Post Tagged with: "喵星人"

【一場誤會】啡喵攬實小白喵唔放   日本twitter熱傳
by / on 12/04/2016 at 7:13 am

【一場誤會】啡喵攬實小白喵唔放 日本twitter熱傳

有時真係好難怪喵星人喺網絡世界咁紅,因為佢哋真係太得意嘞。最近日本Twitter好多人RT呢對貓仔,啡喵Natu同白喵一睇就知唔同媽咪生,而且一大一細,但好明顯啡色嘅肥喵Natu好鍾意屋企呢位新成員,攬到實一實唔放,當咗係自己個仔咁。貓奴個twitter仲有一家六口嘅生活照睇,四隻喵星人似乎生活得好融洽,表現出人喵大愛嘅精神。

Read more ›

【新片速報】貓奴必睇 喵星人想成名   自拍短片6千萬點擊熱爆
by / on 08/04/2016 at 7:16 am

【新片速報】貓奴必睇 喵星人想成名 自拍短片6千萬點擊熱爆

呢條片未睇嘅貓奴一定要睇,放上網兩日已經過6千萬瀏覽,好誇張。今時今日大家都想拍片成名,片中嘅灰色喵星人都好想紅,上網見其他貓仔舔吓肉球都有幾百萬點擊,佢就有樣學樣自己Set機啦,點知點擊率勁低。之後佢又彈琴又玩呼拉圈,點知都係紅唔起,心灰意冷嘅佢流咗兩滴眼淚之後,決定開車離家出走,點知‥‥‥個結尾好正,重點係全程喵星人都好入戲,超好睇!

Read more ›
【堅離地】喵星人5星級的家 全屋搭建空中走廊
by / on 08/04/2016 at 7:14 am

【堅離地】喵星人5星級的家 全屋搭建空中走廊

作為喵星人,有咩幸福得過住喺呢間專為喵而設嘅新屋?外國兩位貓奴Eliza同Tiffany養咗7隻貓,買咗新屋之後第一時間諗點樣等7隻主子住得開心。最後佢哋設計咗呢間5星級的家,除咗有大量高台俾佢哋跳嚟跳去之外,仲搭建咗一條空中走廊,喵星人可以全程唔落地,淨係行條空中走廊走勻全間屋,仲可以上埋2樓。而兩位貓奴每朝早食早餐都可以有班喵星人喺頭頂行過,諗起都爽。不過香港樓底咁矮,間屋咁細,都係羨慕吓算嘞。

Read more ›
【I am your Father】喵星人撞見縮水版自己 一見如故焗收養
by / on 07/04/2016 at 7:11 am

【I am your Father】喵星人撞見縮水版自己 一見如故焗收養

屋企有兩隻咁似樣嘅喵星人,其實都幾易認錯。外國有位貓奴本身養咗隻啡貓Evin,後來喺農場發現咗隻同Evin好似樣嘅貓仔,於是帶埋佢返屋企收養,由於佢太似縮水版嘅Evin,所以隻貓仔個名都改埋叫Minnie。兩隻咁似樣嘅喵星人第一日見面已經一見如故,而家一齊食玩瞓,又會互相舔毛或者一齊恰屋企另一隻灰色嘅貓。只不過Minnie越嚟越大,而家已經有Evin嘅一半size,睇嚟主人嚟緊應該好易會認錯。

Read more ›
【跳跳跳生命力】日本喵星人瘋狂跳躍    忘我境界Twitter熱傳
by / on 06/04/2016 at 7:16 am

【跳跳跳生命力】日本喵星人瘋狂跳躍 忘我境界Twitter熱傳

喵星人嘅動作有時都幾忘我,好似最近喺日本Twitter熱傳嘅呢隻白貓,成日扭晒身凌空飛起,彈跳力超強,動作又搞笑,睇相都覺得震憾。睇返佢主人嘅Twitter,原來呢隻白喵經常跳跳紥,每次都好投入好忘我,入嚟有相睇。而屋企其他貓似乎對佢呢個行為已經習以為常‥‥‥

