fbpx

Tag: 哥斯拉

新片速報 SNICKERS X Godzilla 食朱古力變老友

新片速報 SNICKERS X Godzilla 食朱古力變老友

嚟緊5月就有新嘅《哥斯拉》電影上映,今次個造型跟番原著東寶版,應該唔太驚。咁嚟緊戲就上,於是宣傳工作就浪接浪,最新就係主角哥斯拉拍咗一條朱古力廣告,係SNICKERS,影片中見到哥斯拉佢又騎ATV,又玩滑浪,點解會同人類咁老友呢?原來……

Read more ›

新片速報《Godzilla》全新預告片 哥斯拉核武強襲

新片速報《Godzilla》全新預告片 哥斯拉核武強襲

5月15日香港上映,本來我都冇咁大興趣,直至睇埋呢條新預告片!終於,雖然時間短暫,但見到哥斯拉個正面樣喇!呢套荷李活哥斯拉造型似番日本原版,不過佢加咗唔少新亮點,令成件事更神秘更真實,例如話美國一早已經發現哥斯拉存在,曾經做嘅核武測試原來係希望用核彈消滅佢……

Read more ›
新片速報 「東宝」慶祝新《Godzilla》上映 歷代哥斯拉預告大放送!

新片速報 「東宝」慶祝新《Godzilla》上映 歷代哥斯拉預告大放送!

年輕人,有冇睇過舊版哥斯拉?唔係荷李活嗰隻蜥蝪喎,係日本「東宝」嗰隻呀!三頭龍!莫斯拉!哥斯拉二世!今年係《哥斯拉ゴジラ》誕生60周年,60年前嘅黑白作品我哋都未睇過,今次趁荷李活新作就快上映,「東宝」官方就會發佈所有舊作嘅預告片俾大家回味!啱啱就有15套,由「ゴジラ」(1954)至「メカゴジラの逆襲」(1975)等等!之後仲會陸續發佈晒全28套作品嘅預告片!BTW,新嗰套香港5月15日上映,日本要等到7月25日。有冇搞錯,國寶嚟喎!

Read more ›
《哥斯拉Godzilla》現雜誌封面 率先聽超猛吼叫聲

《哥斯拉Godzilla》現雜誌封面 率先聽超猛吼叫聲

老過你同我嘅哥斯拉,嚟緊5月15日又有荷李活版上映。經過上次嘅教訓,今次個造型都忠於原著好多,舊fans應該可以入場撐一撐。呢套電影由Gareth Edward執導,演員除咗有哥斯拉之外,仲有Bryan Cranston、Aaron Taylor-Johnson、Elizabeth Olsen、David Straithairn。嚟緊新一期《Empire》封面已出爐,而且入嚟仲可以聽到哥斯拉嘅叫聲,都OK喎!

Read more ›
新海報現身!《Godzilla》露背登場!5月15日香港上!

新海報現身!《Godzilla》露背登場!5月15日香港上!

呢套荷李活《Godzilla》終於都有番啲原著日本風味,起碼外形上有種情懷喺度!今年5月15日就會喺香港上映,不過之前啲預告片,主角哥斯拉一直都神神秘秘,啱啱呢張官方發佈嘅全新海報就難得見到佢個背部全相!加埋戲名有日本字,我覺得靠得住,可以期待。

Read more ›
《哥斯拉》最新香港官方圖 回歸元祖風格同步上映

《哥斯拉》最新香港官方圖 回歸元祖風格同步上映

《哥斯拉》電影又嚟喇! 我知大家都好驚! 如果係原裝正版嘅, 就算行到去屋企門口, 入埋神房拜祖先都冇問題, 仲係燒埋炮杖嗰隻, 不過經過98年鬼佬拍哥斯拉一役後……我知! 佢攞咗《侏羅紀公園》個Engine, 其實骨子裏係速龍嘛! 今次鬼佬又話嚟多嘢, 之前都睇過預告,哥斯拉隱約現身!出年2014.5月上, 香港華納都今日公佈會同步喺香港上, 雖然預告片照舊, 但係官方發相多咗嘢睇, 我可以好肯肯定同大家講, 唔使驚! 今次唔再係速龍, 我覺得係「穿山甲」! 多謝晒!

Read more ›

慶祝哥斯拉60歲 官網有遊戲玩

慶祝哥斯拉60歲 官網有遊戲玩

第一套哥斯拉(ゴジラ)喺1954年上映,咁下年即係60周年喇!呢隻日本國寶級怪獸下年又有荷李活版上映,掂唔掂就言之尚早,不過呢個日本官網就好掂!紅黑配色起有味道,而且可以玩,「–>」係向前行,之後「G」、「M」同「K」各有用途,仲有三頭龍客串,超有Feel!

Read more ›
新片速報 《Godzilla》正式版新預告 哥斯拉繼續神秘!

新片速報 《Godzilla》正式版新預告 哥斯拉繼續神秘!

之前講咗話會有新預告現身,終於出現喇!今次日本國寶《Godzilla》去到荷李活唔再變蚚蜴,睇個勢算係好忠於原著!條片入面一直好神秘嘅哥斯拉繼續出啲唔出啲!不過氣氛就唔錯。嚟緊2014年5月上映,由Gareth Edwards導演,Max Borenstein、Frank Darabont負責劇本,演員包括Aaron Taylor-Johnson、Bryan Cranston、Elizabeth Olsen等。吼!會唔會有摩斯拉(モスラ)呀?

