fbpx

Tag: 喪屍

【有片】喪屍惡作劇在中國 上海地鐵堅恐慌

【有片】喪屍惡作劇在中國 上海地鐵堅恐慌

呢啲惡作劇喺外國好多,啲外國人有啲都會好驚,但反應點都冇呢次喺上海地鐵站咁激。話說呢隻喪屍喺地鐵車廂扮晒辛苦企唔穩,都未話要咬人嘅時候,群眾已經開始驚叫逃跑,嘩成個車廂冇晒人,搞到阿喪屍自己一個坐晒……喂,又係計喎!另外同一個單位都喺早前扮殭屍,呢個就冇咁多人驚,多人笑啫,梗係啦,啲殭屍著波鞋跳吓又行吓,喂臨時演員都係演員呀!

Read more ›

新片速報 喪屍玩唔停 萬聖節惡作劇玩盡公路升降機

新片速報 喪屍玩唔停 萬聖節惡作劇玩盡公路升降機

外國嘅惡作劇玩好大,不過其實我覺得都係做媒居多,試諗吓外國人咁容易有槍,如果見到喪屍真係拎把槍出嚟諗住爆佢頭咪大鑊?趁萬聖節,又有單位玩喪屍整蠱,除咗喺公路中心扮食人(如果佢學The Walking Dead開車撞爆佢哋又係大件事),仲有喺升降機玩半身喪屍,唔知係咪又係殘疾人士Nick Santonastasso扮演呢?

Read more ›
新片速報 喪屍侵襲寫字樓 日本《Office of The Dead》OL逃生百人大戰

新片速報 喪屍侵襲寫字樓 日本《Office of The Dead》OL逃生百人大戰

有冇諗過公司全部人突然變晒喪屍,身邊靚女OL、茶水部阿姐同你上司、老細,今次堅係想食你落肚,你會點樣脫出?其實香港應該玩吓呢啲啦,應該幾吸引。呢個最新嘅遊戲宣傳活動就會喺11月15日舉行,50人演喪屍,50人做生還者,而呢條「夏子救出編」7分鐘影片都拍得幾正,到底最後OL夏子會點呢?

Read more ›
網圖分享:Rob Sacchetto的無限喪屍化

網圖分享:Rob Sacchetto的無限喪屍化

過多三日就Halloween,好,就應吓節,介紹一個畫喪屍畫到起晒朵嘅插畫師畀大家認識,呢位人兄叫Rob Sacchetto,之所以起朵,全因佢鍾意將名人、明星、政治人物、動漫角色、俊男美女……總之諗得出嘅,信手拈來都可以喪屍化。數呀數,英女皇喇、奧巴美喇、迪士尼公主喇、變形俠醫Hulk喇、麥當奴叔叔喇、瑪莉蓮夢露喇等等,喺佢筆下統統變晒Walking Dead,勁在如何歪嘴爛鼻、腦漿四溢、斷手跛腳都好,一望,你就知道佢畫緊邊個,厲害厲害!

Read more ›
矽膠喪屍倒模    自製朱古力/冰喪屍

矽膠喪屍倒模 自製朱古力/冰喪屍

《The Walking Dead》第5季啱啱喺美國時間10月12日開播,餓咗好耐嘅喪屍迷又有精神食糧!另一邊廂,有公司就推出呢套喪屍矽膠製倒模冰格,入面有兩款死氣沉沉嘅喪屍,仲有幾個骷髏頭、墓碑等小配件,造型夠抵死,幾吸引!除咗製冰之外,仲可以好似佢哋咁用個倒模製作朱古力,不過綠色嘅朱古力都幾難搵。

Read more ›
日本2日1夜喪屍營 喪屍突襲BBQ

日本2日1夜喪屍營 喪屍突襲BBQ

上次都報咗,呢個喺日本靜岡縣搞嘅喪屍營,每次2日1夜,分為「発生」、「感染」、「救出」、「解明」4部,16,000円一位。咁啱啱有日本傳媒就去咗直擊,夜晚燒燒吓嘢食都有喪屍來襲!

Read more ›

古怪吸血殭屍求生包    恐怖唔過689

古怪吸血殭屍求生包 恐怖唔過689

外國公司In Case Of出咗幾個求生包,好有創意。分別有喪屍、吸血殭屍、人狼同埋驅鬼求生包。舉例喪屍求生包入面有槍、軍刀、子彈,手榴彈,吸血殭屍包就有十字架,不過全部都係釘實晒,旨在掛喺牆上面型吓無實際用途。至於香港人,最近都學識自備求生包,入面有遮、眼罩、口罩、保鮮紙,無人覺得型亦都笑唔出,因為689仲恐怖過喪屍、吸血殭屍,無論你用乜嘢方法,佢都係賴死唔走。

Read more ›
【有片】日本2日1夜喪屍營 生還者實景體驗

【有片】日本2日1夜喪屍營 生還者實景體驗

香港哈囉喂有得諗喎!其實應該有啲似鬼屋嘅戶外版加過夜版,呢個喺日本靜岡縣搞嘅喪屍營,每次2日1夜,分為「発生」、「感染」、「救出」、「解明」4部,入面有喪屍出沒,同時又可以燒吓嘢食BBQ,大人16,000円一位,夜晚會唔會有喪屍突擊查房服務?

