Tag: 周秀娜

有片:巨乳唔係大晒 歷史上的理想女人身形

審美眼光隨年代轉,依家有事業線者有事業,君不見大中小明星奀星暗星紙上明星嫩模老模,莫不拋胸露罅晒長腿以博見報?但你又無諗過,如果周秀娜生於意大利文藝復興年代,佢嘅魔鬼身材根本無男人會睇上眼?睇完呢條片,我先知原來喺古埃及,無膊頭嘅女人先係最靚;喺古希臘,女人生到成尊佛咁成叫索;喺漢朝呢,幼腰細腳大眼妹為絕色;喺意大利文藝復興時期仲爆,象腿配水桶腰加麒麟臂先多男人鍾意;喺英國維多利亞時期,男人似乎最睇重女人有無巨躉;踏入二十年代,瘦就係美;去到荷李活黃金時期,瑪莉連夢露就係天使魔鬼混合體嘞;六十年代又一個循環,男人鍾意番啲高瘦平女人;八十年代係超模年代,追求健康性感,上中下三段段段有之餘,仲要符合比例;九十年代,瘦到見骨先叫性感,真係難為了女人,食嘢彷彿係罪;去到今日嘞,唔使講喇,巨乳係基本要求,腳要長腰要幼,先為之「Ideal Body Type」。

Read more ›

有片:愛情小品 伊健娜姐《分手100次》

你可以話我MK,我認我係好鍾意鄭伊健嘅,亦覺得周秀娜性感而不令反感,我知你哋實話:「兩人年紀相差一大截,喺《分手100次》入面演情侶邊啱數呀?」唔係喎,但我覺得佢哋好匹配喎,吹咩?

Read more ›

有片:再抽十四巴港女水 觀音摑甩頭

睇喪Do男啲短片笑唔笑得出,見仁見智啦,但佢啲短片多數食正話題兼有靚女助陣,今次《潮文先黎麻之娘娘打爆3等兵》都唔例外,仲可以一次睇晒三個靚靚o靚模添,總算值得一睇嘅。

Read more ›

新片速報:三個八婆的花拳繡腿

《爆3俏嬌娃》,「3」既係數目字又同「衫」玩諧音,睇戲名都大概估到故事講乜,字幕再出「三個八婆一個墟、「未爆衫先興奮」,就直頭可以斷定係套以靚女波罅長腿掛帥嘅胡鬧喜劇。

Read more ›

新片速報:《爛滾夫鬥爛滾妻》周秀娜唔夠Iris出位

食髓知味,上年《爛賭夫鬥爛賭妻》刀仔鋸大樹收六百萬票房,今年王晶再接再勵拍多套《爛滾夫鬥爛滾妻》,飛起薛凱琪,換上周秀娜同Iris,淨係睇佢兩個鬥晒身材都抵。

Read more ›