Post Tagged with: "哈比人"

【有水有WiFi】有片 現代人自建山洞屋 似足哈比人間屋
by / on 20/01/2016 at 7:16 am

【有水有WiFi】有片 現代人自建山洞屋 似足哈比人間屋

作為都市人,間中都想去郊外放鬆吓,住喺外國嘅Angelo Mastropietro更加徹底,索性搬埋去山洞住,不過喺高科技靚裝飾嘅新出洞。呢間位於英國伍斯特郡Wyre Forest嘅山洞屋,最近好多外國媒體報導,本來喺獵頭公司工作嘅Angelo今年38歲,因為幾年前患病令佢決心過返啲健康嘅生活,最終佢用咗英鎊16萬(大約港幣170萬)加1000小時加工完成咗呢間好特別嘅山洞屋,入面好高科技,有水有地下暖氣仲有WiFi。不過,有得上網好難過健康生活喎大佬。

Read more ›

超大製作 55,000粒LEGO 砌5呎高《哈比人》「Lonely Mountain」
by / on 10/04/2015 at 9:19 pm

超大製作 55,000粒LEGO 砌5呎高《哈比人》「Lonely Mountain」

灰色LEGO有咩用?用嚟砌呢座《哈比人》入面嘅「The Lonely Mountain」Erebor就啱喇。LEGO builder Michał Kaźmierczak佢用咗55,000件LEGO、7個月時間,製作咗呢個場景,5呎高嘅城牆,剩係門口隻石像都重13磅呀!不過,我都係覺得之前個聖盔谷勁啲。

Read more ›
其實好似    古怪人樣喵星人     勁似《哈比人》啡袍法師
by / on 18/01/2015 at 1:44 pm

其實好似 古怪人樣喵星人 勁似《哈比人》啡袍法師

呢隻貓個樣好神奇,睇真啲有啲似人,張相放咗喺Reddit之後,好多外國網友爭相評論。有人話佢似《哈比人》入面嘅啡袍法師Radagast,因為啲下垂嘅貓鬚同埋又圓又大嘅鼻哥;又有人話佢似音樂劇《CATS》嘅Mr. Mistoffelees,暫時佢嘅身份同國籍都係不詳,因為張相嘅源頭用嘅文字,google翻譯都認唔倒,成件事好離奇,唔通佢係喵星人?

Read more ›
新片速報    超精緻哈比人貓屋    魔眼貓抓板喵星人大愛
by / on 18/12/2014 at 7:19 am

新片速報 超精緻哈比人貓屋 魔眼貓抓板喵星人大愛

《哈比人:五軍之戰》噚日香港正式上映,外國有人居然整咗間哈比人貓屋同埋Tower of Sauron貓抓板比魔戒fans,唔係一般hea製作,而係由專門整道具嘅Tim Baker同佢嘅團隊合力完成,再喺節目《Super-Fans Builds》入面送比貓奴嘅魔戒fans。睇見貓抓板上隻索倫之眼比喵星人狂抓,一世英明,比佢搞到一面口水!

Read more ›
GameoverHK請你睇 12月11日《哈比人:五軍之戰》優先場
by / on 04/12/2014 at 11:08 am

GameoverHK請你睇 12月11日《哈比人:五軍之戰》優先場

免費睇當然吸引,但對真心fans嚟講,有得早成個星期先睹為快先係最正之處!由《魔戒》開始,15年嘅中土旅程正式告終,12月17日香港正式上映嘅《哈比人:五軍之戰》,GameoverHK讀者有機會率先喺12月11日去IMAX睇到。20張飛,10個名額,老規矩,入嚟答問題就有機會得到!

Read more ›
限量1000件 《哈比人》矮人皇帝雕像 精靈寶鑽好燦眼
by / on 01/12/2014 at 7:10 am

限量1000件 《哈比人》矮人皇帝雕像 精靈寶鑽好燦眼

《哈比人:五軍之戰》要等到12月17日先有得睇,係時候翻睇第一集做定功課。第一集最搶眼除咗我最鐘意嘅咕嚕,仲有火龍同埋矮人族爭餐死嘅精靈寶鑽,最近Weta Workshop宣佈推出呢粒寶鑽,連埋矮人族皇帝Thror雕像同埋張皇椅,全球限量1000座,開價美金299,即係港幣2300左右,近睇皇帝Thror嘅面相幾精緻,但係啲鬍鬚就好假,最搶眼都係粒寶鑽,勁閃,唔知真嘅有無咁燦眼?

Read more ›

新片速報 《哈比人:五軍之戰》中文字幕特輯 極速回顧前5套
by / on 28/11/2014 at 2:37 pm

新片速報 《哈比人:五軍之戰》中文字幕特輯 極速回顧前5套

我啱啱完成咗兩集《哈比人》加長版重溫,之後呢幾個星期就會睇埋3集《魔戒》,啱啱好12月17日入場睇《哈比人:五軍之戰(The Hobbit: The Battle Of The Five Armies)》。如果你冇我咁多時間,呢條中文字幕電影特輯「中土傳奇」就幫你喺三兩分鐘間搵番晒所有回憶,得喇,12月17日你可以直接入場喇。BTW,我哋將會有優先場門票送俾大家,請留意。

