fbpx

Post Tagged with: "單車"

【有片】德國政府單車廣告    女性團體炮轟過份性感
by / on 04/04/2019 at 7:39 am

【有片】德國政府單車廣告 女性團體炮轟過份性感

德國踩單車嘅死亡率超高,單係2018年就有432人因為踩單車而死亡,最近德國政府拍攝咗一輯破格嘅宣傳廣告,搵嚟一班年青男女著住內衣戴頭盔,標語係“Looks like shit. But saves my life.” 因為喺德國踩單車唔戴頭盔唔犯法,而17-30歲嘅年青人會戴頭盔嘅只得8%。輯廣告仲搵咗德國Next Topmodel嘅Alicija Köhler參與攝,不過個廣告就引起唔少女性團體抨擊,話唔需要著得咁性感,咁其實入面有男有女,有無男性都想平反吓?入嚟有廣告嘅making of可以睇埋。

Read more ›

【新片速報】日本流浪喵維修單車 搞笑片Twitter過170萬瀏覽
by / on 14/03/2019 at 7:07 am

【新片速報】日本流浪喵維修單車 搞笑片Twitter過170萬瀏覽

日本嘅流浪喵普遍比較肥,而且爛玩。最近Twitter熱傳嘅呢兩隻喵,直情當人類架單車係玩具,兩隻喵圍住架單車打嚟打去,離遠睇以為佢哋整緊車,超搞笑,段片已經超過170萬瀏覽,入嚟有片睇。

Read more ›
【聰明】單車扮電視盒 荷蘭公司減80%送貨損壞率
by / on 26/01/2019 at 2:19 pm

【聰明】單車扮電視盒 荷蘭公司減80%送貨損壞率

大家都知送貨就算貼晒「易碎」、「小心輕放」,件貨都係好易喺運送途中損毁。荷蘭單車公司VanMoof啲單車每架賣美金$3000,佢哋就諗到個方法減低運送損壞率,就係將個紙箱改成電視機嘅設計,令送貨嘅人以為入面係一部電視,果然,用咗呢個方法後送貨損壞率急降80%。不過老闆其實唔想將呢個方法講出嚟,因為越多人學就會越嚟越無效用,不過有記者訂完佢哋嘅貨品後將件事放咗上網,好似佢所講,希望FedEx睇唔到啦。

Read more ›
馬榮成+步驚雲踩單車 宣傳「博愛單車百萬行」
by / on 18/12/2018 at 9:45 pm

馬榮成+步驚雲踩單車 宣傳「博愛單車百萬行」

馬榮成鍾意踩單車,所以搞到阿雲師兄都要踩單車,為宣傳2019年3月10日嘅「博愛單車百萬行」,馬Sir再次作畫,聯同步驚雲出車上征途,仲有句Slogan「乘風十載,行雲滿愛」添,路線會經過昂船洲大橋同南灣隧道,唔知全長有幾多km,我淨係知兩個轆上面嘅雲師兄,依然型英帥靚正。

Read more ›
【熱血】踩單車400km出動漫活動 日本畫師/Coser無懼炎夏
by / on 06/08/2018 at 5:01 pm

【熱血】踩單車400km出動漫活動 日本畫師/Coser無懼炎夏

記唔記得佢?之前都已經試過由愛知縣去東京Comiket會場,今次C94佢又出擊喇,但留意番嘅係今年日本夏天特別熱,而且網民都好擔心,因為又有個颱風嚟緊呀!不過對比番上次,佢部單車進化咗。

Read more ›
【新片速報】日本廣島街頭發現「貓巴士」      單車改裝超想坐
by / on 26/06/2018 at 7:36 am

【新片速報】日本廣島街頭發現「貓巴士」 單車改裝超想坐

睇過動畫《龍貓》嘅都會好想試吓坐貓巴士(唔係貓車呀),最近有網民喺日本嘅廣島居然發然有貓巴士行駛,對眼仲識發光架!睇真啲佢應該係由單車改裝嘅,好多日本網民留言同RT,大家都話好想試吓遇到呢架車,亦有人話好想坐吓,更多人估車入面有無坐人,如果有,會唔會係龍貓呢?

Read more ›

【浪漫】踩400km單車去C93 日本畫師/Coser愛知縣出發去東京
by / on 30/12/2017 at 2:36 pm

【浪漫】踩400km單車去C93 日本畫師/Coser愛知縣出發去東京

正常嚟講,由愛知縣去東京C93會場,可以搭新幹線,兩個鐘就到。但呢位畫師兼Coser就選擇咗踩單車,用咗三日兩夜由屋企去到東京!留意佢踩嗰架仲要係前面有個籃嘅單車,唔係專業Road bike喎! 聖誕晨早出發,中間仲食埋個聖誕大餐,期間又約朋友食咗個飯再出發……其實今次已經係佢第二次踩車去Comiket,上次佢喺網上問應該答列車、巴士定單車去好,最後投票結果係單車,所以就算係夏天都要找數,今次再接再厲……

