Post Tagged with: "喵星人"

【騙徒又出動】日本Twitter熱傳 喵星人5個月完全變臉
by / on 26/10/2015 at 7:18 am

【騙徒又出動】日本Twitter熱傳 喵星人5個月完全變臉

騙徒手法層出不窮,近期網上好多喵星人街頭騙案,先扮萌呃人帶佢返屋企,之後就顯露真性情變喵大爺。另一個終極騙局就係佢哋嘅變臉程度,有位日本網友喺twitter放咗屋企隻喵星人嘅兩張相,即時吸引勁多人RT,一張係2-3個星期大,好可愛反晒肚;另一張就係5個月大,嘩,先生邊位?

Read more ›

【感人】有片 喵星人勇士坐輪椅 兩條腿繼續食玩瞓
by / on 24/10/2015 at 7:08 am

【感人】有片 喵星人勇士坐輪椅 兩條腿繼續食玩瞓

每次睇見呢啲新聞都好心痛,不過從另一個角度睇,佢哋有人愛錫,食得玩得,勇敢生存落去,已經好值得高興。呢隻喵星人Clark喺4星期大時俾慈善團體TAAG收養,當時已經無咗兩隻後腿,院方估計佢應該係比狗襲擊造成,由於佢太細隻,所以訂造唔倒輪椅,但係每日拖住下半身行實在太辛苦,對身體亦有不良影響。最後院方幫佢整咗架輪椅,當佢一路長大就一路換,而家已經坐緊第4架。不過由於佢嘅醫藥費太昂貴,最近TAAG就喺網上籌緊款,多多益善少少無拘,唔少外國人都捐$10美金左右,積少成多,各位有心貓奴可以入去支持吓!

Read more ›
【又嚟街頭騙案】有片  女車手馬路勇救喵星人 返屋企碌地反晒肚
by / on 23/10/2015 at 7:13 am

【又嚟街頭騙案】有片 女車手馬路勇救喵星人 返屋企碌地反晒肚

雖然話係街頭騙案,但其實都好驚險!美國女鐵騎士Laney早兩日喺馬路行行吓,突然發覺路中心竟然有隻喵星人!當時車來車往,喵星人行錯半步都會被輾斃,最終佢火速救起喵星人,仲決定收養埋佢,幫佢改埋名叫Skidmark。點知返到屋企好快Skidmark已經玩到反晒肚碌晒地,似乎唔記得晒頭先發生嘅驚險事件,擺明又一宗街頭騙案。BTW有件小插曲,Laney勇救喵星人嘅過程佢用GoPro拍咗片,放上YouTube好快已經過百萬點擊,而GoPro官方亦好快手,火速喺條片下面留言讚女事主係真英雄,仲話準備咗份禮物送比佢,抽得快而準。

Read more ›
【Take嘢衰硬】喵星人沉淪毒海 日本新貓草食得好High
by / on 19/10/2015 at 7:14 am

【Take嘢衰硬】喵星人沉淪毒海 日本新貓草食得好High

做人又好,做貓都好,真係唔好亂take嘢,平時好顧及形象嘅呢隻日本喵星人,最近屋企主人買咗款貓咪專用嘅野菜比佢take,即係有幾棵蘿蔔嘅盤啦,當佢試吓咬兩下之後就中招,原來入面有貓草!睇佢由平時認真專注嘅樣,眨吓眼變到又伸脷又擘口,完全進入咗瘋狂狀態,儀態盡失。輯相放上Twitter之後好多人RT,貓奴睇完有無心郁郁想買返盤?開價3500円,即係港幣200蚊左右,1盒有6粒,amazon有得買。

Read more ›
【大猩猩】領養兩隻喵星人   自己禮物自己揀
by / on 17/10/2015 at 2:02 pm

【大猩猩】領養兩隻喵星人 自己禮物自己揀

前排海洋公園樂樂被取笑戴綠帽,盈盈要去四川搵外援,可惜最終都係流產,似乎生仔同不育嘅問題已經漫延到動物界。美國加州嘅大猩猩Koko都有不育問題,所以早喺1984年佢已經簽協議收養咗隻貓貓All Ball,仲出過本書《Koko’s Kitten》,可惜最後貓貓過咗身,Koko仲因為咁而喊咗一場。最近佢44歲生日就收到份大禮,有一箱嘅迷你喵星人比佢任揀兩隻收養,佢好開心即刻叫人將隻貓放上佢頭頂,好得意。BTW,Koko係一隻出名聰明嘅大猩猩,可以同佢嘅訓練員用超過1000個大猩猩動物語溝通,仲識2000個英文單字,可能仲多過我。

