Post Tagged with: "喵星人"

【有片】原力失效!尤達戰日本喵星人!激光劍變逗貓棒!
by / on 19/12/2015 at 6:45 pm

【有片】原力失效!尤達戰日本喵星人!激光劍變逗貓棒!

喵星人果然厲害,連尤達大師都唔怕,激光劍扑頭又如何,喵星人誓死頑拒,時而群揪圍攻,時而匿埋抖抖氣,時而單打獨鬥,總之就沒完沒了鍊到底。呢鋪原力失效,難怪片名叫《The Force Doesn’t Awaken among cats》,好可愛,片長3分13秒,我睇晒。

Read more ›

【左擁右抱不是夢】日本喵星人咕臣 20隻喵星人陪瞓奇景
by / on 17/12/2015 at 7:11 am

【左擁右抱不是夢】日本喵星人咕臣 20隻喵星人陪瞓奇景

邊個貓奴唔想左擁右抱,有成班喵星人圍住你瞓?好喇以後唔駛FF,因為日本「フェリシモ猫部」將會推出呢款喵星人咕臣,長條形,而且一個咕臣有5隻喵,買齊4個款,就可以營造倒有20隻喵星人陪瞓嘅奇景!開價5600円(未連稅),第一個款預計2016年1月到返,唔知買返去屋企隻喵星人會唔會呷醋呢?

Read more ›
有片:聰明喵星人無懼老千局 揭盅三次中
by / on 16/12/2015 at 8:15 pm

有片:聰明喵星人無懼老千局 揭盅三次中

喵星人高傲、囂張、有個性、鍾意睬你就睬你,唔鍾意就匿埋拜拜你條尾……呢啲我統統都知,係唔知喵星人原來咁聰明嘅啫。主人同佢玩估鐵盅,即係類似街邊賭檔揀邊隻係King嗰類老千局呢,三個鐵盅擺喺面前,其中一個有鐵珠,主人將鐵盅極速轉來轉去,喵星人連續兩次都揀中;主人唔忿氣,玩夠四個盅,喵星人照樣估中,你都咪話唔犀利。

Read more ›
【無懼寒流】20隻超多毛喵星人    攬住瞓暖笠笠
by / on 16/12/2015 at 7:16 am

【無懼寒流】20隻超多毛喵星人 攬住瞓暖笠笠

  天氣開始轉涼,今個星期四氣溫更加急降至最低12度,講真,最好唔駛返工可以匿喺屋企,再攬住隻成身毛嘅喵星人就無敵嘞!網上搜羅咗20隻超級多毛嘅喵星人,睇相都覺得暖笠笠。佢哋多毛到唔見咗條頸,好多連眼都矇埋,好得意。不過而家轉天氣嘅季節,咁長毛應該甩到一屋都係毛,做貓奴真係唔易。

Read more ›
【慘案連環圖】日本喵星人暗角打鑊 網民狂RT食花生
by / on 11/12/2015 at 7:11 am

【慘案連環圖】日本喵星人暗角打鑊 網民狂RT食花生

屋企有多過一隻喵星人嘅,應該經常見到呢啲場面 ─ 兩隻喵星人攬到實咬嚟咬去,究竟係玩緊定打交呢?呢幾張連環圖最近喺日本好多人RT,圖中嘅白喵慘被另一隻喵生擒再箍頸,最後仲發出慘叫(有聲嘅?)。不過主人就一於影咗相放上網呃咗like先,忍多陣先啦喵。BTW,睇返佢主人嘅Twitter,平時呢兩隻喵都係各有各hea,似乎唔係幾friend,可能真係有積怨。

Read more ›
【新片速報】 I am your Cat星戰喵    黑暗原力炸爆間屋
by / on 10/12/2015 at 7:19 am

【新片速報】 I am your Cat星戰喵 黑暗原力炸爆間屋

《星球大戰 : 原力覺醒》今個月17號上畫,好多fans都開始撲定飛。未有戲睇可以睇吓呢條YouTube短片《Darth Vader Cat》先,由Kaipotainment製作,喵星人變咗黑武士,仲同主人用激光劍對打,有晒特技製作好認真,臨尾喵星人仲出動埋TIE fighter炸爆間屋,究竟有乜咁大仇口?係咪唔記得咗餵你食罐頭?入嚟有埋behind the scenes睇。

