Post Tagged with: "啤酒"

極級品味道具 日本隨身超音波 隨時為啤酒加泡
by / on 05/03/2015 at 5:37 pm

極級品味道具 日本隨身超音波 隨時為啤酒加泡

日本人鍾意飲啤酒,更加講得好講究。之前TAKARA都出過個「Sonic Hour」座,放隻杯上去就可以為杯內啤酒加泡,o依家呢個仲勁,流動版「SONIC HOUR PORTABLE」,可以隨身攜帶,隨時為啤酒加泡,試諗吓坐喺酒吧,拎呢件嘢出嚟用超音波波一波杯酒,隨時引嚟「嘩好得意點解嘅」囡囡埋身,你仲可以問佢一句:「想唔想我用超音波震一震你?」嘩場面幾溫馨浪漫?2,900円,3月26日發售,官方宣傳話o依家係賞櫻季節,喺櫻花樹下飲番杯,點可以冇佢呀?

Read more ›

新片速報   白兔仔變啤酒推廣員   學識推車運啤酒
by / on 28/01/2015 at 7:09 am

新片速報 白兔仔變啤酒推廣員 學識推車運啤酒

一直以為白兔仔無貓仔狗仔咁聰明好難訓練,原來我錯晒,只要經過訓練,佢哋都可以好醒。網上見倒呢條片,主人Wallace訓練咗女朋友隻兔仔,識得幫佢推車運送啤酒,架運送車仔係專登用紙皮整成嘅,睇片見倒隻兔仔真係識一邊推一邊向前行,好得意。佢仲分享埋訓練過程,原來都係靠嘢食!

Read more ›
有片 吊高啤酒磁石貼 雪櫃慳位大法
by / on 20/10/2014 at 7:02 am

有片 吊高啤酒磁石貼 雪櫃慳位大法

鬼佬嘅設計有時都幾奇幻。呢個雪櫃專用嘅磁石貼,貼喺雪櫃頂之後,可以吊高屋企嘅樽裝飲品,留返下面嘅位擺放雜物,用盡雪櫃每個角落。名為bottleLoft嘅磁石貼,一條有三個貼,買齊兩條就可以雪半打啤酒。而家喺Kickstarter集資中。不過只限屋企個雪櫃都係鬼佬size大大個嘅人,我呢啲用緊迷你雪櫃嘅無福消受。

Read more ›
有片 神奇液體救濕水電話 iPhone 6飲啤酒無壞機
by / on 07/10/2014 at 7:12 am

有片 神奇液體救濕水電話 iPhone 6飲啤酒無壞機

點解要咁做呢?好哋哋一部iPhone 6,又射子彈又掟落地,最近睇到呢條片,就係將部iPhone 6掉落啤酒杯內!原來係想宣傳一種叫Reviveaphone嘅神奇液體,聲稱可以拯救濕咗水嘅手機,示範片見倒部iPhone 6跌落啤酒入面後,主持人即刻將部電部用Reviveaphone浸7分鐘,再風乾24小時,神奇嘅事發生喇,部電話居然開得返,而且仲打倒電話!有無咁勁先?有無人夠膽搵部掉落啤酒入面試吓?我出Reviveaphone。

Read more ›
世界麥當勞奇特食品      麥樂蝦麥麥啤
by / on 04/10/2014 at 11:15 am

世界麥當勞奇特食品 麥樂蝦麥麥啤

網上見倒有人買咗100個魚柳飽比現場集會人士,小小心意,但就見證人間有情。外國麥記經常有奇特小食,例如俄羅斯有麥樂蝦、菲律賓有炸雞茄汁意、澳洲有藍醬汁棉花麥旋風,仲有麥麥啤,有啲睇見都唔想食,有啲似乎味道唔錯。BTW,以前文末我哋會加句巴啦爸巴霸,不過今日無心情。

Read more ›
【有片】英國推出99罐裝啤酒 8呎長點拎番屋企?
by / on 01/09/2014 at 11:28 am

【有片】英國推出99罐裝啤酒 8呎長點拎番屋企?

去超級市場買一箱啤酒都抬死人,咁如果買呢個99罐裝呢?英國Texas嘅Austin Beerworks最新推出呢款99罐裝啤酒,長8呎,入Lift都有難度。

Read more ›

有片    7.1加拿大國慶     唱國歌跌蛇齋餅糉?
by / on 01/07/2014 at 12:06 pm

有片 7.1加拿大國慶 唱國歌跌蛇齋餅糉?

今日除咗係香港回歸日,仲係加拿大嘅國慶日。加拿大啤酒品牌Molson為咗慶祝國慶,整咗部特製啤酒機,當行埋去唱國歌,部機就會自動彈罐冰凍啤酒出嚟獎勵你。如果喺香港搞嘅話,係咪會跌啲蛇齋餅糉出嚟?

Read more ›
麒麟冰極啤酒家用裝   自製白色泡沫思樂冰
by / on 16/06/2014 at 7:08 am

麒麟冰極啤酒家用裝 自製白色泡沫思樂冰

old news is so唔識串‥‥‥唔好誤會,呢個麒麟啤酒製冰器好多人之前都見過,不過啱啱喺網上見倒有得買,仲有現貨兼開價美金$65唔算貴,勁吸引!呢款特別冰凍嘅麒麟啤,啤酒上嘅泡沫有思樂冰效果,仲可以令杯啤酒冰凍時間更長。之前麒麟喺夏天推出時極受歡迎,可惜通常只可以喺店舖飲,好彩Takara Tomy Arts睇倒有商機,同麒麟合作推出呢部家用版,等大家都可以喺屋企自製冰極啤酒,啱晒最近喺屋企睇世界盃時招呼朋友。有無人有興趣一齊訂?