Read more ›
【真嘅一樣】日本喵星人手袋    三色貓Yahoo成交價83000円
by / on 17/10/2015 at 1:39 pm

【真嘅一樣】日本喵星人手袋 三色貓Yahoo成交價83000円

作為貓奴,見到呢個貓手袋都覺得有啲恐怖,因為像真度實在太驚人。由日本一位好鍾意貓嘅家庭主婦Pico製作。佢最先整咗隻白貓款放上Twitter,之後吸引咗好多人留言同RT,無幾耐佢就將隻白貓上色變咗三色貓,效果更靚,其後仲製作埋灰貓、啡貓,放上Yahoo拍賣仲賣得極高價錢。隻三色貓賣咗83000円(港幣約$5400)、灰貓賣咗66000円(港幣約$4300),超貴!而家佢製作緊新嘅黑貓作品,睇相都覺得好似真嘅一樣,上佢嘅twitter仲會見到有好多不同種類嘅貓貓手工品,又有真貓相,講真,我都唔係好識分真同假。

Read more ›

有片 麻甩喵IG爆紅 坐梳化飲啤酒扮「賤熊」?
by / on 13/10/2015 at 7:18 am

有片 麻甩喵IG爆紅 坐梳化飲啤酒扮「賤熊」?

喵星人已經徹底俘虜咗人類,最近呢隻「麻甩喵」Sir Winston喺IG好紅,全因為佢嘅坐姿夠晒麻甩,好似人咁坐喺梳化,大肚腩向外,非常坦盪盪,十足貓版「賤熊」,好麻甩!除咗坐姿夠放之外,佢仲經常不經意伸條脷出嚟,據佢主人Jessie Jones講:「佢嘅坐姿睇落好似好想要罐啤酒咁,好蠢豬,條脷又成日唔覺意伸咗出嚟,搞到我忍唔住無時無刻拎部電話出嚟影佢。」而家主人幫佢喺IG開咗個account,反應好好,嚟緊仲計劃幫佢拍吓片,睇嚟下一步諗住進軍荷里活喎。

Read more ›
【警訊】喵星人變談判專家 成功勸服主人唔跳樓
by / on 11/10/2015 at 3:52 pm

【警訊】喵星人變談判專家 成功勸服主人唔跳樓

一般睇戲談判專家會用盡方法勸服想跳樓自殺嘅人,不過出動到喵星人就係第一次見。啱啱喺三藩市街頭有個男子比警察截停,懷疑佢駕駛一部非法偷返嚟嘅車,事主即時跳車之後狂奔咗上一楝大廈想跳樓,警察勸咗好多個鐘都唔成功,最後事主嘅屋企人帶咗屋企隻貓去現場,最終成功勸服事主唔自殺!喵,你好叻呀!事後警察Shawn Fulgado將佢抱住隻貓影嘅合照放上網,人同貓都平安就好嘞,我諗喵星人都唔想無咗個主人餵佢食罐頭架嘛。

Read more ›
日本喵星人反肚筆座     手腳並用攬實支筆
by / on 09/10/2015 at 7:13 am

日本喵星人反肚筆座 手腳並用攬實支筆

唉,貓奴又要破費嘞!啱啱喺日本網見到呢套貓筆座,喵星人半反肚幫你攬住支筆,就好似同你講:「唔好做嘢啦,陪我玩啦!」貓奴實心軟,就算已經好耐無拎起支筆都想買返屋企齋擺。啲宣傳相仲要專登close up啲貓肉球,好過份!一式六款,每個賣900円,每個月推出一個,引足你6個月。每款嘅喵星人都唔同色,唔放筆仲可以放戒指,啱晒女仔。不過放喺枱面要小心屋企隻喵星人一嘢掃晒落地!

Read more ›
【人氣短片】史上最可愛喵星人與BB 邊個得意啲?
by / on 05/10/2015 at 7:06 am

【人氣短片】史上最可愛喵星人與BB 邊個得意啲?

