fbpx

Tag: 周星馳

愛你一萬年 齊天大聖Figure

愛你一萬年 齊天大聖Figure

你我他都識背嘅經典對白:「如果上天能畀再嚟一次嘅機會,我會同嗰個女子說三個字:我愛你,如果非要喺這份愛上面加一個期限,我希望係一萬年。」出自《西遊記大結局之仙履奇緣》至尊寶之口,好浪漫呀。呢個Genesis Emen製作嘅1:6齊天大聖Figure,有齊月光寶盒、金剛箍、銅棍、鏡、地台等等配件,仲有兩個面相可換,頭雕似唔似周星馳呀?我覺得幾似。As a conclusion,我好想擁有。

Read more ›

女大十八變《長江7號》徐嬌旗袍Look

女大十八變《長江7號》徐嬌旗袍Look

時間過得好快,原來《長江7號》已經係12年前嘅電影,仲記唔記得反串飾演周星馳個仔嘅女主角徐嬌?女大十八變,亭亭玉立嘅佢最近喺微博上載咗輯旗袍相,樣子標緻,曲線玲瓏,甚有女人味。唔講,真係認唔出佢係戲中嘅頑皮男仔頭。

Read more ›
有片:超強手藝樹葉當畫紙 雕劉德華+周星馳+周杰倫

有片:超強手藝樹葉當畫紙 雕劉德華+周星馳+周杰倫

Wow,使唔使勁成咁,唔係甚麼hyper-realistic畫作,反而係用乾樹葉作畫紙,正確嚟講,唔係用筆畫,而係用刀雕。劉德華、周星馳、周杰倫、郭富城等明星,面相全部有九分似,高手高手高高手也。

Read more ›
網圖分享:高質《功夫》插畫 神還原火雲邪神

網圖分享:高質《功夫》插畫 神還原火雲邪神

斷估無人無睇過周星馳《功夫》,戲裡面個個角色都好有特色,令人留下深刻印象。北京自由插畫師「頑形」都好愛呢套電影,其創作嘅《功夫》Q版插畫好高質,我最鍾意畫梁小龍嗰一幅,好有神髓,神還原戲中火雲邪神造型;楊過同小龍女嗰一幅都正,一肥一瘦包租婆同包租公,肢體動作同表情都好出;反而阿星出刀老笠阿芳嗰一幅,就平凡咗啲。

Read more ›
有片:《新喜劇之王》首條預告片 周星馳向自己致敬之作?

有片:《新喜劇之王》首條預告片 周星馳向自己致敬之作?

周星馳《新喜劇之王》釋出預告片,片頭有周星馳本尊對住鏡頭大大聲話:「Cut!精神啲,臨時演員都係演員嚟嘅!」擺明係想勾起大家回憶。再睇埋落去,同樣有個講唔出名嘅女演員扮柏芝食煙回眸,同樣有田雞靠俾人踩腳演繹何謂「痛」嘅表情,同樣有疑似Sunny哥同霞姨嘅角色穿插,亦同樣有攤低求其化妝扮死屍一幕。用另一班演員拍舊戲?咁「新」喺邊呢?我覺得似致敬作多啲,但如果話周星馳拍番自己嘅戲向自己嘅戲致敬,又好似唔多講得通。查實,與其叫《新喜劇之王》,不如叫《喜劇之王2019》好過喇,片末寫住「大年初一,笑出眼淚」,嗯……希望笑得出喇,不過又咁講,始終係周星馳作品,如無意外我都會入戲院睇嘅。

Read more ›
《回魂夜》x《Mario》人偶 Leon捧食人花捉鬼

《回魂夜》x《Mario》人偶 Leon捧食人花捉鬼

好嘢喎又,咁都聯乘得到?《這個殺手不太冷》……吖,唔係,應該係《回魂夜》裡面嘅周星馳同莫文蔚至真,捉鬼大師Leon變身Mario,手捧住嘅鬼魂探測器,變成遊戲裡面嘅食人花,用色似,而最搶眼一定係阿莫文蔚個金毛髮型。呢個屬「Fools Paradise」搪膠人偶系列之一,開價268美金,限量398個,家陣正式開訂。

Read more ›

周星馳《功夫》角色變Q版公仔 一套八個

周星馳《功夫》角色變Q版公仔 一套八個

周星馳《功夫》相信大家都睇過,所以好應該一眼就認得出呢堆Figure係參照緊邊個角色而做。八個角色當中,我覺得斧頭哥同牙擦珍做得最神似,反而主角星星造型一般咗啲,要揀我唔會揀呢個。每個6.6吋高賣31美金,圍番即係兩舊零港紙,唔過份,星爺迷可以考慮吓。

Read more ›
【戴番個箍】個樣似喎!《西遊記》周星馳版至尊寶出1/6 Figure

【戴番個箍】個樣似喎!《西遊記》周星馳版至尊寶出1/6 Figure

雖然係中國出品,不過今次似乎係攞正版權。品牌IN FLAMES,係從西影集團授權嘅,乜西影呀?據講周星馳嘅《西遊記》,即係大陸叫《大話西遊》本來版權係周星馳嘅「星彩電影公司」嘅,不過上映之後就將中國地區版權賣咗俾西影集團,就係咁喇。講番呢個至尊寶齊天大聖孫悟空,會喺2018年第2至第3季發售,但其實如果你唔出埋羅家英版唐三藏,成件事好唔完整,係,o依家我愛,我愛所以我出咗聲,不如整埋啦。嗱,入嚟有得重溫呀吓。

