Post Tagged with: "喵星人"

IG最紅喵星人 臉圓眼圓蠢蠢哋
by / on 26/09/2015 at 1:50 pm

IG最紅喵星人 臉圓眼圓蠢蠢哋

呢隻喺Instagram最紅嘅喵星人Nala,有超過230萬個followers,好多貓奴都見過佢,未識嘅可以入嚟見識吓。佢嘅特點係面圓眼圓,仲好似有少少鬥雞眼,個樣囂張得嚟又蠢蠢哋,最近有好多新相,啱晒連續放3日假慢慢睇。今年5歲嘅佢喺5個月大嘅時候比而家嘅主人Varisiri Mathachittiphan收養,佢嘅主人經常鼓勵大家以領養代替購買,因為每年有75%喺領養所嘅貓狗都因為數量太多而被迫人道毁滅。希望各位香港貓奴都記住呢個訊息,比呢班被棄養嘅動物一個溫暖嘅家啦。

Read more ›

喵星人反邏輯行為 交叉進食/有屋唔瞓
by / on 25/09/2015 at 7:05 am

喵星人反邏輯行為 交叉進食/有屋唔瞓

喵星人好有個性,做嘅嘢我哋一般人好難理解,網上搜羅咗大量喵星人嘅古怪行為,貓奴應該遇唔少,例如食嘢要跨過另一隻貓交叉食、有貓屋唔瞓係都要責喺屋面瞓、自己肥又要夾硬責落個兜度發呆‥‥‥奇妙嘅事多不勝數,但又好好笑好得意喎,唉,你睇,貓奴就係咁,無得救。

Read more ›
有片 喵星人荷包蛋倒模 用法簡單早餐好幸福
by / on 19/09/2015 at 8:18 am

有片 喵星人荷包蛋倒模 用法簡單早餐好幸福

起得切身食早餐固然幸福,如果份早餐有人煮埋,上面仲有隻咁可愛嘅喵星人荷包蛋,我諗大家都唔介意早少少起身空肚食早餐。最正係做法超簡單,將個倒模放上煎pan,之後將兩隻蛋黃分別唧入對眼度,蛋白就由得佢流落底,成為白色嘅貓面部份。呢個倒模而家喺Kickstarter集緊資,有大細兩個呎吋,入門價$37美金。

Read more ›
【搞錯呀咁得意】喵星人肥腳show off 日本Twitter瘋狂RT
by / on 18/09/2015 at 7:14 am

【搞錯呀咁得意】喵星人肥腳show off 日本Twitter瘋狂RT

喵星人最得意嘅,除咗係個樣同埋動作之外,4隻肥腳真係無得輸,先唔好談論肉球,單單係肥肥哋撳住個地口嗰截肉,已經得意到核爆。最近日本有人放咗4隻喵星人嘅肥腳出嚟,唔同毛色各有特色,好快就被瘋狂RT,如果你單係見到兩隻腳已經大嗌好得意,就證明你中毒已深,已經係一個徹底嘅貓奴喇!

Read more ›
【日本囡囡專用】可愛喵星人內衣 送貓尾頸圈無貓耳?
by / on 16/09/2015 at 7:15 am

【日本囡囡專用】可愛喵星人內衣 送貓尾頸圈無貓耳?

根據非正式統計,鍾意貓嘅女仔應該多過男仔,為咗打入呢個市場,日本呢間內衣公司決定推出貓貓女性內衣,一式三款,話就話貓內衣,其實只係多咗條貓尾同埋一個頸圈,但最重要嘅貓耳居然無預埋!有齊忌廉橙色、灰色同黑粉紅色,分別代表三隻不同嘅喵星人,仲搵埋女model做示範,個model配埋條尾真係幾得意嘅,但戴住條尾仲點著褲?

