Post Tagged with: "喪屍"

疑似喪屍/阿凡達/骷髏頭/異形/裂嘴女 16歲少女Body Paint超驚嚇!
by / on 02/06/2016 at 9:00 am

疑似喪屍/阿凡達/骷髏頭/異形/裂嘴女 16歲少女Body Paint超驚嚇!

疑似喪屍、阿凡達、骷髏頭、異形、怪獸、《Silent Hill》泡泡頭護士、木乃伊、恐龍、裂嘴女……澳洲16歲少女Lara Wirth嘅Body Paint驚嚇指數達十粒星。佢本身係靚女一名,化妝技術爐火純青,如果夜晚見到佢閃出嚟,我諗我只得兩個反應,一,齋戙企嚇到郁都唔咁郁,即係無反應;二,好大反應,立刻軍佬上身贈佢一記橫鞭槌,一嘢窩落去然後九秒九速逃。

Read more ›

茶餐廳當展覽廳 謝森龍異喪屍裸女畫吸Like
by / on 30/03/2016 at 9:45 pm

茶餐廳當展覽廳 謝森龍異喪屍裸女畫吸Like

謝森龍異手畫,唔使多介紹喇,老實講唔算超級無敵絕頂靚,但《不是人間》係值比個Like嘅,畫到喪屍手手腳腳拗埋一齊,血呀腦漿呀溝埋一碟,五官扭曲噬起棚牙等等等等,的確好有喪屍味同電影感。佢得閒有無練畫?有!肯定有!仲將一幅喪屍裸女大作裱起,掛喺屯門「兩合茶餐廳」添。謝森龍異喺面書好搞笑咁話:「估唔到,掛咗冇耐就有讀者親臨朝聖。估唔倒,這張畫的威力……有啲意料之外……幾多讀者注視……圖Post咗一日專頁竟多咗過百Likes,而該Post Like數亦破了紀錄。」佢仲透露該茶餐廳有其他主筆真跡,係就係遠咗啲,但值得入屯門閃番幅靚相喎。

Read more ›
【有片】100年喪屍演變縮時影片 鍾意慢定跑得快?
by / on 03/02/2016 at 11:38 pm

【有片】100年喪屍演變縮時影片 鍾意慢定跑得快?

如果你係喪屍片喪屍遊戲fans,應該會覺得呢條片好正。雖然我唔明點解佢叫「100 Years of Zombie Evolution in Pop Culture」但由1932年開始,不過喪屍又真係一直喺度變,由以前好慢冇思想,到近年係被感染眼流血跑得快,而且仲有化妝過程俾你睇,再嚟……不過其實o依家都有慢版喪屍嘅,好似《The Walking Dead》入面嗰啲,我就最鍾意,你哋呢?睇到最後,原來呢條片係Xbox嘅,又原來係賣《Dying Light》,有啲心思。

Read more ›
飲水拎住個喪屍頭 做Mug高手愛Zombie
by / on 27/01/2016 at 8:30 pm

飲水拎住個喪屍頭 做Mug高手愛Zombie

我係《The Walking Dead》Fans,但凡關於喪屍嘅精品總會望多兩眼,而呢個Zombie Mug,我直頭望到眼都唔眨添。此杯由Turkey Merck製作,搓泥、燒製、上色隻隻親手做,爛面好有凹凸效果,霎眼望真係好似流緊血咁,尤其愛佢隻獨眼,滿佈紅絲無嚟生氣,半夜三更拎上手,嚇得吓人喎,每隻220美金,貴就貴啲,不過當精品擺喺飾櫃,又真真不俗。

Read more ›
【喪屍襲地球】喪屍攻佔巴黎倫敦 世界大淪陷
by / on 27/12/2015 at 12:48 pm

【喪屍襲地球】喪屍攻佔巴黎倫敦 世界大淪陷

鍾意喪屍嘅朋友應該好鐘意呢輯相,巴黎鐵塔、倫敦大笨鐘、紐約時代廣場、悉尼歌劇院‥‥‥全部著名地標都淪陷俾喪屍攻佔。輯相水準好高,由出名多改圖高手嘅網站DesignCrowd發放,睇完又想翻睇《World War Z》,或者開返隻《The Last of Us》玩。嚟啦,咬我啦!