Read more ›
【有片】日本小學生識唔識?網民出日文配音《少林足球》片段熱傳

【有片】日本小學生識唔識?網民出日文配音《少林足球》片段熱傳

周星馳喺日本都好多fans,《少林足球》應該更加合佢哋胃口,離當年上映原來已經15年喇(香港2001年上映,日本2002年6月先上),有日本網民就出咗兩段片段,一睇,原來係日文配音版喎!唔知當年未出世嘅日本小學生們有冇睇過?不過呢段片就有兩萬幾個RT!睇嚟佢哋都同我哋一樣好懷念。但講開又講,佢哋又會唔會記得嗰陣好多人話《西遊.降魔篇》最尾嗰幕係抄襲遊戲《阿修羅之怒》呢?

Read more ›
日本網民自製「死魚眼鏡」   街市即買新鮮製造

日本網民自製「死魚眼鏡」 街市即買新鮮製造

呢副死魚眼鏡核突得嚟又好正,有日本網民喺超市買咗條魚,再自製咗呢副眼鏡。老實講,副眼鏡嘅實用性近乎零,不過戴起佢再戴埋頂黑色冷帽,喂!點解咁似《這個殺手不太冷》嘅Leon嘅?或者係《回魂夜》嘅星爺都得。

Read more ›
有片:當新戲上?《家有喜事》修復加長版好難撐得落

有片:當新戲上?《家有喜事》修復加長版好難撐得落

有無搞錯,真係咁唔重視香港市場咩?唔重視都唔緊要,今年無賀歲片睇咪最多唔睇囉,但唔好加五粒字「修復加長版」就當新戲上先得架。《家有喜事》我諗無人唔Like,甚麼「香港電影史上最搞笑喜劇」、「百聽不厭嘅經典對白」,我諗大部份人都同意,但加多段「槍戰救老婆」情節就打算屈人一百幾十?天真嬌啲啩?吖,剛剛醒起,呢套戲仲要好似係「低志森」出品,呢兜友,唉,大家明架喇,入場意欲,Sorry,真係無乜,都係喺YouTube睇預告片當睇咗算咯。

Read more ›

有片:周星馳《美人魚》預告片!無林允睇想點?

有片:周星馳《美人魚》預告片!無林允睇想點?

周星馳套《美人魚》剛剛釋出首條預告片,睇完……死喇,點解笑唔出嘅?我不嬲笑點低,平時乜都笑得一餐喎,點解呢?上網睇資料,此片由鄧超、張雨綺、羅志祥同林允擔綱演出,並謂「《美人魚》講述了在海上航行的一艘船,突然不幸遇劫,美人魚挺身而出,船上的一名英俊青年人對她一見鍾情,並由此譜寫出一段驚心動魄的人魚戀曲故事。」云云,死喇,唔通唔係笑片?喂,就算唔係笑片,都唔該喺預告片出番幾個美人魚Shot吖,林允飾演美人魚,有樣有身材,我真心想睇喎,家陣俾條麻甩肥佬版美人魚我睇,想點先?

Read more ›
新片速報:魯芬 x Ms.Hunny醬爆貢丸版《食神》

新片速報:魯芬 x Ms.Hunny醬爆貢丸版《食神》

話惡搞得,話明抄橋得,話向星爺《食神》致敬都得,呢個極品系列台灣醬爆貢丸宣傳廣告,睇得出係好有心機拍嘅,由魯芬頂替兆基,Ms.Hunny頂替莫文蔚,將《食神》摸黑講數「溝埋做瀨尿牛丸吖笨」一幕,變成「溝埋嚟做醬爆貢丸吖笨」,有啖笑之餘,唔知大家又認唔認同阿Ms.Hunny,有幾分似《喜劇之王》裡面嘅張柏芝?個人認為,係OK啱睇嘅。

Read more ›
超勁!鳥山明畫日版海報 強撐周星馳《西遊.降魔篇》

超勁!鳥山明畫日版海報 強撐周星馳《西遊.降魔篇》

香港電視啲電影台都播到爛,但係日本就11月先有得睇。周星馳套《西遊.降魔篇》有悟空,咁日本邊位大師最熟悟空,梗係《龍珠》嘅鳥山明!之前已經公開寫咗篇影評狂讚話係銀河系最強娛樂片,原來仲有合作,就係佢幫呢套戲畫咗張日版嘅海報!BTW,唔知佢知唔知電影尾段一幕,嗰陣俾日本人狂話抄遊戲《阿修羅之怒》呢?

Read more ›
新片速報:《西遊‧降魔篇》日本版預告片 星爺肉緊宣傳

新片速報:《西遊‧降魔篇》日本版預告片 星爺肉緊宣傳

全球最賣座華語電影《西遊‧降魔篇》,周星馳無份演,卻身兼總製片、監製、編劇同導演幾職於一身,嚟緊11月會喺日本上映,星爺拍埋預告片親身宣傳,異常肉緊。

Read more ›