Read more ›
有片 喵星人挑機大戰狐狸 連環無影爪無得輸
by / on 16/09/2015 at 7:05 am

有片 喵星人挑機大戰狐狸 連環無影爪無得輸

喵星人大戰狐狸,一睇標題,大家都估喵星人應該唔夠打嘞,但事實啱啱相反,睇片見隻小喵星人主動進擊走去挑隻小狐狸機,人哋已經唔理佢,佢仲伸手去抓人,搞到最後小狐狸發惡襟實佢,但喵星人完全唔驚,仲拖展連環無影爪,都話喵星人天不怕地不怕,心口有個勇字架啦。狐狸仔算你唔好彩嘞。

Read more ›

日本喵星人瘋狂自拍 大頭鬆郁矇 學港女扮瞓覺
by / on 15/09/2015 at 7:17 am

日本喵星人瘋狂自拍 大頭鬆郁矇 學港女扮瞓覺

之前都有出過啲電話APP專比喵星人自拍,螢幕會出現啲嘢走嚟走去,引隻喵用手拍,之後就成功自拍嘞!啱啱睇日本網站有人就集合咗大量喵星人嘅自拍相,全部都係來自Twitter,班喵星人仲學埋港女嘅自拍絕技 ─ 鬆郁矇,有個仲連扮瞓覺玩自拍都學埋,係咪架?一定該係主人屈佢嘅!

Read more ›
【救喵真男人】鐵騎士勇救火傷喵星人    收藏背心內穿州過省
by / on 14/09/2015 at 7:13 am

【救喵真男人】鐵騎士勇救火傷喵星人 收藏背心內穿州過省

揸住電單車嘅型男,我心目中第一個諗起《The Walking Dead》嘅箭佬「Daryl Dixon(Norman Reedus演)」,呢位32歲嘅鐵騎士Pat Doody外表雖然無佢咁型,但佢嘅救貓行為一樣型到震。話說佢最近揸住架電單車由美國嘅內華達州揸去新澤西州,途中喺加油站遇到一隻比火燒傷過嘅貓仔,佢無見死不夠,決定收養呢隻貓咪,但係人在途上,佢唯有沿途將貓咪收埋喺自己件背心入面包住以免佢凍親,露營期間就同貓咪孖舖,到埗後馬上帶佢去睇獸醫,而家呢隻可愛嘅喵星人已經好得七七八八,仲有個好開心嘅家。幫助弱小,呢啲先係真男人嘛,真心覺得佢好有型!

Read more ›
喵星人喪玩紙箱相集   整爛紙箱一拍兩散
by / on 13/09/2015 at 3:55 pm

喵星人喪玩紙箱相集 整爛紙箱一拍兩散

喵星人好鍾意玩紙箱,仲開心過你買玩具比佢哋。而且紙箱不論大細、中空定密封,佢哋都可以搵倒樂趣。網上搜羅咗大量喵星人捐紙箱嘅相,匿咗入紙箱嘅喵星人個樣特別得意,古古惑惑咁,不過要小心佢哋好快整爛個紙箱,一拍兩散無得玩。另外除咗紙箱,膠兜或者所有可以放得落佢哋或者放唔落佢哋嘅,佢哋都鐘意夾硬塞落去,不自量力!

Read more ›
【開唔倒嘅?】日本肥喵垃圾桶前懶專注 Twitter瘋狂RT性格超萌
by / on 12/09/2015 at 12:34 pm

【開唔倒嘅?】日本肥喵垃圾桶前懶專注 Twitter瘋狂RT性格超萌

呢隻住喺日本嘅肥喵超得意,搞到我忍唔住上佢Twitter玩咗好耐。佢唔止個樣得意,啲動靜仲好搞笑,最近呢張企喺垃圾桶前面懶專注嘅相就喺網上瘋狂RT,佢仲試過聞臭鞋、反肚瞓、反白眼,總之就超得意啦。另外佢屋企仲有一隻忌廉色嘅喵星人,無佢咁肥,但一樣好可愛,佢哋感情仲好好,啱啱Twitter就有新片影兩個扮抓其實開心玩緊嘅片,所以話有時做喵真係好過做人架。