Read more ›

【奇遇】喵星人收聖誕郵件 郵局要求出示身份證
by / on 10/12/2015 at 7:17 am

【奇遇】喵星人收聖誕郵件 郵局要求出示身份證

呢單新聞好好笑,英國有位媽咪想寄個倒數聖誕嘅月曆(Advent Calendar)比呀女Brittany Maher-Kirk‥‥‥隻新收養嘅喵星人呀Ted,收件人佢仲寫埋「Ted Maher-Kirk Lindsey」。點知郵差派件當日屋企無人,於是佢哋要落去郵局攞返,但弊在攞郵件要身份證明,但喵星人Ted乜都無。最後呀女失敗而回,要親身打去郵政總局解畫。郵局方面都好幽默,仲問佢點解唔帶埋隻喵落去郵局,呀女就解釋因為喵星人無身份證啦,同埋因為有長期病所以唔適宜出街,最後當然係成功拎返份件啦,喵星人終於收到自己張咭好威威!當事人就將件事放咗上Facebook,吸引好多人討論,郵局之後接受訪問,話無正式統計過過去有幾多郵件係寄比喵星人嘅,不過佢哋就建議寫收件者嘅時候,可以寫埋寵物主人個名,咁主人就可以代收,亦唔駛勞煩喵星人收件嘅時候打手印嘞。

Read more ›
【求PS大神】喵星人被瘋狂改圖 滑雪抹地變蜘蛛
by / on 08/12/2015 at 7:13 am

【求PS大神】喵星人被瘋狂改圖 滑雪抹地變蜘蛛

跪求PS大神幫忙改圖,呢啲嘢喺網上經常發生,不過今次主角係隻喵星人,難怪咁多網民參與。首先出現嘅係一張白地相,喵星人發呆坐喺地下,四隻腳收埋晒,由於佢個動作同埋樣都好有潛力,網民開始喺上面畫圖嘞,有人畫到佢好似托緊頭睇書咁,之後出現滑雪、抹地、游水嘅改圖,仲越玩越過份,變埋蜘蛛、超人、聖誕老人‥‥‥效果好正,而且改圖嘅意慾一啲都無減少,依然陸續有嚟,似乎有排玩。

Read more ›
揹貓狗上月球?潮爆寵物袋方便睇風景
by / on 07/12/2015 at 7:45 pm

揹貓狗上月球?潮爆寵物袋方便睇風景

我唔係貓奴狗奴,但都真心覺得呢系列Bubble pet Carrier型到核爆,Design夠潮、顏色Sharp醒唔在講,最正係附設專俾寵物望風景嘅Bubble狀窗口,揹上身,感覺就好似帶寵物上月球。製造商標榜「Give Your Pets A Window To The World」,啱聽!寵物都有權利睇風景架嘛,備背囊、斜揹袋、手挽袋等多款選擇,甚至連旅行篋都有,價錢69美金起,望落中看中用,潮人必備。

Read more ›
【又一單】喵星人成功上樓    瘦蜢蜢變大肚腩
by / on 06/12/2015 at 1:51 pm

【又一單】喵星人成功上樓 瘦蜢蜢變大肚腩

又一單喵星人騙案,又一隻喵星人成功上樓!外國呢隻被主人稱為「史上最驚青」嘅喵星人,最近主人Ventsislava Yaramova將佢喺新屋露出嘅真面目相放上網。話說當日呢隻喵俾兩隻惡狗恰,有個女人好心將佢救出送去動物協會,之後就比呢位新主人收養咗嘞,開頭佢都好驚青,頭兩日只係匿喺梳化底,不過好快佢已經適應咗同人類相處嘅生活,仲越嚟越hea,由以前嘅瘦蜢蜢變成而家嘅大肚腩,好好肉地,證明有人錫嘅貓真係好幸福,有能力嘅都收養吓喵星人,比個機會佢哋上樓啦。