Read more ›
【最痴纏】兩隻日本喵星人出巡 貼到實網上熱傳
by / on 06/04/2016 at 7:12 am

【最痴纏】兩隻日本喵星人出巡 貼到實網上熱傳

喵星人一向獨來獨往,但總有例外,好似呢對日本街頭嘅喵星人最近喺Twitter好紅,有網民影到佢哋無論去到邊都孖住行,間中又互相刷吓頭,完全唔理其他人嘅目光,好痴纏,唔知係親人、情侶定朋友關係呢?

Read more ›

【Twitter熱傳】日本喵星人抓破咕臣 一頭都係似足落雪
by / on 05/04/2016 at 7:14 am

【Twitter熱傳】日本喵星人抓破咕臣 一頭都係似足落雪

貓奴最怕嘅畫面出現嘞!日本有位貓奴最近返屋企就見到呢個慘況 ─ 屋企嘅咕臣(比隻貓抓)爛晒,入面嘅白色粒粒散滿一地,而隻喵星人就樂在其中玩得好開心,仲搞到一頭都係!輯連環圖放上Twitter後火速熱傳,貓奴除咗要掃餐死之外,仲要驚隻喵唔覺意吞咗啲粒粒入肚。不過睇隻喵星人個樣,似乎想講:「哦,原來落雪就係咁,幾浪漫喎。」

Read more ›
【統治地球】「巨掌」喵星人待領養 多咗6隻腳趾
by / on 03/04/2016 at 1:08 pm

【統治地球】「巨掌」喵星人待領養 多咗6隻腳趾

正常嘅喵星人前腳各有5隻腳趾,後腳各有4隻,加埋18隻腳趾,有幫主子剪開腳甲嘅奴才都知。不過英國呢兩隻只得3個月大,等緊有心人收養嘅喵星人Fingers同埋Thumbs就唔同,佢哋每人總共有24隻腳趾,前腳每邊多咗兩隻,後腳每邊多咗一隻,睇落啲腳仔特別巨大,收容所嘅職員仲話佢哋好似想統治全世界咁。其實佢哋係患咗罕有嘅基因問題Polydactyly,不過好彩醫生話唔會對佢哋健康或者生活構成影響,希望呢兩隻咁可愛嘅喵星人早日搵到個好主人啦,統治唔到全世界,都起碼可以統治一個貓奴才吖。

Read more ›
【好嘆】喵星人日光浴圖集 地球上最識享受嘅動物
by / on 02/04/2016 at 1:40 pm

【好嘆】喵星人日光浴圖集 地球上最識享受嘅動物

星期六點可以無貓睇架?今日天氣勁好,加上嚟緊仲有多一日假,真係爽爆。大家都知喵星人好鍾意曬太陽,網上搜羅咗一班日光浴緊嘅喵星人相,除咗曬日光浴,其實只要暖嘅地方,例如電腦、暖爐都係佢哋經常出沒嘅地方,入嚟有圖集慢慢睇班喵星人點hea。

Read more ›
【好險】喵星人被困紙箱寄出   8日後獲救險喪命
by / on 28/03/2016 at 2:10 pm

【好險】喵星人被困紙箱寄出 8日後獲救險喪命

喵星人出名百厭,所以作為貓奴真係要時刻打醒12分精神,好似呢隻叫Cupcake嘅喵星人,最近就捐咗入主人準備寄出嘅紙皮箱入面,入面裝滿DVD,佢就喺個紙箱入面封實咗,之後穿州過省,經過8日嘅旅程,260英里嘅距離,最終收件者發現到呢隻貓。當時cupcake已經嚴重缺水奄奄一息,好彩送去附近嘅動物醫院仲救得返,主人Julie Baggott即刻飛撲去接返佢,呢個故事教訓各位貓奴,下次pack嘢真係要小心啲。