Read more ›
有片:執錢嚇餐死 喪屍破土而出
by / on 30/10/2015 at 10:30 pm

有片:執錢嚇餐死 喪屍破土而出

喪屍的確係幾可怕嘅,縱然你明知係假,係人扮,但夜媽媽霎時間俾喪屍追,你點都會嗌阿媽救命,然後出盡全力盡快逃離現場。呢個Prank玩得都好落本吓,又掘地窿又戙十字架扮墳墓,又要安排人扮嘅喪屍訓入地窿扮死後翻生,難怪路人甲乙丙丁會嚇到半死。成條片,最笑到我Gap Gap聲嘅都係一個貪心婦人,見墓墳有張一千蚊紙就想執,點知張銀紙另一端俾喪屍揸住,喪屍順勢破土而出,嚇到婦人雞咁腳走,抵死呀,貪心吖拿?

Read more ›

有片:布偶喪屍 恐怖不足搞笑有餘
by / on 29/10/2015 at 10:45 pm

有片:布偶喪屍 恐怖不足搞笑有餘

呢個Prank,都OK適合喺香港玩嘅,唔算太驚嚇吖嘛,睇落仲幾搞笑添,香港人應該會接受,畀人整蠱唔會反面。玩法好簡單,道具亦少,右手套住個喪屍布偶咁大把啫,之後自編自導自演俾喪屍咬,碌地沙加慘叫,咁途人畀乜反應呢?有人真係嚇到成個人彈起,尖叫不絕;有人嚇到走夾唔抖,極速逃生;有人一早拆穿把戲,睬都唔睬費事理;最搞笑係個婆婆,完全零反應,望都唔望眼,好無癮啫。

Read more ›
GameoverHK請睇《戇Scout打爆喪屍城》 喪屍+女+喪貓邊有得輸?
by / on 21/10/2015 at 10:10 am

GameoverHK請睇《戇Scout打爆喪屍城》 喪屍+女+喪貓邊有得輸?

其實唔駛講嘢,睇個中文片名去到咁盡,都值得入場撐。鍾意睇喪屍片又鍾意睇囡囡又鍾意睇笑片嘅(仲有喪貓!),呢套10月29日先正式上嘅《戇Scout打爆喪屍城(Scouts Guide to the Zombie Apocalypse)》實在好難忍,於是,我哋就請大家去率先睇,10月24日(星期六)中午場,名額20位(每人兩張飛),老規矩,讚好、分享呢個post,再入網站留名留email就可以等派彩,有你份到時去現場攞飛就得,真係方便過俾錢買飛!

Read more ›
有片:萬聖節快到 教整喪屍大腦Cake
by / on 18/10/2015 at 4:30 pm

有片:萬聖節快到 教整喪屍大腦Cake

就嚟Halloween,如果打算喺屋企開化妝舞會,兼整番個Cake畀客人食的話,呢條《How To Make A WALKING DEAD BRAIN》短片睇得過喎。導師有誠意呀,自己都化到個妝鬼五馬六成個喪屍咁款,之後搓搓捏捏、黏黏貼貼、慢慢上色,教你整喪屍腦造型蛋糕,無睇錯的話,餡料應該海棉蛋糕、甜糖果漿同藍莓汁,外表固然似,勁在蛋糕爆腦之後仲有疑似腦漿溢出,好有氣氛呀。

Read more ›
有片:乜喪屍都有 血腥Zombie合輯
by / on 15/10/2015 at 10:00 pm

有片:乜喪屍都有 血腥Zombie合輯

就嚟Halloween,第六季《The Walking Dead》又開播咯,Zombie又將會成為各喪屍迷生活一部份。或者因為咁,YouTube用戶Robert Jones整咗條喪屍合輯短片《A Tribute to Zombies in Movies》,將恐怖片出現過嘅唔同類型喪屍Edit埋一齊,喪屍造型恐怖嘅有、可愛嘅有、搞笑嘅有、九唔搭八都有、似人多過似喪屍嘅都有……用心睇,當中有幾多套喪屍片你係睇過嘅?我?印象最深一定係──《笑死人凶間》,男主角反高潮地扮喪屍個樣,家陣諗番起都想笑。