Read more ›
【日本街頭騙案】喵星人成功上樓     瞓暖爐進駐豪宅
by / on 05/12/2015 at 1:20 pm

【日本街頭騙案】喵星人成功上樓 瞓暖爐進駐豪宅

大家都睇慣日本街頭嘅喵星人騙案,今次呢隻仲威威,因為佢搵到間大富之家,入咗豪門以後有排嘆。話說樓主話呢隻喵星人晚晚都喺停車場叫,於是帶咗佢返屋企,之後就放咗好多喵星人喺屋企變大爺嘅相,網友就見到佢屋企原來有個好大嘅暖爐(有火嗰種傳統火爐,勁!),屋企睇落仲好大,喵星人發現自己入咗豪門都好囂張,長期喺火爐前,加埋頸上面個新買嘅噹噹,即刻升價十倍!嚟到冬天,希望有更多街頭騙案發生,多啲喵星人成功上樓啦!

Read more ›

【伸展大法】喵星人做瑜伽 動物瑜伽十式圖集
by / on 01/12/2015 at 7:12 am

【伸展大法】喵星人做瑜伽 動物瑜伽十式圖集

成日做鍵盤戰士嘅我哋,唔計打FIFA、NBA嗰啲,真係好日都唔做吓運動。呢輯動物瑜伽相,有無燃起你做運動嘅熱誠?有做開瑜伽伽都知,唔少招式都係取材自動物,例如貓式(Cat Pose),有網民就將唔同動物嘅古怪動作圖同瑜伽招式做對比,果然,喵星人嘅筋骨係最軟柔嘅,難度達9級半嘅瑜伽動作都輕鬆完成,至於我,照舊睇咗當做咗啦,睇都攰呀!

Read more ›
【根本係人扮】喵星人反肚曬太陽 Twitter熱傳超嘆日光浴
by / on 27/11/2015 at 7:19 am

【根本係人扮】喵星人反肚曬太陽 Twitter熱傳超嘆日光浴

貓奴唔喺屋企嘅時候,都會諗吓隻衰喵喺屋企做咩呢?可能,佢就好似呢隻日本喵星人咁,大字型攤喺度曬緊太陽享受日光浴!呢隻喵星人嘅twitter一向有好多fans,強項係反肚賣萌,最近主人話返到屋企以為佢唔知去咗邊,不過用心一睇,就發現佢原來攤咗喺枱面曬太陽,好識嘆,根本就係人扮嘅!入嚟有多啲佢嘅反肚相反肚片睇,好可愛!

Read more ›
【超可愛】京都「站立喵」爆紅        望窗扮文青天生鍾意企
by / on 25/11/2015 at 7:18 am

【超可愛】京都「站立喵」爆紅 望窗扮文青天生鍾意企

之前都見過唔少鍾意企起身嘅喵星人,不過好似呢隻,一邊企一邊憂鬱咁望窗外風景嘅喵星人,格外有情調。呢隻住喺京都嘅喵星人最近呢幾張相喺Twitter好多人RT,有眼利網民仲發現佢就係之前摷櫃筒喺網上爆紅嗰隻喵,入嚟有回帶,原來佢真係好鍾意企起身。睇完想探佢其實唔難,原來佢而家住喺京都嘅一間貓cafe「Cat Apartment Coffee」,去開京都記住探吓佢喇!

Read more ›
【喵星人反恐】Twitter一人一張貓相 反恐網民混淆視聽
by / on 24/11/2015 at 7:16 am

【喵星人反恐】Twitter一人一張貓相 反恐網民混淆視聽

比利時布魯塞爾依然維持最高級別恐襲警戒,不過而家上Twitter搜尋#BrusselsLockdown嘅時候,就會發現大量喵星人嘅相,原來當地國防部長Steven Vandeput最近喺Twitter留言,呼籲民眾唔好喺社交網站張貼同警方動態有關嘅內容,以免洩露風聲,咁網民都好合作,仲一呼百應齊齊貼喵星人嘅相混淆思聽,啲相有喵星人拎槍、戴頭盔、包頭巾、戴面具等,配合埋「你已經曝光喇」等搞笑caption,將緊張氣氛稍為緩和。

Read more ›