fbpx

Post Tagged with: "喪屍"

【Walking Dog】喪屍狗口罩有得賣 狼過華秀隻狗
by / on 29/08/2015 at 6:00 pm

【Walking Dog】喪屍狗口罩有得賣 狼過華秀隻狗

香港地大狗出街都要戴口罩,如果改戴呢個喪屍狗款式嘅口罩,出街一定好有霸氣。呢個叫做werewolf muzzle嘅狗狗口罩由俄羅斯嘅設計師設計,戰爭民族果然係霸氣啲。佢用嘅物料全部都係無害嘅膠同尼龍,賣美金20蚊一個,唯一係驚見到班狗友時,會比班老友吠,或者笑佢樣衰。

Read more ›

喪屍耷低頭玩手機    插畫師串爆現代人做手機奴隸
by / on 25/08/2015 at 7:05 am

喪屍耷低頭玩手機 插畫師串爆現代人做手機奴隸

英國插畫師Steve Cutts嘅作品現代人睇好有共鳴,例如每日經過鬧市,都會見到一群群喪屍耷低頭玩手機,慢行亂撞人,除咗諷刺現代人比手機操控,仲串人貪錢、睇垃圾電視節目、食垃圾食物、自願做貓奴(咁都算?),梗有一款中咗你死穴。唉,我中咗幾樣。

Read more ›
新片速報 網民操控真人版第一身射擊 500萬點擊後花園殺喪屍
by / on 24/08/2015 at 7:10 am

新片速報 網民操控真人版第一身射擊 500萬點擊後花園殺喪屍

超勁!第一身射擊遊戲玩得多,真人版有無試過?呢條片放上YouTube三日已經過咗5百萬點擊,由RealmPictures製作,邀請喺Skype、Chatroulette同埋omegle嘅網民用聲音控制玩者,由網上玩家決定真人應該行去邊、執啲乜、殺邊個,好新穎嘅玩法!全程喺後花園拍攝,有喪屍有槍有子彈,好真實,仲幾好玩!唯一係鏡頭有啲搖唔慣嘅會有啲暈。香港有無人可以整返個?好想玩呀!

Read more ›
【有片】下個月打喪屍 《ZombiU》確定推出PS4/Xbox One/PC版本
by / on 31/07/2015 at 5:40 pm

【有片】下個月打喪屍 《ZombiU》確定推出PS4/Xbox One/PC版本

2012年喺WiiU獨佔推出嘅《ZombiU》,之前一直都傳會推出其他版本幫補吓。終於官方確定咗推出日期喇,好快,8月18日,改咗個名叫《Zombi》,有PS4、Xbox One、PC版本。

Read more ›
【有片】又嚟喪屍惡作劇 超大量街頭伏擊
by / on 20/04/2015 at 3:43 pm

【有片】又嚟喪屍惡作劇 超大量街頭伏擊

如果行行吓街,突然見到大量喪屍湧現,你會點做,都係走咗先啦?喪屍整蠱影片好多,不過用到咁大陣容真係好少見,幾廿隻喪屍湧出嚟,衝向好多人打緊籃球嘅籃球場,嚇到籃球友即時嚟個快攻……再嚟去到大廣場,不過,啲人好似唔驚,仲走埋去自拍。入嚟有埋幕後花絮,今次真係大製作!

Read more ›
代代木公園喪屍散步 嚴禁襲擊 不准衝刺
by / on 13/04/2015 at 8:46 pm

代代木公園喪屍散步 嚴禁襲擊 不准衝刺

上年都有搞過嘅「代々木公園ゾンビウォーキング2015」,今年確定咗會喺5月16日舉行,星期六嚟,如果到時喺東京旅行緊,唔玩都要去影吓相啦!呢個由「ZOMBIENA」舉行嘅活動,純粹叫大家以喪屍打扮到場散吓步,參加費全免,不過就有啲規則都幾搞笑。「唔可以襲擊人類」、「喪屍要慢慢行」、「禁止衝刺」等等,當然記得玩完要帶走啲垃圾,做一隻有公德心嘅喪屍。入嚟有上年嘅影片睇。

Read more ›

《The Walking Dead》大數據      神級Fans計盡殺喪屍數目
by / on 03/04/2015 at 6:23 pm

《The Walking Dead》大數據 神級Fans計盡殺喪屍數目

《The Walking Dead》第5季播完,我專登儲埋復活節一次過睇,爽!外國Imgur用戶MorbidMalignant係我見過最認真嘅Walking Dead粉絲,因為佢統計晒每一季每個角色嘅殺喪屍數目!除咗鬥殺「喪屍」數目之外,仲有個鬥殺「人」嘅排行榜,今季最殺得性起嘅居然係‥‥‥(我忍咗好耐唔劇透,唔覺意睇咗,好想喊) 佢仲計埋邊10個角色出鏡率最高、最多喪屍被殺嘅集數統計、每集殺喪屍最多嘅角色‥‥‥計到好刁鑽,而且整埋得好靚好有心機,真心推介。BTW,箭佬係咁多季之中殺「喪屍」殺得最多嘅角色,男神呀!(你睇佢第一季個樣幾白淨!)