Read more ›
【貓不捉鼠】倉鼠與喵星人好老友 唔係天敵黐到實
by / on 11/09/2015 at 7:05 am

【貓不捉鼠】倉鼠與喵星人好老友 唔係天敵黐到實

貓同老鼠一直都係天敵,咁貓同倉鼠呢?我唔知,如果有養嘅都未必敢試,不過睇完呢輯相就有返少少信心。相中呢隻好大膽嘅倉鼠仔Tarcil同隻同佢差唔多顏色嘅喵星人Penny好friend,經常黐到實,主人Rachel Wilhelm都覺得好搞笑,仲幫佢哋影咗好多靚相,呢隻倉鼠喺網上都好多fans,主人幫佢出過本書《Tales of Tarcil》,書入面倉鼠仔仲cosplay成Superman、Batman、美國隊長甚至聖誕老人,咁紅,唔怪得之連貓都唔怕啦!

Read more ›

【水撥嚇喵】新片速報 喵星人比水撥嚇親 大規模整蠱行動
by / on 09/09/2015 at 7:12 am

【水撥嚇喵】新片速報 喵星人比水撥嚇親 大規模整蠱行動

喵星人警覺性好強又細膽,稍微有啲風吹草動都嚇到即刻彈起!呢條片就剪輯咗一班喵星人比車頭水撥嚇親嘅慘況。最常見係企喺車出面嘅喵星人,爬爬吓突然間水一噴、水撥左搖右搖!嘩,大部份都即刻比佢嚇到跌落地,慘豬。至於喺車入面果啲呢,就通常即刻跳走。留意1分10秒隻喵,佢一啲都唔驚,仲不停fing手同搖頭,好得意,必睇。話時話,就嚟天氣凍,好多流浪貓鍾意瞓喺停車場嘅車頭冚上面,貪佢夠晒暖笠笠,大家記住唔好嚇佢哋呀!

Read more ›
新片速報 迷你喵星人玩摔角 唔跟國際規例亂出爪
by / on 30/08/2015 at 2:08 pm

新片速報 迷你喵星人玩摔角 唔跟國際規例亂出爪

女子泥漿摔角好好睇,估唔到喵星人摔角都好精彩!兩位選手完全唔跟國際規例,亂咬亂出爪,仲打到出晒界撻咗出摔角台都照玩,好茅!最重要係兩位選手睇落都未成年,要吹雞終止賽事嘞!

Read more ›
最佳衣著喵星人 巨星百變造型配高傲眼神
by / on 29/08/2015 at 3:35 pm

最佳衣著喵星人 巨星百變造型配高傲眼神

如果貓界有最佳衣著大獎,呢隻喵星人BooBoo應該贏梗。體重18磅肥嘟嘟嘅佢,原來之前係流浪貓,好彩2005年比主人收養咗,之後就開始走上呢條明星不歸路。佢嘅衣著唔係一般換件衫嗰種,而係total look由頭到腳有太陽眼鏡、一大堆配件搭配,迷彩look、沙灘look、馬戲團look、西部牛仔look,就連監犯look都玩埋,好浮誇!但我欣賞佢保持到高傲嘅眼神,明星就是不一樣。

Read more ›
【高材喵】好學喵星人有學生證    日日上堂最鐘意Lunch
by / on 22/08/2015 at 11:37 am

【高材喵】好學喵星人有學生證 日日上堂最鐘意Lunch

喵星人天生懶散,絕對唔係讀書嘅材料,不過都有例外嘅。呢隻叫Bubba嘅喵星人性格好學,日日都會上堂返學,有時朝早課室門都未開就坐喺門口排隊。不過最令學生們羨慕嘅,係佢可以上上吓堂隨時瞓覺,覺得悶又可以隨時走出去吹吹風。而家佢有Leland High School嘅學生證,所有老師、同學都好鐘意佢,仲幫佢成立埋Facebook專頁。不過原來佢係有主人嘅,Amber Marienthal喺2009年收養咗佢,但發覺佢好鐘意去屋企附近嘅學校玩,仲經常玩到同學仔放晒學、課外活動完晒先返屋企。唔知佢最鐘意邊科呢?係咪Lunch?

Read more ›