Read more ›
袋裝啤酒似熱啤   古怪包裝奪設計獎
by / on 13/06/2014 at 9:04 am

袋裝啤酒似熱啤 古怪包裝奪設計獎

膠袋裝住嘅啤酒,睇落其實似尿,所以話,包裝真係好重要。呢個由南韓設計師Wonchan Lee為比利時啤酒品牌Leuven設計嘅啤酒新包裝,唔用罐裝或者玻璃樽,改用賿袋裝,佢話靈感來自於冰袋,仲攞埋「A Design Award」設計獎。即係咁,設計嘅嘢我唔多識,純粹從用家角度睇,膠袋裝嘅啤酒的確唔多開胃,加上張相睇落似熱啤,睇見都想嘔,攞獎呢件事我覺得相常有可疑。

Read more ›
假狗汽水罐   偷飲啤酒無人知
by / on 29/03/2014 at 2:41 pm

假狗汽水罐 偷飲啤酒無人知

好古惑!想偷偷哋飲啤酒唔比人發現?呢個假狗汽水罐幫到手!表面睇佢係一個汽水罐,但係中間挑空咗,而且每邊都磨平咗以防鋒利嘅罐邊界損手。由於用真正嘅汽水罐造,所以效果極像真,好似圖中用罐紅色可樂笠住罐紅色Budweiser,真係神不知鬼不覺,除非你飲醉啦。呢套假狗eBay有得買,而家仲做緊promo,買一打送兩罐,好似酒吧咁,價錢方面,一打盛惠港幣160蚊左右。

Read more ›
新片速報 啤酒廣告無聊玩 衫褲倒轉著
by / on 18/12/2013 at 7:19 am

新片速報 啤酒廣告無聊玩 衫褲倒轉著

幾個男仔圍埋一齊可以好無聊,無聊到你唔信,尤其是加埋酒精輔助,唔信你諗返電影《醉爆伴郎團》。講返正題,外國啤酒牌子Carlton Dry最近拍咗條廣告片,困咗四個後生仔喺屋入面再比幾支啤酒佢哋,結果係點?咪醉咗喪玩囉,例如將衫褲倒轉著跳舞、將垃圾袋掛上身再泵氣、假腳扮入樽‥‥‥要幾無聊有幾無聊,不過幾好笑。睇完有無令你掛住以前同班friend一齊嘅無聊日子?

Read more ›

有片    放底手機三分鐘   齋企送冰凍啤酒
by / on 18/08/2013 at 3:38 pm

有片 放底手機三分鐘 齋企送冰凍啤酒

外國嘅宣傳計劃好有創意,仲幾濶佬㖭。之前介紹過機場有部咖啡機,行埋去打個呵欠就送你一杯Douwe Egberts咖啡,最新有呢個啤酒品牌Amstel Bulgaria,將部啤酒機放喺保加利亞首都Sofia嘅路中心,經過嘅人企埋去,三分鐘乜都唔做齋企,部機就會跌一罐冰涷啤酒送比你。目的就係想你放低部手機,感受三分鐘寧靜時光,好有heart。呢個品牌年初都喺酒吧搞過相似嘅活動,整咗個儲物櫃,各位入場飲酒前lock起部手機就會送你一pint啤酒,鼓勵你好好感受同朋友嘅歡聚時間,香港嘅酒吧會有無興趣效法?

Read more ›
有片   真月亮變檸檬    Corona最好睇戶外廣告
by / on 20/06/2013 at 7:20 am

有片 真月亮變檸檬 Corona最好睇戶外廣告

睇完呢個廣告,真係由衷佩服創作者嘅心思。話說去親酒吧飲Corona,樽口都會有塊檸檬仔夾住,而呢個戶外廣告就善用咗呢個特色,設計者預先準確量度好角度位置,等真正嘅月亮幾日後移動到樽口嗰一刻,月亮就變成好似檸檬一樣,啱啱好放正喺廣告牌嘅樽口位,雖然只得一至兩晚㲃於最佳位置,但活動已經成功吸引倒大量人士企定定欣賞,當然唔少得拎部手機出嚟影完再分享上社交網站,成功宣傳倒自己產品特色,又有創意,我決定聽晚飲支Corona當比個like佢!

Read more ›
新片速報 生活態度 啤酒加泡器試用影片
by / on 08/06/2013 at 3:22 pm

新片速報 生活態度 啤酒加泡器試用影片

有睇日劇、動漫嘅都知,日本人放工返屋企第一件事都係打開雪櫃攞罐啤酒出嚟灌一大啖,之後發出高8度嘅呻吟(例子係Evangelion嘅結成美里)。咁飲啤酒佢哋都好講究,呢類為啤酒加泡嘅工具都唔係第1次見,而呢款新推出嘅就可以用喺大罐同細罐啤酒身上,啱啱喺日本發售,2,980円,有實試片睇,今晚星期六,飲啦望!

Read more ›
新片速報 奇技開啤酒 爆樽大全集
by / on 25/05/2013 at 5:08 pm

新片速報 奇技開啤酒 爆樽大全集

有冇試過想開玻璃樽裝汽水、啤酒,但冇開瓶器?你會點做?有人會用牙咬,有人用火機,我就驚驚地,搵個枱邊啪落去。「How to Open a Beer – The Ultimate Compilation」呢條片入面班奇人呢?佢哋會一拳打爆個罐,或者用電單車轉動緊嘅後輪,再唔係用士巴拿、電鋸……不過講到最勁,都係用對眼開,堅唔堅呀?

Read more ›