fbpx

Tag: 喇叭

【新片速報】喇叭喵星人自創飲水法 輕輕鬆鬆

【新片速報】喇叭喵星人自創飲水法 輕輕鬆鬆

戴住呢個喇叭,就好似喵星人嘅恥辱,特別係會喚起佢哋做絕育手術嘅慘痛回憶,陰功豬!呢隻喵星人啱啱都做完手術,戴住佢飲水咁唔方便,佢就諗到個方法,就係企喺水龍頭底,等啲水流過個面罩,咁佢係咁意伸條脷出嚟就飲到水嘞,輕輕鬆鬆,叻!

Read more ›

《Mad Max》火爆結他手出iPhone喇叭座 可惜唔噴火

《Mad Max》火爆結他手出iPhone喇叭座 可惜唔噴火

有睇電影《Mad Max: Fury Road》嘅都會對呢個喺戰場上彈結他彈到噴火嘅Rock友Coma-Doof Warrior印象深刻,最近戰鬥民族就有位設計師555grinnt整咗呢款iPhone喇叭,放部iPhone上去,前面再擺埋個figure,真係型到爆!除咗一套買(美金$400),亦可以淨買figure(美金$80)或者淨買站台(美金$25),仲有好多隻色任揀,美中不足係個結他唔識噴火!10月11日出貨,Rock友要買啦!

Read more ›
患難見真情    病貓戴金鐘罩    主人喪玩無人性

患難見真情 病貓戴金鐘罩 主人喪玩無人性

有養貓狗嘅主人可能都對呢個喇叭有印象,甚至有陰影。當寵物受傷時,有時為咗防止佢哋舔傷口,就會幫佢哋戴返個金鐘罩,外國有唔少主人化悲憤為娛樂,幫個喇叭裝飾吓,變成好靚嘅頸箍,甚至蝙蝠俠面罩。睇吓喵星人個樣幾無奈?梗係啦,病到攤攤腰仲要比你玩‥‥‥

Read more ›
書枱連手機喇叭   唔用電玩low-tech

書枱連手機喇叭 唔用電玩low-tech

好low-tech,仲有啲搞笑。呢張枱好哋哋中間有個大窿,原來係一個喇叭,唔駛用電,純粹將部手機放喺枱面,就可以透過中間嘅管道做到揚聲嘅效果,好古惑。設計師係韓國人,叫Jina U,我懷疑佢有睇《國產凌凌漆》。

Read more ›
土豪式享受    100萬買老虎狗喇叭

土豪式享受 100萬買老虎狗喇叭

今時今日你喺屋企會點聽歌?我慣咗用藍芽將手機駁speaker聽歌,如果你都係同道中人,呢款老虎狗AeroBull喇叭會唔會吸引到你?有黑、白、紅、金銀五隻色,來自音響名牌JARRE,音質有保證,價錢都保證貴。手機直接篤落狗仔個頭就聽得,造型夠爆。之前佢哋仲出過內建階梯、世上最高嘅iPhone音響底座,擺明鐘意標奇立異,呢只老虎狗喇叭支援iPhone同埋iOS裝置,開價歐羅99,900,隨狗附送骨頭仔一條,多謝晒。

Read more ›
紙箱人三連發  1:1紙箱/ A4公事包/喇叭仔

紙箱人三連發 1:1紙箱/ A4公事包/喇叭仔

紙箱人Danboard喺香港有唔少支持者,之前出過嘅滴汗充電器我都很想要,最近TAITO又有新嘢出,由7月底起一連三個月,每月推出一款紙箱人精品,啱啱推出嘅1:1紙箱令我諗起Metal Gear,一個普通紙箱加咗紙箱人嘅樣上去,平時仲可以倒轉紙箱用嚟裝嘢;另一款係8月底出嘅A4文件公事包,拎出街扮返工返學極萌;最後一款亦係我覺得最實用嘅係喇叭仔,頭頂出聲,賣1500円,不過9月底先有得買。

Read more ›

真正iPhone「喇叭」  即插即用免叉電

真正iPhone「喇叭」 即插即用免叉電

如果有朋友送呢隻iPhone「喇叭」比我,我真係會覺得好驚喜,事關呢種幽默感今時今日真係好難搵,最重要係呢個喇叭真正環保,唔駛用電,即係唔駛叉電;又唔駛藍牙搜尋,做到真正嘅即插即用,以下仲有片睇,擴音能力強,而且音色靚,買得過!

Read more ›
iPhone專用迷你懷舊喇叭  唔睇得都笑得

iPhone專用迷你懷舊喇叭 唔睇得都笑得

iPhone配件一日幾百款,不過呢款唔打得都睇得,唔睇得都笑得。呢個iPhone專用speaker叫Mini Boombox,外形就好似懷舊卡式帶喇叭,即係以前啲人拎去野餐轟歌嗰部,不過就係迷你版。開價美金$34,唔駛用電,唔知啲聲係咪都係喺圓形喇叭位出呢?

Read more ›
全透明喇叭 潮人必備

全透明喇叭 潮人必備

點解要買個全透明嘅喇叭?型囉!除咗型,其實都有實際用途,就係佢可以同你屋企任何傢俬、牆紙、擺設都襯到絕。例如你屋企嘅花碌碌牆紙,或者你牆上面張超巨型高達poster。呢款透明喇叭由瑞典公司People People設計,有6.5吋subwoofer同3吋driver,仲可以用藍牙或者Wi-Fi無線接駁,駁手機Kkbox聽歌無難度。

Read more ›
新片速報 輕過iPhone 7mm超薄藍芽喇叭

新片速報 輕過iPhone 7mm超薄藍芽喇叭

就算幾唔方便嘅日子,都可以聽歌喇!因為Kickstarter出現咗呢部名「Mojo」嘅藍芽喇叭厚度只係7mm,而且重量只係110g,仲輕過你手上部iPhone 5(重112g)!咁多隻色任揀,佢可以用藍芽連接又得,駁線又得,仲有個架比你楝起佢,叉足電仲可以用10粒鐘。售價$105美元,預計下年1月出貨,好唔好聲,唔知,不過有片睇。

Read more ›