Read more ›
有片  甘道夫客串MV唱歌跳舞     奇招博搶鏡
by / on 11/11/2014 at 7:03 am

有片 甘道夫客串MV唱歌跳舞 奇招博搶鏡

大家都知喺《魔戒》入面演甘道夫嘅Ian McKellen好玩得,之前走咗去嚇啲考生,同佢哋講:「You shall not pass!」,最近佢又貪玩走去客串英國歌手George Ezra新歌《Listen to the Man》嘅MV,今次佢嘅角色好挑皮,經常搶男主角鏡,當正自己係主角,仲扮開金唱歌跳舞,加埋條姣姣哋嘅粉紅袋巾,搶晒George Ezra鏡!其實主唱兼作曲嘅George Ezra係英國歌手,出名之餘啲MV都好受歡迎,佢最特別係把滄桑聲,同佢個樣完全唔夾,難怪搵Ian McKellen咪嘴都無違和感啦。

Read more ›
新片速報《哈比人 五軍之戰》最新預告 最期待的千軍萬馬
by / on 07/11/2014 at 10:40 am

新片速報《哈比人 五軍之戰》最新預告 最期待的千軍萬馬

香港12月18日上映,講真,始終《哈比人》得一本書,所以相比《魔戒》,唔算太精彩緊湊,但作為系列作嘅壓軸一集,實在又有啲期待又有啲唔捨得,喂不如拍埋《精靈寶鑽》啦?官方一早宣佈噚晚《哈比人:五軍之戰(The Hobbit: The Battle of the Five Armies)》會有新預告片登場,果然好多精彩場面,唔再一味行行行,而我最期待嘅千軍萬馬大戰片段都有喇!

Read more ›
新片速報 72秒睇晒 LEGO版《The Hobbit》3部曲
by / on 29/10/2014 at 2:29 pm

新片速報 72秒睇晒 LEGO版《The Hobbit》3部曲

利申先,我係《魔戒》fans,雖然覺得《哈比人》冇咁正,但都忍唔住要翻睇,不過,自從Simpson寸過佢不停行不停行不停行之後,睇親佢不停遠征我都忍唔住笑……好喇,呢個「Brotherhood Workshop」又玩嘢,呢條片「LEGO The Hobbit in 72 Seconds」,用72秒就講完3集哈比人個故仔。不過如果你冇睇書,只係等緊第3集,咁你睇到48秒好停喇,因為之後就係第3集劇情。

Read more ›
新片速報   《哈比人》再拍紐西蘭航空    佛羅多驚喜客串
by / on 24/10/2014 at 7:19 am

新片速報 《哈比人》再拍紐西蘭航空 佛羅多驚喜客串

紐西蘭航空,之前已經玩過兩次魔戒哈比人,嚟緊電影第三集就嚟上,係時候再拍返條新片。今次繼續拍飛行安全短片,不過陣容就超強勁,有飾演魔戒男主角佛羅多·巴金斯嘅Elijah Jordan Wood、演員Sylvester McCoy同埋導演Peter Jackson客串。空姐變女精靈教大家扣安全帶,半獸人教戴氧氣罩,緊急跳機嘅乘客可以臨危戴魔戒‥‥‥拍得有心機又食正哈比人橋段,好正。BTW,飾演甘道夫嗰位後生似乎流咗啲,好難唔笑。

Read more ›

12月18日香港上映 《哈比人:五軍之戰》新系列海報五軍現身
by / on 11/10/2014 at 12:13 pm

12月18日香港上映 《哈比人:五軍之戰》新系列海報五軍現身

《哈比人》三部曲最後一套,香港喺12月18日就上映,名為《The Hobbit: The Battle of the Five Armies》五軍之戰,屠龍最後一擊!老老實實,我噚晚又翻睇第1集,諗住下星期睇埋第2集,之後又展開3集魔戒旅程……到12月應該啱啱好入場,同埋話時話,新出嗰隻Middle Earth遊戲幾正,有興趣可以一玩。官方之前接受投票整咗5張系列海報,啱啱最後一款巴德都出埋喇!

Read more ›
神級LEGO哈比人15成員    兩年時間砌成
by / on 09/09/2014 at 11:16 am

神級LEGO哈比人15成員 兩年時間砌成

哈比人第3集12月先上,早過《多啦A夢》,但都等到我頸都長埋。網上見倒有位叫Pate-keetongu嘅網友,用咗兩年時間砌成LEGO嘅哈比人同埋矮人,仲有我最鍾意嘅甘道夫!總共有15個角色,每個都砌得好detail,例如业道夫有權杖仲有支煙斗,Gloin仲有雞肶食,正!

Read more ›
新片速報 《哈比人 – 五軍之戰》2分鐘正式預告
by / on 29/07/2014 at 10:41 am

新片速報 《哈比人 – 五軍之戰》2分鐘正式預告

今年12月18日,又有哈比人,睇到呢度,我又有少少睇魔戒3前嘅不捨感覺。噚日出咗預告嘅預告,今日終於有兩分鐘正式預告,《哈比人3: 五軍大戰(The Hobbit: The Battle of the Five Armies)》之後,會唔會拍埋《精靈寶鑽》呢?

Read more ›
新片速報 《哈比人 – 五軍之戰》預告聽日有預告
by / on 28/07/2014 at 1:24 pm

新片速報 《哈比人 – 五軍之戰》預告聽日有預告

又嚟預告嘅預告影片,但我又真係睇,又真心覺得幾好睇添。十幾秒貨仔,睇到今集《哈比人3: 五軍大戰(The Hobbit: The Battle of the Five Armies)》終於有大量千軍萬馬場面,魔戒Feel回歸,又係時候翻煲番頭兩集,上映前再嚟全系列溫習一次!電影香港12月18日上映。

Read more ›