Post Tagged with: "喪屍"

日本「熊貓之穴」新扭蛋    「水果喪屍」溶岩朱古力版超搞笑
by / on 10/03/2019 at 5:37 pm

日本「熊貓之穴」新扭蛋 「水果喪屍」溶岩朱古力版超搞笑

又係我最鍾意嘅日本「熊貓之穴」扭蛋系列,一直好欣賞佢哋嘅創意,之前推出過三次「水果喪屍」系列,將蜜瓜、提子等等水果變晒喪屍,瘋狂得嚟又得意,今次更加推出「Fondue系列」,每粒喪屍都浸滿半溶嘅朱古力,好恐怖呀!預計3月底推出,好想儲齊一套。入嚟有得回帶睇返之前嘅「水果喪屍」三部曲,仲有片睇。

Read more ›

【有片】日本低成本一鏡喪屍片 《カメラを止めるな!》爆人氣
by / on 25/07/2018 at 6:01 pm

【有片】日本低成本一鏡喪屍片 《カメラを止めるな!》爆人氣

好睇嘅電影未必一定要大製作瘋狂CG,好似呢套成本只有300萬円即係約20萬港幣嘅《One Cut of The Dead(カメラを止めるな!)》咁,喺23日上映,連續幾日場場爆晒,於是最新消息就係日本全國會增至40間戲院上映。由上田慎一郎導演,故事講一位導演上山拍一套一鏡到尾喪屍片,點知拍拍吓真係有喪屍,導演唔理咁多繼續拍落去……入面真係有37分鐘係一鏡到尾咁拍嘅。唔知香港有冇機會睇到呢?

Read more ›
Felix Ip聯乘余兒 D2 Place講喪屍
by / on 11/04/2018 at 8:45 pm

Felix Ip聯乘余兒 D2 Place講喪屍

喺D2 Place舉行嘅「Toys Collector Market玩具收藏家販售展」,好似好多瓣數咁喎,有甚麼少女玩具專區喇,又有甚麼馬莎x沙生Gundam cosplay喇,又有珍藏玩具展喇,到時玩具原型師太歲又會接受訪問喇……講到訪問,我最Care嘅當然係余兒聯乘Felix Ip嘅「今晚講喪屍」環節,屆時兩人會大談創作喪屍題材之路,撐開《今晚打喪屍》同《香港感染‧旺角站》嘅我,一定會去捧場。

Read more ›
喪屍圍西貢 創造館小說《異人》不日推出
by / on 02/11/2017 at 9:15 pm

喪屍圍西貢 創造館小說《異人》不日推出

余兒打骰嘅出版社「創造館」又新作品《異人》推出喇,作者係馬菲。今次主角係救護員,地點喺西貢,講佢哋執勤完發現西貢變天,一街喪屍,惟有建立偏安社區苟且生存,點樣喺「異常環境」下堅守「正常人格」,就係呢本小說要講嘅嘢。係呀又係喪屍呀,悶?應該唔會,因為我實在太Like喪屍題材,真心好期待。

Read more ›
【有片】超有氣氛 山梨縣「小菅村」變喪屍村落
by / on 23/10/2017 at 10:14 pm

【有片】超有氣氛 山梨縣「小菅村」變喪屍村落

喺山入面嘅一個村落,突然變到喪屍通街行,如果萬聖節咁樣玩,都真係幾吸引。啱啱山梨縣就有呢條影片「KOSUGEMURA OF THE DEAD」,11月4日「第20回山梨県小菅村 大地の恵みまつり」舉行時限定玩一日。

Read more ›
【新片速報】日本喵星人勁似喪屍 攝入門隙片Twitter熱傳
by / on 26/05/2017 at 7:43 am

【新片速報】日本喵星人勁似喪屍 攝入門隙片Twitter熱傳

救命呀!放我出去呀!呢段片喺日本Twitter好多人RT,片中所見4隻喵星人喺門隙度不停攝攝攝,好想攝入嚟,效果仲好搞笑。樓主話呢個畫面好似Resident Evil,笑班喵星人似喪屍,網民都貼咗好多喪屍圖回應,睇落又幾似,入嚟有回帶!

Read more ›

有片:Parkour+喪屍圍攻 跳出生天
by / on 17/05/2017 at 10:00 am

有片:Parkour+喪屍圍攻 跳出生天

Parkour影片唔係未睇過,啲景幾靚都好,幾好身手都好,齋跳齋打觔斗始終有啲悶,之所以YouTube頻道「UrbanAmadei」會加入喪屍元素。主觀鏡由頭帶到尾,由住宅單位俾喪屍攻擊開始,一直跳落街、跳樓梯、跳屋頂、跳天橋,最後跳上私家車成功逃走。有故事性,成條片當堂唔同晒,緊張刺激好多,睇嗰個都投入好多,正呀喂。

Read more ›
【心寒】麥當勞叔叔被納粹黨批鬥    超強相集喪屍遍地
by / on 30/01/2017 at 1:20 pm

【心寒】麥當勞叔叔被納粹黨批鬥 超強相集喪屍遍地

好驚呀!好彩唔係生於納粹時代,如果唔係連麥當勞都無得食係咪驚先?輯相喺網上引起好大爭議,藝術家Jake & Dinos Chapman創作咗輯相集,背景係滿佈喪屍嘅納粹黨時代,受批鬥嘅係麥當勞叔叔。睇相見到麥當勞叔叔被吊十字架,希特拉飲麥當勞奶昔被困木籠,連漢堡神偷、滑嘟嘟都要坐船走佬。輯相除咗氣氛恐怖,仲勁在超強細節,屍橫遍野、後面每個納粹黨員都有唔同嘅動作表情,入嚟有得慢慢睇。

