fbpx

Tag: 員工

日本Burger King事件繼續發酵 網民出圖睇員工神秘眼神

日本Burger King事件繼續發酵 網民出圖睇員工神秘眼神

又係日本秋葉原Burger King嘅告示,繼之前改咗第一句用語嘅新海報後,有網民仲幫手出咗張圖,側寫鞠緊躬嘅員工,個眼神真係耐人尋味,張圖喺Twitter熱傳,之後仲有唔少人出《死亡筆記》同「計劃通」嘅圖回應,入嚟有得睇,唔清楚咩事嘅入嚟都有回帶睇返。

Read more ›

【超恐怖】日本藝能界「欺凌影片」曝光    員工臉浸「火鍋盤」

【超恐怖】日本藝能界「欺凌影片」曝光 員工臉浸「火鍋盤」

超恐怖!感覺上呢啲場面只會喺電影出現,最近日本媒體《週刊新潮》揭發一件2015年演藝界嘅欺凌事件,睇片見到經理人社長竟然當眾將男員工嘅臉浸入滾緊嘅火鍋盤入面!仲要唔止一次,係連續兩次咁做!受害人不停尖叫,旁邊嘅人居然仲喺度笑,睇到人好心寒。段片喺YouTube同Twitter都熱傳中,而被嚴重燙傷嘅男員工決定起訴社長,入嚟有片睇。

Read more ›
Burger King員工每日送漢堡包俾患癌狗狗    網民感動熱傳

Burger King員工每日送漢堡包俾患癌狗狗 網民感動熱傳

最近有個網民分享咗佢嘅故事,話說佢隻10歲嘅狗狗Cody最近被診斷出有癌症,只係剩返1-3個月命,為咗令佢剩低嘅日子過得開心啲,佢哋每日都會去附近嘅Burger King買個plain cheeseburger俾狗狗送藥食。有日其中一位店員就好奇問佢哋點解會點無任何醬料嘅plain cheeseburger,狗主就講咗Cody嘅事比店員知,而店員轉身同經理傾咗幾句之後,就問咗狗主人嘅姓名,然後同佢講,嚟緊佢再買俾Cody嘅plain cheeseburger都會係免費嘅。呢位狗主人好感動,將件事放咗上Twitter,吸引好多人留言。大家都讚Burger King做得好好,而Burger King嘅官方帳號亦喺個帖下面留言話:「呢個世界需要多啲仁慈及同情,多謝你俾機會我哋為Cody做少少嘢。」回應大方得體又恰到好處,下次都買返個Burger King包食吓先。

Read more ›
【有片】北海道JR員工勤快剷雪 保持列車正常運作

【有片】北海道JR員工勤快剷雪 保持列車正常運作

北海道持續落大雪,點樣可以令到JR如常運行?有日本網民上載咗一段縮時影片,原來每當列車行過之後,一班職員就會聯群出動掃走積雪,之後又有車行過,走咗之後又繼續剷,動作最緊要快。所以大家去玩之餘,都要感激呢班喺冰天雪地之下勤勞工作嘅JR職員,咁凍嘅天氣下喺戶外工作真係唔容易。

Read more ›
日本公司「另類」員工福利 同動漫人物結婚每月5千円津貼

日本公司「另類」員工福利 同動漫人物結婚每月5千円津貼

喺日本同動漫人物結婚唔係新嘢,不過有公司肯應受而且提供福利就第一次見嘞。呢間位於秋葉原嘅科技公司Gatebox,職員只要填寫公司嘅結婚證書,詳細列明佢同嗰位結婚對象嘅相遇過程、求婚內容等等,審批之後就可以每個月得到額外5000円嘅津貼。而喺嗰位動漫人物嘅生日當日仲可以有多一日有薪假!對象不限性別同埋種類,即係男男、女女或者同非人類都可以結婚,不過就規定只可以有一位對象,而且公司承諾會對資料保密!

Read more ›
【起義】偷影公司CEO瞓晏覺 員工瘋狂改圖大無畏

【起義】偷影公司CEO瞓晏覺 員工瘋狂改圖大無畏

返工偷懶最怕俾腦細見到,咁如果腦細自己偷懶呢?外國呢班員工好大膽,偷影CEO Zeev Farbman喺公司瞓覺嘅偷懶相,仲瘋狂改圖,例如變成唧出嚟嘅牙膏、里安納度嘅金像獎獎座、舞蹈家、阿拉丁神燈等,玩到好盡。不過佢哋間公司係係出P圖手機App嘅「Enlight」,今次間接宣傳埋個app,腦細無得嬲不特止,分分鐘仲要獎佢bonus添呀。

