Post Tagged with: "喵星人"

【有片】超可愛嬲爆爆喵星人 兩隻殭屍牙扮發惡
by / on 09/04/2019 at 7:35 am

【有片】超可愛嬲爆爆喵星人 兩隻殭屍牙扮發惡

呢隻個樣嬲爆爆嘅喵星人最近喺日本Twitter熱傳,睇返資料,原來我哋喺2015年都介紹過佢,名叫Loki嘅佢有兩隻殭屍牙突出嚟,扮惡嘅樣超可愛。無見咁耐,佢嘅Twitter已經有39萬個followers,仲有好多新相新片,入嚟有得回帶,仲可以follow埋佢IG。

Read more ›

【放空影片】日本喵星人曬日光浴 春天氣息滿瀉
by / on 06/04/2019 at 7:05 am

【放空影片】日本喵星人曬日光浴 春天氣息滿瀉

無可否認貓真係好治癒嘅動物,星期五六日放假,有咩開心得過望住佢哋曬太陽瞓晏覺?呢段片完全無主題,喺日本Twitter見到,純粹想俾貓奴感受吓春天嘅氣息,我都好想放長假日日曬太陽啊!BTW,佢係日本好紅識撳鐘要零食嗰隻得意人氣貓,入嚟奇以follow埋佢Twitter。

Read more ›
【突然高貴】喵星人花環頭飾   高質Model相貓奴好想買
by / on 01/04/2019 at 7:40 am

【突然高貴】喵星人花環頭飾 高質Model相貓奴好想買

喵星人最鍾意辣手摧花,不過總有例外,最近日本Twitter好多人分享呢輯相,隻喵星人戴住各款花環頭飾,隻貓模仲單晒眼超高質,原來輯相同埋個花冠都係來自外國嘅Freya’s Floral Company,除咗貓之外佢哋仲有製作狗狗花冠同頸圈,入嚟有得睇。

Read more ›
偷拍喵星人晚間行動 泰國貓奴裝Cam結果超搞笑
by / on 25/03/2019 at 7:41 am

偷拍喵星人晚間行動 泰國貓奴裝Cam結果超搞笑

作為貓奴應該好想知每晚自己瞓咗覺之後,隻貓究竟做緊啲咩?泰國有位貓奴決定裝個鏡頭偷拍吓,由於啲相太搞笑,佢放咗上Facebook群組Love Cat Club之後好多人分享。睇相見隻貓會眼定定望實佢(似乎怕佢暈咗?)、又會坐喺佢塊臉上面,有時就責住佢心口瞓,唔知佢會唔會每晚發惡夢?不過網民就話睇得出隻貓好鍾意主人,作為貓奴,今晚有無心思思想裝返個cam?

Read more ›
日本雕刻家作品Twitter熱傳 喵星人排隊擊掌超可愛
by / on 24/03/2019 at 2:45 pm

日本雕刻家作品Twitter熱傳 喵星人排隊擊掌超可愛

呢位日本雕刻家同時都係一位貓奴,最近喺Twitter分享咗佢一件畢業作品,就係一班High Five貓,班喵星人全部舉起手迎接人類,經過可以同佢哋逐一擊掌,開心死!

Read more ›
【新片速報】好戲喵星人扮中槍     行行吓撻底片Twitter熱傳
by / on 19/03/2019 at 7:00 am

【新片速報】好戲喵星人扮中槍 行行吓撻底片Twitter熱傳

喵星人一向高智慧,呢隻喵更加係演技派,有網民拍咗段片,揸住支槍嘅佢指向隻喵,之後隻喵好hea咁行兩下然後撻咗落地扮中槍,好搞笑,喜劇之王級數,入嚟有片睇。

Read more ›

【成功上樓】流浪喵主動瞓人肚腩 事主瞓醒決定收養
by / on 12/03/2019 at 7:24 am

【成功上樓】流浪喵主動瞓人肚腩 事主瞓醒決定收養

又一隻喵星人成功上樓!事發地點係澳洲嘅坎培拉,Ali Safa呢位被選中嘅孩子喺郊外休息緊,玩玩吓電話仲瞓著咗,點知一覺醒咗發現有隻貓居然喺佢個肚腩上面瞓著咗!佢忍唔住影埋相放上Reddit,網民爭相問佢隻貓做緊咩同埋有咩新進展,最後Ali幫隻喵沖完涼再帶佢去睇獸醫,然後帶咗返自己屋企正式收養。呢隻係Ali人生第一隻寵物,網民都恭喜佢成為貓奴,入嚟有多啲相同片睇。

Read more ›
【新片速報】日本超人氣肥喵    邊飲水邊洗頭新片Twitter熱傳
by / on 09/03/2019 at 3:06 pm

【新片速報】日本超人氣肥喵 邊飲水邊洗頭新片Twitter熱傳

呢隻日本喵星人「どんぐり」好出名,喺Twitter有過10萬followers,仲有自己嘅產品,連LINE都有佢嘅貼紙,雖然人氣好高,不過佢出名又蠢又可愛,最近喺新片就親身示範咗嘞。佢走咗去洗手盤準備飲水,不過唔知點解隊咗個頭埋去變咗洗頭,洗洗吓好似又幾舒服,之後先醒起自己其實想飲水‥‥‥入嚟有片睇。