Read more ›
慢步於代代木公園 喪屍現身

慢步於代代木公園 喪屍現身

呢個「ZOMBIENA」組織,每個月會搞喪屍酒吧活動,之前都搞過街頭喪屍遊行。喺啱啱過去嘅星期六(17日),佢哋就去咗東京代代木公園玩,現場好多喪屍現身,不過啲化妝就只係自家製級數,影吓相有啖笑,下次去日本旅行都可以入佢哋官網睇吓會唔會撞啱有嘢玩吖。

Read more ›
新片速報 《Zombie Fight Club》 Jessica C.打港台喪屍

新片速報 《Zombie Fight Club》 Jessica C.打港台喪屍

我記得我對上一次睇香港人做嘅喪屍片,已經係《生化壽屍》,飛釘嘅湯盈盈連女都生埋喇。嚟緊今年10月有套好嘢喎,由曾拍《Z-108棄城》嘅台灣導演錢人豪執導,《Zombie Fight Club 屍城》仲有陳嘉上、鄭振邦監製,不過我最鍾意都係有34C嘅Jessica C.,我覺得佢真係好適合拍喪屍片!其他演員仲有安志杰、伍允龍、MC Hotdog、王敏德、志雄哥等。

Read more ›
The Walking Disney  公主王子喪屍化

The Walking Disney 公主王子喪屍化

《The Walking Dead》第3季下半部開始緊,又係時候追喪屍!外國網友Kasami-Sensei整咗個迪士尼版「The Walking Disney」,將公主王子變晒斬喪屍嘅主角,又Bikini又陀槍,仲成身血。白雪公主個露腰狂野造型好索,John Smith仲變埋劇入面好槍眼嘅喪屍寵物!最貼題都係《Brave》嘅女主角Merida,佢套弓箭似足劇入面我最鐘意嘅型仔箭佬,正!

Read more ›

【有片】超奇幻!《Zomboobies》乳搖引喪屍 Cult片集資開拍

【有片】超奇幻!《Zomboobies》乳搖引喪屍 Cult片集資開拍

  睇完條Trailer,我真係冇嘢可以再講,淨係想佢快啲開拍。電影講呢班喪屍唔係食人腦,最鍾意係食囡囡個胸,咁班囡囡就彈彈吓,乳搖引班喪屍出嚟殺……呢位嚟自美國洛杉磯嘅導演叫Mike L. Taylor,o依家喺Kickstarter集資開拍,你好嘢。

Read more ›
靚女變恐佈木偶    5小時神級化妝

靚女變恐佈木偶 5小時神級化妝

化妝真係好神奇嘅魔術,除咗日常見倒嘅港女式化妝之外,美劇《The Walking Dead》嘅喪屍妝我哋之前都介紹過,好驚人。啱啱喺網上見倒呢個神奇化妝,化妝師Stephanie Marie將佢個靚女朋友Lauren Jones變咗個木偶人!據講係一套恐怖片嘅造型,但啲木紋硬身質地以至個假下巴都好細緻好像真!整個妝容好花時間,3小時上妝,兩小時落妝,返去護膚起碼要用返10小時先補得返。

Read more ›
新片速報 低成本超創意電影 《Zombeavers》喪狸侵襲

新片速報 低成本超創意電影 《Zombeavers》喪狸侵襲

喪屍片我好鍾意,低成本B級片更加係成日有驚喜。嚟緊就有呢套《Zombeavers》!喪咩話?喪狸,即係河狸變咗做喪屍,唔只一隻,係好多隻。至於故事方面,好似好簡單,講幾個女同學去野外旅行,識咗班男仔,著泳衣去游水,著內衣去瞓覺,之後遇到喪狸,嘩好驚呀走呀!集合青春片、喪屍片、動物片、笑片元素,睇落其實一啲都唔簡單。

Read more ›
新街機4月推出 AKB48變喪屍任射

新街機4月推出 AKB48變喪屍任射

其實我好心痛,我真係射唔落手……Namco Bandai……呀,應該係Bandai Namco將會喺4月推出街機《セーラーゾンビ ~ AKB48 アーケード・エディション ~(Sailor Zombie: AKB48 Arcade Edition)》,呢隻鎗Game嘅喪屍唔係邊個,就係AKB48……遊戲中登場嘅角色會有大島優子、渡辺麻友、柏木由紀、川栄李奈、入山杏奈、小嶋真子、西野未姫,而且射射吓,仲會變成節奏遊戲……收錄曲目有〈フライングゲット〉、〈ギンガムチェック〉等全4曲。

Read more ›