fbpx

Post Tagged with: "喵星人"

「淚袋」+「雙眼皮」= 無敵? 日本網民熱烈討論
by / on 20/04/2016 at 7:14 am

「淚袋」+「雙眼皮」= 無敵? 日本網民熱烈討論

「淚袋」呢樣嘢都講咗好耐,咁究竟有同無係咪差咁遠?最近2ch網民放咗兩位女素人嘅合照上網,標題係:「有無雙眼皮同淚袋可以相差咁遠wwww!」大家都覺得左邊嗰位女仔大眼加淚袋靚過左邊嗰個好多,有唔少網民回帶睇返古今中外嘅明星,發現絕大部份靚仔靚女都有個淚袋,亦有人試吓key走明星們嘅淚袋,發現又真係怪怪哋。不過單眼皮嘅唔駛傷心,有唔少網民留言話鐘意單眼皮女生,仲話覺得右邊嗰位女仔幾靚女,仲似乎好易相處,大家又點睇?

Read more ›

【喵生活3.0】高科技改變喵星人習慣 狂玩iPad狂上網
by / on 20/04/2016 at 7:12 am

【喵生活3.0】高科技改變喵星人習慣 狂玩iPad狂上網

科技改變咗人類生活,原來喵星人嘅生活都有翻天覆地嘅轉變。外國網站搜羅咗大量喵星人before & after嘅生活照,例如以前瞓電視頂嘅喵,而家轉咗薄芒電視之後無得瞓;或者以前鍾意瞓喺本書入面,而家就改為瞓喺手提電腦面;以前玩池塘入面嘅真金魚,而家就玩iPad上嘅捉魚遊戲,作為貓奴嘅你睇完應該會好有共鳴。

Read more ›
【我想返屋企】日本喵星人落雨天扮可憐 超萌連環圖Twitter熱傳
by / on 19/04/2016 at 7:13 am

【我想返屋企】日本喵星人落雨天扮可憐 超萌連環圖Twitter熱傳

呢隻住喺日本嘅白色喵星人個樣楚楚可憐,呢兩日喺Twitter好多人RT佢呢幾張連環圖。圖中所見佢喺落雨天走咗出街玩,之後淋住雨叫主人開門俾佢,個樣超嗲超可憐,返到屋企主人即刻幫佢冚塊條毛巾保暖,陰功豬。睇返佢主人嘅Twitter,原來呢隻喵星人叫小次郎,今年11歲,經常有得出街玩,仲好鍾意瞓覺,睡姿超奔放。

Read more ›
【好靚】喵星人眼中看到宇宙 一藍一綠美瞳
by / on 18/04/2016 at 7:13 am

【好靚】喵星人眼中看到宇宙 一藍一綠美瞳

呢隻兩歲嘅喵星人Aloş最近好紅,佢對眼一隻藍一隻綠,好特別、好靚,令人忍唔住望多兩眼,而家佢嘅IG已經有超過1萬個Followers,主人話每次出親街大家都會好好奇咁望住佢。其實有唔少喵星人都有雙色瞳,兩隻眼唔同色,醫學上叫呢種做「雙眼虹膜異色症」(Binocular Heterochromia),亦有貓係一隻眼有兩隻色,不過唔駛擔心,專家話如果喵星人天生兩隻眼唔同色嘅話,視力係唔會受影響嘅。不過如果佢哋本來係普通顏色,之後開始變色嘅話,就要帶佢哋去睇醫生嘞。

Read more ›
【超強生命力】兩腳喵星人Roux兩歲生日    食得玩得跑得快
by / on 17/04/2016 at 12:56 pm

【超強生命力】兩腳喵星人Roux兩歲生日 食得玩得跑得快

眨吓眼又一年,呢隻叫Roux嘅兩腳喵星人我哋上年都介紹過,噚日就係佢嘅兩歲生日,Happy Birthday呀喵!呢隻住喺美國Louisiana嘅喵星人喺IG好紅,雖然天生無咗兩隻前腳,但佢依然好活潑,跑得食得玩得,睇見佢就感受到生命嘅可貴。無見一排嘅佢無乜點肥到,但對眼就好精靈,而且依然係咁貪玩,仲越跑越快,入嚟有佢嘅新相新片慢慢睇。