Read more ›
東京喪屍派對村 2300隻嘩鬼奉旨出籠
by / on 13/10/2015 at 9:45 pm

東京喪屍派對村 2300隻嘩鬼奉旨出籠

就嚟萬聖節,香港玩來玩去都係蒲老蘭、食大餐參加化妝舞會、玩兩大主題公園,點及得上日本有大大條喪屍派對村?一年一度嘅喪屍派對喺東京江東區Magic Beach舉行,無任何指定Dress code,參加者可以隨自己喜好扮演謢士、警察、學生、上班族、OL等等等等,咁當然要係喪屍版喇,唔識化妝都唔使驚喎,有專業化妝師駐場,你想扮乜喪屍,出句聲就得嘞。喺會場跳舞狂歡,到時想搵個正常人都無,唔使玩到就住就住,隨咗跳餐懵,喪屍村仲有食物飲品提供,再不想嚟個BBQ亦得,到時仲有DJ打碟搞氣氛,齋諗都覺得High爆。難怪推出嘅2000張門票已經售罄,現額外加多300張門票,有興趣可以上網望望。

Read more ›

《The Walking Dead》第1季喪屍妹妹  Addy Miller 15歲好靚女
by / on 10/10/2015 at 8:00 pm

《The Walking Dead》第1季喪屍妹妹 Addy Miller 15歲好靚女

  《The Walking Dead》2010年開播,仲記唔記得一出場就俾Rick一槍爆頭嘅喪屍小妹妹?第六季就嚟開播,英國《The Huffington Post》專登搵番呢個喪屍小妹妹做訪問,劇中佢叫Summer,真名叫Addy Miller,依家已經15歲咯。Addy話:「演中槍嗰場戲,我要企喺木梯向後跳落去,我無擔心過危險,仲覺得好過癮添……不過睇番自己個喪屍妝,我都覺得好嘔心,我差啲認唔番嗰個係自己……」對於有劇迷話人類變喪屍後應該無常性,所以Summer唔應該執番起隻兔公仔,Addy又咁話:「初頭我都無乜點諗呢個問題……我諗,呢啲係本能啩,就好似Morgan老婆變咗喪屍,都想開門返番入自己屋企一樣。」話時話,既然都大個女咯,導演會唔會考慮俾Addy飾演過第二個角色,以人類身份重新加入《The Walking Dead》呢?都算Gimmick吖!搵埋Addy facebook畀大家睇,裡面有大量童年照,兼同Rick(Andrew Lincoln)、Andrea(Laurie Holden)同Daryl(Norman Reedus)等合照。

Read more ›
【有片】超像真喪屍容器 撞門有效果 最後爆玻璃
by / on 10/10/2015 at 5:33 pm

【有片】超像真喪屍容器 撞門有效果 最後爆玻璃

如果海馬個「The Walking Dead」鬼屋有呢個裝置,成件事就堅好多咯。呢個「zombie containment unit」嘅製作者叫「Roy Mueller」,唔單只顯示屏嘅動畫夠真實,好似有隻喪屍喺入面咁,當隻喪屍撞門嘅時候,旁邊嘅地方仲會凸出,好似就快俾佢撞爛咁!最後,佢仲整爆咗塊玻璃……

Read more ›
【有片】喵星人+喪屍 夢之共演 為救同伴變身狙擊貓
by / on 30/09/2015 at 4:33 pm

【有片】喵星人+喪屍 夢之共演 為救同伴變身狙擊貓

嘩我最鍾意嘅貓同喪屍呀!所以呢條片唔能夠唔講。條片係講一個喪屍肆虐嘅世界,當中有隻細貓仔被喪屍圍困屋頂,咁呢兩隻貌似醒目啲嘅喵星人就走去營救喇!又槍又爆頭又盛,化妝同特效都好正,而且喵星人用對假手舉起望遠鏡又好好笑……不過結局……就真係好喪屍片嘅結局。

Read more ›
喪屍突入手機 噬起棚牙生化危機
by / on 01/09/2015 at 9:30 pm

喪屍突入手機 噬起棚牙生化危機

之前本網站都介紹過Morgan Loebel,話說呢位牙醫實驗室技術人員由於見慣爛牙爛肉爛嘴爛唇,所以整咗一批非常核突嘅眼球手錶同內臟鏈咀,睇見都唔開胃。家陣佢又有新作推出,今次玩手機殼,直頭將喪屍個樣黐咗喺手機背面,噬起棚牙陪你煲電話粥,爛牙固然恐怖,但最攞命都係隻大眼睛,亮晶晶閃閃令,離九里遠都望到,近睇勁似真人眼球,啲紅筋做到異常細緻,如果加埋LED燈,一響機即閃,半夜三更見到一定嚇死人。

Read more ›