fbpx

Post Tagged with: "哈佬喂"

萬聖節BANDAI吸血王   搶錢三連發
by / on 08/10/2013 at 7:23 am

萬聖節BANDAI吸血王 搶錢三連發

萬聖節真係搵錢良機,明明大家無諗住慶祝,但就有大量精品推出引你課金。好似吸血王BANDAI,今年一次過出夠三款萬聖節扭蛋,有《怪獸大學》我唔怪佢,因為本身大家都係玩鬼鬼怪怪都算match,但係《One Piece》真係有啲牽強,路飛係咁意戴個南瓜頭出嚟就想氹我駛錢?仲未講完,呢隻咩嚟o架?蘑菇人方吉都有份?唔係啩?搶錢呀!救命呀!

Read more ›

《反斗奇兵》萬聖節搵真銀    胡迪骷髏造型好鬼slim
by / on 07/10/2013 at 7:11 am

《反斗奇兵》萬聖節搵真銀 胡迪骷髏造型好鬼slim

羅蘭姐日日提住我要慶祝哈佬喂,另一邊《反斗奇兵TRICK-OR-TOYS!》嘅抽獎活動今年都再接再勵,一班主角繼續用萬聖節造型吸水,胡迪換咗一身骷髏骨裝突顯model身形,巴斯光年太空頭罩變咗南瓜臉,好應節。另外仲有三眼仔、Jessie 等大量角色,由模型到貼紙到毛巾乜都有,日本每600円可以抽一次,香港玩具舖相信好快都有得賣。

Read more ›
新片速報   Simpsons哈佬喂短片   7百萬點擊熱爆
by / on 06/10/2013 at 11:45 am

新片速報 Simpsons哈佬喂短片 7百萬點擊熱爆

哈佬喂殺到嚟,美國動畫The Simpsons啱啱都出咗一集哈佬喂特別版動畫,短短4日YouTube已經超過7百萬點擊,好威威。今次䛏真大製作,除咗成個城鎮嘅人都變晒鬼怪,Simpsons一家五口仲慘遭不幸,而且短短3分鐘嘅短片,加入咗好多經典恐怖電影嘅場面,總之都係Simpsons嗰種邊睇邊爆笑嘅類型,我見到有人扮電影《閃靈》,你又搵倒幾多?

Read more ›
《進擊之巨人》cosplay衫    一笠即cos超方便
by / on 04/09/2013 at 7:37 am

《進擊之巨人》cosplay衫 一笠即cos超方便

萬聖節係咪一定要扮鬼?其實我想扮《進擊之巨人》去海洋公園搵羅蘭多啲。呢款進搫超大型巨人cosplay服,一套包晒面罩、上身衫同埋長褲,一笠即著,勝在夠方便,質素當然唔好有高要求,美中不足係條褲唔夠貼身。價錢10500円,12月中有得賣,而家開始預訂。咦,12月,唔通要著嚟去聖誕party?有無女仔肯同我跳舞o架?

Read more ›
甩頭哈佬喂cosplay造型    網上DIY教你整
by / on 01/09/2013 at 6:15 pm

甩頭哈佬喂cosplay造型 網上DIY教你整

一見倒羅蘭姐,我就諗起哈囉喂就嚟到,既然海洋公園咁早宣傳,我都做好準備諗定今年扮乜鬼先!網上見倒呢個甩頭造型,可以將個頭裝作玻璃樽,加多幾滴血就perfect嘞!最正係有DIY教學,由材料以至製作過程都可以跟住整,原來係一個百厭媽咪幫個仔仔設計嘅Halloween造型,個樽原來係食完嘅芝士波膠樽,又幾環保喎!

Read more ›
喪屍影相apps 哈佬喂免費喪影
by / on 23/10/2012 at 3:21 pm

喪屍影相apps 哈佬喂免費喪影

打開app store啲影相apps多到嘔,基本上dl完玩兩玩又剷,所以唔係好得意嘅都唔浪費時間介紹比大家。呢個iEyeCamera最近有更新,最抵死係加咗4個Halloween效果,有黑色星期五男主角個面罩、南瓜頭,不過最正係多咗喪屍主題,塊面變綠兩眼發光,成班friend圍埋影好開心。除咗扮嘩鬼,個apps亦可以將你雙眼變外星人、通緝犯,而最勁嘅地方,係用咗即時預覽技術,可以擺到最chok先按掣,唔駛吓吓等影完之後加effect咁lo-tech。iPad、iPhone都用倒,而家做緊限時免費,快啲喪玩啦。

Read more ›

新片速報 羅蘭姐型爆哈佬喂
by / on 11/09/2012 at 9:40 am

新片速報 羅蘭姐型爆哈佬喂

雖然我唔知點解香港年青人偏向慶祝西人鬼節,而唔喺中國鬼節七月十四扮鬼扮馬出街玩;而呢條片亦都唔關動漫遊戲事,而且仲已經post咗三日,不過我都想為好似我咁唔多睇電視嘅人著想,推介吓呢條最新海洋公園哈佬喂廣告。有Wyman都過癮,我即時諗起佢套《五個嚇鬼的少年》扮驅魔人,最正係羅蘭黑超黑西裝現身,仲有個朵叫聖羅蘭,實在係型爆,唔睇就笨。

Read more ›