Read more ›
馬榮成製作單車衫 聶風+步驚雲教你安全知識
by / on 24/12/2017 at 4:47 pm

馬榮成製作單車衫 聶風+步驚雲教你安全知識

之前報導過嘅「上海商業博愛單車百萬行」,請來馬榮成幫手畫宣傳動畫,原來仲唔只咁,馬榮成仲幫手製作咗兩件單車衫,大紅戰衣望落都幾型仔架。另外,佢亦為大會繪畫咗本十幾頁嘅漫畫小冊子,主題係「以風雲的角色介紹單車的安全知識」,哈哈,有幾盞鬼喎。單車我踩得唔叻,但單車衫同小冊子,我想擁有。為善事,大家多多支持呢個活動喇,報導完畢。

Read more ›
聶風加步驚雲變身單車選手 宣傳博愛籌款
by / on 18/12/2017 at 8:46 pm

聶風加步驚雲變身單車選手 宣傳博愛籌款

「風師弟!」「雲師兄!」「事不疑遲,一早出發,為博愛籌款!」啲對白好似好奇怪咁呀呵?係,我都覺,不過啲公仔同張海報,我依然覺得好靚。講緊嘅係馬榮成為「上海商業博愛單車百萬行」宣傳片,特登貢獻咗幾個動畫Shot出嚟,聶風加步驚雲變身單車選手,加埋啲配音,睇落都幾搞笑。咁即係點呀?即係為善事大家好應該出一分力,單車踩得掂嘅,報名囉。

Read more ›
【有片】火箭加速法!?1000支煙花放單車大爆發
by / on 29/08/2017 at 10:54 pm

【有片】火箭加速法!?1000支煙花放單車大爆發

又係呢個colinfurze,之前整過噴火結他,又玩過刺客教條嘅飛索嗰位。今次佢就將1000支火箭煙花放喺呢部特長單車上面,之後一路向前一路爆……到底對速度有冇幫助?不過講真,真係好靚!

Read more ›
【有片】Twitter熱傳  小朋友踩車出馬路  阿媽大巴扯應聲倒地
by / on 30/06/2017 at 7:45 am

【有片】Twitter熱傳 小朋友踩車出馬路 阿媽大巴扯應聲倒地

就算出名謹慎嘅日本都係咁話,最近有日本網民放咗段片上Twitter,揸揸吓車突然有個o靚仔踩住架單車橫過路面,好彩司機煞得切掣,場面勁驚險,之後阿媽衝出嚟道歉同埋一巴摑落個囝囝度,阿囝應聲倒地……嘩!都幾重手,不過應該冇俾車撞咁傷啩!

Read more ›

日本單車高手前座載女伴     大髀變拉麵叉燒五花大縛
by / on 05/06/2017 at 7:34 am

日本單車高手前座載女伴 大髀變拉麵叉燒五花大縛

本身呢個坐位已經係超高難度,最近有日本網民喺大手町附近見到呢個情景,忍唔住影低放上Twitter。有人話坐到咁踩單車好易有意外,不過網民好快就錯重點,將焦點轉移咗去個女仔嘅大髀度嘞。由於對腳塞咗喺個籃入面,啲肉仲咇咗少少咗嚟,有人話好似平時拉麵叉燒煮前被五花大縛咁,有人話似手榴彈,跟手仲有人貼咗電影E.T外星人嘅海報出嚟,好熱鬧,入嚟有回帶。

Read more ›
【有片】日本單車新機能 座椅都有eject掣
by / on 16/05/2017 at 3:46 pm

【有片】日本單車新機能 座椅都有eject掣

戰機我知有,特務啲跑車我都知有,估唔到係單車都有,即係一拉個掣,座椅就會彈起嗰啲……但其實我覺得呢次係比較似自爆。

Read more ›
【有片】日本中學生顯口技 含罐踩車扮戰車
by / on 27/04/2017 at 12:22 pm

【有片】日本中學生顯口技 含罐踩車扮戰車

唔好扮嘢,你細個甚至o依家都會扮賽車聲?係咪?不過應該冇呢位日本中學三年生扮電單車扮得咁神似,見到佢含住個罐踩車,個造型已經贏咗印象分,開埋聲嚟聽,簡直係華弟接班人,口唔口喝先?

Read more ›
【有片】Bandai出馬沙專用單車 3倍速賣35萬円
by / on 26/04/2017 at 11:22 am

【有片】Bandai出馬沙專用單車 3倍速賣35萬円

我知馬沙識騎馬,但識唔識踩單車就真係唔知。嚟緊又有馬沙專用紅色有角快3倍嘅產品出喇,係呢款「シャア専用本格ロードバイク」,分為碳纖車架同鋁製車架兩款,前者10月出貨,賣35萬円,後者9月出貨,賣15萬円。大河原邦男有份設計,咁遲啲係咪會出埋白色惡魔版?

Read more ›