Post Tagged with: "唐老鴨"

網圖分享:Marvel英雄唐老鴨化
by / on 08/05/2019 at 9:43 pm

網圖分享:Marvel英雄唐老鴨化

是日推介插畫師Chad Townsend作品,將Marvel世界各路英雄唐老鴨化,當中以美國隊長嗰幅最有型,我直頭覺得唐老鴨個表情有啲囂添呀;Hulk嗰幅都唔錯,膊頭咁橫嘅唐老鴨,真係第一次見。

Read more ›

【有片】巴黎「迪士尼樂園」廣告超高質 可愛鴨仔尋找唐老鴨
by / on 28/12/2018 at 7:59 am

【有片】巴黎「迪士尼樂園」廣告超高質 可愛鴨仔尋找唐老鴨

巴黎迪士尼樂園呢段廣告片真係超高質,難怪喺Twitter好多人RT。主角係一隻好可愛嘅小鴨仔,佢喺漫畫度見過唐老鴨之後就念念不忘,當中加咗好多CG效果,隻鴨仔仲超得意,臨尾見到唐老鴨大團圓結局,睇完我都有啲鍾意咗唐老鴨呀!

Read more ›
【感動】日本博物館30年失物「唐老鴨」 熱心人聖誕送Daisy相伴
by / on 27/12/2018 at 7:48 am

【感動】日本博物館30年失物「唐老鴨」 熱心人聖誕送Daisy相伴

仲記唔記得日本「致道博物館」呢隻唐老鴨?30年前喺博物館俾職員發現咗,兩星期前博物館嘅Twitter小編幫佢搵主人,成為大家嘅討論話題。雖然主人仲未搵到,不過竟然有人做咗件超有愛嘅事,就係寄咗隻Daisy公仔陪佢!咭上面大概寫話唐老鴨已經孤零零過咗30年,所以趁聖誕節送隻Daisy陪佢。雖然未知呢個有心人係邊個,不過網民都大讚個舉動好感人,入嚟有得回帶睇返成件事。

Read more ›
日本博物館30年前失物尋主人    幫唐老鴨沖涼換新衫
by / on 11/12/2018 at 7:30 am

日本博物館30年前失物尋主人 幫唐老鴨沖涼換新衫

30年前嘅失物仲會唔會搵到主人?日本鶴岡市嘅「致道博物館」員工超有愛,話說30年前有人喺博物館嘅停車場執到呢隻唐老鴨公仔,咁多年一直喺佢哋嘅失物換領處,最近Twitter嘅小編決定幫佢搵返主人,為咗等佢靚靚仔仔見人,佢仲幫隻鴨沖涼再手縫咗件新衫俾佢!輯相喺Twitter好多人RT,入嚟有得睇唐老鴨嘅新造型。網民都讚職員好有愛,仲話唐老鴨而家睇落好開心。而官方都表示希望真係搵得返個主人,相信當年跌咗隻公仔嘅小朋友,而家可能已經為人父母嘞。

Read more ›
網民大發現!Donald Duck原來係Donald Trump
by / on 12/06/2017 at 9:00 am

網民大發現!Donald Duck原來係Donald Trump

Amazing!係外國網民發現嘅,原來唐老鴨同特朗普大有可能係同一人,又或者咁講,同一鴨。話說只要將Donald Duck張圖180度扭轉,結果竟然會出現卡通版Donald Trump,好神奇!我就覺得好似嘞,唔知大家點睇?

Read more ›
杯緣子終於搭上迪士尼     變米奇老鼠/唐老鴨
by / on 30/03/2015 at 7:04 am

杯緣子終於搭上迪士尼 變米奇老鼠/唐老鴨

要嚟嘅始終要嚟,我認我對迪士尼嘅米奇老鼠有少少偏見,所以當見倒我最鍾意嘅杯緣子同老鼠聯乘,老實講我有啲心痛。繼同Hello Kitty同埋船梨精crossover後,全日本累積銷售800萬嘅杯緣子,今次終於抵受唔住迪士尼嘅金錢誘惑,同佢哋合作推出扭蛋。今次杯緣子分別換咗米奇同埋唐老鴨嘅服裝,另外又有米奇、米妮同埋唐老鴨單獨推出嘅杯邊玩具,預計今年第一季推出,每扭一次529円。

Read more ›

唐老鴨高達化   日本玩具迷自製神作
by / on 15/01/2014 at 10:35 am

唐老鴨高達化 日本玩具迷自製神作

日本玩具迷rorop最近喺模型網fg-site放咗隻自己改裝嘅唐老鴨,獲得網友一致好評。呢隻唐老鴨十足高達模型,機械感超強,除咗鴨頭、用色同埋大肚腩,基本上已經唔算係唐老鴨。有網友話部份零件睇落似嚟自Hi-Nu同埋Gerbera-Tetra,最正係頭部都可以發光,越睇越正。

Read more ›
動漫人物以邪代萌,超恐怖!
by / on 14/01/2014 at 10:00 am

動漫人物以邪代萌,超恐怖!

理論上同實際上,經典動漫人物必定色彩豐富,造型要不萌爆要不就型英帥,總之做得主角就好少一身邪氣,而當萌爆主角一變邪牌,原來恐怖指數可以幾何級咁上嘅。

Read more ›
SHON SIDE粉紅唐老鴨   推出香港限定版
by / on 10/10/2013 at 10:18 am

SHON SIDE粉紅唐老鴨 推出香港限定版

台灣玩具設計師SHON SIDE 嘅作品好有個人風格,之前嘅Iron Man、米奇老鼠都有睇頭,向唐老鴨致敬嘅CAP DUCK系列更加特別多人鐘意。最近SHON SIDE 整咗隻粉紅色夜光版嘅CAP DUCK-PINK GID,今次仲係香港限定版,高15公分,賣HKD$950,12號起喺創意墟有得賣。BTW,我都係啱啱先知創意墟係乜嘢嚟,身為香港人我有少少唔好意思。

Read more ›
忽然血腥   大眼仔Simpsons唐老鴨玩驚嚇
by / on 17/07/2013 at 7:19 am

忽然血腥 大眼仔Simpsons唐老鴨玩驚嚇

外國網deviantArt有好多設計師將自己嘅作品放上去,當中有唔少都係以動漫遊戲為主題,經常會發掘倒好嘢。好似呢個名為DanLuVisiArt嘅單位,將我哋熟悉嘅可愛動漫人物變成血腥嚇人插畫,例如呢排大熱嘅《怪獸大學》大眼仔、唐老鴨、無敵破壞王、甚至我最愛嘅Simpsons,每張插畫水準都極高,真心推介。

Read more ›