喵星人嘅片喺地球上無得輸,好似呢條一個BB加一隻喵嘅影片,喺YouTube已經有超過280萬點擊,片名話係「有史以嚟最可愛嘅影片!」(Cutest Video Ever!)片入面嘅大頭BB瞓緊覺,隻喵星人就伏喺佢身上一齊瞓,之後BB突然好肉緊搣喵星人塊面,兩個玩嚟玩去好得意。咁究竟喵星人得意啲定個BB得意啲?我就梗係揀喵星人啦,起碼唔駛幫佢哋搵小學。

Read more ›
【喵星人時間】日本人氣喵有私家被舖 被內踢腳好似人
by / on 04/10/2015 at 3:51 pm

【喵星人時間】日本人氣喵有私家被舖 被內踢腳好似人

又到喵星人時間,今次介紹嘅呢隻日本喵,最近喺Twitter越嚟越多fans,特別係佢瞓被舖呢輯相,好多人RT,睇相見佢屋企總共有兩款被,有綠色又有紅色,就知個貓奴錫到佢燶,而佢都好識做,捐咗入去之後會擺唔同甫士比人任影,仲識喺被內踢腿,勁似人仔咁,超得意!睇完都想買返張?之前我哋介紹過日本推出嘅「猫のお布団」,被連床一張過,唔怕買咗返去佢哋唔用嘅,都可以博一博。入嚟仲有呢隻肥喵嘅大量肉照任睇。

Read more ›

【喵相集】喵星人爆笑時刻 唔覺意影倒先最精彩
by / on 04/10/2015 at 2:46 pm

【喵相集】喵星人爆笑時刻 唔覺意影倒先最精彩

好多人鐘意放喵星人嘅相上網,因為佢哋夠晒自我唔理人,又神出鬼沒,所以好容易會影倒佢哋搞笑嘅一刻。網上搜羅咗大量喵星人精彩時刻嘅相,全部都係有咁啱得咁撟先影倒,例如主人抱起隻喵咁啱打喊露,貓仔走咗入裸男紙袋,仲有唔覺意捐咗去貓餅袋背後,同隻廣告喵二合為一,入嚟仲有大量搞笑相,貓奴自己都應該儲埋唔少啦。

Read more ›
【首先你要有……】巨型喵星人大門貼紙  可愛豬妹實鐘意
by / on 03/10/2015 at 1:04 pm

【首先你要有……】巨型喵星人大門貼紙 可愛豬妹實鐘意

靚喎!呢個超巨型可愛到爆,專門用嚟裝飾大門或者玻璃嘅大貼紙,豬妹一定鐘意。由Made of Sundays出品,有女仔必冧嘅喵星人圖案,仲有兔仔、熊貓同講唔出名嘅動物,用嘅物料來自德國同英國,高質,價錢港幣300零蚊,送埋香港,仲可以根據客人喜好個別設計圖案,好啦,返返起點,首先大前提你要有個女朋友,如果有,你哋有無屋住先?

Read more ›
喵星人:「你無資格要求『私人空間』!」 20張貓奴「慘況」特集
by / on 01/10/2015 at 7:11 am

喵星人:「你無資格要求『私人空間』!」 20張貓奴「慘況」特集

每個人都有自己嘅私人空間,喵星人好需要,但偏偏就唔比貓奴有。網上搜羅咗大量喵星人霸佔貓奴空間嘅罪證,刷刷吓牙又要出手抓、去去吓廁所又要推門入嚟望住晒、上上吓網又要大字型反肚責住你隻手‥‥‥奇招盡出,不過睇見佢哋嘅可愛樣,貓奴們應該好享受,正一奴才命!

Read more ›
【又出】日本喵星人奇妙扭蛋 得意頭巾過聖誕
by / on 30/09/2015 at 7:17 am

【又出】日本喵星人奇妙扭蛋 得意頭巾過聖誕

日本嘅奇譚Kitan成日出扭蛋,不過9月份出咗個比真貓用嘅頭巾扭蛋,比喵星人扮泥棒(賊仔),得意到暈,可能見反應好,啱啱官方又宣佈會推出第二彈,今次用聖誕做主題,一樣有真喵做model,個樣都係超不爽。10月8日推出,扭一次300円,總共有5個款式,去開日本扭隻比屋企隻喵做手信啦,雖然我估佢唔想收到。

Read more ›