Read more ›
【喵石像】日本江之島喵星人扮石像 完全唔郁Twitter熱傳
by / on 13/04/2016 at 7:15 am

【喵石像】日本江之島喵星人扮石像 完全唔郁Twitter熱傳

日本嘅江之島又被稱為貓島,好多貓奴都會專程入去朝聖,但編輯去過就貓影都唔多隻.。最近有位日本貓奴入去睇喵,居然發現有隻喵星人扮石像匿咗喺麒麟石像腳下,因為隻喵星人全情郁都唔郁,初時睇佢以為係石像一部份,其實隻喵只係好識嘆咁瞓咗覺。輯相放咗上twitter後好多人RT,下次去江之島時記住裝吓石像下面有無貓喇。

Read more ›

【超可愛】「杯緣貓」終於殺到 8款喵星人杯邊賣萌
by / on 12/04/2016 at 7:13 am

【超可愛】「杯緣貓」終於殺到 8款喵星人杯邊賣萌

要嚟嘅始終要嚟,專出杯緣子嘅奇譚kitan繼杯緣貞子、蠟筆小新之後,終於嚟到會令貓奴尖叫嘅「杯緣貓」出爐!一式八款喵星人,有勁hea瞓喺杯邊嘅懶喵、伸懶腰抓抓吓嘅蠢喵、懸吊喺杯邊賣萌嘅嗲喵,全部都超可愛,掛佢哋喺杯邊應該唔捨得飲水嘈親佢哋。可惜7月底先式推出,有排等。

Read more ›
【一場誤會】啡喵攬實小白喵唔放   日本twitter熱傳
by / on 12/04/2016 at 7:13 am

【一場誤會】啡喵攬實小白喵唔放 日本twitter熱傳

有時真係好難怪喵星人喺網絡世界咁紅,因為佢哋真係太得意嘞。最近日本Twitter好多人RT呢對貓仔,啡喵Natu同白喵一睇就知唔同媽咪生,而且一大一細,但好明顯啡色嘅肥喵Natu好鍾意屋企呢位新成員,攬到實一實唔放,當咗係自己個仔咁。貓奴個twitter仲有一家六口嘅生活照睇,四隻喵星人似乎生活得好融洽,表現出人喵大愛嘅精神。

Read more ›
【新片速報】貓奴必睇 喵星人想成名   自拍短片6千萬點擊熱爆
by / on 08/04/2016 at 7:16 am

【新片速報】貓奴必睇 喵星人想成名 自拍短片6千萬點擊熱爆

呢條片未睇嘅貓奴一定要睇,放上網兩日已經過6千萬瀏覽,好誇張。今時今日大家都想拍片成名,片中嘅灰色喵星人都好想紅,上網見其他貓仔舔吓肉球都有幾百萬點擊,佢就有樣學樣自己Set機啦,點知點擊率勁低。之後佢又彈琴又玩呼拉圈,點知都係紅唔起,心灰意冷嘅佢流咗兩滴眼淚之後,決定開車離家出走,點知‥‥‥個結尾好正,重點係全程喵星人都好入戲,超好睇!

Read more ›
【堅離地】喵星人5星級的家 全屋搭建空中走廊
by / on 08/04/2016 at 7:14 am

【堅離地】喵星人5星級的家 全屋搭建空中走廊

作為喵星人,有咩幸福得過住喺呢間專為喵而設嘅新屋?外國兩位貓奴Eliza同Tiffany養咗7隻貓,買咗新屋之後第一時間諗點樣等7隻主子住得開心。最後佢哋設計咗呢間5星級的家,除咗有大量高台俾佢哋跳嚟跳去之外,仲搭建咗一條空中走廊,喵星人可以全程唔落地,淨係行條空中走廊走勻全間屋,仲可以上埋2樓。而兩位貓奴每朝早食早餐都可以有班喵星人喺頭頂行過,諗起都爽。不過香港樓底咁矮,間屋咁細,都係羨慕吓算嘞。