Read more ›
新片速報     巴西玩人電視節目YouTube熱爆    喪屍湧現地鐵站
by / on 02/04/2015 at 7:13 am

新片速報 巴西玩人電視節目YouTube熱爆 喪屍湧現地鐵站

頂,今次真係玩得好過份!呢條片好癲,3日已經過4百萬點擊,片中嘅大媽搭搭吓地鐵,成架車得自己一個,盞燈仲要眨眨吓,到站時月台突然湧現一大堆喪屍!全部伸晒手想爬入嚟,呢個時候後面有隻喪屍爬爬吓捉住佢隻腳,列車門又突然打開‥‥‥呢條片係巴西嘅玩人電視節目,勁大製作,成個地鐵站book咗嚟玩,仲動員大量喪屍,全部都係Walking Dead嘅質素。唔好話身處其中,淨係睇片都嚇到標汗,如果喺現場,應該會好似呢班大媽咁喊爆。

Read more ›
新片速報:8 Bit版《The Walking Dead》第1、2季 超想有得玩
by / on 20/03/2015 at 11:00 am

新片速報:8 Bit版《The Walking Dead》第1、2季 超想有得玩

  CineFix嘅「8 Bit Cinema」又有新戲上,今次玩《The Walking Dead》,故事跟番電視劇第一季同第二季,由阿Rick喺醫院醒番開始,濃縮晒世界已經被喪屍佔據,搵番屋企人,騎馬入城,俾喪屍圍攻,搵醫生搵抗生素……暫時製作到Season 2,熱切期待Season 3至Season5嘅來臨。如果真係出隻咁嘅遊戲,我實玩!

Read more ›
新片速報     Audi廣告片扮《World War Z》  喪屍變汽車維修員
by / on 03/03/2015 at 7:05 am

新片速報 Audi廣告片扮《World War Z》 喪屍變汽車維修員

德國Audi最近嘅新廣告幾有驚喜,擺明喺喪屍電影《World War Z》度攞靈感,一班喪屍變晒汽車維修員,喺沙漠上喪追架路過嘅Audi,最終架Audi安全駛入Audi維修部,門口就爬滿人,十足電影《World War Z》經典一幕。睇到最尾彈出訊息:「「Don’t let your Audi fall into the wrong hands.」原來想話Audi車都係喺Audi維修最好。呢段廣告仲令人諗起2003年攞獎嘅PS2廣告「Mountain」,早過《World War Z》玩人山人海,而家睇依然覺得正到暈,未睇過嘅記住入嚟回帶。

Read more ›
新片速報    喪屍MV食肥仔     好睇過《衝上雲霄》
by / on 25/02/2015 at 7:13 am

新片速報 喪屍MV食肥仔 好睇過《衝上雲霄》

電影《衝上雲霄》比人鬧爆係三個MV炒埋一碟,其實MV都有好多類型,好似外國樂隊Erevan Tusk首新歌「Growing」嘅MV,就勁震憾睇到人嘩嘩聲,仲有好多人留言話WTF 。MV一開始有個唔著衫嘅肥仔肉騰騰喪跑,無幾耐有隊喪屍家族出動,阿囡仲追截肥仔,之後血花四濺啖啖肉,結尾cult到極,網友評論有讚有彈,個人認為好睇過《衝上雲霄》,因為我鍾意喪屍,同埋套MV無浪費到班演員。

Read more ›

【有片】喪屍Steven Yeun帶名嘴Conan O’Brien挑戰韓式Spa熱辣辣
by / on 15/02/2015 at 1:17 pm

【有片】喪屍Steven Yeun帶名嘴Conan O’Brien挑戰韓式Spa熱辣辣

有睇《The Walking Dead》嘅,都認得呢個亞洲裔喪屍殺手,又打得又跑得快又有女嗰個呀。佢名為Steven Yeun,係韓裔美國演員,出生於韓國首都首爾,喺密西根州長大……咁之前都喺節目扮過喪屍嘅名嘴Conan O’Brien啱啱就搵埋佢去Koreatown一個叫Wi Spa嘅韓式Spa體驗吓,見到佢浸熱水又嗌,俾人擦個身又擦到紅晒,真係好笑o架喎!

Read more ›
《The Walking Dead》喪屍耳仔頸鍊    官方授權限量1676套
by / on 13/02/2015 at 7:15 am

《The Walking Dead》喪屍耳仔頸鍊 官方授權限量1676套

有睇開《The Walking Dead》嘅,應該記得箭佬Daryl嗰條用喪屍耳仔串成嘅頸鍊,睇嘅時候我都好想要返條。之前台灣有網站整過兼發售,像真度好高,但就有啲驚嚇。最近官方授權推出咗呢套豪華版,串耳仔項鍊鑲喺畫架入面,製作勁精美,限量1676套,每套有獨立編號,價錢美金$99.99,網站ThinkGeek有得買,老實,掛喺屋企真係型。

Read more ›
新片速報 喪屍賣Benz 新廣告嚇爆你
by / on 12/02/2015 at 7:56 pm

新片速報 喪屍賣Benz 新廣告嚇爆你

呢條片,未知係咪真係Benz廣告,如果係,個概念都幾特別。影片開頭有位女司機入間車房,話架車整完之後都係有怪聲,啲聲好似……好似……頂!好彩我冇開大聲睇啫。簡單講句,即係叫你用原廠零件就唔駛驚囉。

Read more ›
新片速報 美劇《iZombie》喪屍囡囡帶你食人腦意粉
by / on 12/01/2015 at 3:50 pm

新片速報 美劇《iZombie》喪屍囡囡帶你食人腦意粉

呢本2010年出版嘅 DC/Vertigo漫畫《iZombie》,女主角係一隻喪屍,不過如果佢一個月食一次人腦,就可以做番正常人嘅記憶同智慧……以漫畫為藍本拍成美劇,3月17日就開播,啱啱有預告片睇,見到女主角Rose McIver食人腦意粉個嘆樣,我又諗起夜晚個旅遊飲食節目。

Read more ›