攝影師Andrius Burba用咗7小時準備,1日時間拍攝,4星期做後期,最後完成咗呢輯喵星人裙底相。對於喵星人嚟講其實好無私隱,唔該都無聲就咩都比人睇晒。除咗睇相,仲有making of短片比肉球控慢慢J。

Read more ›
Twitter熱門喵星人圖集 貓奴唔睇唔得
by / on 25/01/2016 at 7:12 am

Twitter熱門喵星人圖集 貓奴唔睇唔得

香港人好少玩Twitter,其實上面有好多嘢睇,好似最近外國網就搜羅咗大量喺Twitter受歡迎嘅喵星人圖,作為標準貓奴應該有唔少都睇過,不過又唔會介意再睇。睇完係咪好想快啲收工攬住佢哋取暖?不過現實當然係佢哋會馬上將你推開‥‥‥

Read more ›
【新片速報】日本喵星人第一次遇見雪 超興奮飛撲抓雪
by / on 24/01/2016 at 12:11 pm

【新片速報】日本喵星人第一次遇見雪 超興奮飛撲抓雪

日本呢幾日都有落雪,Twitter有網友放咗呢段喵星人影片上網,影低屋企隻喵第一次遇見雪嘅反應,影片好快已經超過2萬個RT,好受歡迎。片中嘅喵星人唔怕凍亦唔怕雪,反而覺得好好奇,不停伸手想抓住啲雪,單身抓唔到就改為雙手抓,之後仲飛身撲起,不過結果梗係乜都抓唔到。

Read more ›

【攀山涉水】帶喵星人去旅行 被遺棄貓貓變旅行伴侶
by / on 23/01/2016 at 2:01 pm

【攀山涉水】帶喵星人去旅行 被遺棄貓貓變旅行伴侶

喵星人唔似狗狗要散步,不過間中有主人都會蹓貓帶佢哋散步。但呢兩隻喵星人Bolt同Keel有啲唔同,因為佢哋去咗行山、露營、划獨木舟,由森林到雪地都挑戰過。呢對喵星人兄弟本來被遺棄喺公園嘅垃圾筒,有好心人發現咗佢哋,諗住送佢哋去附近嘅動物收容所,點知假期無開喎,於是就決定帶埋佢哋繼續自己嘅野外行程。由於本來無預備帶喵星人,所以途中就放佢哋喺外套入面或者背囊內,佢哋仲幫呢兩兄弟開咗個Instagram,直擊佢哋去旅行冒險嘅點滴,好刺激呀!

Read more ›
【嘩7度】喵星人取暖大法 捐入被竇鑽入毛毛boots
by / on 23/01/2016 at 1:00 pm

【嘩7度】喵星人取暖大法 捐入被竇鑽入毛毛boots

今朝起身望一望部手機,嘩,氣溫跌到7度!即刻捐返入暖笠笠嘅被竇,好彩今日係星期六唧。喵星人都好怕凍,網上搜羅咗大量喵星人取暖嘅圖片,捐入被竇捲實自己、瞓喺暖爐頂、鑽入毛毛Boots入面‥‥‥作為一個負責任嘅貓奴,快啲幫主子開個暖爐同冚張毯啦,又或者係時候出去買個毛茸茸嘅屋仔比佢嘞。

Read more ›
【喵美瞳】雙色瞳喵星人網上熱傳 網民:「好似望到宇宙。」
by / on 22/01/2016 at 7:13 am

【喵美瞳】雙色瞳喵星人網上熱傳 網民:「好似望到宇宙。」

貓眼好靚,望入去好似望唔到盡頭,千變萬化,有唔少喵星人都有雙色瞳,兩隻眼唔同色,睇落好靚,醫學上叫呢種做「雙眼虹膜異色症」(Binocular Heterochromia),不過亦有一啲情況係同一隻眼有兩種顏色,稱為Sectoral Heterochromia。最近網上好多人share嘅呢隻喵就屬於後者,佢一隻眼入面一半係黃一半係藍,好特別,網民話望住佢對眼直情好似望到宇宙咁,好誇張。順帶一提,專家話如果喵星人天生兩隻眼唔同色嘅話,唔駛擔心,佢哋嘅視力唔會受影響。不過如果佢哋本來係普通顏色,但之後開始變色嘅話,就要同佢哋去睇醫生嘞,因為可能係Horner Syndrome或虹膜毛樣體炎,各位貓奴記住多啲留意主子對眼嘞。

Read more ›
【真‧朋友】三隻雪橇一隻喵 雪地上喪跑唔怕凍
by / on 21/01/2016 at 7:12 am

【真‧朋友】三隻雪橇一隻喵 雪地上喪跑唔怕凍

作為主人,當然想屋企嘅喵星人同狗狗可以做好朋友,如果好似呢3隻雪橇同喵星人Rosie咁friend就更好嘞。喵星人Rosie六個月前被收養,成為家庭一份子,當時病重嘅佢得到幾位狗友嘅悉心照顧,睇佢由之前嘅貓BB變成而家嘅肥美巨喵,就知佢嘅生活有幾爽。佢哋幾個好朋友仲經常出雙入對出街玩,最新嘅短片就見佢哋一齊出雪地探險,可惜喵星人Rosie腳仔短行得比較慢,但佢唔怕凍,睇見4個肉球喺雪地上印吓印吓,都打咗個冷震。

Read more ›