Post Tagged with: "喵星人"

【洋貓】英國喵星人火速走紅 長駐超市監視人類
by / on 09/01/2016 at 2:56 pm

【洋貓】英國喵星人火速走紅 長駐超市監視人類

最近呢隻喺倫敦超級市場Sainsbury’s被發現嘅6歲肥喵Olly Oliver好紅,最先係上年11月佢被發現喺超市入面周圍巡遊,之後俾職員趕走咗,不過佢無放棄,之後每日都要去超市行一次先安樂,有時會居高臨下企喺貨架頂監察人類買嘢,有時又會跳入貨架休息,職員都無佢符,而當地顧客亦習慣咗佢嘅存在。好嘞,咁究竟肥肥白白嘅佢喺邊度嚟?後來有人發現原來佢係有人養嘅,主人屋企就喺超市旁邊,屋企仲有隻灰色毛嘅喵星人兄弟。唔,果然外國嘅空氣係自由啲,唔止人類,連貓都生活得自由自在,好羨慕!

Read more ›

【有片】單眼喵星人變滑浪高手    無懼風浪超勇敢
by / on 08/01/2016 at 7:13 am

【有片】單眼喵星人變滑浪高手 無懼風浪超勇敢

Nanakuli係一隻好英勇嘅喵星人,佢之前被遺棄,好彩之後有好心人Alexandra Gomez同Krista Littleto收養。由於眼部受感染,最終佢要做手術移除其中一隻眼。喺療養期間,主人幫佢沖涼時發覺佢原來好鍾意水,所以當佢好返之後,主人就決定帶佢出海滑浪慶祝!睇片見佢坐喺塊滑板上一臉威風就戥佢開心。不過話就話滑浪,主人其實都係放佢喺浮板做吓樣影吓相,而喺片中仲見唔怕死喺海中暢泳,同一般怕水喵星人唔怕,好勇敢。有咁錫自己嘅主人,以後幾大風浪都唔駛怕喇!

Read more ›
【新片速報】驚險!喵星人窗外行鋼線 戰鬥民族男人勇救曳喵
by / on 08/01/2016 at 7:10 am

【新片速報】驚險!喵星人窗外行鋼線 戰鬥民族男人勇救曳喵

好驚險!喵星人好曳經常亂走玩命,之前都有唔少新聞講佢哋爬上樹、屋頂之類又落唔返嚟,最後要人類出動拯救。最近呢隻喺俄羅斯嘅喵星人又曳豬爬咗出去窗外曬衫位,果度得幾條繩托住,危險程度同走鋼線無分別,有兩個喺下層嘅俄羅斯男人就好好心,拎咗張毯加支棍進行拯救行動,睇片見佢哋篤吓篤吓,加埋隻貓貓嘅慘叫,真係睇到心驚膽跳!好彩最終行動成功,不過講真,作為負責任嘅貓奴,真係一定要裝!窗!網!喵星人唔係真係有9條命架!BTW,戰鬥民族嘅男人原來都有溫柔嘅一面。

Read more ›
【有片】超懶散反肚喵星人 梳化底跣出地面網上熱傳
by / on 07/01/2016 at 7:14 am

【有片】超懶散反肚喵星人 梳化底跣出地面網上熱傳

喵星人嘅行徑非常率性,想點就點,所以經常都有好好笑嘅影片流出。好似最近呢段片就喺網上熱傳,片中嘅貓奴想搵屋企隻喵星人,當佢嗌名時,梳化底突然有隻反住咗嘅貓大哥火速9秒9瀡出嚟,超搞笑!估計當時佢應該反住肚喺梳化底un un腳,聽見奴才嗌佢個名,就腳仔一伸,原地跣出地面。影片喺YouTube已經接近70萬點擊,仲未計世界各地貓奴瘋狂share,包括日本人喺Twitter貼片分享,可惜上載嘅頻道暫時只得一條片,所以我訂閱咗先,希望遲啲有新片睇。

