Post Tagged with: "喵星人"

有片:當真‧喵星人遇著玩具假貓!嚇到彈起!
by / on 01/03/2016 at 9:30 am

有片:當真‧喵星人遇著玩具假貓!嚇到彈起!

當真‧喵星人遇著玩具假貓,原來畫面係可以咁滑稽嘅。首先要知,隻玩具假貓一身雪白毛,雙眼烱烱有神,動作仲要非常神似添。真‧喵星人遇著佢難免會疑惑,但衰在有好奇心超重,互睥啦,又索又聞啦,摸摸掂掂喇,兜去身後以為人哋睇自己唔到喇……動作又幾搞笑有幾搞笑,最過癮係又要驚又要撩人,玩具假貓一個機械動作,嚇到其中一隻真‧喵星人彈起,有趣!

Read more ›

【有可疑】日本古怪喵星人Twitter熱傳     站立如廁睡姿古怪
by / on 01/03/2016 at 7:16 am

【有可疑】日本古怪喵星人Twitter熱傳 站立如廁睡姿古怪

呢隻日本喵星人實在太可愛,一定要介紹比大家follow吓。首先吸引我嘅,係佢呢張雙腳站立去廁所嘅相,好麻甩,佢個樣雖然唔算勁得意,但啲動作行為就超搞笑,例如腳仔踢踢趴喺地、玩紙巾盒玩到忘晒形,仲有瞓覺嘅古怪睡姿,入去佢Twitter仲可以睇返佢細個嘅相,我極度懷疑佢其實係人扮嘅。

Read more ›
【新片速報】進擊的巨喵 喵星人擒拿手捉小白兔
by / on 01/03/2016 at 12:45 am

【新片速報】進擊的巨喵 喵星人擒拿手捉小白兔

《進擊的巨人》好睇在見到巨人爬城牆捉人類,懸殊嘅身型好有震憾力,呢條片都有相似效果,難怪喺Twitter火速熱傳。片中嘅喵星人匿喺間玩具屋入面,當小白兔出現,佢就火速伸出隻喵爪撲佢,真係好有進擊嘅感覺,貓奴們,快啲買間玩具屋返屋企試吓啦!

Read more ›
【郵便喵】日本郵局出喵星人郵票    貓奴要買齊兩套
by / on 29/02/2016 at 7:16 am

【郵便喵】日本郵局出喵星人郵票 貓奴要買齊兩套

日本郵局成日都有特別版郵票出,上年10月出過一個狗狗系列,而家已經斷晒貨,啱啱官方又宣佈會推出第二彈,今次主角改為一班可愛嘅喵星人,分52円同82円兩款郵票,一套有10個唔同款式,分別賣520円同820円,4月22日開賣,相信應該勁快賣斷,雖然唔係住喺日本,但香港貓奴應該都好想買返套儲!

Read more ›
【新片速報】日本超紅喵星人今次頂薯片筒 頂住打喊露
by / on 26/02/2016 at 7:31 am

【新片速報】日本超紅喵星人今次頂薯片筒 頂住打喊露

點解可以咁得意?貓奴睇完呢兩段片,應該會好想買兩盒呢個牌子嘅薯條返去玩,難怪有網民估佢其實係一個軟性廣告。呢個日本好紅嘅貓貓YouTube頻道「かご猫 Blog」我哋都介紹過好多次,一班喵星人經常頭頂雜物,今次頂薯條筒,除咗頭上單頂一個之外,仲可以兩邊耳仔各頂一個,好考耐性同埋平衡力,不過最正都係尾段打喊露同跌薯條罐嗰部份,好難忍笑呀! 

Read more ›
【喵長老】全球最老喵星人26歲    長命原因靠「放養」?
by / on 26/02/2016 at 7:11 am

【喵長老】全球最老喵星人26歲 長命原因靠「放養」?

呢隻健力士紀錄最高齡嘅喵星人Corduroy,今年已經26歲,相當於人類嘅121歲,不過睇落又唔似喎,佢而家依然活力充沛,仲成日自己出街玩,又鍾意曬太陽,睇片見佢上樓梯都好敏捷,主人話估計主因係佢哋以半放養方式飼養,喵星人可以自出自入,喺出面玩又可以繼續獵食,令身同心都維持最fit狀態。Corduroy仲好識嘆,每晚都會跳上床同主人一齊瞓,瞓到清晨5點左右就起身,好健康。祝佢身體健康,繼續自由自在享受生活啦!

Read more ›

日本京都「喵星人芭菲」大熱 貓奴一定嗌3球
by / on 25/02/2016 at 7:10 am

日本京都「喵星人芭菲」大熱 貓奴一定嗌3球

雖然日元升咗少少,不過日本始終係旅遊首選,如果最近計劃去京都嘅貓奴,可以拜訪埋呢間叫「ことばのはおと」嘅cafe,入面有最近好hit嘅喵星人芭菲食,每個雪糕球上面都有個可愛貓樣,超級貓奴仲可以嗌夠三球雪糕,勁滿足。據聞每日1點前會售罄,想試就要早啲起身嘞。

Read more ›
高級貓飯人都食得 貓奴+喵星人同糧共食
by / on 24/02/2016 at 8:00 pm

高級貓飯人都食得 貓奴+喵星人同糧共食

為愛貓你可以去到幾盡?一齊訓覺一齊沖涼一齊玩一齊Selfie一齊打機一齊煲劇一齊……未夠未夠,一齊食,我意思係同愛貓食埋同一樣嘢先夠盡。日本寵物品牌Neco Republic新推出嘅貓糧Neco Meshi,標榜可以同主人一齊食用,無鹽,無人造添加成份,如此「高級貓飯」仲有四種口味兼四種口感俾身為貓奴嘅你揀,燻青魚乾、鯖魚鬆同煎鏗魚條各售500日圓,燻鏗魚塊就賣730日圓。我知成件事係好型,不過問心,同床共寢可以,同糧共食咯喎……嗯,你又制唔制?