Read more ›
【有片】超蠢喵星人玩紙袋     戴上頭變犯人Twitter熱傳
by / on 07/03/2019 at 7:08 am

【有片】超蠢喵星人玩紙袋 戴上頭變犯人Twitter熱傳

都話喵星人好蠢,難怪佢哋啲出醜片經常喺網上熱傳,最近好多人睇呢段片,隻喵好百厭咁玩緊個紙袋,玩玩吓仲戴埋上頭,原來個袋係犯人紙袋款式,戴上頭超傻!段片而家已經過咗160萬瀏覽,入嚟有得睇。不過話時話,段片應該係倒轉咗嚟播嘅,睇唔睇得出?

Read more ›
【新片速報】日本超懶紙箱喵星人   「紙盒藏喵」唔肯出嚟
by / on 01/03/2019 at 7:18 am

【新片速報】日本超懶紙箱喵星人 「紙盒藏喵」唔肯出嚟

喵星人好鍾意瞓紙箱,好似日本呢隻喵就鍾意到唔捨得出嚟。紙箱前面有個窿仔,佢就伸手爪呀爪,不過都拎唔到佢隻毛公仔返嚟,但佢依然無諗住走出個紙箱,仲喺箱邊典吓典吓,超搞笑,入嚟有片睇。

Read more ›
【案發前後】日本超兇殘喵星人 玩爛紙箱碎屍萬段
by / on 24/02/2019 at 1:12 pm

【案發前後】日本超兇殘喵星人 玩爛紙箱碎屍萬段

喵星人一向鍾意玩紙箱,不過玩到呢種程度就比較罕見。日本網民分享咗早出晚歸兩張貓圖,第一張朝早拍攝,隻喵仲好地地坐喺個紙箱入面扮純情,不過夜晚返到屋企‥‥‥場面絕對係災難級,似乎同對個紙箱好大仇口。之後有網民回覆,原來佢隻貓都有同樣癖好,仲拍埋片,入嚟有回帶。

Read more ›

【新片速報】日本聲優「花江夏樹」超可愛 喵星人包圍片Twitter熱傳
by / on 22/02/2019 at 7:11 am

【新片速報】日本聲優「花江夏樹」超可愛 喵星人包圍片Twitter熱傳

今日係日本嘅「猫の日」,著名男聲優「花江夏樹」都出片賀一賀。有follow開佢Twitter都知佢係100%貓奴,睇片見佢今次俾兩隻貓包圍住,一隻抱住但就伸晒手好治癒,另一隻就企喺佢膊頭,條尾仲不斷揈到佢塊臉,超搞笑!好明顯佢同兩隻喵嘅感情超好,人同貓都好可愛呀。入嚟有多啲生活照回帶。

Read more ›
日本喵星人插畫「第1日VS現在」    貓奴有共鳴Twitter熱傳
by / on 20/02/2019 at 7:05 am

日本喵星人插畫「第1日VS現在」 貓奴有共鳴Twitter熱傳

作為貓奴,睇呢輯連環圖應該超有共鳴。仲記唔記得佢哋第一日返嚟屋企嘅時候?日本插畫家「@takeyo23」喺Twitter分享咗佢隻喵星人執返屋企第1日直至而家嘅連環圖,第一日仲匿埋喺沙盤旁邊唔敢出嚟,之後逐漸放低戒心,到最後同主人一齊瞓,超溫馨!入嚟有得睇多啲佢隻貓嘅生活片段,好可愛。

Read more ›
【新片速報】喵星人第一次照鏡     伸手搞耳仔片Twitter爆紅
by / on 17/02/2019 at 4:38 pm

【新片速報】喵星人第一次照鏡 伸手搞耳仔片Twitter爆紅

實在太得意喇!成日迫屋企隻喵星人照鏡,不過佢都無乜反應,呢隻喵就唔同,好似第一次照鏡咁,望住鏡中嘅自己,佢忍唔住伸手搞吓隻耳仔,搞完一次又一次,可愛到癲!難怪段片喺Twitter一日已經有160萬瀏覽,入嚟有片睇。

Read more ›
【新片速報】日本樂隊結他手「遇襲」 喵星人咬手指阻人練習
by / on 17/02/2019 at 4:38 pm

【新片速報】日本樂隊結他手「遇襲」 喵星人咬手指阻人練習

喵星人最鍾意喺你專心做緊其他事嘅時候騷擾你,例如用緊電腦、睇緊電視,或者好似呢位日本樂隊成員Howl of underdogs嘅RAITA咁‥‥‥彈緊結他。睇片見RAITA好專心咁練緊結他,與此同時,佢隻喵就跳咗上佢大脾,再搵個頭不停刷佢隻手,見主人無反應佢仲出埋口,不停咬人隻手指,煩得嚟又好搞笑,令外表rock到爆嘅RAITA都無佢辦法。入嚟有片睇,仲有得睇多啲呢隻喵嘅其他片,無時停嘅佢超可愛呀。

Read more ›