Read more ›
【嚇親貓奴】喵星人玩完返屋企頸上有字條    原來有兩頭住家
by / on 06/01/2016 at 7:12 am

【嚇親貓奴】喵星人玩完返屋企頸上有字條 原來有兩頭住家

喵星人嘅性格真係好野性,最近呢件事好多人談論,話說有隻貓Nala返到屋企時條頸掛住張字條,主人發現原來佢仲有另一頭住家。紙條上面寫住:「我唔知道呢隻貓屬於邊個,不過佢經常嚟探我哋,佢會喺我哋門口不停喵,放佢入屋之後就會喺間屋巡嚟巡去好似自己屋企一樣,又會坐喺雪櫃前等人餵,不過我哋好歡迎佢,因為我哋隻21歲嘅貓今年過咗身。」件事好快喺網上熱傳,仲有好多貓奴分享佢哋嘅故事,例如有人發現自己隻貓經常好飽,於是掛張字條喺佢條頸,最後收到9個家庭來電話隻貓係佢哋養嘅;亦有主人唔見咗隻貓幾年以為佢死咗,點知有日發現佢喺鄰居屋企嘅窗台睇風景。入嚟有得慢慢睇,堅好笑。

Read more ›
【新片速報】喵星人堡壘 樓高五層零首期上樓
by / on 04/01/2016 at 7:08 am

【新片速報】喵星人堡壘 樓高五層零首期上樓

呢個YouTube頻道「Funnycatsandnicefish」可能好多貓奴都識,版主養咗好多隻可愛喵星人,逢星期二同五都有新片出,最近佢就為班喵星人整咗個紙皮箱堡壘,樓高五層,每層都可以上下互通,好大陣仗!睇班喵星人跳上跳落,似乎好滿意呢間新屋。梗係啦,唔駛儲首期就可以上樓,所以都話做喵好過做人。

Read more ›

【有片】日本貓寺廟 大量喵星人任抱任玩 放飯勁壯觀
by / on 02/01/2016 at 11:46 am

【有片】日本貓寺廟 大量喵星人任抱任玩 放飯勁壯觀

各位貓奴以後去日本除咗去貓島之外,仲可以去埋日本福井縣越前市嘅「御誕生寺」!呢間寺廟1948年建成,出名多喵星人,最近有日本媒體去咗探貓,仲影咗好多靚相。未入「御誕生寺」門口已經有個喵星人銅像歡迎貓奴,寺廟入面周圍都係貓,啲貓仲好嗲人,任抱任玩,而且隻隻都好肥美。寺廟入面有一間房放咗好多貓屋貓玩具,另外,每朝早7點同下午3點半,佢哋都會放飯,一大班喵星人空群而出一齊醫肚,場面好壯觀,入嚟有片睇。臨走時記得買埋佢哋嘅祈願符,上面滿佈貓腳印,好可愛。

Read more ›
【新片速報】日本喵星人驚除瞓晏覺      跣腳矇樣Twitter熱傳
by / on 02/01/2016 at 10:40 am

【新片速報】日本喵星人驚除瞓晏覺 跣腳矇樣Twitter熱傳

烈日當空之下曬太陽瞓晏覺真係爽到爆。呢隻日本喵星人好識嘆,俾人發現瞓喺牆頂邊沿午睡,不過條邊咁窄睇落都覺得有啲驚險,果然無幾耐就出事嘞,留意0:10,好多網友都忍唔住瘋狂RT,1日之內已經近4萬個RT,好彩喵星人反應夠快,但嗰個矇樣已經俾人影低放上網,全世界都睇倒,陰功豬。

Read more ›
【好人好事】善心人一連收養兩隻老喵    好朋友喵星人終於團聚
by / on 01/01/2016 at 2:01 pm

【好人好事】善心人一連收養兩隻老喵 好朋友喵星人終於團聚

新一年,睇到啲好人好事,心情都靚啲。大家都知,年紀大嘅喵被收養嘅機會就會減低,不過外國有個好心人就收養咗11歲嘅喵星人Moji,可惜Moji個16歲嘅好朋友Max就無咁好彩,雖然一齊住喺美國嘅動物收容所Anne Arundel County Animal Control shelter,不過就無被領養。但係奇蹟發生嘞,幾日後,呢位女士主動返返去收容所,仲簽紙收養埋Max!佢話因為返到屋企思前想後,諗起16歲嘅Max餘生可能就要喺籠入面渡過,覺得好唔忍心,所以返轉頭收養埋佢。而家兩隻好朋友喵星人可以一齊生活,好幸福。2016年,想養動物嘅,記住以領養代替購買,俾多啲動物一個幸福嘅家啦。