Read more ›

【無薪員工】車房狗狗變工具犬   訂造工衣裝架生

【無薪員工】車房狗狗變工具犬 訂造工衣裝架生

香港都有好多車房狗,成日走嚟走去出街玩,不過呢隻車房狗狗就好忙無得出去玩,因為佢要幫手整車!做車房嘅主人幫佢度身訂造咗件工衣,上面袋住唔同嘅整車工具,而佢就梗係要隨傳隨到嘞。輯相首先係俄羅斯網上瘋傳,有人估計佢係俄羅斯車房嘅狗狗,估唔到戰爭民族唔止啲人勁,連動物都咁有戰鬥力。另外有網民擔心佢哋會唔會太辛苦,睇相似乎袋住嘅工具唔算重,不過無得出去玩要全日開工,的確有啲慘。

Read more ›
【阿寶又出動】有片   快餐店員工用麵包抹地   官方:「無賣比客人。」

【阿寶又出動】有片 快餐店員工用麵包抹地 官方:「無賣比客人。」

呢類新聞間中就會出現,今次中招嘅係美國嘅漢堡連鎖店Checkers,有片影到一位女店員將塊麵包掟落地,再捽幾捽,然後執返嚟繼續整漢堡。條片放上YouTube後已經過百萬點擊,網民好震驚,餐廳就即刻公開道歉而且炒咗嗰位員工,仲話嗰個「加料漢堡」無賣比客人,不過呢點好難令人相信,網民都話呢位犯人嘅手法好純熟,應該唔係第一次咁做,我睇完好想嘔。講真,出街食嘢好危險,眼不見為淨啦。

Read more ›
迪士尼聘請貓員工   200隻流狼貓有飯開

迪士尼聘請貓員工 200隻流狼貓有飯開

呢單唔係新料,不過近日好多網站講開又炒起返件事,好想同大家分享吓。話說美國迪士尼除咗有米老鼠,仲有真老鼠,咁啱得咁蹺,嗰度亦越嚟越多流浪貓,高鋒期達到200隻。樂園好有人情味無趕走班貓大哥,仲喺5個秘密地點開咗檔貓員工餐廳,定時定候放飯,又同佢哋做身體檢查同絕育,最正係Instagram開埋個disneylandcats嘅帳戶,鼓勵參觀迪士尼嘅人可以影吓貓蹤開心share,人同貓都開心,好聰明。

Read more ›
生活變遊戲《Elder Scrolls》    未爆機無得GameOver

生活變遊戲《Elder Scrolls》 未爆機無得GameOver

如果人生係一場遊戲,星期一返工嘅感覺會唔會好啲?外國網站BuzzFeed嘅員工Adam Ellis將自己嘅生活輯錄變成遊戲畫面,仲用咗遊戲《Elder Scrolls – Skyrim: Far Horizons》嘅音樂,畫面都同隻game幾分相似。一朝早佢遲咗起身返工,第一個任務就係要即時彈起身,途中買杯咖啡邊行邊飲,充飢兼可以增加20嘅體力值,其他任務包括幫女上司買嘢食,同屋企隻貓大哥R耳仔。每日嘅活動變成任務之後,似乎樂趣無窮。不過生活呢場遊戲一日未爆機都無得GameOver,係囉,人生就係不停挑戰,吓吓咁易放棄邊好玩o架!

Read more ›
前蘋果員工真名SAM SUNG    名牌eBay叫價60萬

前蘋果員工真名SAM SUNG 名牌eBay叫價60萬

舊公司嘅制服或者咭片儲嚟都無用,除非你係蘋果APPLE員工啦。呢位叫Sam Sung嘅男員工,最近將佢嘅舊公司員工T恤、名牌同埋咭片放上eBay拍賣,而家已經bid到美金80200,即係港幣62萬!嘩!有無咁誇張?估計原因係佢個真名叫Sam Sung,似足三叔SAMSUNG,佢仲話張咭無皺無花(無假)!今次拍賣所得收益會捐去The Children’s Wish Foundation呢個慈善團體,BTW,佢下次可以去埋LG、SONY、HTC打工,或者返大陸搵小米。

Read more ›

富士康的日與夜      職員放工後生活相集

富士康的日與夜 職員放工後生活相集

iPhone 6有傳9月開賣,最近有報導話富士康買咗1萬部機械人加緊生產,大家除咗關心部機,仲可以關心埋富士康嘅員工。法國攝影師Gilles Sabrié拍攝咗一輯「After hours life at Apple City」,紀錄低一班員工放工後嘅生活,呢班年青人嘅生活都幾苦悶,因為大家都困喺呢座小城鎮入面,有人放工喺工地自己開餐、有人去溜冰、有人睇跳舞show自己隊啤、有人匿喺房聽歌玩電話,細細過就要經歷搵食艱難嘅現實,唔容易。

Read more ›