Read more ›
新片速報 新版《Godzilla》神秘預告 聽日睇完全版

新片速報 新版《Godzilla》神秘預告 聽日睇完全版

預告嘅預告,o依家真係好興,不過唔係大片搵鬼睇。《Godzilla》日本國寶喎!不過落入西人手上,十幾年前我哋都見識過有幾災難,今次睇佢個造型似番原著唔再蚚蜴,比多次機會佢。嚟緊2014年5月上映,呢套由Gareth Edwards導演,Max Borenstein、Frank Darabont負責劇本嘅新版電影聽日就有正式預告片睇!不過o依家都有少少嘢頂住先,就係一個M.U.T.O.網站嘅神秘影片……電影嘅演員陣容仲有Aaron Taylor-Johnson、Bryan Cranston、Elizabeth Olsen等,當然仲有哥斯拉。

Read more ›
【有片】新發現 《Godzilla哥斯拉》首段電影預告片

【有片】新發現 《Godzilla哥斯拉》首段電影預告片

早年,荷里活接手日本國寶級怪獸《哥斯拉》,整咗隻蜥蝪出嚟,fans鬧爆。而嚟緊2014年5月16日,就有呢套新版上映。之前睇海報都覺得對辨啲,似乎元祖隻哥斯拉,睇完呢條預告片,好似更加放心,見到擬似日本景,而且仲有另一隻怪獸瞓低咗,官方都話呢套會有怪獸間嘅對決場面!新版導演係Gareth Edwards,劇本就由Max Borenstein、Frank Darabont負責,演員陣容有Aaron Johnson、Bryan Cranston、Elizabeth Olsen、Juliette Binoche、David Strathairn、Sally Hawkins,同埋哥斯拉。而呢條片,雖然係上個月放喺YouTube,但冇乜人留意到,啱啱先浮面,快睇!(YouTube已被剷,不過入嚟有連結睇片。)

Read more ›
新版哥斯拉Godzilla曝光 日本網民嫌太靚仔

新版哥斯拉Godzilla曝光 日本網民嫌太靚仔

呢張相,據講係啱啱喺巴西一個展覽度流出嘅,而且因為同之前Comic-Con嘅神秘海報好配合,於是,大定都覺得可相性幾高。外國人再次拍《哥斯拉》,呢張相出現喺日本2ch之後就引嚟熱烈討論,有人話佢太靚仔太斯文,有人話以佢呢個樣今次一定好馴良,又有人話都算好喇,起碼唔係原隻恐龍出場。我就覺得,其實都算保留番啲原著味道,一定好過陳年嗰套怪物片。

Read more ›

茹毛飲血哥斯拉Sake 擰甩個頭倒入口

茹毛飲血哥斯拉Sake 擰甩個頭倒入口

  星期六! 聽日又放假! 今晚唔係唔飲酒呀!? 好! 今日有品味啲, 就飲哥斯拉釀嘅酒 — 白雪・本格麦焼酎『破懐王 SAKE ゴジラ』720ml陶器詰; 個名真係好Q長, 不過支酒真係好勁, 由日本460年歷史嘅長壽藏所釀製, 佢哋連大吟釀都有做開, 你可以知道間酒廠有幾把炮; 個酒樽完全做到哥斯拉做形, 要擰開佢個頭先飲到酒, 感覺相當Wild, 再睇詳細資料, 嘩! 有成25度!

Read more ›
開心樂園餐    恐佈別注專嚇細路

開心樂園餐 恐佈別注專嚇細路

唔准講大話,你有無試過食足好多日開心樂園餐為咗換玩具比自己或者女朋友?其實呢個餐一啲都唔飽,大人食真係唔夠皮。講返正題,外國設計師Newt Clements可能同我一樣對呢個餐懷恨在心,於是設計咗一批專嚇細路嘅開心樂園餐包裝盒,有齊異形、閃靈、驅魔人、活死人之夜、哥斯拉甚至生化危機,仲設計埋隨餐附送嘅figure公仔,超細心,我好想要閃靈嘅積尼高遜呀!

Read more ›
新版《哥斯拉(Godzilla)》官網海報曝光 Comic-Con重大發佈

新版《哥斯拉(Godzilla)》官網海報曝光 Comic-Con重大發佈

其實個人覺得以前荷李活拍嗰套《Godzilla》唔係太差,當怪獸片睇冇問題,但唔需要掛上呢個日本國寶《哥斯拉》名號,因為冇人會覺得嗰隻嘢係哥斯拉。講咗好耐話重拍嘅哥斯拉,嚟緊聖地牙哥舉行嘅Comic-Con話會有重大發佈,而同時近期官網都已經開張,今日仲有一張新海報現身……不過,都係睇唔到哥斯拉真身,值得慶幸係個外形都叫似番日本嗰隻,尤其啲背鰭。電影預定喺2014年5月上映,導演Gareth Edwards,劇本就由Max Borenstein、Frank Darabont負責,演員陣容有Aaron Johnson、Bryan Cranston、Elizabeth Olsen、Juliette Binoche、David Strathairn、Sally Hawkins,同埋哥斯拉。

Read more ›