Read more ›
【星戰BB-8喵】星戰喵星人超可愛 迪士尼動畫師親自設計
by / on 31/12/2015 at 7:14 am

【星戰BB-8喵】星戰喵星人超可愛 迪士尼動畫師親自設計

喺迪士尼做員工都幾free,起碼喺自己嘅Instagram二次創作Star Wars角色都唔怕比老細鬧。Griz同Norm Lemay喺Walt Disney Animation Studio做動畫設計師,閒時創作好多唔同嘅公仔放上自己Instagram,最近就有呢個星戰系列,有呢排好紅嘅BB-8同新女主角Rey,仲有R2-D2、Leia公主同Amidala皇后,全部都有隻同色系嘅喵星人陪住!每張都好靚好可愛!BB-8仲有8隻喵陪佢添!BTW,佢哋嘅IG戶口@grizandnorm經常有新作品發佈,最近都有另一個星戰系列,記得Follow吓。

Read more ›
【手袖貓】超怕凍喵星人日本網民熱傳      鑽入衫袖取暖
by / on 31/12/2015 at 7:12 am

【手袖貓】超怕凍喵星人日本網民熱傳 鑽入衫袖取暖

天寒地凍,唔好話貓,人都唔願離開被竇起身。不過喵星人出名懶,而且好識嘆,日本天氣咁凍,有乜好得過成個身捐入手袖入面取暖?日本好多網民喺Twitter分享佢哋屋企隻喵星人嘅戰績,個個都話返到屋企唔見咗隻喵,睇真啲先發現捐晒入衫袖,全部變晒毛毛蟲得返個頭,睇見都暖笠笠。睇嚟各位喵星人已經做好冬眠嘅準備嘞,快啲擘大個口等貓奴餵你食嘢啦!

Read more ›

【近鏡睇】喵星人舌尖上的倒勾 嚇親日本網民
by / on 30/12/2015 at 7:12 am

【近鏡睇】喵星人舌尖上的倒勾 嚇親日本網民

有養貓嘅貓奴,都知喵星人條脷上面佈滿好多倒勾狀嘅刺,所以當佢哋好熱情咁舔你時,你會忍唔住縮。無乜特別吖,不過對於無養開貓,平時只係見到喵星人賣萌一面嘅網友嚟講,可能唔係咁睇。最近有日本網友放咗大量喵星人舌頭嘅近鏡相上網,好多網友睇完都嚇親,話好古怪,仲話都係狗仔可愛啲。其實喵星人條脷上面嘅勾,唔止方便舔毛,亦可以將骨頭上嘅肉輕易勾出,飲水時又可以舔起更多水,好實用。作為正宗貓奴,應該會鍾意埋佢啲勾勾。

Read more ›
【新片速報】日本聰明喵露兩手 彈跳開門快狠準
by / on 28/12/2015 at 7:12 am

【新片速報】日本聰明喵露兩手 彈跳開門快狠準

喵星人好聰明,開門?濕濕碎啦。有時佢哋會用手,咁如果個門柄太高點算好?好彩佢哋仲有瘋狂嘅彈跳力,片中呢隻喵星人就親身表演露兩手,技巧超純熟,一跳一開,快狠準。BTW,呢個Twitter「うだま」我哋之前都介紹過,屋企兩隻喵星人好得意,仲好得寵,主人會買喵專用野菜玩具比佢玩,又有私家日式被舖,Twitter有10幾萬人follow,人氣度好高,入嚟有回帶。不過今次呢隻跳躍喵唔多似平時嗰兩隻,唔通有新成員?

Read more ›
【新片速報】喇叭喵星人自創飲水法 輕輕鬆鬆
by / on 27/12/2015 at 1:47 pm

【新片速報】喇叭喵星人自創飲水法 輕輕鬆鬆

戴住呢個喇叭,就好似喵星人嘅恥辱,特別係會喚起佢哋做絕育手術嘅慘痛回憶,陰功豬!呢隻喵星人啱啱都做完手術,戴住佢飲水咁唔方便,佢就諗到個方法,就係企喺水龍頭底,等啲水流過個面罩,咁佢係咁意伸條脷出嚟就飲到水嘞,輕輕鬆鬆,叻!

Read more ›
【有片】品味喵星人飲茶好奇特 用手沾茶遞埋口
by / on 24/12/2015 at 7:12 am

【有片】品味喵星人飲茶好奇特 用手沾茶遞埋口

做貓都要有要求!呢隻住喺日本嘅喵星人好有生活品味,主人發現佢每次飲茶都唔係伸個口埋去個碗度飲,而係先用隻手沾吓啲水,再將隻手放近嘴邊慢慢舔,好優雅!不過呢套動作只限於飲茶,當佢飲水或者飲牛奶嘅時候就會回復原狀直接用口飲,非常奇特!

Read more ›