Read more ›
【可愛】日本喵星人遇上青蛙 Twitter賣萌爆紅
by / on 27/03/2016 at 12:50 pm

【可愛】日本喵星人遇上青蛙 Twitter賣萌爆紅

喵星人無論去到邊,都好似漆黑中嘅螢火蟲一樣,咁鮮明!咁出眾!好似最近呢隻日本喵星人就喺Twitter好紅,其實件事好普通,佢只係行行吓公園,發現咗隻青蛙仔,好奇望吓咁啦,跟住隻青蛙都好鍾意佢,仲跳上喵星人個身度玩,就係咁,已經有過二萬個RT,不過睇返佢平時都經常賣萌,儲埋儲埋有唔少fans,入嚟有回帶,我都唔覺意follow埋佢‥‥‥

Read more ›

【感人】21歲年老喵星人被遺棄     愛心貓奴無私收養
by / on 24/03/2016 at 7:12 am

【感人】21歲年老喵星人被遺棄 愛心貓奴無私收養

點解有人咁狠心,可以遺棄一隻21歲嘅可愛喵星人Tigger?好彩有個愛心貓奴Adriene Nicole唔嫌Tigger老,仲決定收養佢。不過Tigger身體唔多好,患咗腎衰竭,身上亦有個好似哥爾夫球咁大嘅腫瘤,但係Adriene Nicole依然決定收養佢,等佢可以安享晚年,為咗令佢剩底嘅日子都開開心心,佢哋經常帶Tigger出街玩,因為Tigger係一隻好鍾意戶外活動嘅貓,而佢最鍾意去嘅地方就係沙灘嘞。睇相見Tigger而家生活得好開心,其實佢個樣睇落都唔似21歲,希望佢長命百歲啦。

Read more ›
【成功上樓】日本超紅喵星人近照 抱腳求收養全家好幸福
by / on 23/03/2016 at 7:14 am

【成功上樓】日本超紅喵星人近照 抱腳求收養全家好幸福

仲記唔記得呢隻日本喵星人呀Vell?當年佢喺公園纏住而家嘅主人抱腳求收養,自己屋企自己爭取,成功上樓,返到屋企半個鐘而經變咗大爺,仲紅爆日本Twitter。唔經唔覺,佢已經被收養咗半年嘞。而家兩歲半嘅佢生活無憂,最鍾意陪主人洗衫同埋睇動畫,入嚟有佢嘅新相睇,真開心。

Read more ›
【賊仔喵】喵星人專偷鄰居底褲 主人寫字條尋物主
by / on 23/03/2016 at 7:13 am

【賊仔喵】喵星人專偷鄰居底褲 主人寫字條尋物主

外國嘅喵星人比較自由,經常可以出街玩,不過就好易出事。好似呢隻住喺紐西蘭嘅女喵星人Brigit,主人發現佢每次出街玩完都會帶啲男裝底褲同埋襪返屋企。最近佢哋準備搬屋,摷返晒Brigit嘅「戰利品」出嚟放上Reddit,好快就被瘋傳。主人Sarah Nathan寫咗張字條放喺每個鄰居嘅信箱,提佢哋留意吓自己有無唔見嘢,另一方面,佢哋將會搬去郊區,希望呢隻賊仔喵收心養性,唔好再犯案嘞!

Read more ›
【新片速報】喵星人狂打噴嚏 同屋喵友衝前慰問被拒
by / on 21/03/2016 at 7:15 am

【新片速報】喵星人狂打噴嚏 同屋喵友衝前慰問被拒

最近天氣時冷時熱,大家記住小心屋企嘅喵星人作病。日本Twitter最近就熱傳呢段片,片中有隻喵星人突然狂打噴嚏,本來行開咗嘅另一隻喵聽到即刻好緊張,即時衝埋去睇吓咩事,仲又摸又攬,好sweet。不過打噴嚏嗰隻喵星人似乎唔多領情,一臉嫌棄咁走開咗。唉,其實喵星人唔止對人類冷漠,對同類有時都係咁冷漠嘅。

Read more ›