Read more ›
有片:日本喵星人日 真貓砌出「Happy Cat Day」
by / on 23/02/2016 at 10:00 am

有片:日本喵星人日 真貓砌出「Happy Cat Day」

世界有所謂嘅喵星人日,唔同國家有唔同特定日子,日本係擒日2月22日,俄羅斯係3月1日,美國係10月29日,而International Cat Day則係8月8日。為此,YouTube頻道「10 Cats」出咗條片,靠預先擺好嘅糧兜吸引貓咪耷低頭,有次序地排成一個個英文字母──「H」、「A」、「P」、「P」、「Y」、「C」、「a」、「t」、「D」、「a」同「y」,Happy Cat Day!祝貓奴繼續為奴,喵星人繼續係寶喇。

Read more ›
史上最靚藍眼睛 英國短毛貓網上爆紅
by / on 23/02/2016 at 7:17 am

史上最靚藍眼睛 英國短毛貓網上爆紅

貓眼好靚,望入去好似望唔到盡頭,呢隻英短喵星人Coby對眼,更加被譽為史上最靚,擁有一對藍眼嘅佢最近喺網上好紅,而家喺Instgram有27萬fans,閒閒哋一張相都超過2萬個like,因為一對藍眼令佢睇落個樣好cool,不過入去佢嘅IG就會發現,其實佢都有可愛嘅一面。

Read more ›
【根本係人】喵星人Wilbur神奇坐姿 主人估計:「對腳太短!」
by / on 23/02/2016 at 7:08 am

【根本係人】喵星人Wilbur神奇坐姿 主人估計:「對腳太短!」

喵星人有時會不經意顯露佢哋扮貓嘅真面目,好似呢隻最近喺網上爆紅嘅喵星人Wilbur,主人收養佢嘅時候無乜特別,但返到屋企就發現佢經常都會好似人咁坐,雙腳屈膝好可愛,主人估計佢一係個身太長,一係對腳太短,所以經常出現呢個坐姿,不過唔駛擔心,佢平時好正常,睇片仲發現佢跑得超快‥‥‥

Read more ›

【有片】喵星人入侵辦公室 日本銀行廣告晒貓
by / on 22/02/2016 at 7:14 am

【有片】喵星人入侵辦公室 日本銀行廣告晒貓

星期一又要返工返學,仲要有排都無長假期,好灰。如果有一日返工打開櫃筒、老細房門,發現全部都係喵星人,喵蹤無處不在,係咪好爽先?日本銀行Japan Net Bank新廣告「ネコ会議Cat Meeting」就係用呢個概念,影片出動咗勁多喵星人,不過我覺得如果老細變埋貓,我哋嘅生活應該會更好。

Read more ›
失明登山喵星人集資 3月登陸愛爾蘭最高山峰
by / on 21/02/2016 at 11:30 am

失明登山喵星人集資 3月登陸愛爾蘭最高山峰

喵星人Stevie雖然雙目失明,好彩4年前搵到個好主人Patrick Corr收養佢,仲知佢性格外向,經常帶埋佢去行山發掘新鮮事物。由於雙眼睇唔到嘢,Stevie會將個頭貼近地面,用觸鬚感覺距離,又會用兩隻前腳探測路面情況,係個好精明嘅登山者。最近佢哋計劃喺今年3月征服愛爾蘭最高嘅一座山Carrauntoohil,為當地嘅動物組織籌款,而家喺網上集緊資,各位貓奴可以去支持吓佢今次嘅遠征行動!

Read more ›
Bandai出「真‧喵星人」日本扭蛋 坐UFO襲地球捉老鼠
by / on 20/02/2016 at 1:01 pm

Bandai出「真‧喵星人」日本扭蛋 坐UFO襲地球捉老鼠

一直有傳聞話貓其實係外星人,所以叫喵星人。日本Bandai最近甚至出埋扭蛋,推出咗呢個真‧喵星人系列,每隻喵都坐喺UFO飛碟入面伸個頭出嚟,仲話個形態同被意外拍倒嘅UFO相完全一致,頂部都係呈半圓狀。呢套扭蛋一式六款,每扭一次200円,UFO下面仲吊住個老鼠牌,因為話喵星人襲地球係為咗捉老鼠喎,但係有隻喵星人瞓著咗喎。

Read more ›
【新片速報】伊拉克喵星人流亡期間走失 FB成功尋親一家喊爆
by / on 20/02/2016 at 12:41 pm

【新片速報】伊拉克喵星人流亡期間走失 FB成功尋親一家喊爆

一家團聚當然開心,呢家人住喺伊拉克,早前阿媽帶住5個仔女1隻貓Kunkush一齊離開伊拉克流亡去歐洲,喺上年11月登陸希臘嘅列斯伏斯島,由於當時有超過10萬名難民登陸當地,喵星人Kunkush因為太驚而同屋企人失散咗,一家人被迫繼續流亡去到挪威,而喵喵被發現留咗喺當地一個村落,最終有個好心義工發現,幫佢喺FB尋親,最後仲帶埋佢去挪威搵返屋企人。經過3個月嘅流浪生活,影片最尾見到佢哋一家團聚,全家都喊晒好感動,不過喵星人個樣依然cool爆,不過我估佢心入面係好開心嘅。

Read more ›