Read more ›
有片:Felix Ip加盟野士創工 跟謝森龍異學嘢出《香港感染:旺角站》
by / on 23/01/2017 at 10:00 pm

有片:Felix Ip加盟野士創工 跟謝森龍異學嘢出《香港感染:旺角站》

正喎,Felix Ip正式加盟野士創工,首個作品就會係《香港感染:旺角站》添,故事以謝森龍異《香港感染》為藍本,講喺金鐘受感染嘅其中一隻喪屍殺到落旺角,搞到香港亂晒籠。兩本漫畫既可獨立睇,兩者有好多細節位互有關連。Felix Ip仲好搞笑咁話會跟謝森龍異學嘢,多謝佢諗好晒個世界觀設定,等佢可以喺個框框裡面好好發揮喎。Felix畫風嘅喪屍,我就非常之期待嘞,唔知大家點睇?

Read more ›
【有片】好玩喎!喪屍玩捉60分鐘 脫出匿埋搵密碼
by / on 01/11/2016 at 6:21 pm

【有片】好玩喎!喪屍玩捉60分鐘 脫出匿埋搵密碼

其實聽落幾好玩喎,香港有得諗啦,搵間學校,搵啲人扮喪屍,之後叫啲參加者喺60分鐘入面匿埋、逃跑之餘,仲要夾埋搵出50個密碼,至於點先冇命呢,就好似之前啲喪屍跑咁,參加者身上有彩帶,俾喪屍搶晒咪死囉。日本今次呢個「TAITOxオバケン地域おこしプロジェクト」就係「青少年センターPresentsオバケンゾンビパーク甲府」,搵咗個青少年中心嚟玩,11月20日舉行。

Read more ›
日本《妖怪手錶》麵包死士親試 咬開一半似喪屍
by / on 23/10/2016 at 1:31 pm

日本《妖怪手錶》麵包死士親試 咬開一半似喪屍

日本便利店經常都有動漫角色麵包買,中伏圖都見唔少。由10月18日起Family Mart就推出咗呢個《妖怪手錶》朱古力包(ジバニャンまん),無錯,入面嘅餡料係朱古力,甜甜哋‥‥‥真係要有一定勇氣先買得落手。每個連税200円。有死士買咗食咗再放埋上2ch討論區。未食前個樣像真度都算唔錯,起碼無浮晒水氣個樣溶晒咁,不過一咬開‥‥‥點解好似喪屍咬到一口血咁?如果小朋友見到應該會喊。不過有網民留言話:「比起史萊姆個肉包已經算好好。」我完全同意。

Read more ›

Fruit Punch Tee第七彈開訂 靚靚OL/喪屍任揀
by / on 22/10/2016 at 10:15 pm

Fruit Punch Tee第七彈開訂 靚靚OL/喪屍任揀

嘩!乜黃水斌咁快手,原來Fruit Punch Tee已經出到第七彈,Miss咗第六彈添。第七彈有兩款,分別係「Zoe」同「Zombie」,各$380,各量產一打,OL定喪屍,鍾意邊款自己揀,隨Tee送一幅4×6手繪。值得一題嘅係,第七彈Tee同嚟緊一個短篇漫畫《Z》有關,漫畫故事講乜?水斌只係用咗六個字加兩個符號形容──「OL+喪屍+無聊」,望埋幅疑似原稿,但見疑似Zoe打開心口餵疑似喪屍食……今次,我比較期待漫畫。

Read more ›
新片速報 超勁臨場感 主觀鏡喪屍狂追Parkour
by / on 07/09/2016 at 7:56 pm

新片速報 超勁臨場感 主觀鏡喪屍狂追Parkour

呢條片唔講得笑,真係緊張到唔記得咗頭暈。由「Ampisound」製作,之前都已經幫遊戲《Dying Light》拍過一條,嗰條就慘烈啲,今次呢條就由《Last Empire War Z》贊助嘅,不過唔緊要,都係喪屍加Parkour追逐。睇完之後,會唔會想即時學吓玩Parkour?但又其實,如果啲喪屍都Parkour,咁點玩呀?

Read more ›
【有片】大阪「喪屍博物館」今月開館 搵喪屍嚇鬼
by / on 05/07/2016 at 7:48 pm

【有片】大阪「喪屍博物館」今月開館 搵喪屍嚇鬼

天氣咁熱,搵啲嘢嚇一嚇由內寒番出外都唔錯。如果暑假去大阪環球影城睇龍珠,可以去埋「大阪心斎橋」呢間「喪屍博物館」,7月29日開館至8月22日,其實都係鬼屋嗰隻啦。故事係講2020年喪屍感染喺美國出現之後蔓延全球,有博士發明咗疫苗咁就要起個博物館賀一賀佢,入面仲有真喪屍嚟做研究……故仔都係嗰啲啦,800円入場,見佢網站都認真嘅,又武器介紹又盛。

Read more ›
【超正】電視台喪屍文具超有心思 釘書釘插爆雙眼
by / on 13/06/2016 at 7:18 am

【超正】電視台喪屍文具超有心思 釘書釘插爆雙眼

鍾意喪屍嘅見到呢堆設計應該會好興奮,澳洲電視頻道13th Street設計咗一套文具,入面每件都好有心思,例如釘書位啱啱好插爆雙眼、打窿位仲插穿眼球喉嚨,不過用嘅時候要對準位鑿落去‥‥‥連信封打開嘅位置都特別有心思,撕開嗰吓成對眼爆開,仲有血爆開配合,應該好有快感,超正。

Read more ›