Read more ›
【I am your Father】喵星人撞見縮水版自己 一見如故焗收養
by / on 07/04/2016 at 7:11 am

【I am your Father】喵星人撞見縮水版自己 一見如故焗收養

屋企有兩隻咁似樣嘅喵星人,其實都幾易認錯。外國有位貓奴本身養咗隻啡貓Evin,後來喺農場發現咗隻同Evin好似樣嘅貓仔,於是帶埋佢返屋企收養,由於佢太似縮水版嘅Evin,所以隻貓仔個名都改埋叫Minnie。兩隻咁似樣嘅喵星人第一日見面已經一見如故,而家一齊食玩瞓,又會互相舔毛或者一齊恰屋企另一隻灰色嘅貓。只不過Minnie越嚟越大,而家已經有Evin嘅一半size,睇嚟主人嚟緊應該好易會認錯。

Read more ›

【跳跳跳生命力】日本喵星人瘋狂跳躍    忘我境界Twitter熱傳
by / on 06/04/2016 at 7:16 am

【跳跳跳生命力】日本喵星人瘋狂跳躍 忘我境界Twitter熱傳

喵星人嘅動作有時都幾忘我,好似最近喺日本Twitter熱傳嘅呢隻白貓,成日扭晒身凌空飛起,彈跳力超強,動作又搞笑,睇相都覺得震憾。睇返佢主人嘅Twitter,原來呢隻白喵經常跳跳紥,每次都好投入好忘我,入嚟有相睇。而屋企其他貓似乎對佢呢個行為已經習以為常‥‥‥

Read more ›
【最痴纏】兩隻日本喵星人出巡 貼到實網上熱傳
by / on 06/04/2016 at 7:12 am

【最痴纏】兩隻日本喵星人出巡 貼到實網上熱傳

喵星人一向獨來獨往,但總有例外,好似呢對日本街頭嘅喵星人最近喺Twitter好紅,有網民影到佢哋無論去到邊都孖住行,間中又互相刷吓頭,完全唔理其他人嘅目光,好痴纏,唔知係親人、情侶定朋友關係呢?

Read more ›
【Twitter熱傳】日本喵星人抓破咕臣 一頭都係似足落雪
by / on 05/04/2016 at 7:14 am

【Twitter熱傳】日本喵星人抓破咕臣 一頭都係似足落雪

貓奴最怕嘅畫面出現嘞!日本有位貓奴最近返屋企就見到呢個慘況 ─ 屋企嘅咕臣(比隻貓抓)爛晒,入面嘅白色粒粒散滿一地,而隻喵星人就樂在其中玩得好開心,仲搞到一頭都係!輯連環圖放上Twitter後火速熱傳,貓奴除咗要掃餐死之外,仲要驚隻喵唔覺意吞咗啲粒粒入肚。不過睇隻喵星人個樣,似乎想講:「哦,原來落雪就係咁,幾浪漫喎。」

Read more ›
【統治地球】「巨掌」喵星人待領養 多咗6隻腳趾
by / on 03/04/2016 at 1:08 pm

【統治地球】「巨掌」喵星人待領養 多咗6隻腳趾

正常嘅喵星人前腳各有5隻腳趾,後腳各有4隻,加埋18隻腳趾,有幫主子剪開腳甲嘅奴才都知。不過英國呢兩隻只得3個月大,等緊有心人收養嘅喵星人Fingers同埋Thumbs就唔同,佢哋每人總共有24隻腳趾,前腳每邊多咗兩隻,後腳每邊多咗一隻,睇落啲腳仔特別巨大,收容所嘅職員仲話佢哋好似想統治全世界咁。其實佢哋係患咗罕有嘅基因問題Polydactyly,不過好彩醫生話唔會對佢哋健康或者生活構成影響,希望呢兩隻咁可愛嘅喵星人早日搵到個好主人啦,統治唔到全世界,都起碼可以統治一個貓奴才吖。

Read more ›